唯一雲貴川風味

營業中

休息中

經朋友介紹下，去到呢間舖頭試試，結果鐘意左食呢度酸辣米線，如果選擇腩肉+湯底小辣唔錯。但係唔係太鐘意要坐得迫。

呢間野算係多款式選擇我本身唔係食得辣就算冇叫辣都有小小辣不過可以接受到~~大大碗不過價錢唔算話好抵味道可以~~通常我叫三個款都好飽啦~~~

都食過幾次啦. 個到環境真係荃灣, 咁多間米線中最污辱既一間. 員工都唔係太好呀. 仲有佢D 米線真係超夕多油.就算真正既雲南米線真係咁多油.都唔使真係, 係咁落架. 搞到成個口都油哂呀. 仲有可能我唔係咁鍾意食"豆鼓"既原故呀. 所以覺得係無咁好食呀.仲有D餸完全比個豆鼓蓋過D味呀. 腩肉呀咋醬呀. 全部都係同一個味.就係豆鼓呀./ 所以我覺得荃灣最好食都係.路德圍間雲南桂林乜乜米線個間呀. ".

我叫左"酸辣腩肉豆卜米線", 28蚊, d豆卜好味! d腩肉就一般啦, 冇乜特別~ 本身自己唔食得辣, 但呢度出名係酸辣, 自己又鍾意食酸菜, 所以點都要試下, 不過, 真係好辣! 初初都唔想食, 真係頂唔住, 但冇理由浪費嘛, 我用另外個碗盛起d米線, 唔要湯, 易入口d... 6蚊一罐汽水, 10蚊一支豆漿, 每都有茶供應, 地方唔大, 坐得唔舒服, 服務唔好! 見到一男一女食"過橋米線", 34蚊, 好大碗, 兩人食剛剛好, 呢個好似抵d~ 食完個肚仲係好辣好熱......總結, 試過一次算~

伊間米線我間唔中都會去食,我覺得佢既水準時得時唔得囉..我多數食炸醬& 雞翼etc...不過不失啦!

首先，係好多人等位的！（晚上六點半之後）而坐低之後又會好迫的！（一張四人枱坐六個人）而那些呀姐呀叔真係唔憂做咁。十點收工就知啦！而衛生環境就，不至於污穢不堪，但最好無期望．．．那次我叫了豬腩肉、豆卜、豬耳，要小酸辣．其實豬腩肉無咩特別，只係好似好招牌咁，唔叫唔舒服；而湯的味道就入哂豆卜入面，好好！豬耳好爽．米線都好爽．友人叫了雞奕、雲吞、豬腩肉，要中酸辣，雞奕都幾細隻下，每隻加兩大蚊．雲吞唔得啦！中酸辣比起小酸辣勁好多咁．再加枝$10 的豆漿，兩個人分．

聽講e 間米線係荃灣來講係非常出名，不過小弟三次到訪覺得只是一般之作，最出名既腩肉都無咩特別，只係比較入味，食多幾塊都有d 厭，同我想像中差得遠。而且同譚仔比，都始終都係差好多。見到廚房同地下既感覺比較污遭。

之前朋友不斷推介呢間店舖, 仲拖咗我來. 米線我都幾鍾意食,一試無妨.阿姐話腩肉係辣的, 若我要小辣, 叫清湯便可. 於是點了腩肉雞肉米線. 腩肉都ok, 不太肥, 可是雞肉"鞋"了一點, 湯也不夠味, 可能本人較喜歡麻辣/酸辣的口味.一般啦, 若要大熱天時排隊就咪搞, 平時食吓都ok. 下次會再俾多次機會食吓小辣, 感覺可能不一樣...咁多人排隊, 應該可以好點...

我建議可以7時前到達, 因為之後會勁多人, 我叫了酸辣加腩肉米線, 原本唸住唔叫酸辣, 因為腩肉已經辣辣地..但我見加2元同埋之前都食到酸辣就試下..點知....原來係勁辣, 我越食越熱..由腳指辣到上頭殼頂..頂唔順...唸住放棄走人, 好彩可以問佢要換湯..我就浸一浸先食....咁樣原來仲好味...仍然都係辣辣地..不過真係好正..大家可以試下...係啦..我之後去左踢波...踢個時個肚仲係好辣..咁仲好..令我入左2球....正

大家在這裏吃雞翼、雲吞，當然不好吃！最好吃的是豬肚、豬腸、豬潤呀！豬潤是新鮮的，少人時即刻炒出來，真係又鮮又多汁！麻辣豬肚用大量香料，嘴都麻痺！如果能吃辣，加辣更正！當然唔可以話好食到飛起，但係真係可以一去再去。

和男朋友來試這家客似雲來的米線店．我叫了小鍋炸醬雲吞米線，男友叫了酸辣腩肉雲吞米線，米線份量很多，煙韌彈牙，配上芽菜酸菜很醒胃，炸醬很惹味，腩肉入味不肥膩，酸辣湯底很辣，最差是雲吞，只有皮沒有餡．環境很迫，一張細枱坐六個人，吃得大動作一點都很容易撞到人．

我都好鍾意食酸辣米線。同事講過荃灣有間好"正"的;有次去做野,順路去試過。之後,再帶男友去試。我就叫腩肉酸辣,男友叫炸醬雲吞。我覺得辣得好剌激,腩肉都夠"",最正係米線的質地。而男友覺得一般同好油喎~其實我試過2次後,都唔會再特別想去。原因:1)好多人等位,等好耐,夏天好熱架。2)其實真係幾污穢,同侍應的態度係唔憂做。3)d食物係ok,幾好;但唔係令人難以忘懷,唔食囉囉嘍果種...

記得上個禮拜都黎過一次..睇完食評之後抱住極大期望..點知上個禮拜10:00p.m.入到去已經話收鋪..好掃興!所以呢個禮拜三就特登去多次喇..地方有d難搵..8點半見到門口排隊..都幾長..之後原來系隔離巷仔有得上樓上食...見吾洗排就去喇..叫左個雲吞炸醬酸菜米...原來雞翼要$2隻咁喊..有d怪..雲吞超吾得..吾知咩菜黎既..個皮超厚..好似幾層咁..料又少..食左一隻已經放棄..炸醬同譚仔比..始終系譚仔比較好食..而酸菜亦吾系出面米線鋪食果d..系葉黎既..份量好多但味道好咸..唯一俾讚既系米線..真系好爽口..系咁多間最好食既一間...service好吾好就一般啦..地方刀系咁嫁喇..但總括黎講..刀系冇下次..比起出面有d貴講真..

本身食過幾次…每次都隔左一段長時間，果然水準是比較飄忽，價錢雖然比其他米線店貴左少少，但係的確係大碗ｄ、無呃錢…我覺得腩肉同炸醬係一定要試試…有依兩樣野成碗米線會好成左，當然仲要酸辣啦，而荃灣總店係較其他分店好食的…地方係較迫的…

我相信很多食家對這店的評價各執一詞，這一點我絕無反對的。說好，它不是最好，因為同樣價錢，其他地方可多叫一兩款食物。說壞，不太差，因為我體會過一間裝修高級的食肆，三十七蚊叫一個公仔麵食之餘，期間我見到四五隻小強同一時間係餐廳跑來跑去。如果視作把它視作高檔的車仔麵檔，看法應該不同的。除了雲吞，份量少、皮多、容易散我相信其他的份量都很足夠，有時好視乎煮手落料的態度。因為我有朋友食少辣，有時佢會落到中辣咁勁。可以話水準不穩定。環境方面，因為店員經常有客就叫人入黎，很少時間打理，遇到不自律的顧客，隨處掉垃圾時，或者落雨，地板是較黑或不太整潔，但未去到污糟的地步。食品: 如果講荃灣食辣的地方，這裡的辣是帶一點野性。而且愛吃辣的人，亦未必能抵擋到它們的大辣。哈! 但我愛挑戰辣的，現在吃勁辣也可以把湯底喝得七七八八... 總括評價，看我給的分數吧