喜來稀肉 (登龍街)

營業中

休息中

今日帶咗好鐘意食爐邊蛋同芝士嘅啊媽食喜來稀肉，一開始店員已經會擺底泡菜，洋蔥，沙律等等嘅韓式前菜，表示最鐘意食依啲韓式前菜🥰。燒肉方面今日想食牛，所以叫咗護心肉同西冷扒。護心肉真係喜來稀肉嘅招牌菜，薄薄一片燒幾秒就食得，唔會好肥但係食落又好腍入口即化😘。西冷扒好大塊😊，燒完剪開一塊塊就可以大啖大啖肉咁食，食落都好香牛味🥰。仲叫咗水冷麵同啤酒， 凍冰冰，啱晒夏天同燒肉一齊食。冷麵酸酸的，好開胃。

今日放工超級肚餓，差唔多放工既時候已經不停同自己講:今晚一定要食餐勁，見咁耐無食燒肉就同朋友，又去左我地既老地方-銅鑼灣喜來稀肉。其實我真係好鍾意黎呢間餐廳，因為一入到門口就有一個韓國人用正宗嘅韓文同你打招呼，係而家疫情咁耐冇去到旅行，入嚟呢度食餐燒肉就當自己好似飛咗去首爾食咗一餐晚餐。今次比起上幾次，我哋試咗好多其他唔同佢哋嘅特色小菜，分別有牛骨湯同埋香蔥煎海鮮煎餅。佢哋嘅牛骨湯清得來有好濃烈嘅牛骨香味，配上粉絲，係一個好啱夏天飲嘅湯，好舒服。 至於海鮮煎餅，份量非常足夠，餐廳完全唔會吝嗇材料，喺煎餅上鋪滿左勁多海鮮，建議如果食呢一道菜，食之前喺石板上面烘一烘，在配上醬汁一齊食，會更加好味。至於嚟到喜來稀肉，當然唔少得食燒肉啦，我哋今次叫咗佢嘅牛肉眼，同埋喜來五花肉，水準依然一流，用生菜包住佢哋連埋泡菜一齊食，真係一個極致嘅組合。最後飲一杯柚子梳打，同埋食埋佢嘅芝士同泡菜爐邊蛋作結，大滿足！

今次嚟到銅鑼灣嘅喜来稀肉，中於可以品嘗一直有名氣既喜来稀肉，我們在門外等候了一會就可以進入餐廳，餐廳職員預備了生菜還有泡菜酸瓜酸蘿蔔給客人配著燒肉吃。用生菜配泡菜加醬包肉真是一流❤️我們點了幾份牛肉慢慢燒著燒著，牛護心肉和牛舌真是大贊，又滑又好吃。我們連配肉的菇也一起燒起來吃了。在燒了部分肉的時候，我們便開始品嚐旁邊的蛋了❤️蛋有2個味道 有明太子味和原味真的好贊。如果喜歡燒肉的人，絕對可以來這間店一試。

好耐無同埋朋友一齊出嚟食燒肉啦，今日特登卜左呢間位於銅鑼灣嘅樓上鋪-喜來稀肉。豬嘅五花腩就食得多，今次決定要試埋呢度嘅牛五花。牛五花 $158，同豬肉唔同，牛五花切出嚟賣相有D似肥牛薄片，燒起後油脂香氣四溢，入口齒頰留香，美味非常。喜來五花肉配特製醬汁 $130，經典嘅喜來五花肉很有水準，肉質紮實彈牙，口感十足。食完燒肉，爐邊蛋已夠熟，芝士、 泡菜、蒜片三個口味當中我最鐘意泡菜味， 鹹酸味平衡得宜同雞蛋超夾。

我同朋友兩個都係meat lovers, 今日收工一齊嚟到喜來稀肉，一如以往我地揀左招牌嘅喜來五花肉($130)。話明係五花肉油脂相當充沛，燒起嚟吱吱聲好治癒，餐廳用上特製醬汁醃肉，非常入味，燒好再點少少韓式辣醬，用生菜包起嚟食先夠正宗！！不得不讚，呢度嘅生菜十分之新鮮，食落又夠爽脆，如果份量唔夠仲可以叫侍應加菜添。 牛肉揀左牛護心肉($160)色澤紅潤，脂肉比例完美，燒一陣就食得，肉質軟滑，牛香味濃厚。

銅鑼灣呢間長期book唔到位，最少都要幾日至一個星期前book。以前一直都食開，可以話係熟客。但係上一次食嘅時候我同我同行嘅朋友都肚痾。今日諗住俾多次機會佢，點知，同樣咁失望。食物質素差咗好多！牛護心肉同五花腩係有浸酸味，完全冇胃口。餐具同啲碟都好油，地下都係。而家疫情期間係咪應該要更加注重衛生情況？職員嘅態度都有待改善，佢放碟肉落嚟既時候，好似大排檔咁揼落嚟。。執枱嘅時候好似街市咁拎手推車執，隔離枱啲汁彈到落我朋友件衫度，仲要冇道歉。最後，最重要嘅係，今晚我都有肚痾。好失望好差，唔會再幫襯。

這間韓國餐廳真的是我係韓燒的第一選擇，位於銅鑼灣登龍街的樓上店，下面更是有韓式外賣的零售產品，感覺10分有韓式的感覺。上到去近視配菜齊全例如有泡菜，有蘿蔔，及有韭菜等。感覺10分清新。我們叫了真雪花牛肉大概有10多片快快都真的有很多雪花，放上燒烤板上油脂立即出來感覺牛肉味很香很濃，另外叫了牛骨燉湯牛骨很白湯也很濃郁因此是牛肉控且喜歡湯水的第一選擇。最後我們叫了水冷麵因為天氣太熱的關係想涼一涼，水冷麵的芥末汁非常好，這個配搭是夏天的必備。

喜來稀肉 𝗦𝗲𝗼𝗿𝗮𝗲 🇰🇷無錯！又係韓燒🇰🇷🤣🤣 好有青春嘅感覺，日日都食燒烤邊爐🥲 好啦我老啦，食唔到咁多🤣🤣今日叫朋友決定，放工喺公司附近食🤣就揀左「喜來稀肉」😛 朋友早過我到，店員都好好，先安排入座😇 我去到嘅時候餐廳已經滿座，銅鑼灣果然人流好旺，油煙都比較大🥲同樣一坐低就有4小碟配菜同兩款蛋🥚🥚，分別係芝士蛋🧀同泡菜蛋😋。我同朋友都偏好「芝士蛋🧀」，有少少拉絲，正🤩🤩🤩 不得不提個泡菜🥬🇰🇷好特別，偏辣帶微酸微甜，我地都十分鍾意🤤用 𝗤𝗥 𝗰𝗼𝗱𝗲 形式落單，連加配菜🥗加蛋🥚都係，幾方便🤡 由於太肥冇quota，就casual嗌左2款牛肉🥰『喜來烤肉 (𝟭𝟴𝟬𝗴) 』𝗛𝗸$𝟭𝟱𝟴 🌸- 咁耐冇黎喜來稀肉叫返個signature先🤩 佢無特別注明係咩黎，只知道係喜來style嘅牛肉🥩🤣 個肉質好嫩！重點係個醬油🤩🤩同個牛好夾！突出左牛嘅美味🥰『牛護心肉 (𝟭𝟱𝟬𝗴) 』𝗛𝗸$𝟭𝟲𝟬 🐮♥️- 護心肉比喜來烤肉厚身少少，同樣好嫩、重牛味😋 呢個無醬汁嘅，但點少少鹽就已經吊到個味。(兩碟均有一塊好薄好似紙嘅嘢！係雞髀菇🍄嚟咖！)兩個女仔點兩款肉就已經好飽⋯⋯一開始仲諗住嗌三款🤣🤣眼闊

今日去咗人氣韓國過江龍，之前已經幾期待，結果無令我失望。😋👀前菜有三碟，份量唔少。泡菜非常正宗，辣味去到喉嚨位。辣芽菜雖然有辣醬鋪面，但相對無咁辣。酸青瓜紅蘿蔔幾開胃。 🍳燒烤爐邊可以放蒜頭同蛋，蛋有芝士同泡菜味，泡菜撈埋蛋係唔太辣。旁邊仲附送一盤生菜。鮮爽口生菜包住熱辣辣嘅芝士飯同護心肉，多重口感。🤤🤤生菜、前菜都可以透過QR code 任添，而蛋漿可以再加一次。🥩護心肉 $150招牌必點 ，護心肉係豬橫隔膜同肝之間嘅筋肉，每隻豬只有二百至三百克，幾罕有。外表色澤暗紅，脂肪比例相對少，經過燒烤，肉外層帶少許油光脆口，幾吸引，食落肉質鮮嫩彈牙。 烤咗一陣肉，店員主動換pan，非常貼心，咁就保持到烤肉水準，唔會咁易燶底。🧀芝士石鍋拌飯 $75有驚喜，超多芝士鋪喺表層，成碗都做到拉絲效果，芝士控唔好錯過。再加上濃郁醬汁撈埋肉粒，幾惹味。飯焦幾香脆，不過略嫌少咗啲。估唔到樓下店舖都有幾多韓國美食，喺拎住喜來稀肉嘅收據喺店舖買嘢有九折。🤣

喜來稀肉食極都吾會厭呀，今次去銅鑼灣既喜來稀肉食返個韓燒當去左韓國架啦，估唔到平日黎食都好多人食，幾乎滿座，而且聽到好多唔同國籍既人黎食，有內地人、韓國人、外國人都有，睇得出係有幾火紅既韓燒。要食一定食個最好食，今次叫返個雪花牛黎燒，啲肉好靚仔，建議沾鹽食就夠，唔好包菜食，如果唔係食唔到個牛肉味。水冷麵唔係間間韓國餐廳都整得好食，喜來稀肉既水冷麵係無得彈，加啲醋加啲芥末醬味道一流，麵質又彈牙，岩晒宜家咁熱既天氣食。

喜来稀肉真心好中意食燒肉既我😂真係一個月食幾次都無問題🤪今次食銅鑼灣登龍街高質韓式鐵板燒好多朋友都話好味😋忍唔住要去試下😍一去到台上已有蛋漿同埋生菜～仲有泡菜等配料前菜擺埋曬一齊一望到就好肚餓～邊食邊揀我地統一叫牛😎😎因為太中意食牛啦叫左喜來烤肉，牛舌同牛護心肉全部都好香口好好味加埋菜+醬+泡菜真係一流！邊烤肉邊等個滑蛋熟🥰蛋有原味同埋我估係明太子味😍最中意係個蛋員工超好不停黎換個鐵板所以全部都燒得好靚💪

今晚去咗銅鑼灣喜來稀肉同朋友仔食生日飯！我哋睇咗好耐都決定唔到食咩好！咁就不如叫個套餐食，咩都有唔洗諗！又抵食😆最後我地叫咗個壹頭豬燒肉套餐！我最愛既爐邊蛋😋同埋泡菜😋其實個青瓜蘿蔔酸酸味味都幾醒胃！壹頭豬套餐有護心肉、五花肉、豬頸肉、韓式烤豬大腸、韓式烤豬皮。我地先燒咗啲護心肉食吓！護心肉其實係豬既橫隔膜和肝之間既肉，燒香咗佢啲油分唔多，爽滑彈牙。好味😋五花肉有啲肉我地港式既燒肉，食落有口感肉質香。烤豬大腸豬頸肉豬皮

銅鑼灣想食燒肉你有咩推介🧐？*喜來稀肉*呢個名字你大慨不會陌生🤩。任食沙律🥗。前菜。爐邊🥚。為食妹👧🏻其實係為咗爐邊🥚而黎架😍。套餐有三款😍。食🐷定食🐮好👉🏼👈🏻。一頭🐷套餐有五款🐽嘅食物。包括💫護心肉。五花肉。🐽頸肉。🐽大腸。🐽皮。岩曬 ❤️多多嘅為食妹👧🏻。🐽大腸🔥到外層小小燶燶地。口感爽口彈牙😛。兩邊都係芝士🥚。唔好🔥太耐。半熟流心🥚最正😍。哈哈😎我真係為食爐邊蛋而黎😋。

還記得以前六點就要來到排隊，為的就是喜來稀肉馳名的護心肉。現在的喜來稀肉冇咁難訂位，要食隨時都有得食。 選擇了下午時分同媽媽來吃飯，估唔到下午時間都咁多人食韓燒，我哋兩個簡單食啲韓式小品就夠。 媽媽叫的西柚汽水，夏天飲一流，如果今日食燒烤應該更加正。 拌冷麵都幾正宗，同上次喺釜山食嘅感覺一模一樣，大熱天時食，不會錯。 她點的海鮮泡菜餅，我從來唔會叫，然後佢話好好食，成碟就咁清晒，我個人覺得唔算好特別，相對最失色選擇。 豆腐湯，辣辣地嘅泡菜香，最重要送白飯，豆腐算幾滑，滑到可以係舌尖入喉嚨，只怕太熱。 熱辣辣嘅石鍋拌飯，味道幾好，加上五色蔬菜，不能不吃到碗底朝天。 我自己的comfort food 一定係韓式海鮮拉麵，海鮮不多，但煙韌的公仔麵叫人難以忘懷，食呢個仲開心過食護心肉。 簡單的下午，兩母子談天說地，就已經滿足，而我還是不明白點解佢咁鍾意食韓國嘢。 喜來稀肉 銅鑼灣登龍街41-51號金龍大廈地下3號舖及1樓

呢間韓燒依我印象都系銅鑼灣開咗幾耐，經常見到人推介，但都未去食過。朋友提起就一齊去咗試吓。總括嚟講嘢食質素平均，無論係燒肉定主食都唔錯，但爐火比較難控制，一唔留神就好易燒燶嘢 😂因為同行朋友都唔食得牛肉，所以我哋就重點試豬肉。韓國釜山工業城市其實燒豬比燒牛更加補普及，價錢亦都親民。呢到嘅佈置同燒烤格局同釜山嘅燒肉店都有7成似，豬肉份量可以。燒爐兩邊會有長條彎型鑊放但泡菜炒蛋同芝士炒蛋，兩款我都好鍾意食 😆 一坐低之後枱面亦都已經放好前菜小蝶。朋友們都話佢地嘅 kimchi 堅係辣，我諗係用私家配方醃製。喜來五花肉 $138五花肉嘅厚薄適中，唔晒燒好耐已經燒到兩邊金黃色脆口。油脂平均。一份約有11/12塊左右，夠三個人食。護心肉 $158冇試過護心肉嘅我哋比呢個部位吸引咗。護心肉系條狀上嘅，感覺有啲似豬柳，但比豬柳軟身，燒完之後肉味香濃，幾過癮。鐘意啖啖肉或者平時鍾意食扒的話應該會幾鍾意食。調味醬油雞肉 $110雞肉應該係用去骨雞髀肉，嚟到時好大塊要自己剪開。預先醃好咗非常重口味。個人覺得就鹹咗啲，送飯食的話會啱啱好。辣魷魚 $160魷魚好大塊亦都好多塊，份量最慷慨。食極都仲有。好易燒，