唯一麵家

營業中

休息中

呢間唯一係葵廣已經開左好多年，但係基於葵廣實在太多美食，終於可以黎試下佢啦，果然有料到 價錢係葵廣黎講唔算平的，周圍都有好多係食上海擔擔麵既舖頭，我叫左個雙併既，五香牛肉 + 四川擔擔上海幼麵，唔包飲品，要 $52 其實真係有 d 貴。所有飲品都要另加加錢先有得飲，叫飯餐就有飲品/酸辣湯跟。不過勝在牛肉夠淋，好入味，又勝在麵量好多，我都食唔曬，而且麵質好好，唔會麵糊一團團咁，條條都好分明既感覺同事叫左香茅豬排 + 唯一擔擔，我試左半塊豬排係淋既，好食既，但略嫌唔夠香茅味，可以做得再好 d ...而另一位同事叫左既回鍋肉都好惹味 整體而言，都值回票價既，味道品質都交足到貨！

There are plenty of restaurants in Kwai Fong. We have lunch in 唯一麵家because one of our foreign colleague would like to try something in Hong Kong style and 唯一麵家has a English menuThe restaurant is a bit crowded but not dirty. I ordered a spicy noodle. It is unexpectedly good. The ingredients are sufficient and the soup is not oily or too salty. In addition, the price is reasonable.

平時葵廣掃街掃得多都終於攰 想搵間野坐低慢慢食同男友亂入左間上海野🖤酸辣麵 $45 送凍豆漿酸同辣比例很好 份量又十足喎最怕個湯好水 呢個夠潔 😝🖤無錫排骨 拼北京水餃 上海粗麵 $52 送豆漿個排骨好驚喜呀 豬腳薑味咁架仲要好大舊 係軟骨添個水餃係9菜 好足料呀 個皮又唔薄 又煮得熟下次又多個地方食野lu

剛剛周末到葵廣行街，諗住下午茶食少少野，再黎唯一試好西，點知質量差左好多好多，叫左個煎蛋蔥油餅，等左十分鐘到，諗住應該新鮮整，點知一入口係熱嘅，但原來根本未熟，係唔熟，葱油餅未熟即係麵粉黎架，叫個靚姐黎睇，佢竟然話係甘，豆漿又清又過甜，退哂步，好可惜。

黎到葵涌廣場，其實真係好多選擇，唔知食咩好。見到呢間唯一麵家，上網睇下食評，都好多like , 就入去試下。叫左吉烈豬扒香芧雞翼河粉，加多杯熱檸茶，都係56蚊，好抵食。吉烈豬扒都都好食，不過未至於話好特別；香芧雞翼超正，仲好味過D越南餐廳整個D；河粉份量多，食完好滿足。本來見到對面個個人食煎餃，我都好想叫，無奈已經好飽，惟有下次再去食過。（原來可以叫三隻）環境方面都好乾淨，又唔迫。服務員都好有善，感覺良好。

今日經過葵芳又冇咩胃口，所以去了唯一麵家食上海麵，家人叫了酸辣麵，佢哋食到胃口大開，自己因食中藥關係唔可以食咁辣既味道，所以揀咗香芧豬排麵，因為碗麵有雪菜既關係配合得好match令到我有返胃口，豬排煮得好琳和入味，因我哋喺食下午茶套餐$39+1杯野飲都十分抵食，我哋叫咗熱豆漿，好香豆味都值得推介給大家。因胃口大開關係，我哋仲叫咗葱油餅，因即時製作等侯需時，到咗熱辣辣香脆可口，啱晒因天氣熱冇胃口既大家一試。

同朋友行葵廣，買到大包小包，想歇歇腳， 不如早啲食晚飯，望咗幾間食肆，係唯一麵家坐得最鬆動，就食呢間啦星期六都有下午茶餐不特止，仲到七點，都幾多選擇，店家又幾慷慨喎我哋點咗酸辣幼麵同香茅豬扒幼麵，餐飲揀豆漿酸辣幼麵 - 湯嘅味道調配得幾好，朋友覺得偏酸，但我呢個愛酸之人覺得剛好，而且辣味好出，又唔會煮到太杰；餸方面就係常見嘅豬紅、豆腐、肉絲、冬菇、荀絲、蛋花，豬紅同豆腐切到大大粒，反而更加食到食物嘅原味。雖然麵煮得有啲淋，唔夠掛湯，但事前應該有過冷河洗走啲粉漿，先能夠保持湯嘅清澈，應記一功香茅豬扒幼麵 - 豬扒肉質有彈性唔會死死實實，湯底清清地，配雪菜嘅咸味同口感，唔錯成個餐份量都唔少，本來諗住食完未必夠飽要再去掃街，點知就餵飽咗我哋兩個正常食量嘅女仔，最緊要係坐得舒適，價錢經濟，醫完肚再去血拼！臨走見到幾枱都食緊餡餅，賣相好吸引，下次再試！

唯一麵家葵芳店是眾多分店水準最好的一間。雖然地方細細，但清潔和感覺舒服。店員不多，但大部分侍應都很有禮貌，值得欣賞的專業服務態度。就算是繁忙時段，亦從未遇到趕客的情況。我每次吃完麵餐，都可以慢慢飲完杯豆漿，才結帳埋單。不像有些食店為了多做生意而催促你埋單。坦白說，你可能多做一臺客，但亦失去了一個有可能經常光顧的忠實客人。我完全攪不懂為什麼香港人那麼喜歡被人作賤自己，因為我實在遇見太多服務差劣的食店，依然有大把人爭住排隊幫襯。我覺得，花錢雖然不代表你是大爺，但不是什麼都照單全收吧。再好吃的餐廳如果被人當屎糟蹋，我是會永久把它列入黑名單的。唯一麵家價錢相宜，保持一貫的食物水準。下午茶2-7時段還奉送飲品。我經常點的菜式有：- 豬手麵- 酸辣湯- 北京餡餅雲吞則略遜一籌，雖然大大隻但味道偏淡。雖然上海麵湯底亦很清淡，但絕對沒有加味精，抵讚。整體而言，是街坊經常幫襯的食店之選。

餃子狂人 我本身勁鍾意食餃子，嚐遍港九新界餃子，呢間店都係我覺得好好食嘅，皮脆肉汁多，啖啖肉，好味嘅我比8.7分。如果想試埋其他嘅面，可以試下牛腩麵，佢嘅牛腩同埋牛筋煮到啱啱好，平時食牛筋硬，呢間煮得夠哂淋，牛腩香口唔會太淋太硬，入哂味。#葵涌廣場#煎餃#美食推介#上海美食#cteateat#唯一麵家人均消費：$40-60好味指數： 1️⃣2️⃣3️⃣4️⃣5️⃣6️⃣7️⃣8️⃣ 8/10分回頭指數： 89%地址：葵涌廣場地下

每次去葵涌廣場，除左掃街，我都會必食「唯一麵家」。貪佢容易搵位，真的唔好介意要搭檯，因為人真的比較多，但他們上菜速度頗快，一個人去食也幾好，幾快捷。環境都算乾淨，職員都好好，如果你有袋，他們都會比張椅子你放東西，或可以主動要求他們給椅子。「香茅豬扒粗麵」是我的首選，（如唔轉粗麵就會係幼麵），我鐘意食粗麵，因為好似烏冬咁有口感，加上雪菜好開胃，香茅豬扒味道不錯，唔會有太多肥膏既豬扒，so good! 如果唔夠飽，大家可以叫小食，等我下次又試多幾款小食先🤣

雖然我住呢區，但平時去葵廣通常都係食小食，未試過呢間平時行過見好多人幫襯，今次同同事上瑜伽堂前去食個麵先！我地去到仲未到7pm，都已經差唔多滿座，而且仲有下午茶 (2pm-7pm)，餐牌幾多選擇，北京天津上海四川都有，各自叫左個麵再加個小食share，下午茶時段仲送飲品。上海雲吞麵 - $37個湯都幾清，味精唔重。我揀左上海幼麵，麵質爽滑，都唔錯的。但個雲吞皮真係極厚！完全扣哂分！！！四川麻辣小鍋米線 - $37同事叫左兩款餸：唯一腩肉＋蘿蔔蘿蔔都ok香甜多汁，辣油幾香，腩肉就正常無咩驚喜。上海小籠包 - $32個皮就好似圖中咁，一個字：厚！餡都幾多但無咩汁，唉普通街坊小店無咩太大期望。另外送的熱豆漿，唔算話太甜中規中矩啦！總括而言質素普通， 麵的份量都幾足不過唯一唔好係舖頭細細，所以座位比較窄，多數要撘檯去開附近趕住醫肚都可以一試嘅。

係葵廣附近返工，平時都鍾意來呢邊搵嘢食，唯一係同事大家都愛既餐廳之一，今日lunch又來食。一大碗酸辣湯，夠曬過癮，可以share一齊飲！我鍾意佢酸辣度調得好好，料都好多，最鍾意筍絲，正！

聽朋友介紹嚟到呢間唯一麵家食晚餐，朋友話呢度最有特色嘅係酸辣湯底嘅面，所以就叫左雙拼麵：五香牛肉配酸辣湯同上海幼麵（$52）。同我預期中嘅酸辣麵好唔同，佢嘅酸辣湯底原來係用左羹湯中嘅酸辣湯，湯底有用生粉勾芡，質地黏稠，有豬紅、豆腐、雞蛋同荀等配料，自己就唔算特別喜歡個湯底。不過佢個五香牛肉煮得好軟身同入味，好食！最意想不到嘅係餐枱上面的小配角：辣油表現相當出色，辣油非常之香，辣度唔算太辣，令到碗麵生色不少！

同姊妹們行葵涌廣場買平嘢，行到咁上下要坐下嘢回一回氣。街坊小店醫醫肚 唔可以抱咁大期望。小鍋米線酸菜夠多！魚幾大舊 質地咬落去唔鬆散，只是食出還有魚腥味。餸同菜飯都好大碟，蝦雪藏味係有嘅。

呢間唯一麵家 係葵廣已經開咗好耐🧡依然好多人幫襯！而我每次黎都會黎食佢地既煎餃😍暫時未搵到第二間取代佢一份有5隻煎餃 每隻都漲卜卜 煎成金黃色💛餃子皮勁香脆 非常吸引😍✨餡料係韭菜、豬肉，塞滿入餃子 好飽滿 咬落去肉汁滿瀉 口感豐富😋肉同韭菜比例適中 韭菜爽口新鮮 豬肉唔會太肥點埋呢到既招牌豆瓣醬🤤餃子控表示大大大滿足啊！！！.下午茶時段仲送豆漿啊！好抵食😋而且呢到既餡餅、蔥油餅都好出名又抵食😆黎葵廣下次可以黎試下 唔洗次次黎都掃街🤪