喜惶點心專門店 (已改名) 查看

我和男友是喜歡吃點心的，晚上要吃，當然是找街上的小店。旺角這家喜惶很旺場，我們等了一陣子才能進去呢！店主的家族都是以牛肉事業維生，"我們四代也是被牛養大的"，絕對是牛肉世家！點心選擇，當然有一系列牛肉類點心！其他的選擇也不少。天氣熱，喝個豆漿又降溫又健康。乾蒸牛肉燒賣皇是其中一款主打牛肉點心。它是用本地新鮮牛肉製造，選取牛大腿肉，每日人手打足兩小時而成，功夫相當考究。打成的牛肉爽口彈牙中帶嫩滑，牛味濃郁多汁，料量足。這款造型特別的是燒汁牛肉蝴蝶餅，像吃片皮鴨般，把牛肉餅和青瓜片夾到包內吃。醬汁真的有北京烤鴨的味道！至於牛肉餅，是混合了牛肉和鯪魚打到起膠而成，所以相當彈牙，配合濃香醬汁，味道和口感都很豐富。芝士牛肉黃金包是晚市的主推，包即叫即焗20分鐘，上菜時就是三個大大的黃金球，賣相搶眼。餡料選取刁鑽的牛大腿內側的肉，肉質更為嫩滑香濃。加上全溶的奶滑芝士，配以外層酥脆香甜，內裡柔軟的墨西哥包，味道和質感都是最高的享受！不夠飽的男友點了豉汁鳳爪排骨飯，大大鍋只需30元，肉和飯的量都多，排骨肉軟帶甜，加上豉油更好吃！這裡還有好幾款牛肉點心，如粟米煎牛餅等，在今天未有肚容量去試，要再來吃呢！

成日都想早起去飲茶食下點心，不過就成日都早起唔到，咁就唯有夜晚去食點心啦，今日去開旺角就search下附近有無點心食啦，咁就比我search到呢間就去試下。第一道黎既點心係原隻鮮蝦滑腸粉，腸粉既質感真係非常滑，新鮮既鮮蝦配埋翠肉瓜，真係健康又好食。呢一道係牛肉點心世家推介嘅其中一道點心，叫燒汁牛肉蝴蝶餅。果然無推介錯，蝴蝶餅軟綿綿冇咩味但夾住濃郁嘅燒汁牛肉一齊食會覺得非常之夾，而且個汁好惹味，牛肉又鮮嫩，一個字正！個人覺得係必嗌既點心。然後到醬皇金錢肚，個醬汁整得好入味亦都好惹味，金錢肚唔會"韌"，真係唔係間間點心鋪都可以整得好食，而且份量亦都偏多。至於名醬蒸美國鳳爪既醬汁都好出色，同樣入味，鳳爪既肉都淋，有咬口，而且份量都幾多。由於朋友好鍾意食魚肚、滑雞，所以魚肚四寶滑雞扎同蟲草花魚肚雞都有叫，兩個魚肚同滑雞既味道基本上係差唔多，只係後者會多左啲蟲草味，而佢啲魚肚非常大片同新鮮爽口，滑雞又大舊又滑，而佢呢度個雞扎其中既材料係蟹柳，好岩唔食芋頭嘅人。尾二上既點心係鮮肉灌湯小籠包，個人認為如果可以多啲湯汁就更好，味道都ok可接受，皮算薄肉都鮮，係個湯汁爭少少。最後壓軸登場嘅係芝士牛肉黃金

旺角通菜街除了有不少攤販，其實也是覓食的好地方。就像這間「喜惶點心專門店」- 二十世紀初祖業已經在廣東做肉檔售賣牛肉，製作點心的都用上新鮮牛肉。而且價位相宜，茶芥每位$4，全單又有9折，怪不得在這個時勢下店子還是坐得滿滿的。點心款式多，令人三心二意。《是日老火湯(大) $10》青紅蘿蔔豬骨 - 大碗足料，清甜冇味精，夠二人同享。《乾蒸牛肉燒賣王 $29》牛肉果然新鮮，肉味鮮甜，口感又實在，輕蘸醬汁就已經夠美味。《竹炭熔岩流奶黃包 $24》包感軟熟，輕輕咬開已見內裡的熔岩流奶黃流出，甜度還好，包表上的金粉更是老闆以蔬菜提煉的。《蜜汁叉燒腸粉 $25》叉燒份量都多，大碟抵吃。《柴魚花生豬骨粥 $19》粥底很綿不會水水的，用料又十足，當中的柴魚和花生都很多，豬骨的肉又煲至軟腍，比一般的粥店還高水準，性價比高。《芥末沙汁三文魚春卷 $29》春卷超級酥脆，配上三文魚和芥末沙律醬，脆口又惹味。《蜜瓜炸鮮奶 $26》少見的甜品點心，蜜瓜奶炸得外脆香口，內裡就熱烘香滑。《鮮肉灌湯小籠包 $29》這裡連蜜瓜也有。包皮尚算可以，湯不多但肉餡大粒鮮甜。《魚肚四寶滑雞扎 $29》滑雞扎非常飽滿，每件裡面都有兩

今時今日，食點心唔再係件老土嘅事，唔少年青人都會選擇去點心專門店同朋友gathering，聚舊一番。今次我都同朋友一齊去咗旺角嘅「喜惶點心專門店」，孤陋寡聞嘅我，其實之前冇聽過呢間餐廳，但原來佢係牛肉世家，靠牛肉養大四代人！正因為咁，我哋就試咗兩款以牛肉為主嘅菜式，兩款都出奇地好食㗎🤩 第一款係燒汁牛肉蝴蝶餅，食法係用餅皮包住塊肉嚟食，但我食晒啲餅皮，都仲有牛肉淨🤣 可想而知啲牛肉係幾咁足料👍🏻第二款係芝士牛肉黃金包，外表有啲似菠蘿包，咬落質感都好似🤤 甜甜地、脆脆地，淨係個面已經好好食喇！我哋仲試咗芥末沙汁三文魚春卷、蜜汁叉燒腸粉同紫薯南瓜小丸子，整體食物嘅質素都好好，但始終都係兩款牛肉菜式更令人一試難忘，大家有機會去嘅話，一定要試嗰兩款牛肉菜式呀！

一直都好羨慕有d人逢星期日family day一齊出去飲茶。好彩點心店越黎越多，啱曬我呢d人少少又想平日夜晚食點心既人👍餐廳係旺角通菜街，位置俾檔口遮住，唔係我咁眼利都見唔到😂大大個招牌寫住牛肉世家，梗係要試下signature啦😆陳皮山竹牛肉球牛肉球好彈牙👍👍🐂3粒大大粒，加上葱粒，底下既腐皮，仲有啖啖陳皮味好正。乾蒸牛肉燒賣皇魚肉燒賣就食得多，用牛肉黎做比較少見。牛肉製的燒賣同樣出色，面頭有少少蝦籽。粟米煎牛餅每一碟牛肉都有唧汁😂每塊煎牛餅都有粒粒甜粟米，加左粟米味道同口感都更加豐富😋蟲草花魚肚雞最鍾意食魚肚，吸收曬汁既魚肚咬落好juicy又lum👍雞件大舊又滑。古綿馬拉糕馬拉糕軟熟，不過放得太耐會變乾，所以大家要趁熱食呀大碗老火湯咁大碗老火湯都只不過係$10咋！真係好抵👍平時我想飲湯去開鴻福堂買，一包都已經三四十蚊，好肉赤😣唔好睇佢咁平以為用料下乘，因爲有幾多湯料，而且冇落味精，飲完唔會口渴。魷魚味仲非常之出眾，真正的老火湯👍芒果布甸原本想試下綠茶桂花糕，不過都係叫左common既芒果布甸😂芒果味濃郁，布甸滑溜，仲有粒粒果肉🥭

以前食點心要下就係酒樓先有得食，依家好多點心專門店，無論下午茶定晚市，只要你想，就有得去食😍喜惶既點心有好多款選擇，蒸點炸物腸粉類，蒸飯同粥品都有！一坐底就會有店員提供鐵觀音同普洱比客人選擇～又會keep住加熱水！竹炭熔岩流沙奶黃不包 ($24/3個)魚肚四寶滑雞扎 ($29/2件)原隻鮮蝦滑腸粉 ($28)晶瑩蒸蝦餃 ($32)蟹肉菜苗燒賣 ($29)依幾款都係我地推薦既點心！流沙包鬆軟，奶黃味看濃吾會好油，熱辣辣又流心，好正😝雞扎入面有魚肚，雞柳，腐皮，蟹柳，但原來無芋頭架😭雞柳肉質嫩滑，吾會有雪味，整體都不錯👍🏻腸粉皮吾算好薄但都算滑既～最緊要鮮蝦足料，而且新鮮，爽口彈牙，配上翠玉瓜而是芫茜呀🤣蝦餃燒賣同平時食既都差吾多，唯一係燒賣上真係有蟹肉絲，多左一份鮮味😍有一個係我地最失望既，就係金錢肚🙈🤫醬汁好味好香，但係金錢肚好硬，完全咬吾到⋯⋯最後點心店都有甜品嗌，例如小丸子，芒果布甸同桂花糕！

朋友說早幾天跟新同事去力寶軒吃迎新飯，不過它的炒粉麵飯不及今晚喜惶點心專門店好吃，而且這裡點心性價比高，兩個人所吃的價錢等於一個人在力寶軒的價錢，用料又夠新鮮，所以別看小點心小店的實力。竹炭熔岩流奶黃包黑漆漆的外皮抹上一抹奪目的金漆，格外耀眼，然後輕輕一撕奶黃包，包皮很鬆很軟，中間的奶黃瞬間大爆發，流出濃濃的蛋黃香，沙沙甜甜的口感非常討喜。在等候朋友的時候，我細閱了店外的介紹，原來喜惶是牛肉世家，本身有做牛肉批發的業務，我想這裡的牛肉點心會有一定水準，故點了不少相關的牛肉點心。香滑免治牛肉腸粉皮十級滑溜，腸粉內的免治牛肉超鮮嫩，牛味濃厚，頗有彈性。粟米牛肉餅煎至金黃色的外皮，表面咬起來酥脆，由於牛肉餅剛煎好熱騰騰的，吃時要注意它的熱力，建議一小口一小口品嚐。牛肉本身鮮美無比，亦富彈勁，加上清甜的粟米加持，可謂錦上添花。蟹肉菜苗燒賣蟹味豐沛，一吃進口裡，幸福滋味隨之而來。燒賣本體扎實，搭配菜苗，蟹肉味道更鮮明，還有些許肉汁溢出，超級讚。外層黃澄澄的蜜瓜炸鮮奶相當彭湃，要趁熱吃，不過小心燙口。炸鮮奶裡裡淡淡的蜜瓜香，甜而不膩，香脆中帶軟綿，是一道可口的甜點。芥末沙汁三文魚春卷口味新穎獨特，

唔使講都知今日梗係女友放假啦，唔係點會出旺角食飯呢😆收工喺旺角整完少少野，就搵到喺女人街依間喜惶飲茶，糸Openrice見到啲食評寫啲點心以鮮牛肉為主，所以帶女友依位牛魔女王去試吓🤭兩頁餐牌，點心應有盡有，當然點返幾款特色點心啦⋯⋯😍例湯絕對冇味精，一飲就會知道係自然嘅鮮味，唔信嘅話，飲一啖就知😋竹炭熔岩奶黃流沙包，食嗰時真係要小心，隨時辣親咀，奶黃流心唔太甜，竹炭包皮咬落去係比普通包皮偏實少少，即係話可能無用膨脹劑，比較健康😍炸兩同出面粥舖嘅炸兩係唔同，中間油炸鬼炸到好脆，咬嗰陣時要慢慢咬，因為中間非常脆好容易吉親咀😂蟲草花魚肚雞，啲雞非常滑，魚肚索晒啲雞汁非常野味👍🏻👍🏻鮮肉小籠包，肉汁非常多🤩鳳爪醬汁非常濃郁，基本上我食咗大半碟😂主角就係芝士牛肉黃金包，老闆親自同我講，個包係用牛嘅大髀罅肉去做餡，因為老闆屋企人係做牛肉批發，所以先可以拎到咁特別嘅部份去做依個黃金包，唔怪得啲牛肉勁彈牙啦😍😋紫薯南瓜小丸子，絕對冇油膩嘅感覺，外脆內軟，最緊要係唔太甜👏🏻👏🏻食埋個芒果布甸，圓滿的一餐😁

過去數年，目睹添__的墮落，不禁令人惋惜。尋尋覓覓，終於找到接班人，而且更富特色開在女人街的內街，在芸芸食店中，這間店毫不起眼，賣點是自家制牛肉點心。食物：芝士牛肉黃金包$48體積頗大，內餡是芝士跟牛肉，外皮香脆熱辣帶甜香，內餡軟稔惹味，令人想起初代雪山叉燒包！燒汁牛肉蝴蝶餅$$32有點像刈包，但包的是烤牛肉餅跟青瓜，牛肉配上京式甜醬既濃郁又香甜，青瓜適度減膩，確是不錯乾蒸牛肉$29帶點馬蹄跟莞茜的牛肉燒賣，味道略為清淡，不過莞茜比坊間酒樓的易入口很多太陽蛋牛肉飯$30滿高性價比的，牛肉非常軟稔綿滑，入口即化，手打這肉餅的功夫的確不錯，而且沒有討厭的莞茜。蛋跟飯就比較普通，就用以襯托牛肉餅吧竹炭熔岩奶皇包$24吃牛肉吃得有點累，吃點甜包吧！內餡非常流心，而且甜香跟咸香配合得宜，超好吃！可惜內餡有些多有些少，包皮有厚有薄呢芥末沙汁三文魚春卷$29三文魚份量極少，只有大量芥末跟青瓜，不過還是十分出色的配搭，甜中帶辛勁，口感爽脆，值得一試紫薯南瓜小丸子$19熱辣辣滿好吃的，紫薯半流心，加上南瓜的甜，皮又薄又新鮮炸起，實在很難不讚！作為牛肉專門店，雖然每款的牛肉不是帶超濃的牛肉香，但看看價錢，

牛肉世家@喜惶點心專門店叫得上做「牛肉世家」，皆因呢度牛肉的貨源來至九龍城李輝記牛肉，有保證！所以必食一定係牛肉點心系列！乾蒸牛肉燒賣皇（$29）用新鮮牛肉製成，入口有彈性，有肉味，正！粟米煎牛餅（$25）牛肉餅煎得薄身，外皮脆脆地，餡料加左粟米粒更有咬口。香滑免治牛肉腸粉（$27）牛肉餡滿滿，係腸粉皮厚左一點，但絕對夠飽肚，哈哈。芝士牛肉黃金包（$48）6點後限量供應30碟的芝士牛肉包，焗得黃金色，黃金包的味道似雪山叉燒包的外層，餡料有芝士牛肉餡，芝士味唔會過濃喧賓奪主，即使即叫即焗要等10分鐘都無所謂。沙薑雞腳（$42）用沙薑鮮磨，不是溝粉的沙薑雞腳，果然夠入味，又唔會一味死鹹呢。魚肚四寶滑雞扎（$29）非常足料！芥末沙汁三文魚春卷（$29）春卷餡料有三文魚、青瓜、芥末汁，帶點和風味，味道亦好清爽呢！最後仲有老火湯一大碗，$10的價錢，就飲到足料冇味精嘅老火湯，非常抵食！

晚上，我和朋友在旺角買完東西之後，打算吃個平靚正的晚餐。我和朋友又不想吃些又飽又滯的東西，於是想到不如食點心當作晚餐。知道旺角有很多新開的中式點心店，而我們在通菜街的小街上，就被我們發現到這間以牛肉為主的點心專門店。喜惶點心專門店，在店外已經看到頗多媒體的宣傳，看起來似是不錯。入內後，就看到有一個大大的招牌，寫著牛肉世家。原本細看餐紙，就知道這間點心店應該是家族生意，店主家以前是以賣牛肉為生，所以對於牛肉是十分了解，兼且想到使用牛肉為主題來配合中式點心。感覺他們非常有心，而且富有創意，就看看這裡有什麼特式點心是一般酒樓或點心店是食不到的。⏁ 1. 芝士牛肉黃金包首推的就是芝士牛肉黃金包，這個是即叫即焗，所以來到時是非常熱辣辣的。這個黃金包，是中式的做法，以甜甜的脆皮作為外層，內裡則包著新鮮的秘製牛肉，以及芝士汁，味道的確獨特，整個配搭很有創意。店員主動地跟我們說，這個黃金包是他們最近研發出來的，問我們感覺如何，誠意十足。⏁ 2. 燒汁牛肉蝴蝶餅我相信這個是參考了肉夾糢和片皮鴨的idea，喜惶利用包底，夾上燒汁牛肉和青瓜，又是一道獨有點心。我認為這個味道能與肉夾糢或片皮鴨一分高下，事關其

近排好少夜晚食點心做晚餐，今日經過通菜街見到有一間食點心的餐廳，見到種類又多價錢又合理。點左一碗老火湯章魚🐙節瓜煲豬骨，湯好鮮甜真是俾足料煲美味可口。別不同糯米雞，糯米好軟硬適中，又夠味道。竹炭熔岩奶皇包，包好軟熟一咬落口啖啖奶皇漿流出來真是好正。芥末沙汁三文魚春卷、餡少少芥末味配上三文魚幾野味又炸到好香口。醬皇金錢肚，金錢肚夠淋又好入味。醬皇金錢肚，金錢肚夠淋又好入味。晶瑩鮮蝦餃，蝦餃皮薄又煙韌蝦又爽口彈牙。免治牛肉腸，牛肉嫩滑又香。XO醬炒蘿蔔糕炒到好香噴噴蘿蔔糕又不會太淋。

愛麗絲同男朋友好耐都冇一齊飲過茶啦，晚飯時間經過依間喜煌點心專門店，抱著「食下點心」嘅心態入去試下。。。點知一入到去已經俾佢掛喺牆上嘅四個大字「牛肉世家」所吸引，原來依度間餐廳四代都係俾牛牛養大的，亦係供應新鮮牛肉點心的～！果然一睇點心紙，發現有好多用牛做嘅點心，搞到我地兩個點下點下點左好多野食😂😂 冬瓜眉豆豬骨湯 ($10)🌕🌕🌕🌕🌕天時暑熱，預期飲珍珠奶茶，不如首先飲下消暑老火湯好過～～材料好足亦好大碗！最重要係冇味精味，飲完果晚亦冇覺得好口渴！連隔離枱食客都賺佢好好飲架👍🏻 乾蒸牛肉燒賣($29)🌕🌕🌕🌕🌕燒賣皮好薄，上枱睇到好靚嘅粉紅色，即係代表好新鮮呀😳！！牛味濃，牛肉餡亦好鮮滑，一d都唔乾身，新鮮牛肉果然係唔用d！🤤 燒汁牛肉蝴蝶餅 ($32)🌕🌕🌕🌕🌖包皮好有心絲，整左蝴蝶邊，牛肉就略略煎過，都幾厚身，連埋青瓜夾落個包皮入面，差d夾唔實😂配搭埋爽脆嘅青瓜同燒汁，令整體加分不少。相信如果包皮可以烘底嘅話，味道必會更上一層樓！😃 粟米煎牛餅($25)🌕🌕🌕🌕🌖以雲吞皮包住牛肉黎炸，喺咁多款點左嘅牛肉點心入面，男朋友就最喜歡佢。原因無他，外皮炸得又薄又脆，牛餅亦鮮嫩多汁，如果驚

下午茶時間37蚊二款點心兩個人嘅話嗌4碟加多少少or加多碗湯已經夠飽今日嗌咗鳳尾蝦香辣鹹水角 辣就唔覺 不過幾好食 特別係佢鹹水角有蝦喺入面 唔錯蜜瓜炸鮮奶外脆內有蜜瓜香 不過小心辣口至於另外嗌嘅燒賣同叉燒包就發揮正常水準