唯一雲貴川風味

營業中

休息中

我完全係個食辣之人 試過食荃灣好多間米線都唔夠呢間咁辣係中午十二點同個同學去食 岩岩好唔使等位 每次侍應都好快手幫手落單往往唔使10mins就有得食 而且佢大碗夾抵食 普通女士未必食哂 (我大食xd)我既精選：腩肉 豬頭肉 豬潤 腐竹 (多酸 中辣)女同學精選：腩肉 雲吞 豬腸 (走芽菜)雖然一張檯都坐得幾逼 食緊個陣'大汗搥細汗'但佢碗米線真係好吸引而且佢有個賣點 唔係熟客仔未必會知道佢隔離係紙紮舖再隔離有條後卷仔有個閣樓係樓上舖地方大些少 唔需要係樓下逼 但樓上人手少 可能無咁快落到單真係值得推薦 講到口水都滲哂出黎

湯底真係同其他米線店不同,有D菜味始終最鍾意食蘿蔔,應該放落D湯"坳"過腩肉真係肥瘦恰當個碗雖然細,但碗內份量十足,絕無花巧呢間店真係由朝到晚都好多人落雨天都沒有影響,次次嚟都要排隊

食左d先影好正朋友帶我黎食鋪頭都幾多人,要搭枱食碗米線有好多芽菜,好爽脆,米線好滑但唔腍,腩肉 炸醬都好好味 d湯都好正 ,辣得十分過癮! 但朋友認為鹹左d不過真係好熱,灘涷少少先食會好d酸辣度,個人認為十分到位 good!$28超大碗,一個人未必食得哂,可見十分抵食環境唔太好,但仍有好多人捧場服務態度就麻麻,想要多隻碗,要我地自己拎但下次一定要再黎!

以前平常好少行呢附近，就系我屋企附近，經常錯過，有日天水圍個Friend帶我去的，唔系都唔知道，跟住就鐘意左，成日都系等唔多人的時間去，有次同個Friend去旺角，佢以前聽我講過，特登餓住返荃灣食，9點幾，去到見10幾個人排隊，買好多野就打算拿野返上屋企再落來食，去到快10點，見無人排隊好開心，走入去，點知話我聽賣曬最鍾意就是腩肉+雞翅尖+腐竹+豬腸......都好味，平時叫唔辣都有小小辣，小辣的話個人覺得都好辣，配返支豆漿就剛好，次次都40幾元搞定，大大一碗，好飽這個米線應該同之前去旅遊桂林米粉是一樣的環境一般，味道好，經濟實惠，不適合朋友聊天等，快快食完就要走

每次經過這裡，總會見到不少人排隊等食，莫非真的那麼令人一試難忘？真的想找一天過來試試真與假？星期六下午，妹子剛完成實習，見還有時間，便過來試試這裡的酸辣米線~下午五時多，人客不算多，阿姐還有時間問妹子是否叫外賣？環境雖然舊式零裝修，但光猛的環境下令人看得舒服，餐牌就一站式貼於牆上，想點甚麼就麻煩各位要抬頭望望~店裡分別有一餸二餸三餸四餸五餸選擇，大多分配好晒，想食其他的，可自行加錢加餸！酸辣+豬腸+豬頭肉米線($33)，叫了大辣走芽菜，開頭見到紅當當的真的以為很辣，但吃落又沒像中那麼辣，再辣點妹子應該還可應付！米線吃下去比別家不同，很很很煙韌，妹子都是第一次吃到這種米線，是否店子的特色之一呢？而且米線份量有很多，妹子都是吃了半碗已經很飽~豬腸和豬頭肉都是切得薄薄的，若果切得厚點會比較好，起碼會有咬感！見到對面兩位姨姨的米線都有很多蔥花，為何妹子的沒有呢？有蔥花會好吃點~她們都說妹子很厲害呢！吃得那麼辣..嘻~飲品方面都是現成罐裝~包裝或豆漿，不過當日的豆漿已售罄，若果不想花錢買飲料？枱面上會有一壺茶水供應，不過要麻煩阿姐拿水杯~妹子差不多吃完的時候，人群開始擁現，是時候埋單走人了~

每次經過此店, 一定大排長龍. 每次也打消念頭今次再經過, 時間尚早,不用排隊, 肚有點餓, 決定入內店內放許多大檯, 雖然還未到晚飯時間但已經高朋滿座. 沒有餐牌, 只要抬頭看一看牆上菜單便可選擇每碗包芽菜及酸菜 我點雞翼及紅腸(多酸菜)碗好大, 米線份量足紅腸太薄, 深呼吸也會吹掉.雞翼有3隻, 都幾大隻. 味道略淡.男友點豬腸及貢丸.豬腸數量略多, 入味又肥美. 貢丸只有3粒但幾大粒又彈牙湯底夠酸, 好醒胃但米線彈牙程度有點嚇人, 是因為給我感覺像食橡膠一樣. 很好, 我浸耐一點, 米線開始便軟. 我放下心頭大頭, 吃光. 服務方面我要多酸菜, 但我那份只有少量, 反而我男友那份就多酸菜. 明顯落單弄錯. 但在小店吃, 不可以執著總括來說:米線份量多, 吃完不太口渴. 點2個餸又不過HKD30. 係可以接受

之前一直食開黃埔的分店, 經過荃灣, 去試下荃灣分店的腩肉~本人好鐘意食酸辣米線, 酸酸的, 好開胃~~再辣到出一頭汗!!^^爽!!每次必叫腩肉, 覺得佢整得好入味, 又吾肥~~正!!!雲吞大大隻, 都好食!!! 丸類就ok啦~普通!米線真係好多, 叫3款送,已經食到好飽!!!!不過食完, 都會口渴, 見有朋友話呢間野有味精...難怪咁好味=.=

見到咁多人都讚呢間米線好味 心血來潮之下就同家姐去左食地方唔難搵 去到個陣都幾多人 所以係附近兜左個圈先再去食行完一圈依照係咁多人 諗住入去逼住食啦點知原來有二層架喎個人鍾意坐第二層多啲 無咁逼 成個氣氛都好熱鬧 食都食得開心啲家姐叫左 酸辣+腩肉+豬脷米線 小辣我就酸辣+腩肉米線 小辣腩肉都ok 幾入味 而且份量都好多好夠飽米線就麻麻地啦 無咩特別 個人唔係咁鍾意個湯底 太濃 好油好似食緊成層油咁 有啲似重慶酸辣粉陣味咁至於蔥呢我就覺得唔加好味啲家姐個碗話就話有豬脷 但份量都幾少 不過係好爽口幾正埋單$60 算係咁啦 不過如無必要都唔會再去!

曾經喜愛過 但經過這次後 冇必要都唔去等緊碗米線黎GE時 見到成箱味精明目張膽地放O係D當眼位搞到成日都唔想食野所謂GE腩肉應該唔係腩肉,因為冇一層層GE紋理,似日式叉燒多D, 都整得好食GE佢D,炸醬,豬肉丸都好食GE米線都用特粗果種好食GE原因只因味精的威力?每次食完都可以極速飲晒成杯珍珠奶茶

上星期六, 和老婆去了荃灣的唯一雲貴川風味吃米線晚餐. 我之所以認識這間店子, 全因老婆曾和她的同事午市時吃過, 大力推介說很大碗, 配菜很多, 但亦同時說環境一般, 夏天食實在不好受, 所以當天見天氣凍, 估計應該不會太差, 於是一試. 點了炸醬, 腩肉及豬腸米線; 而老娑的跟我一樣, 只是她沒有豬腸.先說食物, 的確很大碗, 而且唔只米線多, 連啲炸醬及豬腸亦多. 但米線質素其實只是一般水準, 不過啲炸醬真的幾好味, 辣辣哋, 非常合天凍時食. 腩肉很大片, 亦好入味, 但偏硬及乾身, 似豬肉乾多過腩肉, 唔覺得好似啲人講得咁好食! 豬腸比較厚身, 有口感, 但入味程度卻是一般. 綜合而言味道其實唔算出色, 不過就辣得幾過癮, 份量上亦真的非常多, 比起一般的米線店大碗及多餸, 唔怪得之坐到座無虛席, 連門外都有十幾人等位.不過這兒的環境非常唔掂, 對我來說, 甚至可以說是差, 因為人實在太多, 一張枱起碼坐6-7人, 枱與枱之間又極之密, 所以非常之迫, 甚至差不多是人貼人, 最難頂是店子的通風實在不敢恭雅, 又熱又焗, 我天寒地凍都食到出晒汗, 坐在這裏食一碗又熱又辣的米線簡直

看到這個標題大家是否摸不著頭腦，那就等我來解釋一番。 首先呢，据我所知香港的米線大多是來自米鄉江西，因為盛產稻米，故有許多米製品，米粉是其一；再配上獨具香港飲食文化的車仔麵菜肴，這就變成了如今遍地都是的雲南米線了。 每回來此店我幾乎都是叫固定的搭配：豬肝+豬肚+豬腩肉，本人稱之三豬米線！ 先得說說這碗米線份量夠大的了，要是胃口小點都吃不完。除了主配菜還放了芽菜、酸菜、蔥花，如此豐富多樣，所以一端上桌只見菜不見米線。 作為配料的豬肝切得大小、厚薄不均勻，事先應是炒過的，偏爽脆，和白灼帶來的嫩滑是完全兩種口感，個人更趨向後者。豬肚卻成了肚絲了，不是太贊成，如做川菜炒肚絲是沒問題，可放在麵上作配料的該粗條點吧，要不然混在米線裡找都找不到了。腩肉，我的理解是五花腩肉，應該肥瘦相間，可這裡的卻是薄片的白切肉，

其實，都估唔到有個同學會約我黎呢度食午餐。因為呢間野都幾出名，午市好多時都要等位。但由於轉流既效率好高，所以都一、兩個字到都有位坐。腩肉、麻辣雞米線呢度俾我既感覺係配料會多過譚仔，佢令我深深吸引既除左係辣之外。其實，蔥花都係其中一個吸引之處。因為有左佢，個米線會好食同香好多。而友人食我推介既腩肉、炸醬米線。食到讚口不絕，仲可以翻兜。言歸正題，個腩肉既份量幾多。此外，個麻辣雞係俾辣椒醃過。味道就一般，雞肉唔夠滑但醃味都算唔錯。而且肥瘦都算適中，係無韌既感覺。呢個已經係可以加分既地方，而米線都算整得頗煙韌。最後，其實個大辣係麻得黎有幾多紅油。唔知呢個係唔係正宗啦，點都好個米線真係餵飽左我就已經夠啦。要翻兜既都無乜問題，因為真係算幾抵。都係廿幾蚊一碗米線，而且配料好豐富。認真好食，絕對係荃灣區名舖之一。

星期六約三點在荃灣, 正想四圍行下睇去邊度食, 見呢間咁多人, 於是排隊啦, 排隊時店員已替排隊的客人order了, 讚 好快呀, 等左5 - 10分鐘已有位, 地方一般啦, 唔算太迫, 但又唔係坐得好舒適咁, 一般麵店的格局坐下來, 店員望下張單的號碼, 應是order了的已入單, 睇下是什麼號碼可上台了, 大約一分鐘好大碗既米線就有得食啦 , order左腐皮, 雲吞米線, 27蚊, 唔算太貴, 好多腐皮啊 , 米線好好食, 唔會太淋, 雲吞一般啦, 好像不同平時食的那樣, 見隔離都叫酸辣, 好好食咁呀, 因怕熱氣, 叫唔辣, 唔辣都好好食, 唔會話無乜味咁, 我都無加其他醬料

今日仲要唔駛排隊, 去左樓上吃, 正! 酸辣腩肉小辣腩肉唔係好多肥, 比其他鋪頭既腩肉真係啖啖肉, 份量多 (因為碗野比起其他鋪頭貴 XD); 唔知係咪要酸辣, 湯頭真係幾酸, 仲有d肉碎, 唔係剩係加酸菜就叫酸辣, 同埋唔知係咪阿姐以為瞽要小小辣, 我以為黎左既小辣就唔係好辣, 不過叫中辣就應該頂唔順, 如果唔加酸辣就無辣味咁都係要加酸辣, 唔係無咁好味醒胃; 配料得芽菜, 份量都足, 以為有少少腐竹, 點知無的; 米線正常都合口味, 唔會太腍; 貴少少但大大碗大啖大啖食好滿足

好耐之前,舊同學同我講呢間米線好好食;到o係呢間公司做,女同事FC1多時lunch time都走o黎食,另一位女同事MF都話呢間係唔錯.咁我都搵日試吓啦.終於今日(30-9-2010 Thur)有機會喇,爸爸今晚要為明日出殯o既表姑丈守夜,於是我o係o度買碗米線返屋企食啦,FC話要叫腩肉,,於是我就要個腩肉豬脷唔辣米線.幾分鐘後有喇,搭車返屋企用手托著時,外面都熱辣辣,終於返到屋企放低,影相.佢真係大大碗,影好相食lu,米線好滑,係油o既作用,我嗅到麻油味.腩肉肉質有啲’o鞋’,薄切豬脷冇我想要o既口感,雖然佢唔係太腍o個種,但可能唔夠口,所以食唔到爽口o既滋味.食o左兩啖由於太熱同唔想浸o係啲辣湯裡面,我就將佢o地’分家’,真係估唔到有一個湯碗咁多.而且佢有鹹酸菜,成個米線就係鹹鹹酸酸咁,都唔錯.而辣度應該差唔多到我接受到o既最高程度.唔知係咪自己要求高?咁多人推介但我覺得平平.環境:見到都幾光猛,枱椅都唔係好迫吖.