哈豆

營業中

休息中

放工突然間好想食台灣野，所以就去咗一間廠廈台灣餐廳！叫咗一碗豪華刀客牛肉湯麵，食麵當然要先試下湯底先啦！湯底有香濃嘅牛肉味，再加上少少香料，有啲似肉骨茶嘅感覺！再試一啖麵，麵係台灣本土自製嘅刀削麵，所以每條大小長度不一，食落去好彈牙而且又咬口！好欣賞塊牛肉，係用上牛𦟌！厚得嚟好易咬，腍得嚟又可以保持嫩滑！豬軟骨都好入味，喜歡軟骨的話一定要食！飲品叫咗阿華田豆漿，睇得、玩得、又好食，飲品都可以食？係呀！因為有一支阿華田冰！先把阿華田冰棒放進豆漿泡一分鐘，之後再食！好香濃嘅阿華田味道，真係好好食！之後可以將阿華田冰棒放進豆漿，等佢慢慢溶之後豆漿就有阿華田味！

第一次有驚喜到要寫食評!1。牛肉湯麵 所有配料都好好味，最欣賞係舊牛肉，肥瘦均勻!湯底都值得一讚，有牛味仲飲到少少藥材既味道。2。和牛薯餅沙茶乾拌麵鍾意有咬口既人一定要試!! 個麵超煙un，好好味! 配沙茶醬又有另一番風味。和牛薯餅炸得好香脆，雖然入面無乜和牛有少許失落，但以尼個價錢黎講係算唔錯既!因為個麵真心好食!3。豆漿紅茶珍珠奶茶本身睇個名有啲唔夾咁，但飲落去又係有驚喜!我地叫左少冰少甜(飲開無糖豆漿)，所以覺得甜度岩岩好!原來豆漿同紅茶係意外地岩key。一定會再返黎既台式餐廳!

今天下午去了觀塘整皮革製品，弄完都入黑了，於是就去了附近的成業街的 ''哈豆''吃台灣料理。餐廳位於成業工業大廈二樓上到去自己就座，選擇好便自助式的填寫落單紙再拿岀去付款餐廳裝潢都很台灣風吃台灣料理當然要珍珠奶茶！這裡的台式飲品都很特別，例如我點的這杯就是 ''黑白珍珠豆漿紅茶''。上面是豆漿，下面是紅茶，攪拌來喝就是珍珠奶茶啦，但茶味很香濃而且有淡淡豆漿清香，非常特別。黑白珍珠很有𡁻勁''炸物拼盤'' $49 有很大一盤的多種小吃，性價比高最喜歡這個''甘梅薯角''，炸得酥脆可口，甘梅粉酸酸甜甜的意外地非常撘配彈牙丸子雖然是炸物小食，但這個鹽酥雞不油膩很好吃''雞絲芝麻涼麵''天氣熱比較喜歡吃涼麵，拌芝麻醬酸酸爽爽很是開胃涼麵是自製刀削麵，較為粗身非常有口感

古早味台灣菜@觀塘小店掛咗唔少照片同懷舊海報紅磚牆好古色古香～有落單紙，寫上編號就搞掂幾毒都唔怕啦 😎飲品仲可以揀凍熱同幾甜，好台灣 feel！朋友叫嘅台式滷水豆腐味道濃淡適中以我唔太食豆腐豆卜嘅人嚟講都覺得好食哈豆紅醋醬瓜嘅青瓜好新鮮，口感好爽 👍🏻同平時嘅腌青瓜好唔同，清新好多唔係得醋酸味，仲有少少甜味好開胃！豪華刀客牛肉湯麵真係好豪華 😂有好多好料～有兩大塊厚厚嘅軟腍牛肉同豬軟骨連丸都有兩款～台灣本土自製刀削麵好有𡁻口，麵身粗啲湯底就有少少藥材味 哈豆鮮果茶好大壺～ 抵飲 👍🏻水果真係新鮮切粒嘅，好好飲！

今天遲了點起床，一起身便已經要極速衝去觀塘工業大廈的教室上興趣班，匆匆忙忙下課以後想優優閑閑的喝杯好咖啡，便想起之前一位愛好喝咖啡的朋友介紹過這間由台灣人開創和主理的<哈豆>。到達成業工業中心2樓左手邊便是哈豆。在店長的推介下便可以在新Menu找到我想喝的單品手沖咖啡只要在落單紙上寫好食物的編號然後到櫃檯付錢，便可以安坐一角靜靜等候咖啡和食物的到來。店內沒有豪華的裝修，但卻被台灣人滿滿的熱情和人情味充滿着由於手工咖啡是即點即製的關係，所以等了一會兒才登場。由於小妹是第一次喝手工咖啡，所以不知道原來這是由淺焙咖啡豆沖泡而成，所以味道是酸酸的。幸好今天店內顧客不多，所以便可以請教店長有關咖啡的知識。店長真的非常熱情，知道我對淺焙咖啡的認識不深，便真的坐下來和我談談咖啡的知識！原來一般人誤以為咖啡不新鮮就會有酸味，其實咖啡本身就是酸性飲料，咖啡酸不酸，取決於豆子的品種及烘焙度，烘焙時間愈長，焦糖化程度愈高，酸性物質被破壞愈多，就愈不容易有酸味，烘焙時間愈短，焦糖化程度愈低，咖啡豆中還保留有有機酸，因此很容易產生酸味。老實說，其實我一直以來都只懂飲連鎖集團的咖啡，從來都不知道原

最近夜晚同朋友去觀塘跳舞健身，觀塘地膽朋友介紹一齊跳舞前食呢間台灣菜，係台灣人開嘅，口味一定正宗啦！三個人叫左一個麵一個飯share食都夠啦，其實都飽，但又唔至於太飽，一陣去運動都唔怕。豪華刀客牛肉湯麵$72: 個碗好大，亦好特別，個邊係不規則的，麵配料有牛肉、豬軟骨、花枝丸、貢丸，相對下顯得豐富，而麵條就唔多，個麵睇得出係手工整嘅，口感煙靭有嚼勁，豬軟骨好入味肉好腍，但軟骨部分食唔到，牛展都好鬆軟，有一定厚度，湯底有清香藥材味，不油不膩不過鹹，是用心熬出來可以喝光的湯，附送生菜有加分。百香果糖檸雞飯$56: 簡簡單單的有飯、炸雞和另上的百香果醬，炸雞唔油，口感軟嫩，個飯完全無汁，感覺會有點乾，當然我知有百香果汁，將個汁撈落飯同雞食，以果味汁撈飯好少試，果香加上酸甜味好適合夏天食，都幾得意呀。哈豆鮮果茶$39: 食台式cafe最鍾意飲鮮果茶，呢個又整得幾好喎，紅茶味幾出，果香天然，以百香果味為主，仲有啲粒粒新鮮生果，份量又夠多，好味又抵飲。

觀塘真係有好多工廠大廈近呢幾年好多廠廈都開滿樓上小店今次嚟到觀塘廠廈試下台灣菜搭lift 上到2字樓, 望咗就會見到哈豆個門口，都好容易搵收銀貼滿住台灣寶島嘅post card, 好old school 嘅感覺呢度叫嘢食嘅方法就係將你睇啱左嘢食嘅Number寫落張落單紙度，再拎去收銀order就OK前菜小食叫咗路邊攤小香腸，一共有四條炸到外皮香脆，內裏juicy 雞翼拼丸子麻辣乾拌麵一開始上到嚟以為係肉燥拌麵原來啲麻辣醬收埋咗係肉燥下面麻辣得黎又食到肉燥嘅香味！台式飲品叫咗黑糖豆漿紅茶豆漿加紅茶都係第一次飲加埋黑糖好似比軟健康😂

基本上，同每一個在觀塘上班的人，都知那一間是哈豆。今日帶了一位聽過但未食過的朋友來食台灣野！*五寶什錦醬乾拌麵(餐$58)之前吃過飯和湯麵，所以今日想試下他們的乾拌麵。這個乾拌麵用了芝麻醬和麻辣醬；有麻香得來，又帶點麻辣；豬軟骨很大舊，痴住的肉滷得很淋很入味；雞翼、豆腐滷得入味；貢丸、花枝丸普通。*豐盛牛肉蕃茄湯麵(餐$68)朋友點的*椰果紅茶(+$4)朋友點的*桂圓紅棗茶(+$5)今日養生mode點了熱飲，走了糖；飲慣原味的桂圓紅棗的我是可以按受的；愛甜的還是點正常吧！仲有晚餐的餐牌可以參考

在觀塘工廈裡面，臥虎藏龍，有很多隱世美食，哈豆就係其中一間。餐廳老闆是台灣人，餐廳設計以簡約為主，陳設有台灣格調。餐牌相當吸引，種類多，飯麵小食甜點都有，當然不少得台式飲料。我先點了熱紅棗桂圓茶，味道好到連紅棗圓肉都吃光！吃的點了鮮梅佐炸豬排飯，豬扒肥瘦均勻，外脆肉質彈牙😋甜品鮮果四季芭斐，第一口已經很驚訝，有多層口感！上層用了 真•鮮果，而非罐頭的，還有，很少會有鮮橙！！中層那一球香草芭斐也很棒，淡淡香草，口感細膩。杯下層jelly 唔甜，滑嘟嘟。

平時我都較少可去觀塘工業大廈搵嘢食，因為我既經驗話我知，味道雖然未必係差，但對比起價錢覺得唔太抵。今次由於去開果頭搵朋友，介紹左間台式cafe，感覺係喜出望外我同友人各自叫左個餐（即主食配飲品，可以唔配都得，如果配既就減10蚊），分別係雞絲芝麻涼麵及鮮梅佐炸豬排飯，飲品就叫咗單品手沖鮮奶咖啡及桂圓紅棗茶。雞絲芝麻涼麵值得讚既係，佢用既刀削麵口感極佳，十分彈牙，雞絲既雞味味道濃郁，唔會俾麻醬味道掩蓋至於鮮梅佐炸豬排飯，豬排炸得爽脆，配以芝士醬及梅子醬油點豬排，兩種不同既風味都好食飯上面淋上肉燥，配埋伴碟既台式伴菜一齊食，味道豐富紅棗茶入面有龍眼，清甜可口；而杯咖啡奶味濃，佢仲配埋一塊好好味既餅一齊送口，令味道層次更多，惟溫道唔夠熱，可能係佢用冷鮮奶撞熱咖啡所致，但問題不大既。我地仲叫左樣小食，就係店舖推薦既冰火芝士佐鹽酥雞，芝味剛好，唔會太濃或太淡，而鹽酥雞亦炸得好最後點左樣鮮果四季巴斐，雲呢拿雪糕似係店舖自製的，而內裡既生果雖然唔不多但新鮮，重點係涼粉幼滑清甜，整體唔肥膩，係好食既每人平均約140蚊就食到餐晚飯，有齊主菜飲品小食甜品，稱得上價廉物美推薦

一問起香港人第二個家，相信一定係台灣。如果你冇時間返去，就唯有滿足一下味蕾。 呢間台式餐廳，由台灣老闆經營，設計簡約，牆壁貼滿有點台灣風味相片。餐廳採取自行落單制，填好落單只交到櫃檯及付款，侍應會把食物送到客人枱。餐牌好吸引，急不及待點餐先！天氣咁熱，識點緊係點雞絲芝麻涼麵啦，麵條又粗身有厚度，超級QQ有口感，芝麻汁好醒胃，唔好睇小啲雞絲好有雞味！芝士鹽酥雞，好味到張相out Fo左😅芝士真係最邪惡嘅食物！紅棗桂圓茶，超級足料，紅棗同桂圓都勁大粒，渣都食埋，女人點可以唔養下身😎食飽又可以繼續逛下轉型嘅工廠大廈，尋下寶！

每逢星期六小女生都要到觀塘附近上課， 上課後我們都會到餐廳吃午餐， 今日就到附近的工廈覓食吧！哈豆在成業工廈2樓，距離地鐵站只有數分鐘，而且很容易找到。 差不多三時來到，餐廳不大， 裝修簡約， 具台式風味，有十多張枱， 這個時間餐廳仍然有很多顧客。老闆和部分員工是台灣人，他們都很友善親切， 真估不到在工廈這地方可找到這樣一間台式餐廳。下午三時後，除了午餐外，也可選擇主餐牌的食物。這裏出名的是手調咖啡，當看見老闆親手調咖啡時，是真的很想一試。 特色點餐 台式炸蝦棒肉燥飯在台式餐廳第一次吃炸蝦棒，原來蝦棒配肉燥飯來吃也不錯。 蝦棒爽口彈牙，香口惹味。 配上肉燥飯，味道層次豐富。 鹽酥雞肉燥飯香噴噴的鹽酥雞炸得金黃色的，賣相不錯。鹽酥雞炸得剛好，雞肉很juicy很滑嫩。肉燥也很好味，不會太鹹太濃， 很適合伴飯吃。 台式小香腸肉燥飯小女生最喜歡吃台式小香腸，所以就點了這客飯。 原味的台式小香腸烤得金黃皮脆，十分香口惹味。每份的分量也不少，吃得我們飽飽的呢！ 黑白珍珠豆漿及綠茶豆漿珍珠又淋又煙韌，綠茶豆漿的綠味濃，飲品不太甜，對於我們來說是平時飲品點的少甜，喜歡甜的可以選擇加甜啊！ 桂圓紅棗茶主

觀塘工作，叫外賣有一半都會食哈豆，因為味道唔錯，係觀塘工業區數一數二好味嘅台灣嘢。以前由舖頭職員送外賣，最近發現佢哋加入咗網上外賣平台，就冇做自己外賣，外賣餐單亦冇得選擇，變相加咗價。之後都會食嘅，食物真係唔錯，但唔會再食得咁密。

同朋友去開觀塘，黎到工廈搵食，呢間叫哈豆嘅台灣餐廳唔錯，老闆同部分員工都係台灣人，餐廳佈置左好多懷舊裝飾，有好多懷舊電影海報，都幾有特色。每檯準備左落單紙，填好食物、飲品可以到收銀櫃臺落單，餐牌分為飯、麵、小食、飲品，下午5:00後有晚餐餐牌可供選擇。餐廳有好多特色飲品，仲有溫度、甜度選擇。鹽酥雞肉燥湯麵套餐$52配鮮榨檸檬多多跟餐+$11鹽酥雞肉燥湯麵，湯麵同鹽酥雞分開碟上，免得鹽碟雞會俾湯麵浸軟，鹽酥雞外層咸香酥脆，內裡雞肉嫩滑；湯碗都大碗，湯底清甜，有肉燥、生菜、芽菜、半隻滷水蛋，味道唔錯。鮮榨檸檬多多，選左正常甜度，幾好飲，加左鮮榨檸檬，酸酸甜甜，好開胃。晚餐套餐：百香果糖檸雞飯$56配黑糖薑母茶跟餐+$18百香果糖檸雞飯，賣相唔錯，青瓜、生菜、咸菜、滷水蛋伴碟，雞塊都幾多，秘製百香果檸檬醬汁，百香果香甜味加檸檬酸味，味道非常特別。黑糖薑母茶，玻璃瓶同玻璃杯感覺好似響cafe優閒下午茶咁，選左半糖，所以味道唔會太甜，薑味適中，唔會太辣。

我又去左觀塘工廈搵食啦，我覺得係工廈搵到正野食再推介俾大家好似有種成功感咁，廢話少講，今次呢間係成業工業大廈二樓嘅doctor beans，係食台灣野嘅。工廈搵食吾一定食西餐，台灣野先至夠特別，入到去，地方古老懷舊味濃，見到吾少嘅懷舊家品，我點了蜜糖椒鹽雞翼，一上碟就咁睇都已經好吸引，食落皮好香脆，煎到金黃色，甜甜地嘅蜜糖，又好香口，雞翼保留左肉汁，食落肉好嫩滑，好令人回味。另外，主食點了雞絲芝麻涼面，好清新，係夏天食一流，食落喉嚨好舒服，味道都好好食，芝麻香，仲加了大量青瓜絲同紅蘿蔔絲，少少嘅特別汁，令涼面更加滑身，配上味蛋，好味道。另外要推介佢嘅手工咖啡，佢係用濾紙嚟沖煮咖啡，用滴濾法整成，更加選用特別嘅精品咖啡豆，所以味道風味都好吾同，美味，支持推介。