唯一麵家

營業中

休息中

遲收工的話，經常會在此搞掂晚餐；喜歡它，因為食物選擇多、價錢實惠，而且多款點心都有水準，之前已經介紹過北京餡餅，今次再介紹幾款食物：　蔥油蛋餅-讚過北京餡餅，其實蔥油餅也不賴，鬆香的餅層有陣陣麵粉香；加了厚度平均的蛋層後，香口之餘當然也較油膩，不過程度還可以接受。豆沙餅-下面也有食家讚過了。講真，白色外貌並不起眼，扁扁的身型亦令我對其豆沙餡沒有期望。不過，一咬之下糯米皮原來煙韌彈牙得可以；豆沙餡雖不豐盛，味道卻甜美滿分，配以外層十分可口，是繼北京餡餅後另一推介~ 熱豆漿-這裡的熱豆漿是以碗上的，飲用起來別有風味，略為偏甜的滋味適合甜魔。凍豆漿-不知為何，飲過數次，這裡的凍豆漿明顯水很多，不推介。　至於湯麵類水準只一般，主要是上海麵過稔有欠咬感，再來我也是吃點心。在經濟那麼差的時間，可以多來幫襯呢!

18-OCT-08 2:10PM 放工後, 在這個商場走了一圈, 仍未找到落腳地吃午餐. 不想吃茶記的茶餐, 又不想一個人吃西餐, 便來到唯一看看. 原來這裡的下午茶最便只是 $13, 今時今日要慳著荷包過日子的人不少, 難怪全場爆滿.吃不下粉麵飯, 還好有"粥餐"選擇, 包括是日粥品, 小食一款及飲品. 最先來到是湯碗大小的南瓜豬骨粥, 起初還以是飯碗左右份量. 色澤橙橙黃黃, 但一吃便知火侯未夠, 部份米花仍未爆開, 似是潮州粥多一點. 吃了大半才見有兩件排骨呢~北京餡餅是即煎, 已分成4件,韮菜份量又多又香,一咬而下肉汁瀉下, 正式是皮薄餡靚! 雖吃下粥品有半已飽,仍努力完成全件餡餅. 豆漿則比較失望, 沒甚豆味. 喝了幾口而已.

下午茶$20叫左個水餃麵~3粒水餃~係醃肉~完全唔係新鮮豬肉上海粗麵~真係好粗~唔大碗~都食唔晒~加一碗完全冇豆味豆漿~但甜度剛好~要講一講我個fd個小籠包~d皮厚到呢~似係用水餃皮包的~包又唔係新鮮豬肉~又唔係平~$4粒~好多地方都食到好好~

一直也覺得唯一的麵不錯 , 料又多 , 只是坐得不太舒服 . 今天帶了家人來吃 , 叫了 ....... 豆沙鍋餅 $20 , 這個要等 10 分鐘 , 如果想吃 , 記得早些落單 . 北京煎餃 $15 , 其實只是一般的水餃 , 改用煎的方法來煮 , 好大隻 , 油又不會過多 . 無錫排骨 $32 , 這個是套餐 , 可以改菜飯 , 不過 , 菜是大大條的 , 不像外面切碎 , 可能白飯會比較好 . 排骨好多件 , 個汁好香好濃 , 配飯吃一流 . 京式鹽焗雞飯 $32 , 也是套餐 , 雞只得幾件 , 其他全部也是菜 . 和一般的鹽焗雞差不多 , 沒有大分別 . 埋單 3 個人 $100 , 好抵 !

午餐時間好多人，一張正常坐5位的枱，有機會要坐成7個人，真係迫．要了一碗酸辣湯年糕，份量和材料都幾足，賣相幾好，年糕幾有口感，雖然我都幾食得酸，不過食落個湯都係覺得酸了一點點，辣道都適中．

之前試過荃灣個間既豆沙餅....個餅又厚又淋....皮好似漿咁.....口感唔太好...但當時以為自己見識少...加上我自己任何豆沙野都好...所以都冇特別反感但近日去返荃灣店，發現已冇得賣豆沙餅.....覺得好奇怪跟住聽d friend 講原來唯一係葵芳都有分店~~於是尋日去開葵芳...就去瞄一瞄睇下有冇豆沙餅賣.....點知真係有!!!!!落左order後...老闆娘好好話要幫我翻熱....要等4-5min之後先有得攞~so唯有係附近行一陣...豆沙餅到手後是燙手的...我已經急不及待開黎食...豆沙餅既外貌同上一次食既真係完全唔同...(最衰冇影相)厚薄適中~~煎得半透明食落層皮冇mug 味....但好脆&又好淋~仲好香米漿味~~~正d豆沙餡甜左d...但夾埋層外皮食就岩岩好~~~~食左半個....留番一半比屋企人試~~p.s. um...我諗我明點解荃灣店唔再賣豆沙餅啦...

每次去到葵涌廣場底層，都會被一品香又好味又抵食的擔擔麵吸引了去，這間唯一麵家已經開業成年有多，上星期才是第一次去試。　雖然肥膩，從來都很喜歡北京餡餅，是次來也是為它。這間店的餡餅做得很正宗，餡餅皮煎得薄且香，還帶有陣陣麵粉香；肉餡又帶蔥香，一咬開沁出半醬半油的汁液，尤是美味。而且難得餡餅不算煎得太油，比我愛吃的元朗北京水餃王還少勝一籌，好野!另叫一杯布袋奶茶提神，茶味香濃，不過始終與上海食物顯得格格不入，下次還是點豆漿穩妥。　由餡餅來看，此店點心應該不俗，環境亦企理乾淨，下次與龍一起來嚐嚐豆沙餅、窩貼，還有更多的吧!

兩個人尼食叫左 咕嚕肉 + 賽磅蟹 + 兩個酸辣湯2 + 菜飯x2 + 蔥油餅 + 豆漿x2咕嚕肉已經唔好味喇....d肉又少....又un....唔得~~賽磅蟹...我真係未食過咁差的賽磅蟹....佢d 蛋白係一舊舊的....感覺好似係一堆 煎到熟晒的蛋....完全冇賽磅蟹應有的野.....唔得....菜飯係爛晒的...味道偏淡....蔥油餅....個皮厚到爆....好似淨食個餅皮咁....人地就皮薄多汁佢就皮厚多油....係酸辣'湯同豆漿正常d....酸辣湯....辛辛辣辣的....夠大碗....飲完番屋企時...個肚仲感覺到佢地係肚度翻滾~

今天再來, 叫了四川雞球麵, 問個亞姐, 她開始是說好像泰國那種辣, 後來又說四川的辣, 反正也沒有吃過, 就試下, 不好吃最多下次不吃. 來到的時候有些失望, 根本就是普通酸辣, 而非四川, 為有自己加辣椒油. 份量也不少, 一個人吃有些多. 如果當是酸辣雞球麵, 味道也算不錯, 可以一試. 加4 元就可以有一杯豆漿.

我覺得呢間野唔係好似其他人講得甘好味窩. 我今日lunch去, 叫左個四川擔擔麵同埋豆漿. 個四川擔擔麵一黎到真係嚇我一跳. 因為佢係清湯底, 然後個麵上面有一pat紅油同埋一堆花生粒!! 我認識既擔擔麵唔係甘架囉. 人地0的擔擔麵最緊要係個湯底... 但係佢就比個清湯同埋紅油花生粒要我自己撈! 好攪笑囉! 仲要收我$26 一個甘既擔擔麵..... 杯豆漿都係冇味既. 我真係唔明點解會讚得佢甘好.... 可能我唔應該叫呢0的野食啦...唉~

睇Openrice話佢地d北京餡餅好味,所以就經過時買一件外賣,邊行邊食!溫度適中+外脆+皮薄+餡適中+有肉汁+不油膩

今日路過肚餓買左一個北京餡餅食估唔到真係其他食家介紹咁正皮夠薄亦煎得唔算油餡多不特止仲要一啖就有好多肉汁流出餡係豬肉九菜餡調過味唔會過鹹雖然我只係買小食外賣但收銀阿姐禮貌好好又唔會hard sell仲要多謝前多謝後,抵讚呢度已經電腦化o係cashier落order廚房就會出order唔駛好似好多茶餐廳咁要等waiter得閒先拎單入廚方明顯有效率得多

今日又同fd黎食tea,,黎過兩次,一次早餐同今次tea,,係覺得呢兩個時段黎先比較抵!!一碗面有茶/啡($18)...凍飲+$2我叫左碗香茅朱排上海粗面...COTfd:::水餃上海粗面...COT點知黎到,我地見到一d類似鳥冬ge面??咁照食啦,,,我同fd都食到係烏冬黎ga wo,睇下張卡...佢真係寫'冬'!但menu係冇烏冬ge,,莫非呢到ge上海粗面姐係烏冬???講番d野食~湯面有d雪菜ge,,湯幾清但幾味精!!香茅朱排好有香茅味,但味道偏咸,要一啖朱排一啖面...fd個水餃都話ok...COT都係咁..overall算抵~份量又唔會話好少,,好飽下!!p.s.佢個tea time係2:00-7:00 ga,,,

平時都係係呢頭食開野,,,今日因某d原因,一個人早左返學,,黎呢到食個早餐先!我見唯一呢間面舖新開,,就把心一橫入去試下lu~叫左碗雲tun米線and凍奶茶~湯有d雪菜定酸菜ge野...湯味一般~雲tun=水餃''味道ok,,冇咩special...奶茶都係普通個隻~OVERALL算ok~但睇下價錢牌,,係早餐同茶餐先有呢個價,,午市都好似要成30蚊ga la,,,係我就唔會個時去lu~

不過d野食真係唔錯平時早餐都有叫蔥油餅都唔錯~今次係堂食食左個小籠包~ 兩隻仲有肉汁~好正! 但兩隻又無左了....鍋貼..... 都係正~仲有餡餅~~~~ 呢樣最正~ !!不過佢一開四.. 就無晒d汁.....但都好好食豆漿都唔錯~ 唔太蔗糖水仲有叫左個香茅雞扒面~~~~~~~ 18蚊都好好食!!!埋單都係50蚊