喜來稀肉 (金巴利道)

營業中

休息中

喜來稀肉係香港人熟悉嘅韓國燒肉品牌，想食韓國燒肉就會諗起佢。餐廳就腳方便，同佐敦港鐵站距離路程8分鐘左右。環境佈置同韓國地道燒肉店相若。最緊要係乾淨少油煙味。餐廳提供不少肉類，亦有提供韓國菜式。不過今次係衝着食燒肉嚟，所以scan QR code自行點咗三款唔同嘅牛肉。侍應隨後奉上幾款前菜：泡菜、醃製瓜類、洋蔥，亦提供生菜、蔬菜粒，配以燒好嘅肉類、韓式醬汁一齊食，更滋味。燒烤爐邊凹咗嘅位可以燒蛋漿，每次黎都會食好多，因為好滑好香蛋味。以上嘅食物全部都係無限添加！肉類經過醃製好入味，唔醮醬汁食都好夠味：➺➺➺喜來烤肉$158/180g肥瘦適中、油脂比例啱啱好，切嘅厚度亦好適中，每邊燒幾秒就已經可以入口，肉汁豐富。➺➺➺牛護心肉$160/150g侍應推介呢個部位嘅牛肉，護心肉係保護心臟嘅橫膈膜，口感厚實少少，很有嚼勁，肉味濃郁，除咗醬汁醃製之外，牛肉上面仲加上大量黑椒同胡椒粉，增加香味。➺➺➺烤調味牛排骨$228/200g呢隻肉好有彈性，嫩滑無筋，燒完仲保持到足夠水份，好Juicy。

因為太耐無食燒牛肉，最近對燒牛肉嘅慾望出哂黎🤣於是就黎到燒肉介出哂名嘅喜來稀肉。一直都聽朋友講話黎呢度食嘅燒牛肉好似係韓國本地牛肉咁😍食店嘅位置好好，由佐敦港鐵站D出口，行7分鐘就會到，十分方便。今日嚟到唔使排隊實在太好彩！喺舖頭門口要行上一層樓梯先會到，一眼望落，環境佈置真係好似韓國當地嘅燒肉店，好似去咗韓國咁，好開心。食燒肉好怕好大油煙成浸味，舖頭每一張枱都設有抽油煙機，食完返到屋企身上都冇特別大嘅燒肉油煙味一坐低侍應已經預備咗泡菜、生菜同埋一啲調味青椒，可以夾埋燒肉一齊食。仲有幫我哋到咗蛋漿喺路邊慢慢食住等燒肉舖頭係可以scan QR code落單，今日我地就係叫咗3種唔同牛肉喜來烤肉$158/180g 牛肉切成長條，烤出嚟牛味夠，燒出嚟牛肉唔會乾，牛脂適中牛護心肉$160/150g 一片片嘅護心肉厚薄恰到好處，仲有黑椒調味，入口即溶烤調味牛排骨$228/200g 呢碟牛實在太出色，牛味最濃肉質鬆軟，好好味😋

燒肉最近有好多新選擇，但最印象深刻一定係喜來稀肉。諗唔到食邊間就一定會揀返喜來稀肉，係質素嘅保證👍🏻每次同朋友嚟就咁叫2 份燒肉已經好夠食，加埋任添嘅伴菜(泡菜、生菜、洋蔥、爐邊蛋)😬每次嚟到一定會叫嘅📍護心肉 (200g $158)依款肉係必食，肉質比較厚身所以燒嘅時間都比較耐少少。但燒完肉質又唔會過韌。📍真雪花牛肉 (150g $228)雪花牛肉好薄，好快已經熟，包埋生菜泡菜一齊食幾好食。爐邊蛋更加有2款口味，芝士同泡菜口味，不過想煮熟爐邊蛋就要有啲耐性等佢熟😂😂

喜來燒肉,韓國正宗燒肉店,食到韓國既味道,由韓國人主理今期好紅,訂了位置來試,先上四式泡菜,辣,沙律,等等做開胃菜,好食,夠香夠辣味,落單用QR碼,可樂$20,有其他酒選擇! 埋單仲有雪糕食,好正!!今次試了調味雞肉,紫菜飯,仲有幾款小吃,仲有韓國雞湯,好多野食平均消費$2XX一位,雞肉似係用雞脾位,好嫩滑,有預先醃過,甜甜地,雞肉香嫩口感好,配埋飯或紫菜泡菜食,味道更突出環境夠氣氛,乾淨,客人距離足夠,似去了韓國食飯,真正出色好味道!review IN尖沙咀美食 喜來燒肉 #尖沙咀美食G/F-1/F, Passkon Court, 79-81 Kimberley Road, Tsim Sha Tsui

喜來稀肉 尖沙咀分店,少了出黎尖沙咀食飯朋友訂左位係韓國街食飯,呢度最出名係多韓國菜呢間超多人介紹好出名,今次過黎食韓燒,仲加多份蔬菜同埋雞肉另有多款肉類選擇,有醃或未醃的用手機下單,平均消費一位$250左右蔬菜盤$100 足2~3人用 超大份!牛護心肉$160 油花平均,食落香嫩肉味濃郁,只係用簡單黑椒提味已經非常好食,夾埋生菜食一流本身已經附了泡菜漬物任食,又辣又開胃,正宗韓國風味另外店家必食推介蟹子紫菜飯團,成盤用麻油調味而成既飯,用手爪拌勻食,口感豐富,蟹子脆,紫菜香,麻油濃,好食好食平均消費$250G/F-1/F, Passkon Court, 79-81 Kimberley Road, Tsim Sha Tsui尖沙咀金巴利道79-81號金栢閣1樓連地下

以前好鍾意同朋友食韓國燒肉就一定會黎呢間幾年冇呢突然間心血來潮又想食夜晚排隊大概都要半個鐘左右黎到一定要嗌護心肉🤩🤩🤩喺出面真係好少見豬護心肉口感好軟熟 一啲都唔韌牛護心肉好重牛香味兩樣都好食 同以前冇乜分別 一樣keep到個水準夾埋附送嘅小菜一齊食 味道會豐富好多

晚市終於返嚟la, 又可以約下朋友見面。大家都 好掛住韓燒，就㨂咗呢間，原因係佢可以燒蛋。一個爐有兩邊蛋，一邊係泡菜口味，另一邊係芝士口味，兩個都好好味，超鐘意。由於我又想食牛又想食豬，所以無叫套餐（比較單一）。叫咗個五花腩同護心牛，兩款的肉都有質素。比較特出係個牛，真係好滑好軟熟，推介。唔食辣的我覺得個大醬湯都好好飲，唔會辣，有濃濃的麵豉味，個湯都有好多料，有蟹、豆腐、金菇等等，一個有誠意的湯，配飯一流。

有去過韓國既朋友仔應該都唔陌生💗〰️ 喜來稀肉係韓國有超過200間分店 主打牛同豬肉 其中必食招牌護心肉🥓不過今次就無食到 下次一定要試🫡🇰🇷喜來五花肉配特製醬汁 150g $138🇰🇷喜來烤肉180g $158今次無嗌好多 #고기 🥓因為主要係想飲#雪濃湯 🍲🤪枱面準備咗三款醬料點配 鹽🧂大醬同埋辣醬〰️我自己點得最多就係鹽啦🤓因為可以突出肉味🐷整體來講無論豬肉定牛肉 都好新鮮 燒後軟腍 入味又多汁 燒完 食落唔會好油 特別推介五花肉配特製醬汁〰️當然亦可以加埋生菜一齊食 解油膩 🇰🇷雪濃湯 $100雖然天氣有啲熱🥵但仍然堅持要去雪濃湯🍲yummy yummy 以長時間熬製牛腿骨製成既湯🥄然後加入簡單嘅蔥 鹽調味 味道簡單 非常順口 入面仲有米粉同些少牛肉 唔想淨係食燒肉嘅都可以試吓嗌換湯〰️🤣🇰🇷海鮮泡菜餅 $90有驚喜嘅海鮮泡菜餅😜真係多海鮮🦑煎餅煎得好脆 麵粉同餡料嘅比例啱啱好 旁邊有少少焦仲更加香 最近經常食到好好味嘅泡菜煎餅 好lucky😜💕

之前已經嚟過好多次今日再去人流已經明顯冇之前咁多一坐低店員就即刻放低晒啲配菜落單叫咗一份豬肉一份牛五花兩杯芒果特飲一個薯仔煎餅煎餅好耐都未嚟爐邊蛋食晒嘅時候就諗住叫店員加蛋佢同我講 你仲有冇肉未黎？我答佢 無啊跟住佢竟然答我 咁你唔可以加蛋我真係黑人問號？我之前食咁多次店員都係同我講免費加蛋你竟然答我 我冇肉未黎我唔可以加蛋？真係好驚訝我同朋友就係為咗個爐邊蛋先至特登過嚟食嗰下真係超級失望睇返其他人嘅食評都係話爐邊蛋任食唔知佢係生意唔好cut咗定係點但係其實少少蛋應該唔係好高成本姐諗極都諗唔明 應該唔會再有下一次去食

哎唷？竟然係喜來稀肉🙊N年冇食過！(我亦都好少去食韓式燒肉)環境同以前一樣樣，連啲音樂都好似冇乜變！兩個人可以叫嘅款式唔多，始終呢啲係飽肚野！而且旁邊有免費嘅蛋食～菜同前菜都係免費嘅～正常人好快就飽！豬護心肉(辣)$168味道同以前一樣惹味，肉質食落可以話爽口彈牙，口感係呢種肉嘅最大賣點！牛五花$158脂肪比較多，啲油都有牛嘅香味！燒一陣就食得！正～蟹籽紫菜飯團$50聽講好食同埋係要自己整成飯團的樣子，咁過癮？！試試佢！首先係一大碟飯，上面有好多紫菜同蟹籽，然後有透明膠手套同匙羹比你，用你既方法將佢變成可愛嘅飯團😂味道係好食的！必叫！1000億益生菌生米酒$90哈，個名好勁咁！幾好飲嘅呢隻係！酒精又低，飲幾多都唔怕醉啦！要提一提嘅係爐邊啲蛋好似冇以前咁好食，冇乜蛋味呢！泡菜味道OK，我幾鍾意！

#跟住我食唔中伏 .#午市都要食好啲心心近排真係keep住要食 #koreanfood ，今次就去咗 #尖沙咀 喜來稀肉.#必食 ［喜來烤肉］&［護心肉］起來烤肉靜咗花咁，心心都話好靚🥰喜來烤肉薄薄煎起嚟啲油份好平均，牛味濃郁入口即溶，用生菜包住仲可以減輕膩感，真係絕！護心肉係成隻豬最矜貴嘅部份，煎香後油份不多，爽滑彈牙，非常好食😋.除咗烤肉，亦有很多韓國特色主食［石鍋拌飯］色彩豐富，有大量炒過並加上調味嘅蔬菜，唔配上流心蛋和大量紫菜非常香，心心大愛❤️［水冷麵］用上韓國蕎麥麵條，非常幼細卻特別有嚼勁用牛肉高湯混合開胃嘅米醋&果醋、酸甜嘅水梨汁，最重要係再加上碎冰搭配清新小黃瓜、水煮蛋，食完烤肉吃超級涼爽～.仲有可以無限添加嘅🧀芝士蛋或者泡菜蛋、新鮮又好食嘅醃泡菜，真係食多幾碗飯都得！🤤食飽仲每人免費送一支雪條😍真開心～....#ca師奶餐廳_尖沙咀

天寒地凍好想食啲暖笠笠好惹味嘅嘢 遠處聞到一陣陣嘅燒肉味，香氣四溢，肉香味甚重，所以上去試一試，平時都食好多唔同類型嘅燒肉 ，不過呢一間尖沙咀嘅燒肉店 “零捨不同“， 上面有好多高大靚仔嘅OPPA， 親切友善嘅笑容再加上殷勤嘅服務，特別窩心 未食燒肉之前都有好多唔同嘅前菜， 窩裏面有芝士蛋，又有韓國泡菜蛋， 當然仲有kimchi沙律等， 真係好似去咗韓國咁 喜來烤肉一大卷好似花之戀嘅喜來烤肉， 成朵玫瑰花咁， 對眼見到都眼仔碌碌， 食落口就濃濃郁郁， 一片片由外層煎到內層， 牛肉汁喺口入面爆出嚟 牛護心肉牛護心肉切成一片， size啱啱好，容易煎又容易入口， 每片脂肪同肉嘅比例恰到好處 煎喺上嚟嘅時候， 牛油化成煙霧深入去鼻孔裏面， 聞到都已經流曬口水， 每片牛肉要幾多成熟，由你自己控制， 片片入口即溶， 齒頰留香 有咁多人一齊烤肉， 但係一啲都唔油煙， 抽油煙機能力強， 而且啲衣服可以放喺凳入邊， 真係好貼心

天寒地凍好想食啲暖笠笠好惹味嘅嘢，遠處聞到一陣陣嘅燒肉味，香氣四溢，肉香味甚重，所以上去試一試，平時都食好多唔同類型嘅燒肉 ，不過呢一間尖沙咀嘅燒肉店 “零捨不同“， 上面有好多高大靚仔嘅OPPA， 親切友善嘅笑容再加上殷勤嘅服務，特別窩心 未食燒肉之前都有好多唔同嘅前菜， 窩裏面有芝士蛋，又有韓國泡菜蛋， 當然仲有kimchi沙律等， 真係好似去咗韓國咁 喜來烤肉一大卷好似花之戀嘅喜來烤肉， 成朵玫瑰花咁， 對眼見到都眼仔碌碌， 食落口就濃濃郁郁， 一片片由外層煎到內層， 牛肉汁喺口入面爆出嚟 牛護心肉牛護心肉切成一片， size啱啱好，容易煎又容易入口， 每片脂肪同肉嘅比例恰到好處 煎喺上嚟嘅時候， 牛油化成煙霧深入去鼻孔裏面， 聞到都已經流曬口水， 每片牛肉要幾多成熟，由你自己控制， 片片入口即溶， 齒頰留香 有咁多人一齊烤肉， 但係一啲都唔油煙， 抽油煙機能力強， 而且啲衣服可以放喺凳入邊， 真係好貼心😘

近排睇韓劇就睇得多，所以就搵左日約左朋友黎尖沙咀食韓燒，裝修環境十分有韓式味道，有去左韓國感覺首先就黎左前菜先，有泡菜，酸瓜，沙律，之後店員就會幫手加爐邊蛋，一邊加泡菜，另一邊就加芝士，味道就各有各特色，仲可以不斷添加，睇左餐牌後，當然就要叫肉類燒一燒啦！牛五花 $158牛五花就肥瘦適中，食落有油脂香，肉汁豐富，用生菜包住食，就會更爽口辣護心肉 $168我就選左辣味護心肉，肉質軟淋，食落惹味海鮮拉麵$65海鮮就有蝦同青口，飲一下湯底，會有一陣海鮮味道，配上拉麵就剛剛好蟹子紫菜飯團 $50紫菜飯團一定好食，加上蟹子，口感更豐富，另一種食法，就係加湯一齊食，吸收哂湯汁，飯粒更飽滿

話說呢間韓國過江龍一直都係小編既愛店，環境好似去咗韓國咁! 除咗韓燒之外都有多款韓國料理，今次同朋友黎都有叫到燒肉同料理，味道都唔錯!辣護心肉 | $168護心肉係佢地既招牌菜，有辣有唔辣! 護心肉其實係阻隔豬肚子的橫膈膜和肝之間的肌肉肌腱部分，所以油分不多，食落去爽滑彈牙牛五花 $158份量幾充足，薄片輕輕一燒就食得，肉質不會過鞋，本身亦有少許調味蟹子紫菜飯團 $50好滋味，大家仲可以自己一手磋飯團，蟹子同紫菜好夾，食既時候仲帶麻油香，值得一試海鮮拉麵$65如果湯底可以更濃郁會更香口，入面都有幾多配料幾惹味