喜來稀肉 (金巴利道)

營業中

休息中

以前想黎食喜來稀肉真係要大排長龍，可能而家開嘅烤肉店已經成行成市，所以黎食喜來稀肉嘅人已經冇以前咁多，但係如果要食烤肉我一定會仍然係諗起佢。而家平日七點幾嚟到已經可以直接上去，唔使等位。幾岩我呢d唔鐘意等位既人，哈哈真雪花牛肉牛肉嘅脂肪分布好平均，紋理亦都好分明，而且顏色好鮮紅，好新鮮。薄薄一片，輕輕燒一燒已經食得，你可以點醬汁食，或者包山菜都好惹味。烤調味牛排骨呢個係我第一次點嘅牛肉，比我想像中好食好多。因為佢本身已經用調味料醃制過，所以唔使點醬食都好好味。亦都因為佢味道比較重，所以我更加鍾意用生菜包住食，感覺會冇咁膩。護心肉每次必點燒肉之一，因為佢本身嘅口感就比較嫩滑，所以食落口好好味。不過因為佢係豬肉，所以少嘅時間要比另外兩款牛肉更加耐，不過咁好食，燒多一陣等耐啲都係值得嘅。而且就算燒耐左都唔會好韌。