喜咖哩 (已結業)

前排到屯門同朋友交收口罩， 剛好食飯時間，朋友就帶我去開的餐廳食lunch， 佢強烈推介我食番茄湯豬頸肉螺絲粉另加糖心蛋， 佢真係好細心，因佢知我鍾意食粉麵。而我朋友就食佢自己食開的咖哩牛肋肉飯另加溫泉蛋。我碗番茄湯豬頸肉螺絲粉， 番茄湯好清甜，豬頸肉燒得好爽，個糖心蛋好得出色。朋友碗咖哩牛肋肉飯，我都試了兩口， 咖哩煮得香口唔太辣，牛肋肉嫩滑，個溫泉蛋拌飯好夾。呢到價錢好合理 加糖心蛋或溫泉蛋都係5蚊隻。提一提大家如細食者可以叫小飯，唔好浪費。

今日咁啱入去屯門就試下呢間咖喱，呢間小店睇左menu覺得都幾抵就入左去食。我就叫左個香矛豬扒溫泉蛋定食，豬排份量都幾多，而且加$5就可以轉作溫泉蛋，我即刻轉做溫泉蛋！溫泉蛋整得啱啱好，唔會過熟，個豬排都係，肉質嫩滑。Total個餐都係40幾蚊，仲要跟埋個餐湯，份量好足，食完好飽！十分抵食！今次黎就淨係試左佢一個餐，但睇左下佢個menu都好多選擇，有其他定食例如日本赤魚定食，見隔離枱叫左，個賣相都好吸引！總括黎講呢間小店都好高質！價錢都好抵食！

岩岩搬入屯門，趁放假就不停搵下有咩好嘢食！去到青翠徑，就見到呢間餐廳！價錢唔算貴，合理！入到去叫左碗豬頸肉糖心蛋蕃茄湯拉麵，hkd $54豬頸肉煮到脆香，個汁好好味，唔咸而湯底好鮮，蕃茄味好出，好甜！拉麵軟硬適中，份量夠晒

今日又去左vcity掃貨 新墟買餸 買買下野超級肚餓 要醫下肚 好耐無食過咖喱 🍛好好彩一Openrice 就見到有間叫喜咖喱 連店名都係咖喱 可以滿足到我呢刻想食咖哩既慾望一入嚟員工即刻帶位 熱情招待 仲介紹左呢輪新出既定食 香茅豬扒定食 同赤魚定食 然後推薦左兩款最熱門既定食俾我地 咖喱牛肋肉定食 香滑濃稠 送飯一流 相信係鐘意食咖喱既屯門街坊好去處 另一款係豬頸肉蕃茄湯螺絲粉定食 豬頸肉爽滑彈牙 食落有肉汁幾香甜 蕃茄湯清新 好明顯無加茄膏無味精 食落輕盈 完全唔會有罪惡感 可以補彌返食左豬頸肉既肥肥罪過

今日入屯門搵一個多年無聚既好朋友，佢帶左我去食一間平民得黎又幾高質既小店食野。雖然係小店，但裝修一點都唔馬虎，甚有日式感覺。而菜式亦都偏向日式及適合香港人口味好多套餐都只係40至60元不等，相當經濟我地一人揀左一個餐，當日我比較餓所以就揀左日本赤魚定食，先係＄49，見佢有得加5蚊要溫泉蛋，我呢個蛋控二話不說加左！而朋友就點左$49香矛豬扒溫泉蛋定食兩款家食份量都十分之大，女仔絕對足夠！日本赤魚定食定食包左餐湯、炸赤魚及一碗飯。炸赤魚非常好食，皮脆得來不會油膩，仍然保持到魚質滑嫩。白飯加埋溫泉蛋，成件事真係好治癒～我都忍唔住食晒成個餐香矛豬扒溫泉蛋定食朋友呢款家食一樣，有餐湯跟。而蛋本身就已經有，香矛豬扒肥瘦適中，唔會過咸，肉質都幾嫩，完全無鞋口既感覺。呢個餐份量同樣好大，連埋隻蛋先＄49蚊，真係好抵食！總括而言：呢間小店性價比真係好高！值得再返黎食，而且員工既態度都好好～絕對有下次

今日去左屯門搵朋友食飯，搵左間小店打算食個快飯，入左呢間門面都唔錯既喜咖哩。餐牌上面野食種類都算多，有拉面、咖哩飯、蕃茄湯配粉或飯等等，飲品有奶茶咖啡同埋汽水等等。今日叫左個香予豬扒溫泉蛋定食，$49有湯同汽水。首先講講塊豬扒先，肉質還好，但醃得好入味，香予味好出，而且煎得好香口，但又唔會煎濃，師傅手勢唔錯！而個溫泉蛋好好食！望到新鮮蛋黃流出黎金黃色真係好開胃，撈飯食一流！羅宋湯真係我favourite，好鐘意飲，難得有得飲當然要叫下，湯就不過不失，還可以啦!綜合黎講都唔錯，小店值得推介既!

放工和友人來屯門美食雲集紅橋，見到呢間喜咖哩，招牌亮眼醒神，顏色配搭甚有玩味﹗餐廳入面企理，餐牌選擇都不少。燈光光猛，坐得舒適，可以慢慢和友人談心。$54豉油皇雞翼溫泉蛋飯:豉油皇雞翼滷得好入味，肉質保持嫰滑，又不會"鞋口"。流心溫泉蛋一搗就破，仲有蕃茄青瓜伴碟，賣相不錯﹗$49豬頸肉蕃茄湯米線:蕃茄湯鮮甜，可以見到不少蕃茄蓉，酸酸甜甜，顯得特別開胃﹗豬頸肉有爽口彈牙，調味不錯，香口惹味﹗紅橋一帶食肆林立，有時走入小店，會有意外驚喜﹗

🌟🌟🌟🌟🌟🌟🌟🌟🌟🌟🌟🌟🌟🌟🍽 喜咖哩 (屯門)📍屯門青翠徑7號金邦大廈地下1號舖🌟🌟🌟🌟🌟🌟🌟🌟🌟🌟🌟🌟🌟🌟我真係極少入屯門平時，今次因爲去搵朋友玩下佢屋企隻狗仔就入左去，順便係佢附近食個飯~~香茅豬扒溫泉蛋定食 $49溫泉蛋好正！！好流心蛋味好濃郁，撈飯一流！豬扒肉質結實，香茅味出色，好味🥳同朋友仲叫左小食share下🌟分別係椒鹽墨魚咀$50、小食拼盤$40同芝士年糕$19💕椒鹽墨魚咀好爽口惹味，好快清曬🤣小食拼盤勁抵好多舊！！邪惡嘢芝士年糕外脆內軟，熱辣辣，唔錯😛😛

最近去左喜咖喱🍛番茄湯拉麵Nikki Curry度食lunch💁🏻‍♀️-豬頸肉豬骨湯拉麵 🍜都只係 $49 咋😍奶白色嘅豬骨湯 🥣 , 一上枱即刻飲番啖先😋湯底香濃 , 但又唔係味精重嗰種, 入邊仲有我最愛嘅粟米🌽粒同埋筍片!!~~拉麵亦都好彈牙, 而且份量都幾多, 好鬼抵食呀🤑-另外個豬頸肉就係分湯上嘅, 咁就唔驚烤到脆脆嘅豬頸肉比啲拉麵湯浸林左啦😙豬頸肉醃得好夠入味, 肉質食落都幾鬆化~~-總括黎講, 咁嘅價錢食到依碗拉麵真係好抵呀👍🏻👍🏻

今日同個朋友想食下午茶，但係又唔想食茶餐廳嗰啲港式西多士，就去咗喜咖喱食，原來佢哋除咗拉麵食之外，都仲有好多小食㗎我哋就叫咗以下呢三款椒鹽墨魚咀 $50 - 唔係好多地方有得食墨魚左呢樣野，所以我喺呢度見到墨魚咀我都覺得好驚喜，二話不說就叫咗喇，墨魚咀超級爽口彈牙，加埋椒鹽炸過，十分惹味小食拼盤$40 - 小食拼盤入邊有四款食物，包括一口芝士，炸帶子，薯餅同埋麻吉燒，每款兩舊，一人一舊唔使爭，超級抵食芝士年糕$19 - 芝士年糕又係我最愛，作為一個煙韌控同埋芝士控，呢個係必叫嘅，芝士好流太，正呀

住左喺屯門咁耐，成日同老公散步都經過呢間餐廳，想試好耐。今日自己一個買完餸回家又經過，終於忍唔住入來試試！餐廳環境光猛乾淨，坐得舒適👍🏻。餐牌好多嘢都好吸引，最後叫咗咖喱牛肋肉飯$59，印度薄餅$30，再加罐雪碧$6咖喱牛肋肉飯：咖哩汁比較濃稠，好香濃，少少辣，十分惹味😋牛肋肉炆得好淋，好入味！正呀，越食越開胃！由於咖喱汁實在太正，叫多份印度薄餅來食！印度薄餅，香脆可口，油而不膩，沾上咖喱汁，簡直係舌尖上的享受！😋😋😋

上星期去咗屯門探朋友, 朋友帶我去喜咖喱食個便飯, 佢話自己成日都去呢間食, 仲叫我試吓呢到嘅蕃茄湯豬頸肉拉麵添, 話係佢嘅Favourite我就叫呢個蕃茄湯豬頸肉拉麵嚟試下, $54 蕃茄湯好香濃, 酸酸地好開胃! 豬頸肉另上, 睇見都知煮得好香口, 食落果然好惹味! 連埋個蕃茄湯食, 鮮甜又食到肉香, 個麵仲有隻溏心蛋添, 切開咗之後好吸引, 可惜唔記我影相😂幾十蚊又抵又好食, 唔怪之得我朋友成日嚟食啦, 如果下次再嚟屯門一定encore

屯門區原來有好多美食，今次來喜咖喱食下定食同拉麵1️⃣豬頸肉溫泉蛋飯 $54豬頸肉彈牙爽脆，非常咬口。溫泉蛋流心個下真係好治癒❤️❤️❤️飯撈左啲甜豉油非常惹味。另外仲有青瓜作為點綴，非常清新。🙆🏻‍♀️美味指數:7.12/102️⃣香茅豬扒餐肉火腿拉麵🍜 $40拉麵爽彈有咬口，厚切餐肉簡直係邪惡之首，香茅豬扒有𡁻口。大大碗唔使驚唔夠飽。🙆🏻‍♀️美味指數:7/10💡整體來講，性價比唔錯，真係超抵食。喜咖哩 (屯門)地址🐾:屯門青翠徑7號金邦大廈地下1號舖

嗰日揸車去屯門交份文件比客，順便食埋晏晝飯，係網上check到d熱門餐廳，就求其係排行榜度揀咗一間我叫咗份燒豬頸肉番茄湯米線，一碗麵好唔好味最主要取決于嗰碗湯底同麵質。首先蕃茄湯底唔會好淡，蕃茄味幾重，餐廳唔會省皮，仲有幾嚿新鮮蕃茄係湯入面👍🏻米線質感就同普通米線一樣冇魚麵咁彈，但佢哋keep到米線煮完後就算浸耐左都唔會化，冇煮過龍豬頸肉用特製醬汁煮過，好似紅燒咁嘅做法，醬汁包住豬頸肉表層，甜甜地帶小小鹹味，仲有種焦糖嘅質感，好香口，餸飯或餸麵都一流🍽🍽講緊埋單$50都唔使，比隔離啲餐廳更抵食

今日去屯門探嫲嫲，佢帶我去平時去開間餐廳食個靚早餐。佢屋企喺紅橋附近，嗰邊一大朝早有開嘅餐廳唔多，依間餐廳裝修同風格相對其他來講係比較靚✨ 我叫咗份香茅豬扒米線配腸仔同煎蛋，仲有多士送嫲嫲成日同老闆傾計，聽老闆講佢哋香茅豬扒係用氣炸鍋整嘅，唔同一般要用大量油煎同炸嘅煮食方式，氣炸鍋只需要幾滴油就可以將肉扒整得好香脆，健康好多。 難怪嫲嫲成日落嚟食，仲以為佢食得咁唔健康添！呢種新穎嘅烹調方式真係值得欣賞👍🏻👍🏻