喜來稀肉 (金巴利道)

營業中

休息中

喜來稀肉🍖📍尖沙咀金巴利道79-81號金栢閣1樓連地下➠➠➠➠➠➠➠➠➠➠➠➠➠➠➠➠➠➠➠由聽晚開始又開始6:00pm 後禁堂食🥺，又要變返之前買外賣🥡既日子😮‍💨，我諗之後應該會多左煮飯既😶講返正題， 今日介紹既係燒肉，事關好耐都冇食😂，呢間燒肉店， 無論係疫情前或者係疫情後都要排隊既🤭簡直係多人到一個點。講質素，呢間都算唔錯👍🏻🌟壹頭牛（二人拼盤套餐）$520包括：招牌喜來烤肉、牛五花、頂級牛頸、牛肋骨肉以及烤調味牛排骨，仲有菇菇⋯⋯🌟水冷麵 $85我反而幾鐘意食呢個😂 酸酸地，都幾開胃。🌟蟹子紫菜飯團 $50其實都幾得意既，自己係度整飯團，不過有d 麻煩😶， 味道都可以既。🌟雪條 $0 每位客人都會贈送雪條一支。整體推介指數：❤️❤️❤️❤️🤍➠➠➠➠➠➠➠➠➠➠➠➠➠➠➠➠➠➠➠

特別罕有嘅牛部位 每款肉質鮮嫩 調味可口-🐮 調味牛排骨 ($228)牛排骨係我今餐最鍾意嘅一款牛 200g 長長一條捲起咗上碟 我地可以自己用較剪切開適合嘅size 調味濃郁偏重口味嘅我好滿意!!❤️ 牛護心肉 ($160)呢份係招牌菜之一 牛肉味濃郁 而佢因為有筋膜 所以比較有彈性 口感亦都偏有嚼勁 好少地方有得食呢款牛 一場嚟到要試下👅 牛舌 ($148)呢份催咗兩三次先嚟到 好彩不負所望 份量都幾多 薄薄一片調味十足 牛舌煙韌嘅口感亦冇令我失望 牛舌愛好者唔好錯過🍛 生牛肉拌飯 ($105)食埋個拌飯真係捧住個肚走 個飯好大碗 有生蛋黃同埋汁拌飯 生牛肉個味唔太突出 但加上多種配料例如蘿蔔芽菜生菜等等又好夾喎 另外值得一讚係佢個辣醬分開上 辣度可以自己選擇好啱我地唔太食得辣嘅人🤰🏻 #大肚腩小分享喜來稀肉嘅韓燒係平日都爆場真係好受歡迎 而佢個無限refill嘅爐邊蛋絕對係其中一個吸引我一食再食嘅原因!! 兩格爐邊蛋係有泡菜同芝士兩款 我地特別鍾情芝士蛋 所以第二次refill兩格都食芝士蛋呢🤤 順帶一提佢地啲配菜同埋包住燒肉嘅生菜都係無限refill㗎!!************

約咗舊朋友想食韓國嘢暫時韓國街果啲都食過曬靈機一觸不如去好耐冇去嘅喜來稀肉！我哋兩個嗌左一個牛肉set $520（份量勁多！完全夠2個人食！爭啲食唔曬）啲蛋一邊係芝士 一邊泡菜 配牛肉食好正！其中我哋最鐘意牛肋骨肉！牛味好重好香，油脂分布岩岩好！調味牛肉都唔錯 口感偏淋 醬料加咗芝麻好香我哋仲叫咗一個泡菜湯勁多料！有幾隻蜆、大量豆腐冬天食烤肉配熱湯好正！值得再讚係staff好helpful不斷幫我哋換烤盤臨走前仲提我地有雪糕送可以keep住多人食除咗好味嘅食物仲有好嘅staff！推介推介！

之前因為睇完魷魚遊戲，好掛住韓國菜就同左朋友黎食。完全無失望！秘製醬汁調配嘅烤肉，無論係牛定係豬肉都超好食😋 我自己叫咗招牌五花肉，同埋喜來烤肉，上菜時整到好似一朵玫瑰花咁靚😬 好入味，燒出嚟好香，我自己好鍾意揀海鹽配牛肉，唔會太鹹又有少少甜！跟住第二最愛係佢嘅爐邊蛋，有泡菜味同原味，燒嘅時間可能要耐少少但係真係好好味😋 第三樣就係佢嘅配菜泡菜，可以無限添加。食唔到辣嘅人可能會覺得有少少spicy，但都係可以接受嘅！食完會好開胃，最後我哋叫多咗一個人蔘雞湯，比較健康清淡，雞係原隻上入邊包咗少少糯米飯🍚 食完呢啲嘢之後仲可以喺雪條揀一條雪條！我就揀咗芒果味啦！👍

聽喜來稀肉個名就聽得多，今次終於有時間特登去一次。去嗰陣係下午兩點鐘，過左lunch hour ，全場只有三枱客，好安靜同舒服😌坐低就有前菜泡菜同青瓜等，前菜都好開胃同有口感，泡菜偏辣但我鍾意❤️點左海鮮泡菜餅，牛護心肉同辣五花肉。泡菜餅好好味，脆脆的兼用料豐富，牛護心肉有口感有牛味，唔係到到都食到，五花肉就唔太辣。唯一要留意嘅係，個燒盤可能傳熱比較好，所以第一轉好快燶，建議大家先用餐廳提供嗰粒牛油厚塗個盤身先，免得浪費好肉！

今日過開尖沙咀做嘢，見到好出名嘅喜來稀肉，啱啱過左午飯時間，人唔多，就入去試下。入邊得一個餐牌，無下午茶/午餐餐牌。坐低，一如韓式燒肉餐廳，會端上醒胃泡菜同酸青瓜。等待蛋漿成熟時，我嗌左牛互心肉同埋辣五花肉燒一燒先。牛護心肉有咬口，唔韌，幾重牛味。辣五花肉 辣而不嗆。但可能我技術唔好，一掉入燒嘅時候，醃汁燶咗，要麻煩侍應換燒盤，同埋開大嗰抽氣扇。最後海鮮泡菜餅壓軸。裡面有粒粒魷魚的口感，辣辣哋，都幾野味。

💛亮點✅ 份量足，好見食✅ 牛豬各有大概10種選擇，每種部位口感調味都唔一樣， 總有一款啱你🐖護心肉 158蚊 150gOpenrice好多 人推介嘅一款豬肉，肉味濃郁。肉厚身/形狀不規則。 建議食嘅時候可以喺中間剪薄再燒，咁會容易啲熟，又唔會燶。🐂牛五花 158蚊 150g薄切嘅牛肉， 肉60％脂肪40％。好容易就燒至香脆。加上甜甜地嘅燒汁，好好味。 🐂牛肉眼 158蚊 200g原塊肉眼無加任何調味。 脂肪比例較少，肉味香濃。食嘅時候可以加少少鹽就已好好食🥬配料漬物/ 泡菜/ 生菜

好耐冇去過韓食街，呢間舖頭係燒肉店來講都算幾出名，決定試一試質素有冇下降～整體來講座位都幾闊落，每張凳下面都有位可以放袋，算係幾方便每台都有一啲配菜可以任食，例如有泡菜同埋芽菜等等，重點係爐邊蛋都可以無限添加🥰店員仲會加一啲芝士粒喺入面，食落去更加好味🤩除此之外，佢哋仲提供免費嘅山菜俾你包住啲肉食，配菜來講都幾豐富齊全主食方面，叫咗個蟹子紫菜拌飯同埋芝士石鍋拌飯，兩個飯都超好食，蟹子紫菜拌飯有手套俾你用手去撈勻啲材料，如果同小朋友一齊去食嘅話，叫呢個俾小朋友自己試吓將啲飯搓成一個個飯團都幾有趣，重點係味道絕對唔差！芝士石鍋拌飯就好夠熱！上面有超級多嘅芝士，而家下面個飯亦都唔係普通嘅白飯，係加咗啲紅色醬汁嘅拌飯，食落去口感比較濕，我個人係幾鍾意嘅🤣燒肉方面，分別叫咗牛五花，牛舌同埋喜來燒肉，三款肉肉質多非常嫰滑！食落去幾有咬口，牛味亦都好香濃，整體來講啲牛肉嘅質素我覺得係幾好，價錢又唔算太貴，牛肉嘅份量都幾多，值得一試

韓國燒烤我食過最好食嘅應該係喜來稀肉，尖沙咀呢間分店位於韓國街，好有氣氛！一踏入舖頭就已經令我回想起喺韓國嘅日子。我認為最好食嘅係佢哋而家醃製嘅醬料配上豬肉或牛肉。所以我叫咗佢哋既招牌菜，喜來五花肉同喜來烤肉。唔好睇佢上菜嘅時候好似細細碟，但一塊塊卷到花咁，分開其實都有約8塊左右一份。 我覺得燒得勁靚，又有無限任加配菜，例如爐邊蛋，泡菜，酸菜，生菜等等！一定食得飽，我另外叫左做人參雞湯。雞入面仲有包糯米飯，好得意，雞湯夠清，比較健康。食完美味既韓國燒肉後，仲有雪條食，極度滿足🎉

星期三晚上去左尖沙咀金巴利道既喜萊稀肉。這間餐廳係食韓式燒肉同韓國菜式。今次我們2人行主要係食韓式燒肉為主。由於大概6點半到餐廳時間算係早，但餐廳都有不少客人，到7點已經係full house。食物方面前菜有kimchi酸瓜，同菜 唔夠可以refill.。值得一提既係個kimchi本人對kimchi無特別喜歡，雖然這個kimchi有點辣，但有種愈食愈想食既感覺。主菜方面1份豬既護心肉 $158 150 克份量唔算太多但足夠2人食每隻豬大概只有兩公斤嘅護心肉，所以比較珍貴 。護心肉嘅肉質比較嫩口 而且非常煙韌 ，食起來非常有嚼勁。牛五花 $158 150克1份大概有12~14片肉非常薄 大概燒 30秒 已經熟 ，本身 已經有些醬汁 ，所以燒完之後根本就不需要點任醬料已經非常入味 ，再加埋包住生菜 一起食 ，非常爽口，又不會太油膩。牛肉眼 $158 200克肉嘅色澤都非常靚均勻，而且不會太厚不需要燒太耐就熟透， 肉質亦都非常嫩口 唔會好硬 但是肉質本身沒有太郎嘅味道 ，需要加些少鹽同埋再配合一些韓式嘅醬汁就更加出味。仲有 芝士爐邊蛋同埋泡菜爐邊蛋， 由於加咗芝士同埋泡菜令到 蛋 嘅味道都非

喜來稀肉一入餐廳坐低，就會有人嚟放低前菜同倒爐邊蛋～爐邊蛋有芝士同泡菜味，食完可以再添～—————————————————————1. 喜來五花肉 呢個係比較薄片嘅五花肉，脂肪同肉個比例幾好，洗燒完之後個面有啲焦香，好食，上面有啲芝麻，食落更香。2. 牛護心肉 呢個都係有啲黑椒係面，切成條狀，啲油花好靚，食落勁淋，好有牛味，呢個我覺得咩都唔點都已經食得。3. 牛五花肉呢個係有調味嘅牛肉片，脂肪好多，有油香，同埋佢比較薄，底面燒十秒就已經差唔多，好食，薄又有另一個口感。4. 蟹籽紫菜飯團 必食，勁多紫菜同蟹籽，正常係匙羹撈好之後用手套自己搓個飯團出嚟，不過我就懶，我成兜當飯食，蟹籽脆卜卜，用燒肉一齊食，真係好好味。—————————————————————喜來稀肉📍尖沙咀金巴利道79-81號金栢閣1樓連地下

我地叫左兩個熟食，分別係蟹子紫菜飯團🦀:紫菜分量多，脆卜卜，蟹子十分新鮮，配上香滑沙律醬，十分好食，令人胃口大開☺☺☺芝士石頭鍋飯🥘:滿滿既芝士，超級拉絲，芝士達人既最愛，熱辣辣既石頭鍋，令鍋中既配料都十分惹味香濃，大推😚😚之後我地叫左牛肉黎燒，分別叫左喜來燒肉，牛舌同牛護肉。🐄喜來燒肉最大路，係大家都會鍾意既牛肉😁😁十分新鮮😉牛舌我最鍾意，好有口感，濃濃的牛肉味，太值得食啦，而且份量唔少😎😎朋友最鍾意護心肉，佢用酒醃過，特別有少少酒香，而且厚薄適中😚😚喜來稀肉

今日去咗#喜來稀肉 食韓燒，去尖沙咀呢邊都幾多韓燒噶喎，因為附近有韓國街。一日嚟鋪頭已經感受到好似去咗韓國，咁呢度嘅裝修真係好地道。十足韓國嘅烤肉店，店員好多都係講韓文，一秒去咗弘大。冬天同韓燒最襯。兩個女人又食得？？仲有佢哋嘅招牌牛脊骨，韓國烤肉當然唔少得五花肉，仲有韓牛🐮！佢哋呢度嘅烤爐上面又一舊牛脂肪(正宗牛油😂)預熱個爐，天然油脂。周邊仲有一圈芝士蛋。好好食！食唔夠仲可以加！呢度嘅泡菜等小菜，生菜都係可以無限添加。佢哋嘅五花腩有辣同唔辣任君選擇😉噫，有氣氛，仲可以嚟之真露！好掛住Oppa啊！！開心聚聚又一日！

講起韓國燒肉，相信一定唔會唔識呢間😎今晚好好彩，可能仲早，唔使點排隊就入得🤩入到去已經充滿韓國氣氛🇰🇷枱面已經有好整齊既泡菜、酸瓜、酸蘿蔔歡迎我哋☺️泡菜好入味，係韓國既味道😋仲可以refill😎我哋唔覺意都食左兩轉，好開胃！護心肉$158（200g)呢個真心好食🤩可以話係必點✅原來呢個位係豬既橫隔膜同肝之間，每隻豬只有200-300克左右，所以都算矜貴😮今次有機會真係算好彩。佢個肉同脂肪分布幾平均，咬落去彈牙得黎一點都唔硬，好好食🥰夾埋生菜同少少泡菜就perfect🌟喜來燒肉 $158（180g)果然係用主打名，呢個牛真係名不虛傳✨個脂肪比例好平均，燒到7成左右，個油香好正，再配埋個肉邊既微微焦香，真係好食😍冇叫錯人參雞湯$125食完咁熱氣既燒肉當然要飲個人參雞湯去下一下火😆呢個人參雞湯一拎上枱就已經比股人參味充斥住個鼻😍好香！佢仲用原隻雞去整，入面好足料，人參都算大條，啖啖都好有參味。雞都好滑，唔似煲湯雞既肉質。

雖然今年冬天唔太凍，但都會特別想食啲熱辣辣嘅野，所以又黎食喜來稀肉，已經唔記得黎左幾多次喇。例牌一坐低先黎前菜三小碟，雖然佢地嘅前菜款式唔多，但泡菜好夠辣，跟返韓國口味。生菜可以用黎包住烤肉食，都係免費。爐邊蛋係我食韓燒其中一樣至愛，一邊加左泡菜一邊加左芝士，佢地個爐火力唔會太猛，爐邊蛋唔會好快燒到老晒，就算慢慢食都唔怕，每次我都起碼refill一次。梅肉($180/200g) - 200g有兩塊，每塊大約有手掌咁大，梅肉冇筋肥瘦適中，因為本身冇調味，我自己就鍾意蘸調味盤中間嘅韓式辣醬食，都幾惹味。生牛肉拌飯($105) - 拌飯上面有生牛肉、雞蛋、芽菜、菠菜、紅蘿蔔、椰菜同菇，顏色非常鮮艷吸引。加埋韓式辣醬落去撈，食落去甜甜辣辣咁好開胃，生牛肉好滑，完全唔會有血腥味。埋單時原來每人仲送一條雪條，有三款口味揀，我就揀左蜜瓜味。總結，喜來稀肉食左咁多年都係咁抵食好食，抽風做得好，食完唔會成身烤肉味。