喜咖哩 (已結業)

喜咖哩 食評今朝路過屯門，約咗人未夠鍾，就去咗呢度食早餐。叫咗個香茅豬扒蕃茄湯螺絲粉 配太陽蛋火腿。先講番茄湯豬頸肉螺絲粉， 番茄湯唔係好濃，不過勝在酸酸甜甜，好開胃。螺絲粉又唔會煮刑好淋，個人覺得好有咬口。香茅豬扒好入味，咬起上嚟好淋，隻太陽蛋脆邊，煎得得出色。之前試過有啲餐廳早餐多士一啲都唔熱，牛油都唔溶。呢間多士仲係熱嘅，配合啱啱溶嘅牛油好滋味。食物質素同茶餐廳差不多，勝在價錢好合理，大件又抵食，值得一試。

朋友介紹話呢間好抵食，我就叫咗個咖喱吉列炸蝦飯，一嚟到見到個飯真係嚇親，好大碗！炸蝦就有4條，係平時食到嗰隻味冇咩特別。個咖喱份量係成碗，都味道唔錯嘅，嚟到嘅時候熱辣辣又好香，倒咗落去撈飯真係好嘢味。朋友就叫咗個赤魚定食，佢話以前返學已經係食開，望望下都幾多人叫呢個食！個魚定食本身跟個湯，呢個就見仁見智啦，我就麻麻哋鍾意。另外叫咗個拼盤同埋芝士年糕同朋友share，個拼盤有忌廉薯餅、一口芝士、炸帶子同埋麻吉燒！忌廉薯餅好香滑，其餘嘅嘢都正常發揮。反而好推介芝士年糕，煙煙韌韌又熱熱地，好好食！勁想encore不過真係食唔落！

經過喜咖哩幾次都咁岩食左飯, 今日終於可以留肚待登來試試.MENU 既咖哩牛肋肉飯樣子吸引, 加多個 side dish 印度薄餅 + 溫泉蛋 2 隻, 夠唒我地2個女仔 share.咖喱分量大, $49 十分抵食. 偏日系咖哩, 醬香多汁,  配飯配薄餅都好好食.飯係珍珠米, 薄餅正常唔太油, 牛肋肉分量都唔少, 入味又夠嫰滑. 其實佢真係味道唔錯, 而且經濟實惠, 下次再黎試佢既早餐

LUNCH食日食左個超抵食既日本定食SET, 平靚正, 價錢抵唔係就HEA你, 質素仲要唔差架, 一個SET有湯有魚有飯, 日本定食來講, 完全合格以上。同朋友都好想食赤魚定食, 所以一人一個, 另外叫多份炸蝦SHARE。日本赤魚定食$49, 加溫泉蛋$5加左隻溫泉蛋, 蛋味夠, 生熟到一流, 流出來撈埋飯好好食。赤魚睇樣炸到好乾身, 以為柴皮咁啦, 又唔係喎, 入面都係滑架喎.日本赤魚定食$49, 加糖心蛋$5友人加左隻糖心蛋, 都係做口感一流, 不過我都係鐘意溫泉蛋撈飯多D, 個湯就中規中舉啦, 但如果食絕對推介大家加埋蛋試下。

因為工作關係一早要入屯門做野, 人生路不熟, 晨早驚無啖好食就要開工, 真係靠運氣亂入一間餐廳食個早餐。點之又比我搵到驚喜, 哈哈。望到餐牌, 都係平時茶記配搭, 不過價錢真係算是好合理。$35蚊包埋杯野飲, 本人養生叫左杯熱檸水, 要凍飲加多$3蚊都只是$38。個餐來到先最估唔到咁大份, WOW~友人點的香矛豬扒太陽蛋火腿豬骨湯公仔麵, 湯底唔係平時唔加錢轉一丁既滾水麵。本人的雞翼太陽蛋厚切餐肉豬骨湯公仔麵, 餐肉真係厚呀, 正! 唔使食透光遇水即溶餐肉片。如果朝早係附近想嘆個靚早, 呢度真係平靚正之選。

一直都唔記得左寫翻個好評比呢間鋪，今日終於醒翻起😂呢間鋪都幾容易搵到因為佢門口既裝修都比較吸精入到去係日式餐廳既風格，呢間鋪雖然招牌菜係咖喱但因為我當時係第一餐所以入去純粹打算食早餐，宜家諗翻都覺得應該叫佢既咖喱同拉麵下次一定要試下周圍都幾乾淨整齊，當時就簡簡單單左個鼓油王雞翼太陽蛋腸仔豬骨湯螺絲粉到宜家都仲好記得碗野講翻個餐先，有個烘左既包唔燶，咬落口脆既金黃色，唔馬虎腸仔同蛋都係唔錯正正常常，重點黎la就係佢個螺絲粉!!!! 佢個豬骨湯湯底真係超正冇落味精個鼓油王雞翼都非常入味重點係埋單先$35蚊真係抵到爛完全係平民價高水準推薦大家試下

今日收咗工就同同事去屯門一間餐廳，同事話呢間好好食經濟又實惠，物超所值，咁我就應承咗同佢去啦，去嗰度食一餐晚飯晚餐。咁我就叫咗一個咖喱豬扒飯，好多地方都有咖喱豬扒飯，咁我就揀咗咖喱豬扒飯返嚟食，仲要去做比較，咁呢間咖喱豬扒飯咖喱汁味道足夠，豬扒夠大塊，當然飯的比例剛剛好，雖然咖喱汁同豬扒飯分開上，但我用咗兩種食法，第一種將豬扒點汁，之後連飯一齊食，另一種將咖喱汁倒落飯到食。不過兩種食法都可以，我同事就決定將所有咖喱汁到晒落個飯度食。呢個去一次就足夠了，除非你想食不同嘅食品啦

喜咖哩可以話係我日常之選，因為佢呢到嘅又唔貴，又平，同埋都近近地我屋企，所以我成日都去幫襯！無論早市，晚市，午市我都試過哂，基本上都好好！早市，午市，晚市嘅選擇都好多，我成日去食都唔會話食到悶。同埋嗰到啲伙記員工都好好，可能因為我成日去所以熟落咗，嗰到啲人都同我成日有兩句，好有人情味😆👍而且食物份量味道嗰啲都唔洗多講，四個字 物超所值！我最鍾意係嗰到食早餐，我就覺得呢一到比普遍嘅茶餐廳好食😋推介住附近嘅朋友仔去試下！

每次經過呢間鋪都比佢D咖哩味好吸引 ，今日同朋友一於初嘗一番，呢度裝修以木為主，食得幾舒服！❤❤咖哩吉列豬排飯 我叫左期待以久既咖哩，果然係無令我失望！充滿椰香好Creamy，日式咖哩風格，甜甜地又夠入味。標榜無味精，食完都唔覺好口渴😋😋日式燒汁雞排拉麵朋友叫左拉麵，湯底豬骨味清甜濃郁，雞排大大份，沾上燒汁非常惹味～麵底仲可以轉米線Or鳥冬 ，朋友加$$轉左鳥冬，有稻庭鳥冬嘅影子，好彈牙！！🤤🤤

屯門 喜咖喱-身為九龍人嘅我，好日都唔會入屯門呢啲大西北地方，今日難得黎到，緊係要食返餐好啦！我今日跟住一個住喺附近嘅friend食好西。跟地膽實冇死啦🤣 朋友介紹咗呢間「喜咖喱」同我食。-🐷 咖喱豬頸肉飯 （$59）平時喺茶記食親都係咖喱牛腩飯，今次黎到呢間專食咖踏土嘅餐廳，當然要試啲唔同嘅嘢，所以我就揀咗豬頸肉。豬頸肉份量都算多，而且好煙韌，飯嘅質感都唔錯，加埋咖喱汁唔會太軟身，啱啱好，我食清光🤣-🐽 咖喱吉列豬扒飯（$59）朋友都係叫咗豬食！佢食吉列豬扒飯。豬扒個皮炸都好鬆脆，咬落chop chop聲，加埋超match嘅日式咖喱，睇到我都好想食呀🤤

一直都好抗拒食港式日本野, 今晚黎 tuen mun 搵朋友仔, 佢就帶左我食呢間 ~本來都預左唉, 是但啦, 人地都帶左黎坐低, 唔好意思推佢話轉場 係不甘情願下點左蕃茄湯吉列豬扒螺絲粉+溫泉蛋!! 嘩, 上菜個刻即刻覺得, 咁大碗 gei!! $49咁搏命, 梗係學生個 d 級數, 只填飽就算, hehe ~試啖湯, 喜出望外, 不由自主地繼續飲左幾啖 ~ ok wor, 濃郁, 香甜, no msg 咁既 feel!炸豬扒份量都唔細, 外鬆內軟, 脆口又唔會  too oily! 最重要係佢唔會甩到豬排同個皮分開, good good!以呢個價錢來講, cp 值真係超好 ❤朋友仔話原來佢同老公每隔一排就好想返來呢間食, 咖哩, 燒雞扒, 烤雞翼都好出色 ~小店雖然唔 fancy, 但好實在 (◍•ᴗ•◍) 不後悔, 推推

落開屯門做野，咁啱早餐時間未過，就拿拿臨係附近搵下早餐食見到依間喜咖喱，睇過餐牌後就決定同同事入去食個早餐我叫左個雪菜肉絲太陽蛋午餐肉米線共$35 仲要有埋多士3餸黎講早餐真係都幾抵食，雪菜肉絲米線夠濃味，份量足夠，米線係我中意食果隻彈牙米線午餐肉比起其他餐廳算厚，熱辣辣太陽蛋煎得勁靚，最中意流心蛋黃，流心蛋黃放落碗麵食一流多士有烘底成個早餐對一個女仔黎講食完超飽，整體黎講真係算不錯的早餐，有機會會再黎食

難得去開屯門探朋友，當然要去搵下好野食啦！因為我地兩個唔想食啲連鎖店同大集團，所以今次就揀間小店試食🤭你知啦！而家經濟咁差，支持小店好重要架嘛💪🏻朋友係地膽，我呢啲九龍人次次去屯門都係等佢帶路，唔駛諗又有好野食真係唔錯！我地離遠已經見到大大個紅色喜字，好易認😹入到去唔算多人食，但裝修簡簡單單，但係又感覺好舒服！我地兩個一人叫左一樣一齊sharing,咁就可以試多款味啦！哈哈！豉油王雞扒飯同埋招牌咖喱牛肋肉飯咖喱夠多送飯一流，肉都唔算太硬！雞扒煎得夠香口，加埋溫泉蛋汁好match囉！呢間喜咖喱4-50蚊一個飯，經濟又實惠，去開附近可以一試！

今日放假，死佬話去屯門行下Aeon行下行下肚餓就見到呢間喜咖喱，心諗平平地填飽肚算入到去，牆壁圖案幾特別，入面裝修幾日式店名都話明喜咖喱就緊係叫咖喱食啦，但死佬就偏偏叫左個蕃茄湯豬頸肉螺絲粉，而我就叫左個咖喱吉列豬扒飯，再加一客薄餅（咖喱必配）蕃茄湯豬頸肉螺絲粉：試左個湯底，出奇地出色，茄味濃郁，酸味適中，豬頸肉都十分惹味，忍唔住食左死佬幾舊咖喱吉列豬扒飯：咖喱係我中意食個隻味道，因為有啲係椰奶重我就麻麻，佢呢隻係甜香咖喱，撈飯一流👍🏻吉列豬扒唔會皮肉分離，但就稍為乾身，味道不賴，食左薄餅啲飯都食唔哂了，份量大份🤣但咁既價錢絕對係超值抵食👍🏻

今日嚟到喜咖喱，但唔係食佢嘅咖喱，係要試吓佢嘅定食！ 睇一睇個餐牌發現原來呢度唔係淨係有日式定食，仲有港式早餐，依家仲有外賣優惠添！夠晒多選擇～ 叫咗一個$49嘅日式赤魚定食，有湯有飯，好彩係lunch嚟食，唔係嘅話一定好飽🤣 赤魚肉質香嫩，皮煎得啱啱好仲有少少脆，加埋檸檬汁就更加清爽唔膩，餸飯一流🤤 定食包埋嘅番茄湯都唔馬虎，唔係茄膏沖出嚟嘅湯，好足料好濃郁👍🏼 有機會會再嚟呢度試吓其他嘅定食套餐，如果鍾意食日式料理嘅你都唔好錯過🙈