唯一麵家

營業中

休息中

近來潮食日本麵, 動不動便要賣接近百元 好味還好味, 不過價錢上麵條本身只需十元八塊上海煨麵, 小店只賣$34, 都算貴啦~不過煨麵和普通的湯麵不同, 一般做湯麵都是把麵煮好再直接放在麵湯裏, 所以大約要把生麵煮到九分熟而剩下一分就在熱湯裏燜熟；至於煨麵，是希望麵條在滋味濃郁的湯裏煮熟, 過程中可以吸收湯汁令麵呈現出十足熟軟的口感, 因此耐煮有勁的白麵條與味鮮濃郁的勁高湯就是煨麵的神髓。三鮮煨麵...賣相唔夠省鏡, 洋火腿切到一粒粒, 雞肉是丁方的, 雪藏玻璃蝦仁仔得幾粒而且只有尾指頭咁大粒, 重要無剔黑腸, 睇到都唔開胃, 湯底又未煮到稠狀, 所以賣$34咪貴囉~ 不過麵條就熟軟得來沒有糊起, 麵條吸收到鹹香, 麵粉味重兼好滑嫩雞煨麵...用翠綠的小棠菜來煮, 令湯底多點清新菜汁, 三鮮那碗是用高麗菜所以湯底較甜。 雞如其名般嫩, 滑嘟嘟的麵條都好但湯底依舊是不太稠

食開嗰間加咗價, 一加加四蚊, 暫時未接受到所以遲下再算。 走嚟唯一食煎餃, 再食多碗麵都抵過佢糖醋排骨上海麵唔知點解食第一啖落口就好有種温暖的媽媽的味道, 好純樸的白麵粉味, 令身心有莫明的安全感。 嗰種媽媽的味道是很北方地度農村家庭, 縱使我媽媽還在, 她也做不出來, 因為她是那種潮流職業女性。 邊吃邊忽然有種莫明的傷感擁上心頭, 究竟我諗緊d乜?糖醋骨凍嘅, 煮得不夠淋, 但甜酸度恰到好處。 凍嘅肉令到唔淋的肉更加硬, 點解唔煮熱先上枱?回窩肉粗炒, 好夠鑊氣, 回窩肉料有齊豆乾、椰菜、紅椒片等, 好似好足料煎餃熱辣辣兼脆脆上口, 韮菜餡依然一咬流肉汁, 肉汁甜甜地, 好鮮好鮮邊食邊傾人生道理, 得出結果是...機會尋人, 點躲也躲不住(這是一上市公司主席的自我解釋)。

下午茶都幾爆滿, 好不容易才找到適當的位置。 好肚餓, 拿拿林睇下menu先......蔥油煎蛋餅, 未食過喎這份就是蔥油煎蛋餅, 面頭的煎蛋還是滑滑的而下層的葱油餅就較乾, 夾起一齊食是非一般滋味小籠包一籠四隻, 皮不太厚而且包內有少許肉汁, 可惜肉餡不彈牙。煎北方餃子, 味道與北京當地的相似, 皮薄餡靚, 好有韮菜香味下午茶餐跟一杯飲品, 我選豆漿, 算好大杯吖! 不過我覺得唔夠杰身。每份餐都不到二十元, 抵食也

已經一時許, 午飯高峰期, 這裡仍有空枱, 入去找了張中間圓枱坐下, 不一回, 靠牆的長方枱食客結賬, 為了坐得舒服一點, 行動迅速地轉了枱. 安頓好後, 就諗諗吃些甚麼. 我們分別點了淨韭菜豬肉餃, 北京饀餅, 香茅豬排麵及天津烤豬肉菜飯.韭菜餃的皮薄, 夠大隻, 但朋友說餃子味道未及荃灣舖, 另一朋友亦表示餡餅欠缺肉汁.豬排麵的豬排是另上的, 頗大塊, 試了一小件, 味道是可以的, 但稍嫌欠缺香茅味. 烤豬肉有一碟, 份量不算少, 切成薄薄一片片, 與洋蔥同炒, 夠味, 碟底鋪了生菜絲, 賣相幾好, 朋友們都忍不住, 各吃了一口. 之前吃過大快活的菜飯, 飯很油, 這裡的菜飯不油, 感覺較健康.

其實都成日進出葵廣.*- 但係就比較少去食唯一麵家.. '' 今次妹妹話去食唯一.. 就去左試*- 一人叫一個餐 *- 跟一個麵or菜飯 '' 30蚊黎講都抵食既..碗麵好大碗次次都食唔哂.. (如果細食既人去既話.. 可以叫一個餐..揀一個菜跟拉麵，另外散叫一碗菜飯.. 38蚊左右就可以兩個人食.. )最叫人驚喜既係*- 每次想黎試依度d甜品都冇機會..因為次次食完都好飽.. 不過今次點都叫左一個涵餅試下.. 好熱出爐.. 一餅開小4件.. 好細心*-.. (仲可以叫外賣 涵餅..不過自取..) 如果有少少肚餓又唔想食得太飽人士.. 可以去試下個涵餅'' 好食

午市時間，人流實在未曾停過點左生菜豬腸米線，好足料，同個湯底都配得幾好朋友就要了雪菜肉絲米線，無乜特別另叫了一個北京煎餃，本身唔好九菜......加上太油，一隻都食唔到....全部交托朋友清左去

是晚於男友放工後，大家都諗唔到食乜，最後就走入唯一麵家坐低~晚上大約七點幾接近八點吧，出面人流多，但入面就唔算好多~我同男友一入去就有位坐，我之前都講過，中式麵食我唔太好，所以都要d時間選擇，諗左陣，見到我喜愛既蔥類- 京蔥 兩字出現係牆上，"京蔥炒牛河"都好似幾吸引我，但係我唔食得牛牛，問問阿姐，阿姐話可以用五花腩代替，好！正合我心意！而男友就叫左香茅雞翼水餃上海粗湯麵~京蔥五花腩炒河黎到，第一時間影相先啦~食落同平時係茶餐廳炒既河冇乜分別，不過有d難過既係太油，食一啖已經滿口油...五花腩味道唔錯，但又唔太特別~而主角之一既京蔥，部份炒透入味唔錯~但係有唔少都炒唔透，仲有極大量既腥味令我難受，食完整晚都留有腥腥地既京蔥味可能我之前係土瓜灣一間上海店食既京蔥羊肉d京蔥好軟好入味既關係，所以今次食會預佢入味的...依碟炒河，若唔係太多油既關係，我諗我都唔會食剩二分一，頂唔順了！而男友叫既香茅雞翼水餃上海粗湯麵我冇影相，因為男友收埋唔俾我影=_="香茅雞翼我冇食，男友都冇評論，但我有食到水餃，係豬肉+韮菜既水餃，味道一般，至於d上海粗麵，平時喜愛食中國麵食既男友都變面了，"點解唔係平時食

今日唔知想食甚麼, 諗吓諗吓已經是下午茶時間, 倒不如就去食下午茶吧.逛逛吓來到門口, 想食北京饀餅, 於是就選擇了粥餐.除了是日靚粥外, 可在八款小食中揀一款, 另送豆漿/ 咖啡或茶. 南瓜排骨粥用中型碗盛着, 粥頗為杰身, 有點似糊仔. 不過都幾好吖, 因為起碼覺得廚房沒有偷工減料, 我又可以食得飽飽. 粥呈現橙黃色, 略有甜味, 似乎落了不少南瓜, 而小排骨味略鹹. 整體來說, 可算是一碗靚粥. 不過可能商場冷氣唔多夠, 所以食到流汗.北京餡餅餡餅皮算是鬆脆, 熱熱哋, 肉饀略有肉汁, 配上韭菜粒, 頗為香口. 我嘗試用筷子夾着吃, 但有點狼狽, 因為肉餡從皮邊溜出來, 我轉為直接用手拿着吃, 在控制上好了一點. 幸好餡餅比我預期中少油, 手指並沒有弄至油淋淋. 熱奶茶相當唔掂, 欠奶及茶味, 卻又帶着苦澀, 感覺好似飲苦茶, 所以我飲了大半杯, 最終都要放棄了.

即係好多人都話最好味一定要係總站食...其實真係...有好幾個地方都有唯一麵家...但其實最好味只係荃灣mtr 對面個間...終於...個間有二十年歷史諗住以為荃灣個間好食葵芳個間都唔差...點知原來唔係的...朋友聽到我講話要食唯一麵家已經即刻講: 下..個間好難食架wor...但係我唔信,我同返佢講:唔係bor..荃灣個間好好味架bor...朋友就係咁比我說服左...點知...同一碗水餃麵已經能分高下...水餃皮厚饀少已經算...但個湯麵先最難食..!!上海麵好硬而且個湯係一d 味都無...成件事係湯還湯,麵還麵,水餃還水餃...最後硬著頭皮食左半碗...

下午茶餐選了水餃上海麵, 韮菜豬肉料, ４隻水餃, 十分多, 水餃多肉汁, 由於是外賣, 湯底另上, 食的時候才加入湯, 面頭的雪菜十分香濃, 配上海麵很好吃. 檸檬水的檸檬新鮮, 整個下午茶餐十分抵食.

可能中學時期~學校附近有間像樣的上海小店~所以培養了自已愛吃菜飯~~~近年間最得小比歡心的上海菜飯~~當然不是大家樂個d有名無實的菜飯~~而是唯一麵家的超足料菜飯~~~以前會覺得吃碗菜飯也要二十多元是很貴的事~但吃過一次之後就會覺得物有所值~因為超大碗超足料而且夠新鮮~~~一直以來都是光顧厚福街的老店~是全條街唯一的小比信心保證~~~是日很想很想吃菜飯~~在家自然不想走得遠~就到葵芳一趟吧~!一到達會合大比之後~其實時間尚早~只是五時許~但已是小比的晚餐時間~~憶起友人J曾提過這裡的唯一有好抵的下午茶~~當然二話不說就拉大比到地下去~~~細看餐牌就發覺其實茶餐不比散點便宜得很多~但小比一心一意要吃唯一的菜飯~還驚見竟然只是$12!!!帶點猶疑的問大比會否有點危機~?!最後還是一叫~~另外也叫了北京餡餅和蔥油餅~其中一個要了跟豆漿的tea set~不消2 min~最放快下的是小比的菜飯~呆了10秒............呀~這是唯一的菜飯嗎????參考之前自已寫ge超窩心菜飯無力評 http://www.openrice.com/restaurant/commentdetail.htm?

京式鹽焗雞菜飯 ($32): 包1/4隻鹽焗雞, 一碗好大碗既菜飯..仲有豆漿一杯...全部都好好味呀!!碗飯大到夠我食兩餐...鹽焗雞好滑...唔會好咸..味道0岩0岩好...真係好滿意!!

今日和媽媽去葵涌美食嘉年華會,所以準備到葵芳吃東西，本來想去馬賽快餐店吃，但找極也找不到，於是便來這間吃。我和媽媽叫了一個賽螃蟹套餐，跟粗麵和一杯熱奶茶，叫了一碟煎餃子，及一個上海粗炒。賽螃蟹賣相不錯，但可惜加了一些薑粒，所以味道有少許不相同。上海湯粗麵味道淡了少許．最好吃是煎餃子，好好味！

今日同女友去o左呢間店到食晏,好多人,要搭枱,叫o左個雲吞加無錫骨麫,一個雲吞公仔麪,一個鍋貼同一個餡餅,呢間店d分量都唔少,尤其係個雲吞加無錫骨麫,分量真係多,個餡餅唔係太好,冇乜汁,而且唔夠熱,個鍋貼最好味,有d汁,個皮唔太厚,夠熱,唔錯,但佢d麫冇乜味,要落大量o既調味料,真係有問題.

打完波, 又口渴又攰到死, 基本上冇咩胃口, 但師傅都打算同埋食神夫婦一齊食d野先, 然後先返歸, 而今次食神嫂就介紹呢間食店!入到去店內唔算多人, 可能係下午茶時段啦, 師傅真係唔餓淨係想飲杯野, 再望下個餐牌一凍飲都要成十幾蚊, 而一個下午茶餐都係廿蚊, 喺食神嫂建議下, 師傅就揀左個小食套餐, 要左小籠包同埋凍檸茶!小籠包真係等左好耐, 因為係即叫即蒸嘅關係, 所以杯凍檸茶先到; 凍檸茶真係夠凍, 茶底唔算特別濃, 不過唔知點解師傅都覺得幾好味, 可能係口渴啦; 終於到左小籠包登場, 小籠包一客有四隻, 都算幾大隻, 師傅試左一隻, 一啖放晒成隻入個口度, 係非常之熱, 全因為裡面d湯勁熱, 小籠包個皮其實可以接受, 不過師傅始終都係覺得厚左少少, 特別係個小籠包頂, 而個餡都幾好味, 收貨!總括黎講食物質素都尚可, 環境一般, 服務都可以接受, 而價錢都幾平, 小食套餐都係十八蚊一份, 凍飲加兩蚊, 抵呀; 如果想食d特別嘅食物作為下午茶, 師傅覺得喺呢區呢間食店都係不錯嘅選擇; 如果有機會師傅下次都會再黎, 試下其他食物都好, 而呢個笑臉絕對值得一比!