影片
更多
2019-08-20
77 瀏覽
愛麗絲同男朋友好耐都冇一齊飲過茶啦，晚飯時間經過依間喜煌點心專門店，抱著「食下點心」嘅心態入去試下。。。點知一入到去已經俾佢掛喺牆上嘅四個大字「牛肉世家」所吸引，原來依度間餐廳四代都係俾牛牛養大的，亦係供應新鮮牛肉點心的～！果然一睇點心紙，發現有好多用牛做嘅點心，搞到我地兩個點下點下點左好多野食😂😂 冬瓜眉豆豬骨湯 ($10)🌕🌕🌕🌕🌕天時暑熱，預期飲珍珠奶茶，不如首先飲下消暑老火湯好過～～材料好足亦好大碗！最重要係冇味精味，飲完果晚亦冇覺得好口渴！連隔離枱食客都賺佢好好飲架👍🏻 乾蒸牛肉燒賣($29)🌕🌕🌕🌕🌕燒賣皮好薄，上枱睇到好靚嘅粉紅色，即係代表好新鮮呀😳！！牛味濃，牛肉餡亦好鮮滑，一d都唔乾身，新鮮牛肉果然係唔用d！🤤 燒汁牛肉蝴蝶餅 ($32)🌕🌕🌕🌕🌖包皮好有心絲，整左蝴蝶邊，牛肉就略略煎過，都幾厚身，連埋青瓜夾落個包皮入面，差d夾唔實😂配搭埋爽脆嘅青瓜同燒汁，令整體加分不少。相信如果包皮可以烘底嘅話，味道必會更上一層樓！😃 粟米煎牛餅($25)🌕🌕🌕🌕🌖以雲吞皮包住牛肉黎炸，喺咁多款點左嘅牛肉點心入面，男朋友就最喜歡佢。原因無他，外皮炸得又薄又脆，牛餅亦鮮嫩多汁，如果驚
點知一入到去已經俾佢掛喺牆上嘅四個大字「牛肉世家」所吸引，原來依度間餐廳四代都係俾牛牛養大的，亦係供應新鮮牛肉點心的～！果然一睇點心紙，發現有好多用牛做嘅點心，搞到我地兩個點下點下點左好多野食😂😂
冬瓜眉豆豬骨湯 ($10)🌕🌕🌕🌕🌕
天時暑熱，預期飲珍珠奶茶，不如首先飲下消暑老火湯好過～～材料好足亦好大碗！最重要係冇味精味，飲完果晚亦冇覺得好口渴！連隔離枱食客都賺佢好好飲架👍🏻
乾蒸牛肉燒賣($29)🌕🌕🌕🌕🌕
燒賣皮好薄，上枱睇到好靚嘅粉紅色，即係代表好新鮮呀😳！！牛味濃，牛肉餡亦好鮮滑，一d都唔乾身，新鮮牛肉果然係唔用d！🤤
燒汁牛肉蝴蝶餅 ($32)🌕🌕🌕🌕🌖
包皮好有心絲，整左蝴蝶邊，牛肉就略略煎過，都幾厚身，連埋青瓜夾落個包皮入面，差d夾唔實😂配搭埋爽脆嘅青瓜同燒汁，令整體加分不少。相信如果包皮可以烘底嘅話，味道必會更上一層樓！😃
粟米煎牛餅($25)🌕🌕🌕🌕🌖
以雲吞皮包住牛肉黎炸，喺咁多款點左嘅牛肉點心入面，男朋友就最喜歡佢。原因無他，外皮炸得又薄又脆，牛餅亦鮮嫩多汁，如果驚熱氣，可以沾少少喼汁，同時中和油膩感。
芝士牛肉黃金包 ($48)🌕🌕🌕🌕🌖
本來冇叫依款點心嘅，但店員話佢係晚市限定，咁無理由唔食啦😂佢亦係咁多款點心入面最遲上枱嘅，因為佢係即叫即整！酥皮外層鬆脆，咬開一睇，見到入面嘅牛肉好juicy，足滿芝士汁同肉汁，好彩都唔會覺得好漏，見佢碟度都鋪左d生菜絲，忽發其想夾埋一齊食，成個感覺就有少少似漢堡包😆但係一定要趁熱食！否則外層會變淋😖
原隻鮮蝦滑腸粉($28)
有驚喜！估唔到腸粉皮咁滑咁薄，Good一聲吞左落肚😋最驚食到向出面攞貨仲要好粉嘅腸粉架喇。而且佢比出面嘅蝦腸多左翠肉瓜tim，令到整體視覺效果更加靚🥰
xo醬炒蘿蔔糕 ($36)🌕🌕🌕🌕🌗
唔洗講xo醬就一定好惹味啦，外皮煎到好香脆。而依度嘅蘿蔔糕口感偏淋身，唔會有食到成口粉嘅感覺，本人就幾鍾意，不過男朋友就覺得可以企身番d～～
籠仔荷葉北菇蒸雞飯 ($37) 🌕🌕🌕🌕🌗
雖然d雞就冇相望落咁多肉，不過都尚算嫩滑，雞油滲落白飯度，食到啖啖嘅油香味加荷葉味，唔錯唔錯。但我地傻仔左，唔小心落得太多豉油咸左d，所以冇食哂。👉🏼👈🏼
白灼菜心($19)
點左咁多牛肉，都要叫番碟青菜平衡下嘅。但佢同平時食落嘅冇咩分別，就唔另外特別講啦。
-
今餐真係食到我地兩個棒住肚走，請容許我用番佢地櫈pan嘅：）作最後完結。
張貼
