喜惶點心專門店

營業中

休息中

元朗有兩間平時都食慣的點心店，今日心血來潮超級想食點心，於是即興上網找點心店來吃。位於自己最近的就是這間喜惶點心專門店。在旺角地鐵附近的一間點心店，走過去都好方便。我們叫了很多點心，又有排骨，又有燒賣，又有腸粉，又有奶黄包等，連甜品和老火湯都有叫。食得飽飽的。埋單都只是$184兩個人。平均每個人$92。老火湯，一大碗都只是$10，感覺好便宜。職員一送到上枱，第一時間的感覺是「嘩，都幾大碗」....... 接著，用湯匙挖起湯料來看，感覺即刻變成「嘩，好足料啊，排骨、木瓜、雪耳份量都相當多」當試一試這碗老火湯，除了覺得好清甜滋潤，還吃到豐富的湯料 。相當有誠意！（小補充：我見到餐廳的牆上有一個牌，寫着老火湯天天不同，絕無味精）餐廳的竹炭熔岩奶皇包，$24，賣相吸引，圓圓黑黑的外表，上面有一些金色的點綴花紋。餐廳職員送到來後，有温馨提示要等一會兒才吃，因為裡面的奶黄很熱。過一會兒了..... 我們即拿來吃，果然好流心，而且裡面還是熱熱的，好香奶皇味，出色！蜜汁叉燒腸粉$25，切成六大件，再淋上調整過的豉油，好味！裡面的叉燒量都好充足。肉質不老身，微甜的叉燒配腸粉，食完一件又一件。虎皮尖椒$2

🎐熊妹攞左幾日假黎温書，所謂吊頸都要抖下氣，食飯時候都係要食飯，拉埋放工的阿豬媽同卡肥哥哥黎到旺角通菜街新開無耐的 《喜惶點心專門店》食點心喇。📌熊妹其實都幾鐘意食點心，細細一件可以食好多款嘛。燒汁牛肉蝴蝶餅，$29有三件，將燒汁牛肉夾入蒸熟的白包入面，好似台灣的肉夾膜🌮。燒汁甜甜地幾惹味，配合本身無味的白包，中和左一點汁的濃味，就係簡簡單單的一塊牛肉餅包。翡翠海鮮菜苗餃，$24水晶餃皮幾薄，唔會好厚食到成口麵皮咁。菜苗餡都多🥟，仲有啲蝦肉，不過整體味道淡左少少同埋餃皮一點蒸得過龍，淋左啲。蜜汁叉燒腸粉，$25原條大大碌腸粉，包裹著很多唔肥的叉燒粒，再沾點豉油汁，好味又抵食！粟米煎牛餅，$25📌阿豬媽見呢款牛餅的圖幾吸引，話想試下。無唸過煎牛餅真係有脆底，外層食落卜卜脆，內裡軟淋的牛肉餅夾雜著爽口的粟脒，配撘唔錯。不過有點熱氣。🔥芥末沙汁三文魚春卷，$29典型的春卷包起少少的煙三文魚同青瓜絲，餡料真係少得可憐，兩件一開二，三個一人試半件，最後食剩半件無人想食。酥皮焗叉燒包，$21酥皮都幾鬆化，類似墨西哥包的酥皮，脆脆地，應該岩岩焗起，叉燒餡都豐富，甜甜地，多汁，叉燒粒唔肥，熊妹幾鐘意。

係香港好多人都鐘意食點心宜家點心既餐廳都越開越多亦唔使午餐先可以飲茶晚餐/宵夜時間都可以今日黎到旺角朋友想食點心所以search到喜惶佢既點心選擇都算齊我地兩個人大家口味都唔似所以點左比較多款名醬蒸美國鳳爪蟲草花魚肚雞陳皮山竹牛肉球醬皇金錢肚炸兩腸粉芥末汁三文魚春卷鮮蝦腐皮卷芥末汁三文魚春卷係創意之作好香脆但唔油膩芥末汁好惹味開胃冇食過個樣咁靚仔既炸兩腸粉佢個油炸鬼係新鮮炸！食落仲脆口唔似出面翻炸淋哂好感動甜品蜜瓜炸鮮奶整得好好 蜜瓜味好濃奶味岩岩好 唔太甜好欣賞所有點心都即叫即蒸而且員工好親切 服務好好真係十分高水準

今日11點幾去百老匯睇戲，睇完戲都已經3點。好耐無食點心，就搵下附近有冇，就係百老匯後面條通菜街就有一間。依間點心店都算大，有兩層。我地兩個人叫左6款點心。竹炭溶岩奶黃包 -  鬆軟既流心奶黃包，食落有蛋黃咸香既味道，流心多，食既時候小心唔好流到成手都係。牛肉腸  - 腸粉又香又滑，每一條腸粉都放滿牛肉，好香牛肉味。小籠包 - 小籠包多汁, 皮唔乾, 肉份量適中。蟹肉菜苗燒賣 - 燒賣不錯，實肉又挺大粒。蜜瓜炸鮮奶 - 好少地方可以食到，金黃色既賣相，睇起來乾身；外皮炸得脆口，而內裡的鮮奶很香滑，本身味道唔會好甜，因此不會有膩既感覺。雞扎 - 依間點心既雞扎有好大舊雞肉，蟹柳加上冬茹和魚肚，食起黎都夠味，但如果有埋火腿肉同芋頭就更好。

外國回來的朋友希望吃中式點心，到旺角時剛好看到這間點心專門店店舖是以新鮮牛肉為主題，除了牛肉類點心外，其他的點心也很有質素：晶瑩鮮蝦蛟薄薄的皮清楚看到內裡餡料，外觀吸引，皮薄餡靚鮮蝦餡料十分飽滿，爽口彈牙。乾蒸牛肉燒賣皇主打之一的點心，蒸來不油不乾，牛肉餡鮮滑爽囗，份量剛好，吃來不嚡，沾少少喼汁，有提味效果。翡翠海鮮菜苗蛟外觀吸引，翠綠的皮很薄，皮薄餡靚，而餡料同樣十分飽滿，以鮮蝦及菜苗作餡料。京城蜜汁叉燒包採用菜肉包的包法來做的封口叉燒包，保持了叉燒餡的熱度，更能鎖住內長蜜汁，更甜美可口。蒜香南瓜蒸排骨南瓜及排骨都蒸得很好，一點兒蒜香味，排骨亦嫩滑。名醬蒸美國鳯爪鳳爪也不錯，若再蒸得更淋會更佳，醬汁是屬偏濃口味。蜜瓜炸鮮奶兒時常吃的蜜瓜味的炸鮮奶，現在很難再吃到，既保留本來炸鮮奶的嫩滑，蜜瓜味清新香甜，外脆內軟，兩種口感。陳皮山竹牛肉球另一主打點心，牛肉球爽滑，肉汁豐富，且份量足，喜歡吃牛的朋友讚不絕口。

係旺角行街, 中午食飯時間, 無意中入了這間喜惶醫肚, 估唔到令人惊喜, 好食的來是平靚正! 入到店內, 見到整間鋪雖細但卻是干淨整潔, 給人的感覺非常地舒適, 我們選了壺鐵觀音來飲, 仲叫了好幾款點心, 可以歇下腳又可以嘆下茶, 認真唔錯! 點心都好特別, 有我從未食過的蟹肉菜苗燒賣, 這款燒賣最上層鋪滿了白色的蟹肉, 第二層是綠油油的菜苗,最底層才是燒賣, 不但止賣相超靚, 食起上來都好有層次感, 蟹肉鮮甜, 菜苗嫩滑, 燒賣啖啖肉, 真的好味道! 傳統點心魚肚四寶滑雞扎, 蜜汁叉燒腸粉及蟲草花魚肚雞都相當唔錯! 厚厚的魚肚索晒的肉汁, 好味又大件! 最抵讚的是這酥皮焗叉燒包, 這款包真的好鬆脆, 外皮像菠蘿包, 入口鬆化香甜, 底部焗到脆卜卜, 外脆內軟, 真的是食完仲想食. XO醬炒蘿蔔糕好有鑊氣, 連配料銀芽及紅蘿蔔絲都炒得好好食, 又香又辣, 非常惹味! 最後仲有新彊棗皇糕送給我們食, 食到我們捧肚, 埋單才200元, 相當抵食! 座得舒適, 食又好味! 我下次行旺角一家會再幫襯!

這間餐廳很有誠意,食物質素很高，因為在公司附近，所以都會叫外賣的，食物食好吃，就算是外賣，食物都是熱的，湯是濃濃的，不是有些餐廳的不像湯，像喝水的，總之是必食的餐廳。

今晚和女朋友在旺角吃晚飯，即興想飲個夜茶吃點心，上網發現這家的喜惶點心專門店，就來試一試。茶錢只收$3實在是良心餐廳，同時更不收加一。各式傳統點心、蒸飯、粥品、甜點都有，更有不少店家自製的創意點心。花生蓮藕煲豬骨先來一碗例湯，$10一大碗的例湯實在是太超值，純粹天然真味，沒有味精。燒汁牛肉蝴蝶餅店家的主打是牛肉點心，所以來一客燒汁牛肉蝴蝶餅，以香軟的蝴蝶餅夾住煎香的牛肉餅同吃，質感鬆軟可口。竹炭溶岩奶黃包外表有趣，包皮蒸熟後軟滑剛好有嚼勁，而餡料蛋黃味香濃又不失奶黃的香甜，非一般工場式點心可相比。名醬蒸美國鳳爪鳳爪軟腍入味，柔而不爛，醬香馥郁，滲透骨肉。蜜汁叉燒腸粉外皮滑膩柔美，薄嫩有彈性，內裡的叉燒是靚位，不像其他地方用上頭頭尾尾的位置，所以特別滋味雋美。鳳尾蝦香辣鹹水角鹹水角皮脆而餡料口感豐盈，細嚼之下帶有鮮蝦爽脆、蝦米鮮香，鮮爽可口。芥末沙汁三文魚春卷創新的做法，以芥末沙律醬配上三文魚作為春卷的餡料，味道十分合拍。蟲草花魚肚雞十分養生的一個點心，雞件嫩滑有雞味，而魚肚份量驚人，滋味甚為鮮美。蟹肉菜苗燒賣燒賣特別加入蟹肉和菜苗，入口一咬美味可口，口感軟滑柔韌，有另一番滋味。芒果布甸

旺角曾經是我上班的地方，無論講玩講食，行街shopping都不會缺少的。今天抽空重臨舊地，順便去女人街尋寶，兼食好野。近年多了些點心專門店，可以在不同時間吃點心，喜惶點心專門店，在女人街內，紅色喜字招牌，好搶眼，唔難找。店鋪燈火通明，有個好精美 – 牛肉專家 - 牌匾，牛肉一定最好美味了。首先吃陳皮山竹牛肉球，果真專家，肉質嫩滑多汁，好香牛肉味，沒有那種用鹼水和梳打粉的怪異口味。再來點了太陽蛋牛肉飯，栗米煎牛餅，也是一樣甘好食，真的只吃牛肉已經很滿足了。翡翠海鮮菜苗餃，餃包得好紮實，不會水汪汪，是上品，鮮菜配鮮蝦，口感好夾。蜜汁叉燒腸粉，重點系腸粉好滑流，質感不似食粉團咁，其次系極多叉燒，老闆真好闊綽。竹炭熔岩奶皇包，超驚喜，同平時食那些不同，奶皇醬系好似熔岩甘，流出來，配竹炭包吃，勁滋味。芥末沙汁三文魚春卷，第一次甘食春卷，配料出奇地夾，質數有酒店級數。還有其他點心蒜香蒸排骨，名醬蒸鳳爪，水準一樣甘正。價錢好街坊價，點食都不過份，吃滿40元憑收據30天內來吃還有9折。

和家人少不免飲茶這樁事，對於一般茶樓，點心店的出品更有保証。茶3x2有鐵觀音和普洱茶可選。芝蔴豆漿12超冰凍，豆味不俗，口感幼滑。蝦餃皇31蝦餃涵塞得滿滿皆是，肥肉比例恰到好處，吃起來ok爽口。金錢肚27做得入味，炆得軟淋，容易咀嚼，食味佳🥰蟹肉菜苗燒賣29燒賣大粒，豬肉味濃，配撘平衡清新。酥皮焗叉燒包21酥皮皮焗得酥脆，叉燒醬涵很美味，完全不過咸，底部靚如生煎包，是夜最欣賞的一道。陳皮山竹牛肉球24牛肉球質地很彈牙，沾上喼汁的腐皮十分開胃。竹炭熔岩奶皇包24賣相吸睛，黑金包包，入面爆流沙，甜卻不漏，包皮亦香軟。老火湯小6價錢便宜，例湯價錢，老火味道，赤小豆豬骨湯料不少，粉葛索了豬骨味，驚喜足料，平到笑的貼地美食。芒果布甸19飯後甜品憶兒時，芒果🥭粒口味真實，不是人造色素的死甜，富有果香，入口QQ的，加上花奶亦不算很甜。食後感：點心味美外，服務好周到👍🏻

今日陪媽媽去旺角買行李箱，到咗中午時份決定先食個午飯再慢慢逛，媽媽最愛飲茶，一於帶佢去老公最愛的點心專門店試試看。餐廳位於女人街內，位置方便。星期六比較多人，所以等了差不多15分鐘左右先有位，一坐低二話不說立即先叫食物，免得餓壞媽媽。花生蓮藕煲豬骨是日老火靚湯，完全沒有加味精，味道清甜，滋陰養肺。豉汁鳳爪排骨飯豉汁香濃惹味，鳳爪排骨嘅肉味滲透入飯內，拌上少少甜豉油，非常滋味。排骨肉嫩美味，鳳爪炆到非常入味，而且入口骨肉分離。粟米煎牛餅外皮金黃香脆，牛肉饀料有陣陣陳皮香氣，入口軟滑鮮嫩，味道鮮美。海苔香煎蘿蔔糕表面煎到香脆可口，蘿蔔清甜臘味惹味，加上海苔多了一份紫菜香味。原隻鮮蝦滑腸粉腸粉滑溜溜，鮮蝦爽甜鮮美，好食！蟲草花魚肚雞魚肚軟綿綿，吸引哂所有雞湯味，雞肉鮮嫩，份量仲非常多！竹炭溶岩奶黃包黑色包面非常型格，流心嘅奶黃饀奶香味十足，堅正！媽媽都十分滿意，而且還說比到酒樓吃有水準。

<平靚正既喜惶 牛肉必點>😍呢間女人街既喜惶 新開時已食過一次 覺得佢既點心好正 尤其係牛肉 今次再黎發覺佢生意好左 食物又多左 而我再點過佢既野食仍舊出色 想喺 mk食點心既朋友要試 ! 🙂🍴香滑免治牛肉腸粉 27 蚊🐮腸粉有6 件 佢個腸粉皮 比較厚身但唔硬 幾黏稠 牛肉整得好碎好有口感 牛肉味香 牛肉側邊仲有 d葱花調味🐮🌿 點埋 gip汁 正😍🍴蜜瓜炸鮮奶26 蚊💥🥛雖然係點心店 但佢既炸鮮奶都炸得出色 三舊炸鮮奶外表炸得好香脆同夠薄 一咬開 入面有好香甜既蜜瓜奶味🍈 奶好夠香滑 好出色 !🍴芥茉沙汁三文魚春卷 29 蚊🙂呢個春卷好創身 加三文魚中西合壁 🐟 入面既魚肉味濃 中間 有青瓜蘿蔔 入面既沙律醬帶有芥茉香味 密度高 個味較得好 match ! 😃 🍴燒汁牛肉蝴蝶餅 29 蚊😍用左包皮 包住牛肉餅食 有 d似上海既整法 包皮好軟熟 包味香濃帶 d甜香 🍞 牛肉餅幾厚身 口感好彈牙 牛肉味又濃 加 d葱花調味🌿 將包皮包住牛肉 🐮 佢既醬汁有 d甜酸香味 同牛肉包好 match !🍴豉汁鳳爪排骨飯 30 蚊🍚🐖一上枱熱辣辣既鍋飯 有兩隻豉汁鳳爪🐤

事關呢同班朋友經開呢頭，有人介紹話呢間幾好食, 包有驚喜....  咁好啦,,,  咁就4條友黎試下啦。 點知!!!!!!!!!   出事啦!!!  個竹炭熔岩奶皇包 ...  淨係見到個名已經知唔少野啦  ,  夠特式之餘  仲要超級好食呀應該係我成世人食過最好食的奶皇包包皮軟(屬) 聞落食落有陣陣竹炭香味， 奶黃味到位  有鹹蛋黃粒  ,   所以呢..我食完第1個之後,,, 同行朋友已經一齊話叫多兩籠,, 我食多左兩個!!!!!!!!  要比爆星呀!!!然後就試左呢個...  鬼馬免治牛肉腸粉!  我地都想睇下有幾鬼馬, 所以就叫左皮滑餡靚  牛肉醃得好味 份量多  只係差皮厚左D ..  就完美 所以我比4星! 而剩下其他菜式都係一般飲茶貨色啦~  冇咩特別  就唔想太多講.    自己去試囉~~ 整體黎講 好食!! 單單為左奶皇包 我都會再黎呀! 哈哈  下次可能會帶家人黎食吧~   

二人晚餐之前未幫襯過，二人正找地點晚飯，路經有點心，香港點心應該差極有限，心想一試無防。坐下，只有普利及鐵觀音選擇。茶到，準備清洗一吓餐具，點知兩個柸都好油，污糟邋遢，取隔離位的柸洗一洗，就畀侍應問我幾多位（即示意做咩洗多隻柸，當然態度不佳啦），但如果貴鋪啲餐具衛生點，客人都唔會搵柸換啦，我嚟食嘢唔喺畀錢仲嚟幫你洗柸，之後茶壺加水仲大大力放下茶壺，服務態度極之不佳，基本禮貌都沒有，即刻無心情食，是但叫了三個點心食唔飽都算，拿拿聲食完走人。煎釀占椒： 唔錯、熱辣辣。鳳瓜排骨飯：一般，無特別，飯有飯香。布拉牛肉腸粉：牛肉世家，但牛肉完全無味，餡料份奇量少，是山竹牛肉質料，最奇怪喺腸粉厚身到不得了，咁大個人食過最厚、最硬身的，所以食好飽肚，賣腸粉簡直係獻醜。

太痴線呢間野真係！！！首先我同男朋友今日4點正踏入呢間野點左兩份$35有兩個既點心，即係一共4個點心：竹炭流心奶皇包、皮蛋瘦肉粥、山竹牛肉球同蟹肉唔知咩燒賣仲再單點多個叉燒腸同一個白豆漿一個黑芝麻豆漿。落完單好快就上左一黑一白既豆漿，我地兩個飲住等野食，等左20分鐘左右覺得有d耐就叫一個後生仔店員追追d野食，因為真係一樣都冇黎過。個店員追完仲過黎叫我地唔洗擔心，野食一陣就會黎。好，我地再等多20分鐘，即係已經4點踏8，我頂唔順出左櫃枱問另一個店員幫我睇我地d野食係幾點落單，佢睇完電腦竟然話冇落過單！！！！！！！！！！咩都冇！！！！！我完全係著哂火，等左40分鐘，只上左兩支樽裝唔洗沖既豆漿，明明第一次追過d野食個陣個店員仲叫我唔洗擔心！！！好離譜！！！最後咩都冇食就成肚火飽住走。係唔係好抵呢，咩都唔洗食又唔洗錢淨係呆等40分鐘就可以飽，非常之推薦要減肥既人黎食野，呀唔係，係等野食先啱。