喜來稀肉 (已結業)

喜來稀肉旺角分店位於廣華街和煙廠街交界的百利達廣場地庫，有巨型招牌，入口非常好找！店內空間極大，而且全部枱都有相當闊落嘅空間，絕對唔會出現唔夠位放食物嘅情況！醃菜、泡菜、生菜、蒜片、邊爐蛋、醬料等一應俱全！而且無限Refill，店員也會主動換板和Refill配料，相當好服務！Max Draft Beer $62燒肉必需酒，而且買一送一，仲要不限時段！無理由唔飲佢啦！石鍋拌飯 $85韓國的經典拌飯，材料豐富，仲有秘製醬料跟埋，香而不辣，更添美味！食到底仲有飯焦，香脆可口，一飯兩食，正！五花肉 $123酒亮的五花肉，肥瘦相間，一燒油香滿瀉，入口甘香美味，肥而不膩，必點之選！護心肉 $158護心肉係喜來稀肉嘅招牌食物，一隻成年豬只係得幾百gram架ja，珍貴稀有，肉質軟腍，烤至微焦配秘製醬汁，極其可口！

喜來稀肉除咗主打韓式燒肉，都有唔少其他美味嘅韓式主食！餐廳空間好寬敞，環境舒適！生菜、多款韓式前菜、邊爐蛋係可以無限refill架！而且店員仲會主動幫手添加，服務態度一流！Max Draft Beer $62 (買一送一）你無睇錯！真係買一送一，超級抵！仲要勁大杯，無理由唔啤一啤！五花肉 $123食韓式燒肉，點少得五花肉！脂肪及瘦肉 肥瘦相間，吸引又邪惡！將五花肉燒至金黃色，表面有少少焦脆，油香喺口腔內爆發出嚟，真係不得了！護心肉 $158護心肉係餐廳嘅招牌食物！護心肉係位於豬橫隔與肝之間肉，係稀少嘅部位！護心肉油份較少，口感較爽彈，nice!石鍋拌飯 $85材料豐富，包括有牛肉、飯素、紫菜、煎蛋、菠菜等等！將全部材料攪拌入帶有飯焦嘅白飯，再加少少辣醬，好滋味！

今日喺油麻地試到呢一間好好味嘅韓式烤肉店呀！環境好大，佈置簡約得嚟又有啲情調，不論情侶或者一班朋友嚟食都好適合～首先店員幫我哋上咗四碟小食 & 紫菜酸青瓜好爽亦好開胃！芽菜就爽口得嚟好清甜～另外薯仔粒好粉好甜泡菜又夠晒辣，份量亦夠多，拌飯一流！到上主菜啦～就係石鍋吞拿魚拌飯啦！估唔到上面有咁多蟹籽同埋沙律醬！淨係蟹籽同沙律醬都夠我送飯＞_＜再加埋美味嘅吞拿魚真係不得了，每一啖都可以同時享受到蟹籽同吞拿魚嘅鮮味，層次同口感真係一流！至於石鍋烤牛肉嘅牛肉就非常鮮甜，唔會有過多嘅脂肪，所以食多多都唔怕肥！！至於梨汁，估佢唔到唔單止好清甜，而且仲有粒粒果肉喺入面添！呢一餐真係好豐富好飽啊！有機會一定會再返嚟試下佢嘅烤肉！！

話說本人係非常～非常～非常～非常之～鍾意食喜來稀肉 ！係佢哋嘅忠實fans💘無論係銅鑼灣啦、呢一間旺角定係尖沙咀都食過無數次 食咗幾年❤️ 咁今日陪家姐試完婚紗咁 就決定食呢一間～朋友仔聽到食呢一間都出嚟一齊食😂 都係都係食返啲例牌野啦：五花腩、護心肉、豬腸全部依然都係咁好食！平時麻麻哋豬腸嘅我 都會食呢一間烤豬腸仲覺得幾好食👍🏼鍾意脆口啲嘅話可以燒耐啲五花腩同護心肉唔使講啦 依然都係好好食！豆腐湯：呢個豆腐湯 我就麻麻哋石鍋飯：呢個都係必叫嘅 大家可以參考之前食評講嘅：如果想有飯焦 可以hold一陣先 我就撈左上面面嗰啲料先 唔好撈到底 *飯焦唔好擺耐 唔係既會韌大家可以試吓泡菜 、石鍋飯 再 加肉包菜食 好好食嫁😆 其實我最鍾意既係喜來既泡菜！超好食有得買就好😅（但家姐話 如果有得賣 d人就唔會成日黎食） er.....唔會啦Refill咗次蛋haha靚仔店員好好 自動refill生菜個女仔店員都好好店長都nice總結：一定要嚟食呀😆😆😆😆😆⭐️⭐️⭐️⭐️⭐️本人好鍾意食牛嘅 試過好多種類都覺得普普通通 所以大家主打食豬都可以間間分店嘅前菜都有少少分別 呢一間有蘿蔔 蘿蔔都好好食

今日中午經過油麻地，突然間想食韓國嘢於是就即刻上 openrice 睇下附近邊度有，就搵到呢間喜來稀肉我哋兩個人叫咗兩個餐，一黎就上左四小碟加紫菜，有醃青瓜洋蔥，泡菜，芽菜，薯仔粒。每一樣都係水準之作，酸青瓜好爽口開胃，我自己就最鍾意個薯仔粒夠粉，而泡菜同芽菜用黎送飯都好好味！石鍋烤牛肉，牛肉好鮮味分量亦非常多配埋上面嘅芝麻粒好香口既然有生菜，當然就要好似燒肉咁樣包住一大堆材料嚟食，口感豐富之餘，味道都一流！加咗紫菜嘅白飯都好香脆好味石鍋吞拿魚拌飯，試左一口，熱辣辣嘅吞拿魚加埋上面無數嘅蟹子，口感豐富得嚟，又幾好味飲品我叫咗葡萄汁，入面有粒粒葡萄肉，味道都好濃郁睇到佢嘅 menu，韓燒的肉好雪花，下次再返嚟試埋佢嘅韓燒

餐廳位置在地牢，地方寬敞，環境裝潢很有特色，中間有棵假樹，掛上燈飾，很有氣氛。座位有圓桌或卡位，卡位比較私隱，亦比較安全衛生。不過圓課在樹下，我更喜歡坐在圓桌，圓椅可以裝袋，都是方便顧客。石鍋拌飯（$85）這是最後才上的主食，是等我們差不多吃完燒肉後才上，可惜我們已經差不多吃飽了，所以只是吃了少少，其餘打包回家！不過是普通的飯，有飯焦，但沒有什麼特別，不值得此價。牛護心肉（$150）這個牛肉帶有濃厚的牛香味，而且肉質鮮嫩可口，是燒烤必吃燒肉，而且不需要燒很久，只是兩分鐘就可以吃了！就算沒有點醬，燒肉的香味已經一流，再包上生菜和泡菜，口頭更好！五花肉（$123）這份豬肉是帶骨，是三塊長方形的肉排，肥瘦均勻，燒肉的時間比牛肉多，油膩感亦更重，所以包生菜和韓式辣醬是最好吃。醬油雞肉（$110）這是餐牌上唯一的雞肉，經過醬油醃製，所以燒烤的時候，很快燒焦變黑，，要懂得控制火候和時間，但我們都失敗了！不過味道依然不錯！最好是泡菜、酸蘿蔔、生菜和醃青瓜等前菜可以不停添加，可以吃得很飽，但又不會吃很多肉，很適合要減肥但又要吃肉的女士們！

食得韓燒點少得小菜，呢度有泡菜、醃蘿蔔、辣沙律菜、酸瓜。個人最鐘意係泡菜同醃蘿蔔，呢間泡菜係我食過咁多間韓燒最辣，我平時食開譚仔小辣都覺得泡菜好辣😓醃蘿蔔就完整大大塊好開胃爽脆，酸度控制得好好，仲要係任添！！另外仲有爐邊蛋同包生菜，生菜添到第二round就好飽了。。🔸牛護心肉 ($150) 肉質好嫩滑， 唔老，但大家都唔好煎太耐🤣，呢種護心肉煎返十幾秒就夠，護心肉係橫隔肉特別嫩滑，仲要有好多塊，抵食~ 🔸五花肉 ($123)比較薄，而且有骨， 半肥瘦比例恰當，唔會太肥太廋，味道尚可~🔸調味醬油雞肉($110)有驚喜！ 醬油醃得超入味，一放上去個鐵板好快就燶曬，要好好控制個時間，但煮嘅時候啲醬油同時會滲落去雞肉度，塊雞肉唔鞋，仲好濃味好香口，唔洗點醬都非常好食！🔸石鍋拌飯 ($85) 欣賞佢個鍋係放左係度半個鐘都係勁熱，鐘意飯焦的人有福了！呢個石鍋好易整到脆口的飯焦出黎，加上又好多餸，冬菇份量好足又大粒，加上辣醬包起每一粒飯粒，但略嫌口感稍乾，所以BBQ最好都係叫返杯野飲。份量夠2-3人食了，兩個女仔去食真係太飽了~

第一次黎旺角分店 原來係地底 個日仲要咁岩壞左冷氣 但麵唔覺好大陣油煙味！ 我地叫左五花腩 牛五花 同喜來稀肉 本身仲諗緊2個人夠唔夠食 但最後係食唔哂🤣🤣 不過對我黎講個爐邊芝士蛋係最吸引 ！ 個牛五花都正 因為燒耐左都唔會鞋而且本身已經好夠味 真係食到唔想停口！ 而個五花腩都唔錯好彩有d菜中和返個油脂 再夾d泡菜落去一齊食 真係好邪惡！！ 就算好飽好飽都想食多幾舊！ 最後埋單價錢都有驚喜 唔算貴 每人$200幾又可以試到幾款肉 下次會再黎覆桌！

最近睇得韓劇多，又愛的迫降，梨泰院class，搞到成日有一鋪想食韓國嘢嘅引。所以諗都唔使諗就諗住去韓燒，呢一間都幾出名，我仲記得之前仲係要等位等好耐添，今日去到，因為我食嘅時間都比較早就唔使等位，但係到我買單嘅時候已經有一班人等緊位啦，可見近排嘅韓風仍然吹得好勁。一坐低，職員已經幫我哋整咗路邊蛋，有兩隻味一隻就係芝士令一隻就係泡菜。然後枱上面已經擺滿韓國嘅前菜，有醃蘿蔔、泡菜.....🥳今日唔係好想食豬，想食牛，所以叫咗三碟都係牛，首先就叫咗牛嘅護心肉、真雪花牛肉、牛舌。其實之前我通常都係嗌豬嘅，但係今日又好想食牛喎，估唔到牛肉都好多驚喜。真係三款牛肉🐮🐮都好好食，而且三款嘅質地都唔同，牛舌係薄身，護心肉係最嫩口，真雪花牛肉最有牛味。而且每一啲份量都好大碟，所以計返落條數，其實個性價比好高，百幾蚊一碟，但係有超多塊。😎😎除咗肉之外，另外再嗌咗個海鮮拉麵，係辣嘅，其實有啲似平日嘅薯仔麵，但係上邊加埋海鮮，有青口同埋蝦。🍤另外再嗌左個蟹子紫菜飯，呢個又係簡單得來但係超好味，咁大兜，但係我哋都清晒。🤩另外值得一提係啲前菜、蛋、生菜都係可以refill 。❤️❤️今餐食完之後，我哋都捧住個肚離開，

講起韓國燒肉一定會諗起喜來稀肉，今日就同朋友黎到旺角既分店。一入門口職員就立即幫我地量體溫，，然後帶我地埋位。（好似有幾個職員仲係韓仔韓妹添，因為佢地自己溝通會用韓文）講番食物，因為朋友唔食得牛，所以我地叫左個豬既套餐，叫（一頭豬）有好多唔同既部位，最好食既我覺得就係護花肉同豬大腸。另外每台都會跟4碟小食同埋1籃生菜。生菜可以拎黎包住d肉食，超好味。之後我地再叫左一個石鍋吞拿魚拌飯，個飯撈埋吞拿魚，入面仲有黃蘿蔔酸酸甜甜咁，食到最後仲有飯焦，一流！

男朋友講左好多日話想食燒肉，見上網啲comment都幾好，又係韓國人打理夠曬正宗，所以就黎try try佢。我地叫左個壹頭豬套餐 有齊曬豬既唔同部位，全部都係二人份量，個人認為都幾多，食曬都夠飽，醬料有辣醬，麵豉醬同油加鹽，每啖唔同味都得，即使唔沾醬都好夠味因為本身有醃左，前菜有泡菜豆芽同生菜，推介可以用生菜包肉食感覺會無咁肥膩，五花肉就脂肪比較多口感較煙韌，豬頸肉就比較瘦啦易咬啲，最中意係食豬大腸，煎到外皮有啲脆裏面再有啲油滲出黎好正，芒果梳化都幾大杯，食燒肉飲冰飲品真係絕配呀！😂

今晚吃烤肉，去左喜來稀肉，之前有食過，佢嘅泡菜水準之高，令人回味。一坐低，已經有齊多款泡菜頭盤，俾你食住再慢慢諗吓食乜好。天氣咁熱，當然叫飲品先啦。平時食韓燒一般會飲啤酒，今次心血來潮，試吓佢個米酒先。用大碗上，再用湯匙分落細碗飲，完全是韓國的地道模式，爽呀！五花肉好新鮮好靚，真係一層肥一層瘦咁夾住。燒完的五花肉其實係唔肥，脂肪部份燒到脆脆地，好香口好惹味。而爐邊的蛋漿，一邊係泡菜味，香而不辣。另外一邊係邪惡芝士味，試左一啖，驚為天人包肉的生菜、泡菜同蛋漿都可以無限添加，欣賞佢，全部都好好食。牛肉幾靚，紅白分明。燒起來好香，食起上嚟又好淋。切到一片片正方型 size , 一口一片好方便食。加上芽菜同甜辣醬，堅好食。裝修幾有特色，又闊落好坐，同 friend 食飯一流的。

韓烤來講幾鐘意呢間，因為佢食物水準高，而且座位闊落又有氣氛。疫情關係，枱與枱之間隔得好遠，令大家食得更放心兩個人點兩份肉，加埋韓餐必備的泡菜小食，話咁快已經成枱都係了。真雪花牛肉 $208點了一個靚牛，雪花分佈好平均，燒起來真係特別香，充滿牛油味。唔怕生的朋友，牛肉兩面煎一煎，變色之後食就好好味，口感更加好。生菜、生蒜、泡菜等食完可以潻加，用嚟包肉食冇咁油膩。五花肉 $123貴為韓國人最愛的五花肉，果然有佢嘅魅力。咪睇佢個樣肥嘟嘟，其實佢肥瘦相間，燒起上來都幾香架。首先燒佢兩面，逼走D肥油。燒到七成熟左右，就可以剪成一件件。再燒多一陣，變成金黃色就食得啦！少少脆口，又juicy, 包菜好好食。生米酒 $90韓國生米酒，好有特色的飲品，香港唔係周圍有得飲架。米味香濃，甜甜地，酒精唔算重，似汽水咁好易入口。正架！亦有燒肉套餐，好吸引，下次試試。

很久沒有韓燒，忽然很想吃！疫晚間期不用等位就能直接入座，旺角分店佔地很廣，中間有棵燈泡樹，十分浪漫。五花肉是豬肋排上的肉脂肪與肉一層層相間。要鎖住肉汁，千萬不要不停反轉烤肉。煎至金黃後再剪成細塊，以慢火烘烤。五花肉烤得香脆，滿口油脂，十分滋味～水冷麵被譽為「朝鮮三大美食」之一，當然要試～湯底酸酸甜甜，混合米醋與果醋，很開胃。麵條幼長，十分煙韌。冰冷的麵條搭配簡單的配料很清新。護心肉是豬橫膈膜和肝之間的肉，每隻豬只有約200至300克，極之罕有。燒後肉質鮮美爽口，濃郁有咬口。

朋友突然很想吃韓式烤肉，忽然想起人氣頂盛的喜來稀肉。店舖是間連鎖店，在韓國亦十分有名氣，進店已經見很好韓星簽名相。餐廳面積很大，由於疫情關係人流較少，不用排隊！牛頸部位運動較多，脂肪分佈十分平均，肉質較彈牙，肉味濃郁。喜來烤肉薄薄一片，浸滿醬汁。將烤肉放在鐵板上烤，表面被烤到焦黃就可以吃！肉質鮮嫩爽滑，油脂分佈平均，好吃！果然是招牌！用生菜包起來吃可以減少油膩感。烤邊烤蛋有芝士/泡菜2種口味，滑嘟嘟，好吃。抽風做得不錯, 不會全身燒肉味!