喜亭軒

營業中

休息中

今日父親節，之前啊媽話點心好味，就安排父親節晚飯上嚟食，今晚都唔算人多，我安全起見一個星期前訂枱，首先個冷氣好似壞咗咁！未食都已經流汗，叫咗十樣嘢，已經知道今日個價錢會有唔同，話晒都係節日，片皮鴨平時$148，今日$238，我哋因為叫咗好多餸，所以個片皮鴨冇轉到兩食，其中一個原因兩食要加多$128，最主要係因為驚食唔晒，二來覺得$128轉兩食唔係好化算，冇理由淨係食個片皮鴨兩食都要$366未計+1，啲餸上得好遲，第一個餸上枱都要成35分鐘，整個行程食咗兩個半鐘頭，最大問題臨尾仲有兩個餸要吹咗半個鐘頭先有得食，成間舖頭大部份已經係食緊火鍋，我唔明點解個廚房10碟餸都要玩粒半鐘，切緊片皮鴨嗰陣時，嗰條𡃁仔求求其片嗰十零二十刀，成隻鴨根本仲有好多皮好多肉，我問佢可唔可以片多啲肉俾我，佢話係咁上下㗎啦！我O咗咀，再問佢個殼係咪可以攞返，佢同我講話要俾多$128, 再要計埋加一先至可以攞返個殼！好型仔哋同我講，我哋呢度片皮鴨淨係賣個皮，唔包賣買個殼！所以個殼如果你要就要俾錢當兩食加多$128再+1，我而家真係明白到香港嘅飲食業點解面臨接二連三嘅結業，我寧願你直接同我講話冇得攞走，總好過你咁回答我

平心而論，食物質素正常，但職員態度好差。當日比較多人，無晒位，但門口係無取票系統，最近門嘅counter只係收銀，完全唔會協助帶位… 終於捉到個樓面講佢聽3位，佢就走咗去，又無講係咪有位，又無俾飛… 好彩佢好快就俾咗張檯我哋~ 但前面兩班客都俾佢激走咗，個客話個樓面無回應佢，個樓面仲話人哋詆譭佢間舖… 跟住又話啲客好晦氣，結果等緊嘅兩班客都同佢嘈，最後走咗… 其實如果唔係佢咁快俾位我，我都應該走咗，因為真係唔知佢究竟係咪安排緊…

雞煲幾好食 但係中辣都冇咩辣味刺身唔錯 大舊都算新鮮打邊爐方面真係有啲差 蝦滑冇蝦 鮮蝦雲吞冇蝦丸類基本上全部食粉 牛肉還可以脆肉魭味道OK但俾嘅位基本上都係骨湯底冇咩味肉類選擇唔多 雞肉都冇有啲失望服務方面店員態度很好 但係人手明顯不足送漏咗唔少食物 但可以諒解因為實在人手不足湯底都等咗十幾二十分鐘先到雪糕可以食一個 雪條方面選擇較少飲品選擇都唔算多如果想食雞煲整體嚟講算係OK但係唔值呢個價錢味道方面依然有很大進步空間

平時我唔會主動寫食評，但呢度令我有留港消費的動力，80字我無興趣刻意寫，至少我係北角未搵到咁有CP值既放題，無限我時間，慢慢食，希望keep住，我會再來的，加油。

星期日訂了檯，7點20分已經下單，等到7點50分終於來了黑椒蜜汁牛柳粒，味道幾好，但份量偏少。再等多10分鐘來了咕嚕肉，汁都沒冇全掛係肉上面，份量可以媲美大快活的小菜類，再等多15分鐘來了椒鹽一字骨，味道不錯，小朋友愛吃，再所以再下單叫多一份，因為太少。豉汁蒸鱔，夠惹味，豉汁做得不錯及椒鹽墨魚片，不過不失。之後就一直等到差不多9點還有4個菜式沒來，決定取消沒來的菜式時，再下單的椒鹽一字骨又到了，但跟之前叫的味道，賣相不同，之前一碟沒有上粉漿，這一碟就上滿粉漿才炸，又不夠椒鹽味，真奇怪。最終埋單，取消了3碟菜式如果真的有時間願意坐2至3小時慢吃，食物水準不錯，但份量又偏細份，可以慢慢飲酒傾談都未嘗不可，但可惜我一家大小有老有嫩，最終都是去了東大街麥當勞吃多一轉再回家。

在此訂座 有窗邊位 選擇198價錢，需加一。任飲任食火鍋。非常化算。食材正常，牛肉羊肉質素正常，海鮮也10分正常沒有驚喜，有腐竹普通的菜類，食物質素是非常之正常，但以價錢來說非常之好，而且上菜速度非常之快，員工收碟速度也很快，服務態度非常好。本來沒有太大期望，所以完全冇失望。下次到訪會嘗試小菜，空間感非常足夠。環境10分安靜沒有嘈吵嘅感覺，與朋友聚會聊天10分享受。整體來說，CP值非常之高，以筲箕灣來說我會再光顧

真係食最平果個火鍋任食已經足夠，$29x個餐係不需要的，其他食物係手機落單，只有刺身係填紙仔，今次第三次黎食，刺身佢會比多過你填個數，可能冇乜人叫🥶，另外，牛肉質數都好一般，你諗下係同你屋企打差唔多，成班職員圍埋吹水時間多，最後食個杯雪糕係熔左再雪番的，已同經理反映，佢冇換比我，我都冇所謂了，總結性價平唔高，食最平得啦！

喜亭軒 (筲箕灣)筲箕灣筲箕灣道393號形薈1樓1號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿呢間係筲箕灣形薈開左一段時間。終於食到啦⋯⋯佢啲點心唔錯呀。不過我睇到個單張仲想幫襯埋夜晚。有雞煲食。我飲飲茶都聞到人哋lunch都食雞煲呀。味道勁正。聞都已經想食。😋😋😋😋😋😋😋😋點心🥧😋😋😋😋😋😋😋😋總結🤓其實都算好有水準嘅餐廳。總算幾好食呀👍大家可以值得一試。我要幫襯埋夜晚。

📍喜亭軒🧭筲箕灣筲箕灣道393號形薈1樓1號舖去筲箕灣 #喜亭軒 食個便飯😂⭐️白灼花竹蝦新鮮花竹仔，白灼又甜又好味⭐️三文魚刺身純粹過下口癮😂💯薑蔥炒花蟹勁大碟！啲蟹拉過油好香口，個汁都好惹味，如果多啲蔥就好了😂⭐️蒜香骨排骨雖小但味道出色！啲炸蒜好香好好味⭐️清蒸油彬剛剛熟，正！又香又滑⭐️雲耳蒸雞好鍾意食雲耳蒸雞！估唔到都幾滑，仲要雞皮勁厚😋💯酥炸生蠔依度係兩份炸生蠔，真心驚喜，個炸粉超薄，勁鬆脆可口⭐️菜膽雞最後黎個菜膽雞，相比都係鍾意蒸雞多啲雖然佢係主打雞煲火鍋，估唔到小菜咁出色👍🏻#MFJ筲箕灣 #MFJ中菜#mfoodjournal #foodie #hkfoodie #foodblog #hkfoodblog #chinesefood #chinesecuisine #shaukeiwanfood #相機食先 #筲箕灣美食 #中菜

侍應服務態度差，五分鐘內，過來兩三次問「想食咩」來催落單，但當時只係黃昏6:15左右，已有客坐嘅枱少於十張，而且只有一兩個人；落單時，我們講菜名，覆單時侍應覆號碼，但講錯又又唔認錯。唉！😤😤 他們真可憐！😩😩

"As long as no need to queue, I don't mind to eat anything." That's what I told my family regarding afternoon tea suggestion. My family suggested to go yumcha at a hotpot restaurant nearby. As expected, there wasn't a queue outside the restaurant. Surprisingly they gave afternoon tea promotion even on weekend and in fact pretty cheap. Let's see how's their food quality.Char siu Mexican bun came first. Crispy topping with a thin dough. Char siu stuffing wasn't too sweet or saucey. Served in warm

個半鐘頭，只可以上到四個菜。唔使再試。落單講過送三文魚，一個鐘都未上到，再問個經理，又重覆返我同侍應一個鐘頭前既對話係。中間追過經理幾次，完全冇作用，好似追完仲慢左。目測全場有四至五枱小菜，全部都係傾偈多個食野。浪費大家時間。另外，之前試過雞煲打邊爐，邊爐類完全係廢。

本身係筲箕灣街坊成日去形薈食野. 就係一直未試過呢間喜亭軒, 只係聽人講佢一般. 今日帶嫲嫲黎飲午茶. 入到去即刻有位. 店員反應服務都好快.裝修環境都唔錯幾舒服， D 枱距都幾寬闊. 唔會迫, 環境真心讚. 睇下點心紙先, 選擇都OK 多. 平時飲茶有嘅點心選擇都有.仲有兩三個特式點心. 佢地d炒粉類都好大份。整體點心正常, 我唔會話超好食. 我評就食物中上.  服務我會讚, 對比本區其他酒樓好. 環境都幾舒服. 但價錢就比同區酒樓貴d.下次會試下佢晚市火鍋如何. 反而佢火鍋放題價錢唔貴。

琴日食左個優惠餐208任飲任食基本野都有得食既 野食唔算差湯底比以前好左好多野食都比以前多野简左野飲都算好多下又有特飲 （我冇飲到）因為我浄係同朋友飲啤酒$38刺身任食冇左唔緊要 （遺憾 ）入坐前有都同我地講到冇左38蚊刺身任食 但係都有一個刺身定食20蚊1位 服務都幾好 最重要唔會赶你走我6點半坐到10點想同朋友傾下計 飲下酒 絕對冇問題下次我都會試下個貴d既planB好似話有海鲜船 又和牛 可以落番海鲜單總括 229埋單落樓确實抵食希望優惠會持續啦

垃圾中嘅垃圾， 加咗刺身冇任食， 嗌咗小菜啲小菜臭嘅， 食物有啲都唔新鮮， 種類都冇介紹咁多，D 食品同 介紹有出入， 畀垃圾中還垃圾， 唔信可以試下 ，所以沒有回頭啦👎 要評分，比-100