喜來稀肉 (金巴利道)

營業中

休息中

又係韓燒啦好耐冇出街食飯啦，雖然成日食韓燒，不過原來我冇食過喜來稀肉。一入到去都係正常既韓燒裝修啦，一坐低就放低左幾碟前菜，泡菜超級辣，連我食得幾辣既都覺得佢好辣。我最愛既前菜就係芽菜湯，完全可以解油膩。因為得2個人食，叫左3碟肉就已經好飽啦。男朋友最鍾意係豬護心肉，但我就鍾意五花肉啦，貪佢燒完啲肉夠香脆。而牛就唔記得叫左個咩推薦既牛肉，不過太薄啦，食唔出牛味。而飲品就叫左個覆盆子飲，甜甜地同肉食一流。而服務都唔錯既，不過我發現香港侍應服務好過韓國人喎！略嫌不足就係啲抽風有啲差，食完好臭！

至怕韓燒既油煙味，平時都不大喜歡韓燒。朋友好想食韓燒，於是帶佢黎喜多稀肉，因為呢度抽風好，又有oppa侍應，食物質素試過唔錯，最重要係爐邊蛋係無限refill! 我係蛋怪一定不停refill啦！仲有泡菜同芝士兩種味道！如果唔喜歡，可以叫淨蛋。叫左護心肉：本身唔太食豬既我，都接受喎，唔un,冇豬味～牛肋骨肉、肉眼扒：好食，牛味濃，加贈送既生菜食好夾牛腸：燒香佢好好食，爽爽的食咁多燒肉，食返個水冷面好清爽，好正呀！青口湯，個湯幾好飲，青口份量都唔少⋯⋯整體：食物質素高，抽風設備好，但用餐時間只有一個半小時，約朋友食飯要留意返喇～

同朋友尋找韓國野食時，隨意咁入左哩間餐廳，上到樓上後，發覺餐廳環境寬闊、乾淨，枱與枱之間隔一定嘅距離，有d枱仲有半個人身高嘅磚頭隔開，自成一角咁幾好！餐牌上有好多不同部位嘅手選擇，朋友同侍應講我哋想食比較“林“嘅牛肉，應該揀邊款餐，侍應好好咁提意我哋選擇最平個款餐，因為那些肉比較林，並沒有因為價錢而sell我哋食貴d嘅餐，真心提意客人真正嘅需要！Order後侍應拎左幾款前菜，包括有生菜、泡菜、芽菜，爐邊亦放了蒜頭、蛋配料，個人覺得泡菜辣得黎幾好味，生菜好新鮮！兩人拼盤套餐選了$488，包括喜來烤肉、牛五花、特級牛頸、牛肋骨肉、烤調味牛排骨，哈哈，由於樣樣都太好味，小編掛住食，已經分唔到邊款係最好味啦…哈哈！另外order了豬皮，不過，太硬，不太懂得欣賞。柚子梳打好味道，烤野食時飲一流！總括而言，餐廳各方面都不錯，小編會再去幫襯的！

慶祝朋友仔生日，一齊黎左食韓燒。事前因為見有限時90分鐘有點擔心，始終燒肉都係想慢慢來...幸好當晚沒有太爆，於是我地可以坐到夠。環境好寬敞，在香港好難得，坐得幾舒服。而外套同袋可以收在櫈裡面，阻隔了燒烤味，真係好貼心的安排! 爐邊蛋有2種口味--原味或泡菜，味道都不錯，可以無限添; 用來包住肉食的菜亦可以免費再點。我地點左泡菜餅試試，對唔多食辣的人來說都算有d辣，但味道不錯。仲有炸醬麵，都幾好食。而燒烤我地就點左豬併盤，感覺3個女仔慢慢傾慢慢食都差不多，可能我地掛住傾，飽得快d😅成晚感覺有d似去左旅行咁，燒肉就係有呢種力量，慢活嘅一種~

去之前上openrice睇下有咩好推薦見到一個牛set一個豬set1516唔識揀點知有情人節set $520有牛又有豬一次過滿足晒2個願望再加一碟牛舌好飽好滿足ps.平時唔太好豬肉，甚至好抗拒食豬頸肉，不過呢度既肉真係好高質好好食

本身對韓燒，對佢印象仲停留喺六七年前d漢和、東大門果類任食類。但自從牛角、本陣呢類肉質明顯高一班嘅日式燒肉店出現之後，我就向韓燒說不喇。原因無他嘅，服務零，肉質差，唔好食。今晚比人拉去食都幾多分店嘅喜來稀肉，又令我有另一番體會由於都11點先去到，都幾驚last order左或者阻人收工。點知營業時間係去到零晨四點左近我真係有d嚇親入座後未點菜已自動放上泡菜、洋蔥、沙律、包肉食嘅生菜、水同醬汁等等。兩個人食唔得多，淨係點左個一頭豬set($388)由頭至尾分別有豬皮、豬五花、豬頸肉(上)、招牌護心肉(下)、豬大腸。前腳位有薄片茄子、後腿位係雞脾菇片。一開頭冇提供豬脂肪開爐，所以d豬皮燒到黏黏下另外圍爐邊分別有加入芝士的烘蛋同埋聞落又似明太子又似菜脯嘅烘蛋，仲要有得refill有服務之餘又幾大方，唔怕客食配菜食飽唔點燒肉咩？肉質唔錯，如果日式燒肉係食無添加，食肉原有鮮甜，極其量會沾燒肉汁、加葱蒜或蛋黃，咁喜來稀肉就係個錦繡大會無添加咁食護心肉同豬頸肉會覺得有份油膩感，但當用生菜包起，沾一沾醬汁，加入泡菜洋蔥或蒜片，咬落左除左有多重口感，醬料配合肉汁，再有香甜爽口嘅生菜，竟然出現個好食到不得

寶貝話好耐都無食韓燒，仲要好耐都無去佢嘅至愛鋪，見佢就嚟考試，一於收工同佢佢食吓啦！見總店終於有得上網book，梗係要嚟第一間店啦！我地book咗20：30，見到樓下勁多人等位，我地三人上到去都要等。。。過咗15分鐘左右安排我地坐低，由於寶貝好肚餓，而且我地一向都係食嗰幾樣，所以可以好快落單！一向我地都係因為豬皮特別出色而會專登嚟食，但估唔到無嚟半年，豬皮失色咁多，食落去唔軟滑，好硬！我地仲要有剩唔想食。。。真係太失望！經過今次，我地或者會再嚟，但唔會再食豬皮囉！

以前就好想食喜來稀肉，但每次經過都好多人，今次可以上網訂位，岩晒我呢啲唔鐘意排隊既人，十分方便6點半上到去，唔洗等已經入得去，先點了4份肉（2份牛*2份豬）+2杯飲品值得推薦既係牛舌+五花肉，用生菜包住肉加伴菜，真係好好味生菜，伴菜都可以refill！！！用餐時間只有90分鐘，食完無耐就有侍應叫埋單，2個人食，平均一人$350。另外，食開其他韓國燒烤，都會有侍應主動幫手燒或者教下，但呢間真係零交流。

冬天凍冰冰，緊係同一班朋友圍住個爐，邊食燒肉，邊飲米酒啦！喜來稀肉內部裝修好有韓國燒肉舖特色，爐邊蛋，伴菜係任fill。提提大家，泡菜係好辣，不過辣得好過癮，會食上癮der。除左韓牛，仲嗌左魷魚🦑同豬肉🐷，兩個都好入味。至於米酒🍶就試左香蕉同柚子兩款，香蕉比較易入口，不過略嫌唔夠凍，如果有得加冰會更好！韓牛拼盤套餐 ($688)🐮去到重點韓牛，就有牛肉眼，牛厘脊同牛外脊，套餐包左2罐飲品。全部韓牛都好厚切，牛味好重，油脂分佈得好靚，淨睇都已經流哂口水🤤 牛肉眼同牛里脊，肉質細嫩，冇難嚼既筋位。雖然冇入口即溶既口感，但係入口有啖啖油脂滲出，超香。至於牛外脊，就比較有嚼口，但係絕對唔會咬唔開。-好味指數: 8/10賣相: 7/10性價比: 6/10

朋友常常說喜來稀肉好味,成日話帶我黎食,帶左好耐都未帶...扭左寶寶帶我黎~ 2個人去燒肉肉好heavy晚上7點,店內已經差不多滿坐,好多人,有少少油煙味,係可以接受嗰種,一坐低店員就俾餐牌;前菜同醬汁我地,我地點左個壹頭豬 2人前 (兩人拼盤套餐)有: 護心肉/五花腩/豬頸肉/韓式烤豬大腸/韓式烤豬皮/ 另外有2片節瓜 同 2片雞脾菇配: 2杯野飲 (我地都選了罐裝烏龍茶)嘩~ 個盤係一隻豬咁既木盤裝住啲肉,同個餐牌圖一樣咖~好似兒童餐咁,好得意~ 雖然肉肉唔係仼食,但已經好滿足~ 好滋味!而且店員服務很好,店家既店員唔算多,目測有4個,如要點單或添泡菜;生菜;蛋漿,佢會先回應等一等,忙完手頭工作轉個頭就會回來,個個都好負責仼~ 讚!

燒肉控又忍唔住要燃燒銀包喇～護心肉位於豬嘅膜隔膜同肝臟之間，每隻豬只有二百至三百克，都幾矜貴架。佢燒香後油分唔多，爽滑彈牙，岩哂唔鍾意食太油嘅人，就算平時好少食豬肉嘅我，都覺得幾好食～ 將一塊塊嘅薄切牛肉卷成一朵玫瑰花咁樣，淨係心意都已經要畀個like佢。牛肉雖然好薄，但係都算幾大塊，燒完之後，除咗可以搵生菜包住佢嚟食之外，仲可以加埋其他配菜，例如泡菜、洋蔥、蒜頭，再點埋辣豆醬(ssamjang)嚟食，夠哂滋味～見到咁靚嘅牛五花擺嚮眼前，已經忍唔住流哂口水。 牛肉切到好似紙一樣咁薄，擺嚮熱爐上面幾秒，肉香撲鼻，燒到10-15秒，拎起，點啲韓式醬汁再擺入口，肉汁同脂肪一齊嚮口腔入面溶化出嚟，真係好正～

同朋友黎過幾次，雖然入座後計時1.5hr進時間，但期實都夠時間食架。。講返今次先，入座後會有4個前菜加一盤生菜，燒烤爐都係有配2款蛋槳，有泡菜加芝士，我個人覺得泡菜好味啲，芝士款淡味🙃我叫左牛肉既二人餐配2支飲品，我就要左支cass既啤酒，以為韓國啤有吾同，原來味道差吾多。本身我自己中意食牛既，食完都係覺得厚切既牛好食啲，佢個五花牛有點兒薄。

以前想黎食喜來稀肉真係要大排長龍，可能而家開嘅烤肉店已經成行成市，所以黎食喜來稀肉嘅人已經冇以前咁多，但係如果要食烤肉我一定會仍然係諗起佢。而家平日七點幾嚟到已經可以直接上去，唔使等位。幾岩我呢d唔鐘意等位既人，哈哈真雪花牛肉牛肉嘅脂肪分布好平均，紋理亦都好分明，而且顏色好鮮紅，好新鮮。薄薄一片，輕輕燒一燒已經食得，你可以點醬汁食，或者包山菜都好惹味。烤調味牛排骨呢個係我第一次點嘅牛肉，比我想像中好食好多。因為佢本身已經用調味料醃制過，所以唔使點醬食都好好味。亦都因為佢味道比較重，所以我更加鍾意用生菜包住食，感覺會冇咁膩。護心肉每次必點燒肉之一，因為佢本身嘅口感就比較嫩滑，所以食落口好好味。不過因為佢係豬肉，所以少嘅時間要比另外兩款牛肉更加耐，不過咁好食，燒多一陣等耐啲都係值得嘅。而且就算燒耐左都唔會好韌。

星期五下班同同事一起約飯，期待已久，終於等到這天了。牛肩肉：擺盤與想像中的差別180度，肉質有點粗，不要期望太高。五花肉：唯一推薦的！烤到微微焦好吃到爆！豆腐湯：太鹹，豆腐太老，其實應該用嫩豆腐就好了。失望。海鮮蔥餅：好多海鮮，好多蔥，完美。拌菜：太一般，但是泡菜挺不錯的。爐邊蛋：分原味和泡菜味，泡菜味比較美味。總體來說，無須特地來吃。

喜來希肉呢個名真係聽咗好耐，但一直無機會試，今次一早約定，終於可以試吓呢間超多人讚嘅喜來希肉啦！佢地已家係香港開咗好幾間分店，今次或者方便大家，所以㨂咗呢間係尖沙咀嘅！選擇方面有豬、有牛、有海鮮，款式都幾多！前菜當然唔少得有泡菜，佢地嘅辣都幾勁，唔食得辣嘅朋友要留意番啦朋友好鍾意食爐邊蛋，慢慢見咗佢由生變熟，好過癮而且呢到唔單止得原味，仲有芝士味，同泡菜味！齋食或者夾埋燒肉食都過癮呢碟係喜來五花肉$125，雖然睇起嚟好似好肥，但食落去一啲都唔膩而且鬆軟多汁，配埋泡菜同生菜一齊食，正！呢碟係護心肉$150，未嚟之前真係未聽過 ！其實護心肉就係豬橫膈膜和肝之間的肉，每隻豬只有約200至300克，所以真係唔係到到都食到！食落肉味濃郁而口感豐厚，蘸埋啲燒肉醬來吃，更加滋味之後係真雪花肥牛$200，雪花紋超靚，食落一啲都唔韌，唔加配料，單食都已經好好味泡菜煎餅大大碟，足料嘅，不過如果再脆啲，就更好食啦！總括而言，環境唔錯，煙味唔大，而且肉類質素高，加埋有爐邊蛋，想要高質韓燒嘅話，嚟呢到都唔錯