喜來稀肉 (金巴利道)

營業中

休息中

今晚同朋友經過尖沙咀韓國街，之後見到呢間燒肉好吸引，於是就決定今晚我哋嘅晚餐就係食燒肉，一入到去就發現原來呢間唔係放題嘅燒肉，心諗一定會好貴，既然都入咗去就試吓啦，之後坐低佢話有個半鐘頭俾我哋食，之後睇一睇餐牌，原來都唔係太貴，而且有唔同嘅肉類揀，就咁牛肉都分左幾款，實在令人有選擇困難症，但我哋就決定揀兩款我哋平時未試過嘅牛肉，包括有佢推介嘅喜來烤肉同埋未試過嘅牛護心肉，同埋揀咗兩個飯，一個係生牛肉拌飯另外一個係蟹子紫菜飯團，再加一次提子味嘅燒酒，首先要過一過去嘅牛肉， 喜來烤肉，雖然肉質比較薄，但勝在每一塊肉嘅油脂分布啱啱好，一放落去燒一燒就食得，而牛護心肉，肉質就比較肉，所以非常有咬口，而且感覺一咬落去所以肉汁爆出黎，同呢一個牛小排差唔多感覺，而拌飯方面，我最鍾意佢嘅生牛肉拌飯，飯入面有麻油非常香，而且又唔同嘅配菜，再加上主角生牛肉，完全係完美嘅配搭，另外蟹子紫菜飯團，都係值得一試嘅一道菜，將飯團搓成一個球體，撈勻蟹子同紫菜再加麻油，一道簡單但其實非常好味嘅飯團，就係你面前，嘢飲方便佢個餐牌除咗有酒類飲品仲有一啲韓國嘅飲品，有茶類或者其他汽水類，種類都算豐富，總括而言，呢間燒肉係價

好耐冇食韓國野，呢間樓上既韓燒店性價比幾高，而且燒肉同熟食都好多款式揀，包有野啱你食，餐廳環境空間好大，我中意佢卡位間隔有磚牆圍住，私隱度高。燒肉我點左喜來烤肉同牛護心肉，喜來烤肉係薄片已醃左，燒幾秒已經熟透，牛味香濃，連埋個燒肉醬一齊好好食，而且佢$158份量都多，牛護心肉比較特別啲平時出面冇得食，佢較厚身啲，肉質軟嫩，陣烤肉味好香，熟食推介蟹子紫菜飯團，親手搓飯團玩玩，麻油紫菜同蟹子超香咁撈埋一齊，唔洗醬汁都已經好好食，仲要只係50蚊超抵食，爐邊蛋都值得一提係個好正既韓國小菜，仲有泡菜超辣惹味😋😋

澳洲男約晚餐, 為方便大家, 最後選擇了尖咀區. 餐廳, 就交由男生拍板. 最後選擇了韓式燒肉! 果然, 男生都喜歡啖啖肉!  6點半來到餐廳, 已經有一半客滿. 在熟悉的韓式圓枱就座, 以手機下單, 就要開始我倆的吹水夜!   原來澳洲男的同事, 將LUNCH的湯, 白飯, 餸菜, 分開3次獨立來叮呀!  自己也要細訴公司的<威龍秘密網>.  大家互爆秘密網, 吹得開心之際, 食物來到了!  一頭豬           上次在灣仔喜來分店享用過一頭牛, 所以這次想要一頭豬.  一盤裡有多款部位 : 護心肉, 五花肉, 豬頸肉, 豬大腸 & 豬皮,   無需再為了不同部位的豬肉而左計右計. 唔洗諗! 唔洗煩! 真是解決<選擇困難症>好方法.    而泡菜蛋, 芝士蛋, 泡菜, 生菜之類的小食伴碟都是任添.  有那麼多的附加小食, 計落價格合理.         首先放上五花肉.  燒呀燒! 來到快熟之時, 就要出動剪刀.  自己熟練地把五花肉分件後, 你一件我一件. 以生菜包著五花肉配泡菜加蒜片, 變成SAMGYEOPSAL, 係好有韓FEEL!  誰叫

這家有名的韓燒店，從以前到現在還是那麼受歡迎，而且間間分店都坐滿，這次就來到尖沙咀店探訪環境：抽氣很好，沒有陣陣油煙的感覺，店內也有些韓國人侍應服務：侍應很勤快，加蛋，換碟，加菜都有效率，值得一讚食物：前菜任添泡菜很夠辣也甜，味道不錯酸中帶甜的沙律很開胃！青瓜也是爽甜得很一頭豬套餐$420豬腩肉豬瘦相間，油脂豐富豬皮爽脆彈牙，燒的時候還會跳豬頸肉很夠肥美，豬護心瘦得來有肉汁，很讚！夾在任添的生菜中吃，清一清油膩的口腔也是不俗圍爐蛋有芝士跟泡菜兩種，又是出色美中不足，火力有點過大，肉比較快焦

喜來稀肉，相信好多人都聽過㗎啦 每次都好想去試吓，但每次都冇機會。今日終於可以嘗試下啦！剛坐低侍應已經將蛋漿倒入爐邊啦，同埋預備好前菜 蛋如果烤到尾先食就會變得老，去到中段就可以食！一邊純蛋，一邊加咗泡菜泡菜辣味算中等啦，趁未開始燒過下口癮除咗燒肉仲有好多款式揀喜來烤肉 $158賣相捲成花，牛就燒一陣就可以食啦口感柔嫩，油脂度剛好！護心肉 $158脂肪部份比較少不少，由於係豬嘅關係記得燒到個心熟先食，豬肉味重，份量都算多水冷麵 $85咁熱嘅天氣嗌碗水冷麵！真係好爽！麵質爽口Q彈，仲有青瓜絲，蛋，蕃茄大醬湯 $80湯底係用上韓式味噌醬同辣椒醬所整成的，仲要好多料 蔥、豆腐、金菇，豬肉片，仲有蟹腳！飲落去似辣味味噌湯 不錯！總結，服務食物質素都好好！一定會再黎食過

夜晚唔知食咩，所以都係去搵一間燒肉食呢間喜來稀肉聽聞都幾出名聞名不如一試，所以今日就的起心肝食呢一間*分別叫咗喜來稀肉、護心肉同燒豬皮仲有份唔記得係咩，都係牛肉另外再叫咗兩個白飯前菜同生菜係附送既*個人覺得燒牛肉來講都係日式嘅比較好食韓式燒烤我反而最欣賞係燒豬皮食完呢一份之後我有叫第二份好後悔冇叫幾支酒送燒豬皮*成餐落嚟嘅用餐體驗都唔差侍應都係有禮貌嘅有啲係韓國人*呢餐個問題：爐邊蛋，唔知點解搞咗好耐先熟我哋成餐都食完，先至食到第一轉爐邊蛋講緊都60分鐘，60分鐘，先食到一次蛋⋯同埋！爐邊蛋既調味，堅咸！咸到溝啖白飯食，都仲係覺得好咸！*我哋去嗰日係週末五點幾行入去已經坐滿左一半六點幾離場嘅時候樓下已經好多人排緊隊如果大家唔想排隊，建議大家早啲食

喜歡食燒肉的我，今天終於有機會試呢間喜來稀肉，一入到店內這裏環境寬敞坐得好舒服，大部份員工都是韓國人。餐牌上有套餐或者散點。入座後店員即時棒上三個前菜，前菜可以任添的。喜來烤肉$158牛肉油花細密，分佈平均，燒過後唔單止帶出油香，食落更有牛脂嘅甘甜！肉質柔嫩多汁，在口腔當中油香會越咬越香！牛肉香味亦更為濃郁。豆腐湯$80湯底材料十足，辣到適中，豆腐入口滑溜，味道鮮甜而且惹味。柚子梳打$30飲落清淸甜甜，解油膩一流。

本身唔係太喜歡韓國料理，因為唔鍾意泡菜，但朋友提議話食韓式燒肉，我諗韓式燒肉同日式燒肉分別不大，所以姑且一試。朋友揀左尖沙嘴喜來稀肉，晚市時間座無虛席，因為朋友一早訂左枱所以好快就有位。一坐低已經覺得檯面好豐富，除左有一籃生菜仲有三款泡菜。原來韓式燒肉同日式燒肉嘅分別，係個爐嘅兩邊有一個專放蛋液嘅位置，幾欣賞呢個設計，職員好快就過黎幫我地倒蛋漿，有芝士同泡菜兩款口味 ，同埋仲溫馨提示我地可以利用電話落單。我地點左一份一頭牛二人餐，可以試曬唔同部位，不過呢個set唔包牛舌，所以我地另外再點左一份牛舌。食物質素唔錯，服務亦非常之好，職員會主動幫我地換生菜籃、換鐵板同加蛋漿，呢一餐食得好飽好愉快😋😋😋

喜來稀肉喺香港開左好多年但都冇食過今次終於喺香港食一次尖沙嘴嘅喜來稀肉設有兩層地面有一個等候區上一層就係用餐區全部座椅都係呢種鐵桶打開圓形皮蓋可以將外套手袋放入桶入面咁就唔怕吸到有烤肉味(但其實衣物同頭髮都係會有🙈)一埋到位檯面已經預先放左一籃生菜同三碟前菜生菜可以無限refill前菜有酸瓜 非常開胃仲有辣泡菜 好爽脆同一疊芽菜生菜絲然後侍應就會開始倒蛋漿一邊係芝士蛋 令一邊係泡菜蛋一樣可以無限refill雞蛋夠蛋味 兩邊都好好食同埋每次換鐵板都會跟一粒肥膏等烤肉嘅時候唔會痴底落單係用qr code落嘅我地叫左個一頭牛二人餐 再加一碟牛舌牛舌份量超級多兩個人份量啱啱好 唔同部位嘅牛都好好食職員亦會定時主動過黎幫你換鐵板 非常細心呢餐食得非常滿足

上一次食已經係一年幾前，印象中依稀記得上一次食係感覺良好記得上次食個時D小菜係好食，因爲都叫距添左幾次點知今次食係有種感覺係中伏了……個酸青瓜未放入口已經聞到D酸臭味，感覺係擺出黎太耐已經變味另外兩個小菜味道都還可以個爐邊D蛋係超耐先熟，而個口感係冇蛋味得黎又好奇怪因爲上次食叫左好多食唔，所以今次就想邊叫邊食本身係諗住叫喜來牛肉，可能冇留意按錯，黎到變左護心肉，個肉一黎到已經第一時間發現唔係我想叫個個（冇掂過個肉）（個肉係一坨野睇到係冇胃口），就諗住睇下可唔可以加錢換啦，結果係唔比換……最後只係食左個就連我自己都整得好食過距ge石鍋拌飯同樣樣衰ge護心肉就算最最最壞我心情ge都係黑色衫收錢個金髮服務員，服務態度同語氣超差，搵錢比距個時無意中見到距竟然反白眼…今次ge體驗係冇下次，已經係BLACK LIST

朋友前晚帶了我去尖沙咀金馬倫道吃燒肉，我們7:30左右到達餐廳已差不多滿座，原來餐廳位於一樓，地下那個等位地方似足韓國。餐廳裝潢十分韓風，入座起計用餐1.5小時，餐枱上已放了前菜、生菜、剪刀及醬汁，牆上更有溫馨提示，抽屜內有紙巾，濕紙巾及搓手液供應，若要口罩套可向服務員查詢，十分細心。餐牌上款款食物也很吸引，有燒肉套餐及散叫，我們最後單點了喜來烤肉、豬皮、蛋拌生牛肉，可樂和西柚梳打。我們一坐下店員即幫忙倒蛋醬於燒烤鍋邊，鍋邊內更有蒜片。一客豬皮有10多件，燒豬皮將油份逼出，燒完的豬皮煙韌甜甜的，很惹味，喜來烤肉肉質鮮嫩美味，夾生菜蒜片及醬汁吃特別好味。蛋拌生牛肉有生蛋、雪梨絲及生牛肉，冰涼的一道菜，食材有不同口感，清涼開胃。兩條烤蛋香滑惹味，附送的3款前菜醒胃美味。餐廳座位舒適，服務員有禮殷勤。

I love korean food.呢排睇得韓劇多 心郁郁想食石鍋飯咁岩經開尖沙咀 見到喜來稀肉有我就順勢入左去食今次點左個芝士石鍋飯佢有滿滿既芝士係面 而且啲芝士係可以拉絲架食落芝味濃郁最重要既係 佢有埋餐肉係個飯入面超正Remark:單點餐佢都會比埋前菜你不家不妨可以去試下Location: Tsim Sha TsuiPrice (10 is expensive): 6.5/10Environment (10 is chill): 7/10

香港有很多韓式燒肉店舖，很多朋友都推介這間喜來稀肉，食物質素高，服務亦不錯！餐牌上有很多不同肉類選擇，他們採用QR code落單，十分方便又環保。枱上已經擺放了一些前菜給我們，最特別是沙律菜，用了一些韓式醬料混入一齊食，辣辣地非常開胃。喜來五花肉雪花纹理明顯，油花豐富最適合燒烤！而且因為無肉筋，所以肉質非常軟腍，燒過後更加係入口即溶。加上五花肉已經醃過，所以夾埋生菜一齊食，不用任何醬汁已經好好味。喜來烤肉牛肉的雪花分佈得好靚，油脂香，肉汁滿溢，燒出來很香。檸檬梳打飲落酸酸地，清新開胃。

放工約咗朋友喺尖沙咀食韓燒就揀咗呢間喜來稀肉裝修都幾有韓國傳統燒肉店嘅特色餐廳會提供幾款泡菜同生菜仲有鐵板上既窩邊蛋有芝士同泡菜兩款口味以上既都可以免費refill稀肉係指稀有既肉而佢所指既就係護心肉分別嗌左豬同牛既護心肉同埋喜來五花肉配特製醬汁豬比牛既護心肉有油香但肉味唔重，感覺以前好食D牛護心肉就幾有牛味反而最驚喜係喜來五花肉調味調得好惹味加埋泡菜、蛋同生菜包黎食食落好夾又唔會太滯餐廳侍應有部分係唔識中文所以溝通上要注意一下整體水準唔錯，可以一試

疫情期間去唔到旅行，唯有食下其他國家野食當去左旅行。尖沙咀一帶有好多食韓國菜，今晚就約左朋友去食韓燒。侍應一早放左三碟小菜同生菜，有泡菜，酸辣醬芽菜生菜碎，青瓜，食完都可以隨後任加。爐邊加左蛋漿，有蒜頭、芝士、泡菜，都係食完可以隨後任加。揀左三款肉，護心肉、牛護心肉、喜來五花肉。落左單食物好快送到。五花肉大約有8-10片到，有油香，好快熟。牛護心肉切成一片片，方便煎，有肉味。最後仲叫左飲品配住食，正！