唯珍上海麵家

唯珍由佢9X年係金城隔離開已幫趁, 由只得湯麵到有炒粗, 再由舊店搬去新店都偶有光顧, 每次都係為左念舊而去, 相隔多年又剛好路過, 入內重拾舊歡, 可惜........點了豬扒麵, 呢度O既豬扒唔係上海式, 而係吉烈, 多年沒變, 麵條仍有咬口, 論味道是合格的, 但酸辣湯就差了, 只酸不辣, 本身已唔係正宗上海味, 現在更顯得不濟。不過最令我下定決心說永別的, 是他們用來放肉餡的雪櫃, 凌亂到不得了, 肉餡料係雪櫃入面佈滿, 排放又亂又恐怖, 怎叫人有信心食? 更差是果位男店主, 不斷罵人, 一臉不耐煩, 真是令人活受罪。其實我唔去多年既原因, 亦因為舊店交比其他人主理後, 又係一片凌亂, 情況同多年前女人街分店一樣。一間食店, 就算你食品有幾好食, 見到呢D情況, 真的只能說句 : 無下次…查看更多

因為係附近做野，見到上海粗炒，所以諗住試下，點知去到無曬，無得食，所以同朋友叫左個豬排水餃面同酸辣湯面。面超大碗食唔曬，酸辣湯夠酸夠辣，豬排尚算軟熟，水餃好大粒，足料有肉汁但2個面底就差啲，太（林），食落已經似發脹左既面.加埋野飲一個人$50有找，算抵食。…查看更多

唯珍係我心目中是一個街坊生意的小麵店。從佢未搬舖開始已經開始幫襯，因為價錢便宜又份量很多!不過近年都好少去了，洽巧最近會經過佐敦，決定要再來試試～是夜又跟老公一人一碗麵加個餡餅做晚餐！我最愛吃這裡的水餃麵／雲吞麵。今晚繼續叫了碗菜肉雲吞麵！雲吞依舊大大粒，好多餡！餡了仍舊味道不變，醃得好濃好入味，正！麵線唔特別安排，會自動送上幼麵。麵質依舊彈牙，唯獨雪菜湯底變得淡口，像清湯一樣 >.<北京餡餅來到是不可不試的！！！我就是為了它而來吃東西！這裡的餡餅內質不但超入味，餡料味道好濃，韮菜亦是熟透了的～好多時候下午去的話，剛剛煎好的餡餅最好食，外脆內軟～今晚是預先弄好的，所以溫度只有和暖～不過內裡依然好多汁，我仍然好喜歡食！老公最愛吃濃味的東西，今晚他點了酸辣雲吞湯麵！微酸微辣的湯底，最喜歡佢好多木耳、紅蘿蔔、腐竹等等其實唔加餸都得!最正係麵底好多, 大大碗夠曬份量吃到好飽!!!另外特別一提另外可以叫碟蒜醋點雲吞！唔係成日嚟食未必知可以咁叫呢～…查看更多

依間上海野開左咁耐,都係有佢過人之處既~首先讚一讚,今日食完無咩口渴.清清地既湯,配中式麵,加少少雪菜,其實我都夠架啦~1) 無鍚排骨麵個汁甜甜地好味,但感覺是較稀身,排骨不是炸過個種,切到一條條粗手指,間中一兩舊仲有咬得既豬軟骨,幼麵份量都幾多,軟身麵有點似自製中式個種,幾好入口.其實個雪菜味很清淡,其實近乎無咩味,不過總比佢加咸好既.2) 雪菜肉絲炸雞翼粗麵粗麵是上海粗炒個種麵,好似唔多地方會用佢做湯麵,口感比幼麵好,不過份量好似少過幼麵香茅雞翼幾好食,好香口,香茅味都幾香,偏細隻,好似好食過佢個豬扒.另外叫左個餡餅外賣,多菜多油很少肉,皮唔算厚.唔算話特別.…查看更多

老字號的食店常給人「串」的感覺，好似永遠都「唔休做」，生意滔滔不絕。在佐敦的確有好多此類形的「老鋪」，食物賣完不加單、準時關門；趁離關門前還有點時間，AW和愛人就來嘗一嘗。點了酸辣湯麵、水餃麵，再加點有名的荳沙窩餅。 麵食味道正常，價格合理，沒什麼太大驚喜，相反可能因為臨近關店的關係，荳沙窩餅不是即煎的，所以只是微溫也沒有了香口的外皮，自覺有點期望過高。一目了然的餐牌，以上海麵食為賣點水餃很足料，味道不錯酸辣水餃湯麵，一個女生吃似乎太豐富了自家包製的水餃下一次要早點來，嘗嘗即叫即炸的荳沙窩餅…查看更多

今日嚟到佐敦區搵食! 之前係對面食飯時候就留意到呢間唯珍上海麵家, 就同兩老黎試吓  酸辣湯$15 (2.5/5)酸味十足, 辣度較淡~ 滿足唔到我嘅辣癮, 但有大量蔬菜, 蘿蔔絲同大舊豆腐, 亦唔少得黑木耳北京淨水餃韭菜豬肉餃$34/10隻 (3/5)真係大隻得好緊要!!水餃手工非常好, 用匙羹畢起嘅時候凹入去嘅位置會盛載起上湯, 好似個碗仔咁, 哈哈韭菜份量都好多! 落啲豆瓣醬更加惹味煎餃$16/4隻 (3/5)都係鍾意食香口啲嘅煎餃子 同水餃一樣足料, 每一隻煎到金黃色, 有心機, 味道都唔差北京餡餅$10 (3/5)餡餅切開裏面全都係韭菜!! 發達喇! 哈哈 咬落都有菜汁, 個皮較乾身, 好有北方感覺豆沙鍋餅$10 (3.5/5最後嘅甜品豆沙鍋餅, 比起其他餐廳嘅做法唔同, 佢係用麵粉酥皮, 加上大量白芝麻, 我用手就咁拎起, 一啲油都冇, 唔會令你太滯! 推介此餐廳 3/5 餐廳環境比較逼夾, 自家製即場包餃子等好足料, 味道唔差, $30以下, 都食到飽飽平均消費 $28, 3三個人, 1個湯+3個點心小食+1個甜品唯珍上海麵家星期一至日:11:30-21:00佐敦白加士街125號地下Tel : 2770 4763…查看更多

個個星期六响佐敦，想食“唯珍”嘅上海麵好耐，但唔近我活動範圍且次次都時期趕迫，所以一直試唔到。今個星期六教練放假，加上本身忙緊屋企嘢，於是調咗啲活動次序，先去尖沙咀，再去佐敦，兩點幾啱啱好食lunch之後返屋企，於是終於可以沿住條街搵“唯珍”。試咗北京餡餅、凍豆漿。同“唯一”餡餅係牛肉唔同，呢度用豬肉，加韮菜，外皮唔夠“唯一”薄但煎得燶邊又脆，而且只賣$10，好味😋豆漿唔太甜豆味普通都幾好。留肚去咗剛發現响正對面街嘅“十八座狗仔粉”試火鴨翅。下次再嚟可以試粗上海麵。…查看更多

是晚OT至8時多，不算太晚，但家裡沒飯開，打算隨便吃一餐。話說隨便，但都打開openrice看看家附近有沒有些平時不起眼的餐廳，給我發現了這家上海面店，好吧，試試看。店面不算大，是長方型的格局，走廊挺窄的，大概只容納到20至30人中左右。看餐牌，選擇都算多，原本想吃北京餡餅，可惜已經售罄 因為午飯去了飲茶，今日已經吃了很多肥膩點心，晚飯還是想清淡一點。最後選擇了雪菜肉絲水餃面😆嘩，好大碗！有4粒很大的餃子，中間放了雪菜肉絲，面條數量也很多！餃子的皮算薄的，餡料也很豐富，好味道！面條不會太淋或太硬，剛剛好。下次一定要吃到餡餅！…查看更多

唯珍近廟街，算係間附近選擇多又平，而自身位置不太旺既小店係非繁忙時段都仲不時有客人消費，無論是堂食或外賣最近想食下中式既食物呀:^P不如就試下啦餐牌一目了然，簡單易明通常店方就會叫客人就咁大嗌過去講自己食咩黎落單，感覺好街坊食完就去中間既櫃檯結賬:^)環境算是坐得舒服既，唔會過份緊逼特別在於佢一張張長枱，有少許似矮版吧枱XD衛生情況算可接受，又要講啦，起碼我呢個有點潔癖既細路係坐得落蔥油餅　$10拿佢餐牌寫十蚊件，係指呢度成碟架XDDDD因為佢既一件係大圓餅，切開自然就係幾塊扇形煎餅，裝成一碟，份量幾澎湃外皮金黃帶焦，焦香甚重，餅間更有蔥段透出，十分吸引夾起一片，仔細看看，蔥量還不少呢，不槐我對街坊店既豪邁既期望入口香脆，但不會過乾過硬，芝麻香亦先聲奪人蔥香清而重，不會帶有惹人倒胃口既青味，又不會竄出讓人難大啖既嗆味蔥花既濕潤度亦令煎餅感覺不會太乾太難嚥油膩度不高，只可惜咀嚼之間未有想像中既麵香麵甜無錫排骨麵　$33無錫排骨細細一碟，但都叫有三數塊大塊既排骨既骨，其實只係可以嚼咬既脆軟骨，正中我心意，脆口又過癮排骨肉硬實，老實說我個人中意硬實既質感只係大部分人都偏向稔香可口，一抿即化一種不過呢個又係真係太過硬了，雖說係我心頭好，但食落係有種咬積木既感覺醬汁酸度不高，反倒是非常甜口，當然，帶鹹湯麵表面既蔥段雪菜灑得落落大方，睇到都覺得開心蔥段清香不嗆，雪菜順口味香麵條係粗身既，滑溜彈牙，條條分明冇黏實一團只係佢嚼咬下沒有麵香麵甜，估計都不會是自家製品了，有點失望整體而言，味道質素一般，但勝在夠家常而用料都算大方性價比偏高，經濟實惠叫幾抵食，且人情味甚濃以前上網見人話極度重味精，雖然我都係對味精比較敏感，但又唔覺得嚴重至此…查看更多

又到一週的上學日。上課前, 跟豬大人在學校附近覓食填肚仔~餐牌上的食物款式, 與一般的上海麵店大致一樣。不過事前做了功課的青蛙知道這裡出名無鍚排骨,當然是非點不可啦~~~~無鍚排骨上海麵貴為招牌, 我倆又豈會錯過~當日亦看見很多食客有點無鍚排骨,這更令我倆更期待喔!!但事實上, 看似可口的無鍚排骨卻是非常酸...酸的呈度是令青蛙只能咬一口後即吐 >.<至於湯底正正常常, 麵亦軟硬適中。北京餡餅挺好吃, 韮菜與豬肉餡滿滿的!!入口既有韮菜獨有的香味,而又充滿肉汁~~不過餡餅的皮始終是厚厚的,否則不能承受大量的餡,所以吃了四分一已感覺飽肚。煎餃與雲吞即煎上桌熱辣辣!!　以餡料來說，青蛙偏愛韮菜煎餃，主要是較為香口～但以皮的厚度來說，兩者分別不大，而且皮偏軟而不脆。上海粗粉麵即炒上桌夠獲氣，不過調味較輕手，重口味的我倆都忍不住要每口沾上豆板醬來吃～配料以蔬菜為主，有中和油膩的感覺。凍豆漿不凍而且略為甜。…查看更多

Wing向來喜歡上海菜，餡餅、餃子等都是至愛。八時多來到佐敦，突然想念上海的食物，也碰巧來到這家食店，就二話不說地走入去了～蔥油餅($10)一走入食店就看到它被放在已關掉的爐頭上，吸引著我的目光，所以就點它了。它是暖暖的。這塊蔥油餅是很讚的，因為這餅完全沒有很油的感覺，而且十分香口，整個口腔內充滿了香蔥的味道，叫人「愛不釋口」。要是這塊蔥油餅是新鮮出爐的話，該會更好吃的吧~北京餡餅($10)這跟是跟蔥油餅放在一起的，也是暖暖的。這餡餅以韮菜跟豬肉整成的，初時未放入口，很害怕韮菜跟豬肉會過油。當韮菜跟豬肉進入口腔的時間，Wing就明香初時的擔心是多餘的啦，也是完全沒有油油的感覺，感覺是健康的一種啦，Wing吃得超起勁呢！雪菜肉絲麵($24)麵質很好的，麵條粗幼適中。湯底味道清淡，卻十分香，Wing喝了又喝，完全吃不到味精的味道。雪菜也不會過鹹。這個麵的整體配搭恰到好處，味道不錯，吃一次以後就會記著它，現在也很想多吃一次呢！…查看更多

今晚剛好到廟街附近找東西吃口裡突然想吃一點點上海的味道正好看到對面有一間吃上海麵吃的想了想便走了進去一進入便找到位子，大概是因為都八點多吧坐下來，感覺是位子有點擠一張餐桌大概是供四人用我倆坐下還舒服，但真的四人坐時大概會有身體接觸吧回到吃的上，坐下看到門口有一堆北京餡餅和蔥油餅看下去很香脆，立馬決定了要嘗一嘗然後理所當然地是要叫麵吃吧(不然幹嗎要走進去!?)然後點了一個雪菜肉絲麵，待了一會兒食物便送到來北京餡餅($10/件)及蔥油餅($10/件)晚上八點多到來看來是除了有位子，另一樣便是食物會有點冷 這兒的北京餡餅是用韭菜及豬肉制成的，吃下去是一般般的，但沒有油油的感覺餡餅入口已經不暖了，雖然吃得到如果是暖的話是不錯的說可惜就是煮好了一段時間，有放涼了的感覺蔥油餅也是，不暖了但入口一點油的感覺也沒有，是恰到好處只是如果可以暖暖的，脆一點會好好多的說雪菜肉絲麵($24/碗)這個不用怕，是新鮮的，溫溫的吃下去不會口乾，湯底是沒用味精的吧小弟吃的是幼麵，麵入口是軟軟綿綿的麵底交足功課，雪菜不會太鹹，又是恰到好處基本上來說是不錯的上海麵吃…查看更多

We came here after seeing positive reviews and left feeling bad.After some backwards and forwards with the friendly, but non-English speaking ladies there, we ordered some Peking pork noodles and Shanghai fried noodles.  We ordered thick ones, but soon wished we hadn't.  So the Peking noodles came out first.  They were really sweet with cold pieces of pork and cucumber in them.  The sauce was not heated, but the noodles were hot.  The flavour wasn't the best and they were just pre-made udon noodles.  Not what we expected at all.  The dish was also full of MSG.  The roof of my mouth started to lose sensation from it.The Shanghai noodles came next and were basically udons with cabbage, spam, pork, beansprouts and ham.  They tasted like cheap English Chinese takeaway, but from a really bad place.  They were also full of MSG.  We left feeling a little queasy from the MSG overload and cold sweated our way home.  Maybe we chose badly - I think there was an element of this, but the levels of MSG were crazy.  It was cheap and locals seem to like the place, but we won't be returning.…查看更多

1)無鍚排骨排骨夠入味,某些肉較乾,底加左菜,但令人回憶古早味。2)水餃酸辣麵: 呢種酸辣味久違了,是細個時吃的味道。老闆是老一輩上海人,果然能煮出細個時食過的酸辣味道。…查看更多

離佐敦站只有五分鐘路程。門口雖然細細，地方都有少少迫，不過其實到到都係咁,所以我都無咩所謂,最緊要野食好食,不過提提大家如果怕油煙同熱,就唔好坐門口附近既枱，因為近煎爐會好熱。今次我叫左依個雪菜肉絲雲吞幼麵，同埋一個北京餡餅。價錢非常公道,雲吞麵既份量算大碗，雪菜肉絲都好多，直頭有D肉絲係好似肉片咁大塊,好搞笑。仲有四粒雲吞，夠哂大粒，皮夠厚唔會太太薄,又唔會會太林，餡料都算多嫁，不過幼麵就林身左了點，因為我自己比較鍾意食爽口,D口感應該會更好。之後個餡餅都算好味，皮唔太薄都唔太厚，夠脆口，餡料都算岩岩好,好味道既,最後叫多杯豆漿,正正常常無咩特別,就埋單走人。…查看更多