哈豆

營業中

休息中

位於觀點工廈嘅哈豆，係我最近食過幾有特色嘅台灣餐廳，佢位於成業工業大廈，出左mtr都吾算難去。店內環境懷舊，地方幾大，坐得舒服，服務都好好。食左古早味蝦捲飯，最正係飯，加了肉碎，仲有醬汁令飯又香滑又好味道，吾會太咸，蝦捲一咬外脆內嫩，熱辣辣食好好味，仲有少量瓜菜，同配上味蛋，份量適中，吾錯。另外都想推介呢間嘅飲品，選擇多，價錢合理，我點了哈豆鮮果茶，$39，一大杯上，仲可以倒入細杯飲，鮮果茶入面有士多啤梨，火龍果，菠蘿等等，吾會太甜，清新好飲。朋友點了乳酸梳打，酸酸地又有汽好開胃又涼快，夏天飲最岩，消暑解喝啊。呢度係同朋友傾計飲野食野好地方，下次會再嚟。

之前叫過呢間外賣 今次第一次 堂食 堂食嘅質素比起外賣好好多 分量大碗 賣相靚D 飲品大杯D 台灣牛肉麵味道好濃 個湯好正 麵份量多 牛肉又嫩滑 豬軟骨蕃茄湯 麵煮得太硬湯蕃茄味唔夠 肉燥飯都大大碟好多餸 有台灣味道飲品就以豆漿為主有豆漿紅茶綠茶好多都係豆漿飲品味道幾特別 午飯時間都幾多人建議可以早少少等位價錢方便都幾大眾化50零蚊

As there were alot of cafes opening inside industrial buildings at Kwun Tong, there were aplenty of choices for me to choose when it comes to food. Today my colleague decided to bring me to an authentic Taiwanese cafe inside an industrial building. It was opened by Taiwanese and few of the staffs were Taiwanese too. There were alot of choices when it comes to their menu, offering their signature minced meat rice, beef soup noodle, snacks and beverages etc. Lemon with plum juice - The drink was v

之前聽朋友講試過哈豆的午餐唔錯，而且午餐時間都好多人食，所以約左朋友今晚去試，晚上應該會冇咁多人。大約7點幾去到，真係唔洗等位，但之後都好快滿坐。餐牌選擇都唔少，選好左要自己填落菜紙後再出去落單俾錢。苿莉綠茶 - 飲品凍飲都唔加錢，而且唔似一般台灣飲品偏甜，反而多D苿莉的香味，真係幾好飲。鹽酥雞肉燥麵 (轉蕃茄拌麵) - 因為老闆係台灣人，鹽酥雞做得好香，好有台灣的味道，最重要係唔會太厚粉。轉蕃茄拌麵係朋友介紹的隠藏菜單，亦係焦點之一，其實個醬唔算好重蕃茄味，但略帶酸甜的口感配上彈牙的麵條，真係好開胃。豐盛台灣牛肉湯麵 (轉蕃茄拌麵) - 對我DD 選擇困難症患者來講，D個豐盛台灣牛肉湯麵有齊牛肉、豬軟骨、貢丸等材料，真係聽到都滿足。雖然轉蕃茄拌麵都好味，不過下次可以試返配湯麵。清境和牛薯餅 - 和牛薯餅超好味，雖然和牛分量唔多，但個薯餅外脆內軟，而且夠熱真係好味道。整體而言，食物質素唔錯，而且價錢合理，下次可以試埋其他野食。

是日正閒，剛好有事經過觀塘，來到略有名氣的哈豆，來碗牛肉麵。作為駐足香港的台式餐廳，一碗牛肉麵足以判定餐廳的水準，當然我們不能要求太多，畢竟只是一間工廈食堂，做的都是商業區職員的午市生意。撇開服務與環境考慮，著眼在食品的質素上看，好評如潮實在難以理解。一碗經典牛肉麵，第一口湯的味道是清淡，再來就是酸味。不管是麵、牛肉或湯，都帶一陣酸醋味，儘管酸味並不強烈，但除此之外，就喝不出其他熬湯材料的風味了。一碗欠缺香氣層次的湯底，水平已是中下。雖然牛肉厚切，亦較軟身，但酸味一來大打折扣，如湯底一般。可能一個茶餐廳的牛腩麵，牛腩至少還帶點陳皮香。這碗牛肉麵實在吃不出什麼風味可能有人認為5、60塊錢不能要求很多，可惜的是，在同區附近另一所台式餐廳，價位相等，至少我還喝得出一點香氣和特別的味道，麵質有口感。雖然那間餐廳也沒有達到值得推薦的程度，但還是有盡力呈現一碗牛肉麵該有的元素。總括來說，實在沒有原因要著我來這間餐廳。點的飲料是豆漿紅茶，比較欣賞的是以豆漿沖調奶類飲品，取代淡奶，但是豆漿的味道淡得可憐，說實在，紅茶真的喝不出來，像是一杯稀釋豆漿加了糖水。在褪冰之前，有的只是甜味。備註一下這是需要加配

本身自己好鐘意食台灣野，所以試下呢間第間，因為試過好多間都ok,就對呢間有小小期待，我朋友叫左個酥雞塊面，再加左錢加台灣腸，total 要60蚊！點知一黎度O曬咀，$60得兩啖面同2粒雞粒，吾係雞塊，同兩條芝士腸咁大既台灣腸，咁我以為佢比少咗，咁我坐多陣望下其他人嘅面啦都唔多㗎啦都係得四粒，我就覺得好過份啦，我就問下嗰啲姐姐點解得兩粒仲要加左錢，人地都有四粒，跟住佢話我哋個粒好大粒，真係火都嚟埋，一粒係正常size都唔係大架啦！另外一粒手指尾咁細，同我講我哋好過兩粒好大粒wo ，同埋啲啲味又唔係好味！唔係我少家！你哋睇吓張相合吾合理先咁樣！偷工減料到咁，食水勁深！black list 左佢！個幾粒雞塊成本係貴成咁！

突然心血來潮想食台灣野，左搵右搵就搵到喱間哈豆啦！其實之前行過已經見到下午茶好抵食！哈豆都比較早收舖，8:30last order，9點就收嫁啦，好彩我地啱啱好趕到🙈食物同飲品嘅款式都幾多，我地今次就揀左豬軟骨肉燥飯、魚鬆肉燥乾拌麵、台灣香腸、豆漿綠茶同阿華田豆漿豬軟骨非常淋，而且都夠入味，肉燥帶點八角味(?)，老闆仲話唔好意思我地等咁耐，送多左塊豬肉添🙈魚鬆乾拌麵:魚鬆非常香，加落去拌麵真係好味，麵質都好食，好好咬口！台灣小香腸食落質感、肥瘦度都好似，不過略嚴有啲酸。豆漿綠茶就反而似奶茶味喎，我揀左半糖，甜度剛剛好！經過嘅朋友都可以試下，不錯

最近公司搬左黎觀塘 lunch一於係附近d工廈搵食！今日黎呢間 附近見到有落banner好似幾台灣feel@@上到黎座低個感幾warm. 係有少少似台灣d小店既 不過成3點幾都仲有幾位食緊野 都算旺叫左迷你豬豚肉躁飯 加杯要+$11既蜂蜜檸檬椰果 都先係$49！好似好抵食！上餐好快 唔洗5分鐘 杯蜂蜜檸檬椰果好好飲！ 碟肉躁飯賣相唔錯 份夠亦都好夠 個人略嫌肉躁有d少 味道都唔係真係咁似係台灣食果隻味... 不過都ok既最後我堅持飲晒杯野...真係好飲 不過搞到食唔晒碟飯...咁我覺得咁既價錢食得咁飽又幾好食...真係抵到爛...會再返黎！不過要等我試齊樓上樓下咁多間cafe先^^

前幾日有次黎觀塘食晏, 試了這一間台灣麵店, 餐牌上都有很多款式, 除了台灣湯麵之外, 仲有便當, 肉燥飯, 乾拌麵和米粉等等, 價錢大多是四十至五十多元一客, 價錢都唔算好貴. 呢度既運作模式同台灣既餐廳都相似, 都係要客人先去落單付款再坐低等佢上食物. 而我就order了一碗台灣牛肉湯麵$50 另加 $8要鹽酥雞. 台灣牛肉湯麵賣相都OK, 入面仲有半隻滷蛋, 紅蘿蔔同埋生菜. 湯頭水準亦都唔差, 未至於好香濃, 但味道都清甜既, 亦都唔會太油膩. 牛肉有三舊, 質感就普普通通啦, 其中一舊仲有D韌, 好彩算幾入味. D麵條不錯, 扁扁地幾滑身. 最令我失望係加$8既鹽酥雞.....只有兩粒仔鹽酥雞, 好心就用隻細D既碟啦. 賣相都唔吸引, 仲要唔熱, 所以都唔香脆既..

台灣菜一向是我杯茶，碰巧我search OpenRice附近美食時出現了"哈豆"這間店，不多想便決定前往一試八點到餐廳人很多，枱亦不多環境較擠迫，所以安排了拼枱(上相是我飯後人散了一堆後拍的)食客需要自行寫紙仔選擇食物看過餐牌，我和男朋友決定叫了鹽酥雞肉燥飯，鹽酥排骨肉燥乾拌麵及炸物拼盤大約等了15至20分鐘，終於有得食了肉燥汁香而不膩，麵質清爽彈身，配菜亦不只是白恰的而是加入了香油炒制肉排鹽酥味濃，唯略嫌炸得偏乾口少肉汁飯粒充滿了濃濃的肉燥汁，叫人吃不停口鹽酥雞切成粒塊，易於入口拼盤有花枝丸貢丸各一，蝦棒一條，香腸半條，鹽酥雞兩粒及甘梅薯角四件，份量不是很多跟餐送一杯飲料，分別選擇了豆漿紅茶和薩姆綠茶，味道一般，下次會試試其他

很愛台灣但不能常去的我, 終於黎到哈豆試一試,其實官塘區都比較少台灣店,就算有台灣野食,但都食唔出味道,不過今次叫左呢款台灣腸,食左就好似去左台灣一樣,超好味啊 !!!番工既時候,可以坐低咁飲台灣飲料,真的不錯呢雞好味,唔會好老, 味道岩晒我地呢

同朋友第一次去呢間叫哈豆嘅台灣餐廳，店舖位置係觀塘嘅工廈入面，呢間牛肉麵好似幾出名，所以黎試下。店裡面生意幾好，好多食客，我地等左一陣先搵到兩個位，呢度叫野食要先填寫落單紙，再到收銀櫃排隊俾錢。餐牌分別有台灣牛肉湯麵、便當飯類、拌麵/米粉、湯麵/米粉、小食同埋多種台灣飲品飲品，飲品有仲有溫度同甜度選擇。台灣牛肉湯麵呢間嘅台灣牛肉湯麵係招牌菜黎，當然要試下。牛肉肉質好軟好嫩，啖啖肉，配料有菜，有蘿蔔，有蛋，同埋蔥花，湯底濃厚鮮甜，麵嘅口感夠彈牙，份量亦夠多，幾好食。逢甲鹽酥雞呢度鹽酥雞亦非常有名，鹽酥雞外層炸幾香口酥脆，咸咸地好惹味，雞肉肉質唔會炸得太老身，外脆內嫩，唔會太油，食到停唔到口，非常好食嘅台灣小食。桂圓紅棗茶桂圓紅棗茶，聽個名就知健康，餐牌上有寫係店長特別推薦，呢杯係熱飲，因為桂圓同紅棗本身已經有甜味，所以我叫左無糖，桂圓紅棗聞落好香，飲落甜甜地，幾好飲。唔錯嘅台灣餐廳，食物同飲品都好有台灣風味，價錢唔貴，會再黎幫襯。

觀塘區真係好多美食，今次呢間係同事極力推介嘅台灣食店，位於觀塘區工廈，店名幾得意，叫做「哈豆」，店外面餐牌亦都有寫明老闆係台灣人，即係可以響度食到正宗台灣美食啦！懷著期待嘅心情入去，店入面裝飾都好特別，好有台灣特色，貼左好多台灣舊式影畫海報同相片，食店地方唔大，但坐滿人，我同朋友都要同人搭檯。原來呢度係填好落單紙再去收銀處落單架，可以寫明飲品嘅凍熱以及甜度，餐牌上有特別介紹，又幾細心喎，仲可以「加料」，好似加珍珠、仙草、椰果等等。同事有講過一定要試呢度嘅牛肉麵同鹽酥雞，所以我點左一碗牛肉鮮蕃茄湯麵同一碟逢甲鹽酥雞，跟餐有d飲品係免費嘅，我叫嘅鮮榨檸檬紅茶，都只係加$5。好快我碗牛肉鮮蕃茄湯麵就送到黎，都幾大一碗，有牛肉、蕃茄、芽菜、滷蛋，仲有青菜添，食落牛肉肉質軟嫩，夾住嘅牛軟骨都可以食埋，蕃茄新鮮，湯底酸酸甜甜幾醒胃，麵條彈牙，絕對值得一試！鹽酥雞係我幾鍾意嘅台灣小食黎，呢度嘅逢甲鹽酥雞亦非常有台灣風味，鹽酥雞炸得香脆，但唔會覺得好油膩，雞肉嫩滑冇骨，咸香味剛剛好，唔會太咸太重口味。剛剛已講過飲品係可以選擇冷熱同甜度，我揀左正常同少糖嘅鮮榨檸檬紅茶，用鮮榨嘅檸檬汁製成，飲得出新鮮檸檬

又到同媽咪到觀塘搵食嘅時間啦，觀塘咁多特色餐廳，真係食極都食唔晒，今次就搵咗一間台式餐廳黎試吓啦。上網睇到呢間餐廳係由台灣人主理，應該會好地道，十分期待😋餐廳某部份裝飾都幾有特色而且餐牌上面有好多唔同款式嘅食物，全部都唔算好貴，$40-＄50就有交易我同媽咪諗住叫咗一個肉燥飯同一個拌麵寫好張點菜單就諗住比個侍應，點知個侍應就冇乜禮貌咁同我地講：「我幫你攞出去唔係問題，你都係要自己出去俾錢嫁」，首先餐廳冇任何指示話比客人聽要自己出去落單同先付款，d待應既態度好似覺得我地要清楚佢地店鋪既運作咁，好無奈🙄台灣五寶拼盤肉燥飯 ($54)個飯好普通，豬頸肉唔爽口太薄太腍，豬軟骨啲骨好硬完全食唔到，啲丸肉得好實一啲都唔彈牙，麻麻地待應送飲品個陣，係咁大聲叫枱號，要客人奉旨向佢示意位置，依家係我做送餐定佢做送餐，枱號位置已經定好左，唔明點解d待應唔記熟d枱既位置，要人食食下飯個時要舉手同佢講我地張枱係度🙄豆漿奶茶(跟餐）豆漿味又冇、茶味又冇，得個甜字椒鹽排骨芝麻醬乾拌麵($54)排骨調味OK ,不過略嫌太乾，乾拌麵過濕，但味道ok啦

剛巧在觀塘上堂又提早了落堂，發現這邊原來有一間台灣餐廳，看樣子挺不錯就跟同學一起去試試。7點多已經坐無虛席，不過不用等太久就有位了，雖然店鋪小，但座位都尚算舒服，不算很峽窄。我和朋友各自選了一個麵和飲品，再點了一款小食。店員細心告訴我們是自助下單的，把食物號碼寫下到收銀付錢便可。下單後一會，店員就把食物送上，食物全都熱哄哄的，看來真的是即叫即做。我點了家傳肉燥乾拌麵，沒有想像中乾，夠濕潤但又不會過多湯，伴菜簡單但反而更加令肉燥味突出，肉燥不會過咸，有一點魚香味道，跟麵配搭在一起令人想多吃幾碗，麵質彈牙且有麵粉那種香味，現在比較少吃到。最令人驚喜的是滷水蛋，味道跟台灣吃到的一樣味道的。再來喝一口芝麻豆漿紅茶，芝麻味很香很重，豆漿與紅茶沒有奶茶那種滑但有微微豆味，挺特別。我最喜歡的就是這個小食滷水豆腐，平時潮州打冷吃到的滷水豆腐很多時候都乾巴巴的，但這麼的豆腐充滿了滷水汁，有點想豆腐卜的感覺，一放進口一咬，汁與豆腐一同在口中，別有一番滋味。這樣價錢和這樣質素高的台灣菜我覺得十分值得，想不到竟然讓我尋到寶。