唯一麵家

營業中

休息中

上次來左葵涌廣場的鄧媽媽，咁今日就去一間同樣好食同樣經典的麵店-唯一麵家。葵芳呢間唯一麵家位於葵涌廣場最底層，有D唔起眼，第一次去可能要揾一陣，店的坐法有d似大排當，都係預左要同人答台啦。呢度除左麵出名，菜飯都好出名，仲有係多有中國特色的野食你都會揾到，而且做得都好有中國的風味。我之前每次來係試擔擔面，今次就轉下新意思，叫左梅菜扣肉菜飯。菜飯並唔係菜加飯咁簡單，飯本身已經好好食，可能係混左菜汁，加埋d菜成個飯就變得好香菜味，淨係食個飯都會滿足，梅菜扣肉好厚好多汁，有少少肥，但係用來送飯真係無得彈。

今日lunch唔想食飯唔想食湯品，突然諗起唯一麵家，心思思想食煎餃，又驚太少錢，佢唔肯送外賣，咁唯有食其他⋯諗下諗下⋯⋯食三絲炒米線，好似有d油咁⋯⋯但都幾好味，好濃味⋯冬菇好好味

好後悔食呢間，價錢不低，食物味道不好。本來見環境幾企理清爽，圖片幾吸引就入去，點左兩個麵，一個新疆烤雞柳粉絲，一個新疆烤魚塊粉絲，2杯凍豆漿，一個小籠包。杯豆漿黎先，飲第一啖有啲酸，再飲真啲，真係有酸味，叫朋友試下真係有酸味，即刻叫佢換，最後加錢換杯凍0水。再講烤雞，雞肉有啲柴，烤魚塊其實係炸魚塊，到小籠包，等待時間不長，但皮真厚，好失望。不會再來了。

因為成日要等位，又有D趕客，好內無食唯一拉！今曰有同事話好想食喎，咁就下佢拉😊次次來都食麵，可能俾佢個名影響，唯一麵家咁係食面拉😅今日破舊立新一下食米粉估唔到有幾好喎好爽口又唔太淋個香茅豬扒好重香茅香味，奶茶來講普通茶餐廳水平啦！都算抵食👍👍

每次去行葵涌廣場，都會行到天昏地暗，因為太多野行每次都財散人安樂。所以每次行完，都好中意去呢度食。今日行完又係去呢度食，勝在夠飽肚，份量多同味道ok而且款式都好多，所以好多時都唔會厭。今次叫左個上海雲吞麵。雲吞有四粒，全部都好大粒。雲呑皮雖然有穿，但仍然略微有點厚，個肉涵都大，食落都好有味，多肉汁，並不是湯汁。湯底淡淡地，再夾埋雲呑既肉汁岩岩好，自己幾中意，清清地得黎有少少味。感覺唔會好油。跟餐叫左杯熱豆漿，偏甜不過最緊要係價錢算平，血拼完食反平少少既飯中和反

每日放工經過葵涌廣場都見到唯一麵家店內人山人海，得知呢間店經營多年，仍然屹立不倒，食物一定有番咁上下質素，而且價錢唔算貴，就入去食個下午茶，餐牌選擇多，菜飯、客飯、炒年糕、湯麵、小食等等……小食點咗個北京餡餅，外皮夠薄，韭菜豬肉餡夠多，肉汁豐富，味道夠濃郁。重點推介係四川擔擔麵，大大碗足夠兩個人食，湯底有大量肉碎花生同麻醬，每一啖都食到附上麻醬嘅麵條，湯底夠濃郁，麵條煮得夠爽滑。飲品點咗個凍豆漿，可惜唔夠味道，有待改善。下次會再嚟試下其他食物。

葵涌廣場內「唯一麵家」之前試過幾次，今次又叫咗呢度嘅四川擔擔麵，同埋北京水餃麵。擔擔面上菜速度不算快，反而北京水餃麵更快一步，而味道今次就比北京水餃麵更好，擔擔面醬非常濃郁，配上花生及麻醬，中和到個辣椒的辣味，最岩我想食辣又怕辣既人。北京水餃麵，清湯加上少少雪菜，可惜豬肉水餃有少少偏鹹，湯底幾清，飲落沒有口渴的感覺。另外，點了一個豆沙餅，開頭以為係酥皮，點知，唔係糯米餅，冇所謂，照樣食，幸好係煎餅，否則，一定覺得不值$15.一個 ，因為普通糯米豆沙煎餅只需要＄5。

這家店舖一直在葵涌廣場屹立不倒，一定有原因。食過就知這是一家有水準的食店。最愛燻魚、醬爆雞丁、糖醋魚塊、銀芽炒鱔糊、紅油抄手等，全都是惹味之作，一試難忘。食店的待應全是阿姐，很多阿姐都在店內做了多年，每次外賣或堂食，都會互相寒喧一番，甚有人情味。

聽朋友介紹過呢間既烤肉飯好食，今日同朋友出開葵廣行街當然要試下同粉麵檔模式一樣，都係要搭枱既，但食得呢啲都唔盼坐得舒服既～餐牌幾多選擇，北京天津上海四川菜樣樣俱全，地唔地道就唔清楚啦。我地下午茶時段入座，所以包野飲唔洗加錢。我地一共叫左四樣野：- 天津烤豬肉配菜飯 $52- 北京餡餅 $16- 煎蛋餅 $17- 北京煎餃(5隻) $24北京餡餅拳頭咁大既餡餅皮薄餡多，調味偏濃味，內餡係韮菜豬肉，好足料，啖啖肉，肉汁豐富飽滿，韮菜新鮮爽脆，口感豐富，每一啖都爆汁天津烤豬肉配菜飯唔知用咩醬汁炒，甜甜地又惹味好送飯，豬肉同洋蔥炒到岩岩好好腍甜，重點份量好多！送哂成個飯之餘仲有1/3兜剩菜飯略嫌少菜，上枱時只係微溫，呢點扣返啲分，衛生情況一般，飯碗內側有啲跡跟餐既熱豆漿豆味頗重，但飲落有加糖，甜左啲，如果純天然就更好啦！煎蛋餅偏油膩，無預期咁重蛋香，但勝在鹹淡適中，特別係食左咁多濃味野之後口感煙韌彈牙，食落有啲似年糕，而且煎得好靚色澤好金黃北京煎餃同餡餅一樣皮薄餡多，大大隻，外皮金黃微焦，係我中意既脆脆地既口感。但略嫌油左啲，好似俾油浸咁。整體質素都幾滿意，特別推介天津烤豬肉同北京餡餅！但相信

餡餅：絶對稱得上皮薄餡靚！ 外皮煎得香脆，餡料超多肉汁！！！ 每次到葵涌廣場都必買一個！ 外賣的話，外皮的口感當然不及即場吃， 但是味道還是一樣香濃多汁，絕對值得一試~至於其他食物，例如水餃、湯麵、包點之類，個人認為只是一般，沒有什麼特別的地方，甚至只能說是中下的評價… 反而有點驚喜的，是它的鹹魚雞粒炒飯，飯粒炒得乾爽香口，味道剛好，可以一試。ｰｰｰｰｰｰｰｰｰｰｰｰｰ服務和衛生方面，就是普通親民價上海麵店的標準，可以接受。

今日同老婆產檢，之後想搵嘢食，去咗呢間門面比較靚仔嘅餐廳，入到去嗌左三樣嘢， 一塊北京餡餅，一碗豬手麵，仲有一碗雞扒米粉，其實價錢唔算貴，加埋都係80幾蚊，不過質素確實令人有點失望。先講下碗豬手麵，分量相當吝嗇，得兩舊豬腳，強調係豬腳，所以相當冇嘢食，碗麵好普通，一炸雪菜冇特別樣。尋味指數係一粒星。然後講下雞扒米，我食咗少少雞扒，非常乾，味道一般。唯一正常啲係快北京餡餅，皮都脆脆地，函購多，性價比算高。不過響競爭激烈嘅葵涌廣場，呢間野真係冇競爭力，入去食嘢純粹係買個位坐，唔怕中招嘅不妨入去幫襯下。

係 #葵涌廣場 等朋友，最好食返個 #下午茶呢個就真係#讀書回憶 好多地方已經變曬，呢道價錢都貴左差不多一倍$35既#酸辣麵 少左一半，無鍋貼，#豆漿 由碗裝變杯裝我的回憶完全破滅了。酸辣湯辣過以前，#䓤油餅 一樣咁脆、無油感Total : $47 下午茶，唔係太抵#葵芳 #唯一麵家IG: clareyouu

今日同女朋友去葵涌廣場行街順路去左唯一麵家食少少野,叫左2個下午茶餐,一個係旦煎餅煎得幾靚唔多油但味道一般,另一個係小龍包我們等了很久才向店員查詢後2分鐘便有,但上到枱很失望皮還有點白色,而且全部皮都破了，只要肉都還可以。

鮮有在葵涌廣場內的餐廳坐下來吃飯，多數都是掃街吃飽今晚就在唯一吃個便飯。我不太餓，只點了酸辣湯$24 和北京餡餅$15。酸辣湯單點比跟餐多$20, 份量未免太吝嗇了幸好味道不錯，夠酸夠辣。北京餡餅餡料豐富又多汁性價比高的小食。友人點了咕嚕肉菜飯，肉多鞋口，不是排骨部位。炸饅頭有點乾。整體質素一般般，下次到葵涌廣場掃街時會再吃北京餡餅

葵芳長大，一直堅持着唯一嘅變遷，今日嚟到食下午茶叫咗幾款王牌小食。有招牌餡餅、紅油抄手、蔥油餅同埋煎餃子。招牌餡餅果皮都唔算太厚，一咬落去啲肉汁就已經四溢。煎餃子都一樣，煎得唔會太燶，肉質亦都鎖住喺餃子之中。紅油抄手，個汁帶點辣味，非常惹味。蔥油餅係最出色失色，因為個皮好厚，葱又唔算好多，有啲似食緊一塊好厚嘅粉團咁樣。可能因為連續食咗幾款，都係好多肉嘅，食到個人好濟。不過可以一讚係佢哋嘅餃子係自己包嘅，所以材料都好新鮮。