喜咖哩 (已結業)

這個香茅豬趴餐溫泉蛋蕃茄米線$35，個人覺得很划算，吃的很飽，每次來這間店幾乎十次有八次是吃這個餐。湯有一點點番茄味，不會很重，但是湯真的很濃，對於一個湯麵來講，湯是關鍵，這個湯麵剛剛好符合我的口味。我喜歡將蛋放進麵裏然後戳破再吃，這樣就不會有腥味。麵包皮我通常最後才吃，因為最後會剩下一些湯，沾湯汁再吃就不會覺得硬和無味，另外肉和餐肉的火候也剛剛好。總之這個麵非常符合我的口味。👍🏼👍🏼建議大家下次來吃都不妨試一試，35元真的不貴，現在外面隨便一個餐都要40或以上。

完全唔明點解咁多好評，我從來唔寫評論！但呢次真係食完谷鬼氣！食左2個餐：-1）咖哩牛筋飯食第一啖，個陣衝擊太驚人，超鹹又酸又辣，我真心未食過呢隻味的咖哩，食完個口仲keep住成陣味，有痰咁⋯我平時都食好重味的，但呢個食一啖好似食左一口鹽咁⋯最奇怪有酸味，我有一刻懷疑係咪變左，酸到啲薯仔同牛都有，咁我估唔似係變掛🙄2）雞扒配蕃茄湯螺絲粉個雞扒細塊到比人咬左一半咁，味道係現剩急凍買個啲雞扒，hktvmall有$20一包的雞串，一樣味！蕃茄湯見唔到有蕃茄，好淡！快餐都冇咁難食😑老實講，普通茶記都好食過佢，唔明點解有咁多好評！平時我老公都好少出聲講啲野難食，佢都忍唔住，食到冇哂心機！Sorry唔會有下次⋯

同老公兩個朝早入咗屯門行山，行完山，好鬼肚餓，上 open rice search 屯門有乜平野吃吓，因為晚上要吃大餐，就是但入咗喜咖哩。好搞笑，兩條友仔唔係叫咖哩食，叫咗兩個早餐食🤣🤣🤣我叫咗香茅豬扒火腿太陽蛋蕃茄湯螺絲粉，分量剛剛好，個豬扒幾 juicy ，個湯都幾好味，螺絲粉唔硬唔稔，而老公叫咗豉油皇雞翼腸仔煎蛋豬骨米缐，以下午茶尼講，都算豐富啦。個雞翼都幾 juicy, 脹卜卜，無煮過龍，多士脆卜卜，個湯唔淡唔濃剛剛好，誤打誤撞都吃到個滿意下午茶咁啦😌 咁嘅時勢，友持下d有誠意嘅小店。

晨早流流，因為通宵工作，打算落公司樓下食個早餐，叉個電再繼續返工。去到餐廳點咗個成日食嘅沙爹牛肉餐肉鮮奶炒蛋豬骨湯螺絲粉。$35唔貴，同附近餐廳比，呢個算性價比高，每次黎食早餐都係食到勁飽。先講個面，唔硬唔軟，煮得啱啱好，沙爹牛肉規規矩矩，牛肉味重，一碗麵落勁多料，沙爹牛肉最後都係食剩咗少少，因為飽得濟。炒蛋午餐肉同埋多士飛邊，上到檯都係熱辣辣，唔似其他餐廳咁，一上檯就凍晒。另外好快上檯，我點完餐後10分鐘內到。總括而已，呢個餐性價比高，質素高。早餐食得咁飽，一日工作都開心D。

呢間嘢都幾抵食！嗰日我同啲細佬去，佢哋都好鐘意食咖哩嘅，平時佢哋對食咖哩嘅要求都幾高🙈但嗰次同佢哋去食佢哋都係一致好評！咖哩唔算話好辣，我唔食得辣都接受得到，所以唔食得辣嘅寶寶都可以去試下🤣好啦，講翻啲嘢食同餐牌先，餐牌其實都算多款式，應該總有幾樣啱你口味😆我最鐘意食日本赤魚定食！好好味又抵！都幾啱平時日常去食，最鐘意食lunch去，因為又近又方便又抵食，係學生，上班族食lunch嘅不二之選喔！

極上豬扒，仲好食過吉X屋我搵到一間好好食既炸豬排😍😍。小妹我最鍾意食炸豬排，周圍既朋友都稱呼我做豬扒博士，去到邊到只要有炸豬排就會order既女人就係小妹我。個日小妹行完街有啲肚仔餓就近就入左呢間喜咖哩坐左陣，見到menu上面好親切既字，我毫不猶豫就叫左呢份吉列豬扒飯。炸豬扒最重要既除左塊扒就係層炸衣，扒衣不分，外脆內嫩既豬扒就係好豬扒，而呢到既豬扒就係一個好好既例子。炸衣脆而唔會硬，豬扒嫩且多汁一啲都唔乾唔柴，真係極上既享受。推薦比各位鍾意食豬扒既朋友們，呢間唔試真係走寶。👍👍👍👍

有一日放工唔知食乜好，是旦入左附近一間餐廳打算速速食完一餐就算，個日就入左呢間叫喜咖哩既餐廳，叫左平平地$48既一個蕃茄湯雞扒通粉，份量都算大，一個人食會覺得好飽既份量。個雞扒同個湯既味道好夾，酸味味既湯襯到塊雞扒既鮮味出晒黎，塊雞扒既調味唔會太重，所以攞到個平衡，相輔相乘，簡直係絕配🤤🤤。我覺得$48可以食到咁高質既一餐我覺得抵到爛，呢間餐廳，推薦比大家，得閒又或者住附近既朋友可以嚟試下到底堅定流😉👍。

早排去咗朋友屋企，朋友就推介佢屋企附近嘅呢間餐廳，話佢平時早餐都會嚟呢度食，味道唔錯、經濟實惠，所以今次就嚟咗呢度食晏晝， 環境都幾舒服_首先我哋就叫咗一個香茅豬扒溫泉蛋定食 $49呢個價錢非常實惠，香茅豬扒非常香口惹味，大大塊之餘食落也不會感到十分油膩，配上滑滑的溫泉蛋配飯一齊食非常下飯_朋友就叫咗一個日本赤魚定食 $49赤魚定食有附上湯品， 食飯之前飲下湯暖下個胃十分舒服，呢度嘅赤魚食落去肉質彈牙有口感，另外呢度午市仲有很多定食選擇大家下次嚟到不妨試下

自己一個人住，煮個飯都好鬼麻煩，我有時懶得煮就會落街食，求其打發一下又一餐。個日我就行遠啲去睇下有咩好食，就見到呢間喜咖哩。呢間意外地好食，可以話係出乎我意料之外既好食，我ORDER左一份蕃茄湯雞翼螺絲粉，我好中意佢既雞翼，又香調味又教 得啱啱好，咬開入面仲好juicy，最重要既係熟既一啲都唔紅，我以前試過係某棧食過唔熟既雞翼，好死唔死個時仲係禽流感既時候，可以話係我一生既惡夢😷😷唔單止佢既雞翼，佢既螺絲粉同蕃茄湯都係超正，蕃茄湯茄味濃郁，好鮮酸酸甜甜好開胃，螺絲粉軟硬適中，真係唔錯食😋

有日home alone我就自己一個孤零零係街上面遊蕩，行到肚餓，見到呢間喜咖哩就入左去諗住食下咖哩飯，不過我最後都係冇叫到咖哩食😂😂，因為我見到個豉油王雞扒飯好吸引。四十八蚊一份大大份既飯其實都唔錯，都幾經濟實惠，尤其對我呢啲孤獨既食客黎講。我覺得佢好正既係佢個飯有粒溫泉蛋係到，我最中意既就係溫泉蛋，將佢整散同啲飯撈埋一齊，再襯埋佢呢件又嫩又霖又juicy既雞扒，真係人間極品🤩。我睇佢既餐牌其他野食都好吸引，有機會下次再黎食多次試下其他野。🤓

今日去左喜咖喱度食野, 好掛住佢地既拉面, 佢地既拉面最平只係HK$40一碗, 叉燒拉面同天婦羅什菜拉面只是HK$40, 我平時去到都係食叉燒拉面,其他既拉面有吉列豬扒拉麵, 雞翼拉麵, 豬頸肉拉麵, 吉列炸蝦拉麵, 吉列豬扒拉麵, 日式燒汁雞扒拉麵全部都係HK$49, 湯底ok, 個面軟硬適中, 外賣自取套餐只係HK$35包飲品, 真係超值得好緊要, 另外叫左個椒鹽墨魚咀$50、小食拼盤$40, 個小食拼盤都比得幾多同3個朋友share黎食都夠食, 而且佢地服務幾好, 幾好人, 所以我耐唔耐都會去食

後生嗰陣好鍾意同班同學襯lunch time 跑過嚟食午餐， 嘻嘻哈哈又一日🥳 童年回憶 — 喜咖喱 我記得嗰陣一個lunch 好似 $20幾30蚊，後期好似加咗少少，到畢業嗰陣$35-40，估唔到隔咗咁多年，而家都係$50有找，良心食肆呀🤓喜咖哩睇餐廳名大家一定以為得咖哩食，但其實唔止㗎😛 不過如果鍾意食咖哩，我會推介青咖哩，夠濃郁🤪今日叫咗 $49嘅日本赤魚定食，赤魚煎得香口，加埋檸檬，酸酸地，仲惹味🤓🤓 定食個湯並唔係一般嘅面豉湯，而係中湯😂 夠曬中西合璧😆

今日經過屯門搵野食之後見呢間餐廳啲早餐都幾抵幾平就入咗去試下。本來其實冇諗住有啲咩野期望，都係食個早餐姐，正正常常就算啦，點知佢個早餐有驚喜！! 我嗌咗個豉油皇雞翼螺絲粉配溫泉蛋同腸仔，佢啲螺絲粉唔會話煮得好琳，軟硬度啱啱好唔會成口粉，溫泉蛋都好好食，多士好脆卜卜，整體嘅賣相10分滿分可以比9分。重點係佢個蕃茄湯底好濃郁，不過食落去又唔會話好重味精，希望佢個湯底唔係用味精煮架啦！整體感覺上，個早餐十分抵食，值得encore!

屯門區有間~$50抵食餐廳，咖喱飯係日式，連餐廳格調都係日式，乾淨衞生。用優質食材，每日新鮮熬製，出街都食得健康👍🏻 終於唔係食拉麵先有得配溫泉蛋/溏心蛋喇，仲有好多選擇😙🍛招牌咖喱牛肋肉飯（可+$5 追加溫泉蛋）日式咖喱醬香濃，多汁，送飯一流，飯係珍珠米飯，粒粒乾爽分明，牛肋肉非常滑溜，食完好似補充到骨膠原嘅感覺☺️🍅蕃茄湯豬頸肉螺絲粉(可+$5 追加溏心蛋）小店堅持每日熬製番茄湯，飲得出係足料鮮甜，100%無味精，真材實料，螺絲粉浸喺濃郁番茄湯中都好入味😋豬頸肉係另上，照燒過嘅肉好嫩滑，好juicy!平日2點前食午餐，都有機會要等位，但咁啱今日1點8左右入去都仲有位👍🏻

最近發現左一間好好食既餐廳，冇錯，就係佢喜咖喱。我一開始仲將佢同銀X喱撈亂，諗住會係同樣既Quality，點知我錯估左形勢，原來佢係咁好食。我係有一日心血來潮入左呢間餐廳，打算試下伏，點知佢令我喜出望外。我個日叫左豬頸肉蕃茄湯米線，個蕃茄湯真係不得了，酸酸甜甜，蕃茄味十分既濃郁，仲有股鮮味。啲麵仲要夠煙韌，有咬口，我最唔中意啲面又霖又軟，呢碗面啱曬我心水。而份豬頸肉係另外上既，呢個加唔少分，啲豬頸肉唔會浸到啲湯，啲味唔會撈埋一齊，真係抵讚。個豬頸肉肥而不膩，好爽口，豬頸肉食既就係佢既肥肉同瘦肉夾埋一齊既個種好脆既口感，呢度既豬頸肉簡直係滿分既示範。呢間野咁好食，我以後都會繼續黎食架!