唯一雲貴川風味

營業中

休息中

米線的質素好高，好彈牙，比譚仔四川雲南等更好口感。湯底油，越辣越油，料都是用豉油炒過的，很多也失了少許原味，上桌也不熱，要扣分。料非常多，相比米線唔算多，但加酸辣又要貴少少，點計都算大碗抵食。環境有改善，無以前咁dirty。

今日, 我同小肥豬去左荃灣出名既食肆----雲貴川, 一嘗受人家讚賞的米線. (根據openrice各食家的情報, 仲搵埋中原地圖~). 走到門口, 已然有幾個人係度排隊, 心諗咁多人食, D米線一定好正la ~ 好, 小肥豬叫左腩肉+腐竹+小辣, 而我就叫左腩肉+ 肥潤+小辣. 等左一陣, 好快D米線就黎la. 碗面都幾大碗, 足夠食飽一個處於飢餓狀態既小肥豬. 味道挺不錯ar ~ 辣味方面比譚仔and四川略遜一籌, 不過對我黎講都好辣. lee個腩肉真係好掂當! 夠入味! 豬潤唔苦又爽口! 腐竹又好味! 不過呢, 就係冇麻辣味, 所以我覺得四川and譚仔都係好食D. 環境方面就一般la , 唔係好乾淨, D杯濕漉漉的, 又多油煙, 要改善一下. 抽氣唔係好得呀, d煙係kitchen飄到鋪面度, 今日已經凍嫁啦, 空氣都好唔流通. 坐d位都幾迫, 小肥豬食個時都唔覺意撞到背後個男人幾下, 都幾唔好意思嫁. 有一樣野要讚下, 雲貴川既秩序很好, 上菜又快, 排緊隊個時有個阿姐落單, 一坐低就有得食, 比起四川and譚仔做得好. 總括黎講, 廿幾蚊食到咁既質素同出名既米線絕對物有所值.

23/12/2004 (Thur) 晚上約了亨亨食米線, 去到有好多人等, 之後好彩有人話後面有位唔洗等!!我叫了腩肉米線,可樂!!d 腩肉“鞋”左少少! 整體上都可以!!亨亨叫了腩肉、雲吞米線, 菊花茶!! 雲吞皮唔夠熱!! 但幾好味!

我係常客,而且每次都係例牌叫腩肉豬利小辣,但今晚果碗例牌應該係中辣,我要加成碗清湯&檸檬茶先食完,真係辣親^*^ 但依然保持水準!

本人剛剛去食,味道跟荃灣總店一樣,地址是紅磡黃埔新村民泰街18-22號, 地方也不算難找,環境舒服過荃灣總店。

昨天心思思想食辣,想起朋友介紹的雲南米線,坐言起行驅車到此一遊。約６時半到達,少有的不用排隊。我叫了酸辣腐竹雞肉米線(中辣),朋友了酸辣腩肉雲吞豬腸米線(少辣)。不用５分鐘就有得吃了。一上桌,哇,不得了,很大碗!分量足夠兩個細食的女仔填飽肚子。首先是我的米線。米線十分彈牙,不會浸湯太久而變質。雞肉而不鞋口,腐竹分量多。我都算食得辣,叫中辣也有吃不消呢!反而朋友叫小辣就剛剛好。朋友的腩肉真不錯!味濃而不俗,雖薄但大片,食家果然無介紹錯。雲吞算是敗筆之作,大大隻但皮太厚,料是菜肉,無乜特別。我不吃豬腸,但朋友覺得很好吃,不會太肥,分量亦算多。因太大碗吃不完,但卻十分滿足!唯一要改善的是增添多些飲料,只得?自家製作豆漿,可樂等。服務態度尚可,效率高。臨離去時看見數天後將會在紅磡開分店,希望分店也能保持水準。

推介腩肉, 豬頭肉, 腐竹, 豬利, 記得要食酸辣喎, 真係好開胃架. 不過有時叫小辣佢都比好辣架, 辣既程度無乜準則. 但係食左咁多間米線, 最鍾意都係食呢間. 但係佢地方實在好鬼唔好坐, 地下有時都幾油, 污漬左d. 我比較鍾意外賣返屋企食, 但有個問題囉, 佢d 外賣碗唔多得呀, 次次行到半路就開始由碗邊漏湯, 攪到好"論盡"呀

首推佢嘅腩肉米線~~我最鍾意叫腩肉,紅腸,腐皮小辣米線做lunch.米線應是交來的,但很彈牙,不似其他的很易林;腩肉真係好入味,好正;芽菜,酸茶好match,小辣已經好辣,食完吹埋d湯成身暖曬;豆漿就唔好叫la,大陸不明品牌而且要成$10,食完去隔離商場惠x買重好;環境就麻麻,地下好多垃圾,一枱三幾班人好迫,食完快d走or take away 最好.

30/10/2004 星期六晚去試吓係咪咁好味, 6:30去到唔洗等位, 亨亨叫左雞肉腩肉米線(無叫辣),我叫左腩肉雞亦米線(小辣), 再加一支豆漿兩份飲, 我0個碗好辣, 可能我唔係噤食得辣, 辣到食唔曬!! 不過d 腩肉真係好好味, 亨亨話佢0個碗都有少少辣(雖然已經叫左走辣) , 亨亨話下次再去食過!!

聽男友介紹呢間舖頭好耐囉. 終於昨日就去試下.一去到就有位. 二話不說就叫了酸辣炸醬腩肉魚蛋米線.三分鐘上. 好味呀!! 夠酸辣.又多酸菜同芽菜. 超級大碗. 兩個人share 三味"送"就剛好..而家想起都想整多碗.. =) 一定有下次~

我認為食物水準係值得等10個人左右, 如果等等太耐, 就好可能食完會講:咪又係咁如果即時有位, 就可能會講腩肉同炸醬真係喪正如果好似我咁等左兩三個字, 就好大機會講:呢間野Above Average啦, 不過個舖位好似特登唔俾你搵到咁, 而又有十幾人排隊,真係幾型

一如先前果幾位所說一樣!!!

荃灣區數埋數埋都有過十間米線舖, 唯獨是呢間位置最僻卻又人氣最旺, 每次經過都會見到有條十多人既人龍.上次去只係叫左碗腩肉米線, 少辣. 腩肉好好味, 佢既腩肉比較厚身, 好入味, 肥瘦岩岩好, 又夠辣, 正! 米線係較粗較淋身既. 湯底都好好味~~~同路德圍o個幾間比起, 雲貴川絕對係唔同級數!不過間舖好烏糟. 可能因為我地去o個時佢就黎收舖. 成地都係垃圾...

每次去到o個度，都要大排長龍...但係，我覺得o個度o的米線真係好好食^^我最鍾意食腩肉、雞翼米線...不過，我對上一次食o個陣，就覺得o的雞翼冇以前咁正喇！荃灣越來越多呢類舖頭，所以一定要多加注意！！！

超超超好食, ^&^. 因為好大碗, 又可以多酸菜好正架, 平時出面既米線鋪些酸菜多數都係黃色普通果隻, 而這間用既係綠色既, 好味好多架!!! 而佢些腩肉係好入味, 因為佢地係將?老水過先, 講到些炸醬真係一流, 而我推介就係酸辣豬利炸醬米線, 而且價錢好似比出面貴佐些罹, 現在開佐好多雲南鋪, 所以如果佢想更多人去食, 我想應該平返小小會好些罹.....