喜來稀肉 (金巴利道)

營業中

休息中

九月七日:本人致電此店，訂座九月十六日晚上七時半的四人枱。知道本店大受歡迎，常大排長龍，本人擔心接線人員有機會忙中出錯，，遂於九月十五日再次致電以確定訂座，接線人員也再次確認!九月十六日,本人準時前往，一如所料門口已出現長龍。本人告訴接待員本人之訶座，他竟說沒有我的記錄!我再三要求核實，也出示電話通話記錄佐證(可惜沒有錄音)，但對方只不斷重覆說「冇可能」，並掏出一本殘舊的記事簿，說是該店的訂枱記錄，本人大可以檢查之!我明白只有電話通話記錄，該店員認為本人未必可信。但，本人認為店員可以先問一下同事核實 (做樣也好)? 或是更好一點，嘗試安排下一張枱? 還是最低限度，說聲「不好意思」，可能有錯?? 只不斷說「冇可能」，言下之意即本人有心白撞? 還是心裡在想，客似雲來下認為少我一個不少? 如此服務態度令人失望至極!

慕名而来，护心肉和五花肉超级好吃啊！特别是五花肉一点都没有肥的，完全不腻。小菜吃完了还帮加，生菜也是可以免费加。不过只可以吃一个半小时啦，可能不适合要坐下好好聊天的人们。

每季來一次喜來稀肉久不久想吃韓燒就會去金巴利道，韓國餐廳愈開愈多，炸雞好啤酒好燒雞也好，對燒肉之熱情還是無法取代的😌在熱熱鬧鬧的餐廳裏，和炭星人慢慢燒肉，包著菜一口一塊肉，實在是太寫意的事情(=´∀｀)人(´∀｀=)我們每次想吃韓燒，都會來喜來稀肉，貪其價錢便宜，一人最低消費一碟肉，但重點是前菜和爐邊蛋都任食！是非常重要的一點呢，因為叫一碗白飯（$12)，拌上配菜，其實就是韓國拌飯了！省下幾十元買一個韓式拌飯(婆仔出動)XD星期日晚，八點多來到，兩個人也等了大半小時才入座呢，掀開座椅，把隨身物品扔進去，便準備好大口大口地吃肉了😎😎我們一坐下，前菜四碟(生菜泡菜芽菜洋蔥），還有爐邊蛋(原味+泡菜味)都馬上上場，前菜已經佔了桌子一半，多叫幾碟肉也怕沒有位子放呢🙈前菜：醃洋蔥真的好好吃呢！🌸🌸🌸酸酸甜甜，很開胃泡菜比較大塊，以生菜包著吃有點不方便。味道偏淡，可能是醃不久就要捧給客人吃的緣故～豆芽拌菜，完全靠上面的辣醬調味，有一定辣度，大家要自己調整份量啦！肉還未上場已經忍不住先吃生菜包菜(?)😂😂😂加一片生蒜已經很有味道，辣勁嗆勁都齊了～店內主打：護心肉 ⭐️⭐️⭐️⭐️⭐️每隻肥豬只有200g 護心

唔洗等位，第一次去，張枱放滿前菜，水樽，生菜，只有少少位可以放野，感覺好迫，猪心肉同稀來烤肉，想飲牛骨湯同人參湯，原來冇，餐牌種類也不多，真心不是我杯茶，不是我想像中好味，但不是難食，算唔差，但前菜到肉，不是非食不可，而且好細碟，去返傳統韓燒岩我些，牙菜湯，送的好似求其比碗你咁，蛋不好吃，服務不好，員工多，但好似冇心教客人同服務咁。冇講可以加菜或前菜，水都冇加，食物又不是超水準，不會再去。

突然好想食韓燒，感謝友人馬上陪我。星期五既喜來稀肉竟然有位，馬上狗衝入去。一坐低，未叫野食已有四碟前菜，一個清湯，非常貼心。四式前菜中泡菜大白菜最吸引，好夠辣，好過癮。我地叫左一牛，一豬，一豆腐湯。自己燒肉既感覺非常好。燒辣辣，香氣噗鼻。兩款肉類都好足料，大大碟。肉質好新鮮，堅係豬有豬味，牛有牛味。配上生菜同配菜（免費的）一齊食，正啊！

昨晚友人想食韓燒，走過充滿韓國風嘅金巴利道，我們本身都未有頭緒食邊間。我跟友人說"不如喜來稀肉啦，其實我都未食過😂。" 友人聽完都有少許震驚，但係都有少許開心,已經不用再苦惱食邊間。於是我們二話不說已經走進去了。上了一條半圓式的階梯，便見到一張張圓枱，一個個載著香噴噴燒肉的鐵爐，鐵爐上面有一支金屬嘅抽氣管，這才是正宗韓式烤肉的環境!幸好，我們差不多八點半渡過了晚飯時段，店員已經有一張空枱安排給我們。坐下之後，其他店員亦迅速把配菜送上。享受辣味濃郁泡菜的同時，我們已經準備好下單🙆🏻🙆🏻。我們點左店裏的招牌：護心肉和喜來烤肉, 再加多一客泡茶豆腐湯。 大概5-10分鐘後，一盆盆的肉已經奉上。跟著要做咩??緊係燒佢地啦😛😛 肉質口感豐盛 每一口都有肉汁😋雖然係連鎖店,但都做到有呢種性價比的肉算是不錯。略嫌泡菜湯偏咸、辣味不夠,整體表現不錯👍🏻👍🏻

以前細個成日塊食任食嘅韓燒，大個左覺得都幾劣食直到新潮韓燒襲港，特係喜來稀肉之後，同傳統韓燒好大分別，對韓燒改觀先黎前菜，淨係食左 kimchi, 哈哈！因為我唔食大豆芽kimchi 好正夠晒辣。這三樣野都係任 refill爐邊蛋最特別係有加左kimchi正老公最鍾意食五花腩其實睇個樣好似好肥，但其實燒完之後，層肥糕燒到無咩點剩，個皮又燒脆左，真係勁好味，所以畀老公感染，豬腩肉係韓燒必點食完晒肉，一定要食個水冷麵降降溫、清一清油膩感

屋企兩老睇完太陽的後裔，見人地食韓燒食得咁開心，又話想試。由於book唔切台，唯有5 點9 到黎搵位。被安排左坐樓梯位，雖然有風扇，但真係好熱同好煙。要讚既無限任添既爐邊蛋同菜蛋加左泡菜係底，好味。同埋叫左呢度推介既護心肉，醃得剛好，又唔會太咸，同埋肉質好有口感。另外第一次試燒豬皮，質地好得意，好好趙，本身配黃豆粉，不過我覺得點韓式醬料好食d。配菜都係可以re fill 既，我覺得呢度醃既泡菜幾好食，又唔會太酸，太辣。夾係生菜入面都好好食。另外再叫左雞排骨，就很一般.普通雞脾肉質地，辣味既醃料太勁了，好咸同埋完全食唔出肉味。

牛魔皇出沒, 價錢相宜, 又叫到成枱都係牛, 開到零晨四點,問你怕未We Order 叫咗咩:- 真雪花牛肉 $200...推介- 喜來烤肉 $150...一片片薄燒, 燒完唔晒點咀嚼就風一般吞左落肚,肉質食落尚算新鮮- 牛肉眼 $150...好薄唔好預佢係厚切- 蛋拌生牛肉 $160...雪梨條太粗喇, 唔可以細緻分佈係啲生牛肉到, 食起上黎好似雪梨還雪梨, 牛肉還牛肉, 啲牛肉調味後偏淡- 石頭飯 $78...不過不失- 蔥餅 $80...呢個幾好,煎到啲邊燶燶地,食落香脆- 韓式烤豬皮 $98...硬膠皮一塊,本身係完全無味道,要靠自己係張枱見到咩調味汁,左調右調黎食喇, 考大家自家調味功夫Recommend: - 真雪花牛肉, 肉脂分布均勻, 煎完點少少少少韓式燒烤豉油就夠喇, 食落口啲油同肉汁一齊食, 美味...因為佢唔似得A5和牛脂肪比率超多,所以多幾快都唔覺得濟住濟住Price: HK$200 up (Dinner)Atmosphere: 環境OK啦, 佢地呢間店上都好大, 座位與座位唔會太逼, 成班朋友嘻嘻哈哈都OK, 因為成個場本身就係嘈Overall comment

倒數既日子決定去尖沙咀食韓燒哇 去到 真係爆多人平時都已經多人 加上係倒數既日子但我地都好有耐性等左成粒鍾終於可以食叫左護心肉  牛肉 仲有拌飯佢仲會送一個蛋卷 同好多細細碟既拌菜價錢比較貴但絕對飽肚全部肉都好好食 

另一班姊妹聚會，又話要食韓燒，今次姊妹推介喜來稀肉~星期五晚收工過到去七點九，好在姊妹七點三已經去左拎飛，但係我地最终等到八點半先安排入座仲要限時個半鐘~由於每人最少order一碟肉，有姊妹話同個工人日日食雞唔想再食，最终我地揀左三牛（喜來烤肉，牛肋骨肉，牛肉眼）一豬（護心肉）另加石鍋拌飯同拌冷麵~例牌前菜任食，個洋蔥同青瓜都做得好入味，用生菜包住食一流肉類上場，護心肉同牛肉gei色好似，唔講真係唔知佢係豬肉，食落的而且確幾爽又唔um, 其餘三種牛老老實實食唔出有咩分別，除左肉眼d肉比較um同無咁juicy~石鍋拌飯同拌冷麵都係正常水準，不過份量真係太少嘞，四個人每人得小半碗，二啖無晒……總括黎講食物質數係ok gei, 不過一黎要等好耐，二黎個半鐘真係太短，我地全程係咁燒燒燒食食食，成晚都無傾過計咁濟，三五知己諗住黎食飯傾計真係要諗諗~

來來燒 今晚一家人來食燒肉燒肉附加蛋漿，芝士。燒完烤肉占上蛋漿同芝士令烤肉食落滑溜溜。生菜包燒肉正呀 外脆內軟加埋蛋漿 食落既感覺好新奇。呢到d泡菜真系有點辣。個個牛肋骨 不太硬 燒半成熟 再加蛋漿 軟林林

相約大夥人聚會，每次都不外乎打邊爐及燒肉。喜來稀每次店外都有很多人排隊，所以要來吃燒肉就一定要做好"要排隊"的心理準備。一向很怕一些燒肉店會很焗促兼地面很油，不過喜來稀就不過有這個問題，因為這裡的樓底很高，通風系統亦很不錯。*剛入坐店員便快速奉上泡菜、洋蔥、芽菜等前菜，泡菜畸帶酸辣，洋蔥感覺很新解爽脆*配菜及海帶湯是無限添的，氣氛比別的要逐次收錢的燒肉店更和諧*上次吃過護心肉後，對它念念不忘，這次所點的依然是充滿嚼口，但肉質又不會乾韌。*爐邊的蛋漿是女士心頭所愛，我試過再加多點泡菜一起煮，口感更豐富及有趣*點了一個蔥餅，豈料蔥跟海鮮的份量比蛋漿還要多，不過略嫌不夠香脆，稍遜一點。面對越開越多的韓式燒肉店，喜來稀門外的人龍依然沒有減退可見食物質素及服務均能留住客人

久仰大名高質韓國燒肉❤️聽講算係香港數一數二嘅最好味燒肉店！果然冇令我失望Yeah! 閒日七點鐘到，都唔洗等位，齊人即刻就入得。睇得韓劇多，一入店內會好有韓國氣氛😂因為座位、裝修都好似韓國嘅燒肉店😁 每張枱都有三碟小配菜，食完可以添加，尤其個泡菜😍辣得好過癮，而且好爽脆 每枱嘅爐邊都有三格，店員會為我地加入蛋漿，食完可添加，一邊係泡菜蛋，一邊係淨蛋，當燒緊肉時，爐嘅熱力會令蛋變熟，但個位有啲窄，有啲難(不)。 101護心肉 사래매기200g - 💰HKD150睇落平平無奇咁，唔洗燒好耐已經食得嫁喇！好香嘅味道！食落好多肉汁，肉質幾嫩，唔油膩，豬肉味幾重，用生菜包住好食好似健康啲(?)😂 105喜來五花肉配特製醬汁 서래삼겹살(특체양념) - 💰HKD120103五花肉 삼겹살150g - 💰HKD110分別就係有醬汁同冇醬汁，各有三塊五花肉，幾新鮮，唔會太肥或太瘦，食落一啲都唔靭，配撘生菜一齊食更佳，性價比都幾高🤗 201喜來烤肉 서래불고기 - 💰HKD130好好味所以要encore😤由多塊薄片砌成，砌成一朵玫瑰花，淨係外觀已經非常吸引！由於烤肉

第1次黎依度食野,都聽好多人講過,依個喜來稀肉好食,咪同朋友黎試下!1坐底就基本野前菜先la..叫左牛肉和豬肉先每碟份量只可以講係1般的,牛肉食起上黎,唔會話好食,牛味1般,不過不失,而豬肉食落淡淡的,肉質林林的,我覺得絕對沒有d人講得甘好食,反而服務員態度就真係ok,我諗話依個餐廳好,係講服務員,唔係食物