哈豆

營業中

休息中

行開觀塘區，去左「哈豆」食晚餐，乃為一間以提供台灣式膳食餐款的食肆，見餐牌幾多台式食物。古早味哈卷飯，主要是以油炸軟皮蝦卷、台式牛肉碎汁、青瓜、熟蛋、椰菜及雜粒配料作主餸，蝦卷肉碎自然入口最惹味，再加上潤喉配料連香滑熱辣的白飯，一碗吃落都會零舍有一種台灣風味。鮮果四季巴斐，乃甜品飲料，杯面頭是雲呢拿雪糕球，中層乃是新鮮雜果粒(如蘋果青檸香蕉提子等)，下層則是涼粉粒加椰汁奶等，飲管一啜落口真是既潤喉清爽又解渴，飲過心都甜。

觀塘工廈都算多平野食，所以個人都喜歡到這裡約人食或閒時自己到這裡覓食當晚突然想食下台灣菜就在open rice 揀了這間我點了嘉義蔥酥雞肉飯賣相不錯，雞肉和配料也蠻好，但略嫌唔夠汁，有點dry (可能是我當天一個人食既感覺吧）但整體而都算唔錯的小店環境也舒適，係要落單前比錢有點唔慣而已

觀塘工廈區好多台灣美食，今次去試下哈豆～ 喺成業工業大廈，都好易搵到～ 晚上食飯時間都幾full，不過都有位～ 餐廳佈置台式，坐位寬闊，食物選擇唔算多，不過飯、麵、小食、飲品都有，我地叫咗一個豪華刀客牛肉湯麵，一個鮮梅佐炸豬排飯，一杯鮮榨檸檬椰果多多～ 豪華刀客牛肉湯麵 $72個好幾特別，又特別大，餸料有牛肉、豬軟骨、花枝丸、貢丸、滷蛋，味道都唔錯，牛肉同豬骨都好入味，肉質腍口感好～ 麵係台灣本土自製刀削麵，口感煙靭有彈性，比較大條，可以沾得多點湯～ 牛肉湯味道好，香濃而不太鹹，整體不錯～ 鮮梅佐炸豬排飯 $56炸豬排同肉燥飯分開上，炸豬排外脆內軟，而且入味，配上酸酸甜甜的梅醬，特別惹味，肉燥飯亦唔錯，味道好而唔會太油膩～ 鮮榨檸檬椰果多多 $32大大杯，好多椰果，檸檬味同多多味夠，而且平衡，唔會太酸或者太甜，好味~ 跟餐仲可以減$10～ 整體來說，充滿台式風味，食物唔錯，價格平民，日常晚飯好選擇～

記得上次去台灣，已經是一年前的事，仍依舊掂掛著台灣食物。今天難得有空，結伴和朋友一起去食台菜，聽聞觀塘哈豆味道不錯。餐廳位於成業工業大廈2樓，一到達餐廳門口，已經人頭湧湧，可見餐廳之人氣。台灣牛肉麵牛肉鬆化，肉味香濃，蘿蔔味道清新，還有半隻鹵蛋，很有蛋香，最欣賞是這個牛肉湯底，清甜之餘又帶點藥材味道，不落味精，很有台式古早味風格。綠茶豆漿起初都質疑其味道，總覺得綠茶與豆漿格格不入，但嚐過後發現綠茶與豆漿味道很夾，少少豆味又帶點綠茶清香。

今日同2個朋友在觀塘打波，本來想去個間上到去排晒隊，諗緊食乜之制，有個大媽就派這傳單比我，並好落力叫我地上去，上去前都在openrice查下評級，見評級唔錯，就去試下，上到去大約13:45，大把位，坐低試下。環境一般50分，感覺有D暗。舒服度一般50分。台面有落單紙，自己剔完，自己去柜台比$，之後就有人送餐，服務有善70分。上餐好快80分。小香腸肉燥飯餐$50，小香腸好味80分，肉燥又小又多油50分。排骨肉燥飯餐$50，排骨真係得骨好少肉，但好味嘅70分。豬軟骨肉燥麵餐$46，豬軟骨完全唔軟，好硬呀40分，肉燥放落麵好味既80分，反而無咁油添。百香綠茶多多，套餐加$10，都好味但無多多味70分。阿華田豆漿，套餐加$6，好多好多好多冰，60分。仙草豆漿紅茶，套餐加$4，正常，60分。逢甲鹽酥雞小食$30，好味80分，但好似得10粒細細粒。埋單$196 免加一3人平均每人$65👌整體比60分，應該唔會再去。

又係到午餐時間，繼續工廠尋寶啦。上次去見到呢間台灣野好多人，所以今次就入左去試。希望有驚喜比到我，比到大家咁啦。鹽酥雞肉燥飯+黑芝麻豆漿鹽酥雞肉燥飯，炸得岩岩好，唔會好似某d台灣餐廳同大x樂個d 粉太多，又乾"曾曾"。一口size，淡淡肉，雞味就無乜架啦，都入得口既。飯同其他配料都可以，係份量太少了，完全唔夠飽。性價比不太高，但係整體都可以接受。黑芝麻豆漿只係普通豆漿加芝麻粉，無乜特別。唔算好好，唔算太差。可以一試既！

今日試下台灣風味既午餐lunch time 時段比較多人....比較嘈d 櫈冇背靠坐得唔太舒服唔坐得耐枱面有點餐紙自己寫完去櫃枱比錢櫃枱係另一間舖雖然係台灣野不過係冇珍珠奶茶 d飲品menu怪怪的叫左豆漿綠茶味道怪怪的C1 - 分量大味道ok雞翼幾入味同易咬但汁扁少C5 分量大不過冇咩醬... 同埋個芝麻醬係傑撻撻的唔似平時個種台式芝麻醬 小排骨都好味但其實好多肥肉逢甲鹽酥雞加$叫小食係即炸好脆同好夠味題外話返到公司肚痛到pk 以後唔會再黎食

今日一個人在觀塘搵地方食野，行下行下就去左工厦，搵到呢"哈豆"這店原來是台灣人開設的，裝修帶有台灣的特色~還有台式的佈置。用餐的時候先填落單紙再交給店員，店員便會把餐送來給你。正在進行的優惠~ 最驚喜的是這裡有手沖咖啡，由台籍咖啡師主理!單品手沖咖啡$60咖啡師說他們採用的咖啡豆是淺中培，甜酸均衡，雖然我不是咖啡專家，但飲出來的味道不苦，咖啡味濃中帶點酸，不建議加奶，才可飲到咖啡的原味呢~附有2條甜甜的脆條送咖啡飲，是很好的配搭呢。我選了"和牛薯餅沙茶乾伴麵(選用台灣本土自製刀削麵)$59刀削麵超越彈，意想不到的好好食，沙茶醬伴麵非常香口~和牛薯餅炸得香脆，咬落口饀料是軟綿綿的!大大塊足料又美味呢~非常滿足的一餐!

哩間完全係觀塘既台灣菜隱世食堂黎入面係台灣人打理座位吾多 但所有野食都好有風味！台灣牛肉面湯底小小辣！浸到配料已經入口即融 勁有咬口！個面好彈口 似手打面咁個水果茶勁新鮮 不過就細杯左小小叫左個小食拼盤 哩度既炸物吾夠主菜出色！

近年，觀塘工廈開左不同大大小小唔同類型嘅餐廳，但較少有台式餐廳。今日就去試下台灣人開嘅呢間小店～💁🏻入到餐廳，牆上嘅裝飾行古早風味嘅台灣味，舊嘅電影海報，懷舊嘅木枱。餐廳主打牛肉麵，香腸同埋鹽穌雞。🤤不論門口嘅宣傳同枱上嘅筷子筒，都有介紹～餐廳嘅點菜方式係要先喺紙上填上食物編號，然後到櫃枱付款，食物就會送到你嘅枱上。😆而今次試嘅有豪華刀客牛肉麵、冷雞絲手削麵、街市攤香腸、魚鬆肉燥時菜同埋黑白珍珠豆漿紅茶。「豪華刀客牛肉麵 $72」一上枱嘅時候，真係嘩左一聲！好大呀，隻碗😂不過裡面嘅料亦都相當膨派，有牛腩，牛𦟌，貢丸，墨丸，豬軟骨！😍麵係正宗刀削麵，好厚身，非常有咬口。牛腩非常入味，牛𦟌有咬口，但唔會過腍，墨丸彈牙，咬落完全唔粉，裡面亦都有唔小墨魚粒，貢丸都非常彈牙。👍🏻湯底會非常濃郁，配住厚身嘅刀削麵食，真係一流。而「路邊攤小香腸$30」皮脆肉嫩，一咬開脆皮後，汁就從腸衣內爆出，一碟得四條認真唔夠喉。🤤「雞絲芝麻涼麵$62」啲麵條幾好咬口，天氣咁熱食涼麵真係好過食熱辣辣嘅湯麵。🍜「魚鬆肉燥時菜$30」雖然有魚鬆同肉燥，但一啲都唔鹹。😋「黑白珍珠豆漿奶茶$32」用豆漿比起奶健康，唔飲奶嘅

闊別多時的逢甲鹽酥雞排，今天在觀塘區的「哈豆」台灣餐廳有得品嚐了！「哈豆」一個很特別的名字，在成業大廈二樓，兩個相連並沒有打通的工廈單位，我下午2:00入座都座無虛席，稍等幾分鐘就安排到一個座位給我了！牆壁張貼著大大小小的電影海報，相信老闆一定很愛電影了！不過，電影海報裏的男女主角和電影我都不認識，感覺也很有台風。安座後我先瀏覽餐牌，填寫食品和飲品編號在落餐紙，到收銀處交錢和餐單後，我的午餐很快就送上。除了美味的「鹽酥雞排湯麵」配合醒胃「鮮炸檸檬山粉圓」是我今天午市套餐！我還加一份小吃~~「酥炸蝦仁卷」。啖啖肉的鹽酥雞排與湯麵分開上，這是十分恰當，香脆雞排沒有被湯泡腍，健康的台式麵條還配有生菜、銀芽，感覺很好。酥炸蝦仁卷，蝦仁是爽口蝦膠，腐皮卷著蝦膠炸成，頗美味！吃過熱騰騰又香口的炸物，飲鮮炸檸檬山粉圓就得到很好的平衡，我很喜歡這款鮮炸檸檬山粉圓飲品，可口又健康！

在觀塘區成業街19號工業大廈2/F上，有台灣人開一間餐廳，晚餐在名叫"哈豆"台式餐廳，主要提供台灣特色的食品飲品餐款等。豪華刀客牛肉湯麵，當中有牛肉、豬軟骨、花枝丸及貢丸等作主要餸料，而且選用台灣本土自製的刀削麵，麵條粗扁形並質感實正，咬落份外結實，再加上牛肉湯底、椰菜、熟蛋及蔥菜等配料，吃落番尋味。走心牛肉蕃茄湯麵，同樣有牛肉、豬軟骨、花枝丸及貢丸等，及蕃茄塊、椰菜及熟蛋等配料。鮮果四秀巴斐, 選香草汁或巧克力雪糕於杯最上層等，杯中並再有兩層分別是奶露及涼粉塊，當中並混雜一些生果粒，在粗身飲管下啜落自將杯中清爽美味精華吸落口中，既消暑又解渴。阿華田豆漿，阿華田冰條並配一杯冰凍奶露及巧克力餅條，咬落飲落自會香甜涼浸浸。

在觀塘區工樓，有台灣人開的餐廳叫哈豆，見到有好多人來晚餐，真感受到工樓的食店特色。店選用台灣本土自製刀削麵。豪華刀客牛肉湯麵，當中有牛肉是很有牛肉口感、豬軟骨又覺得好軟化的軟骨食哂落肚、花枝丸同頁丸又大粒彈牙配湯汁食時真是美妙。走心牛肉蕃茄湯麵，有牛肉、豬軟骨、好大粒花枝丸、彈牙的頁丸、新鮮蕃茄.....鮮果四秀巴斐，叫了香草及巧克力，好美的甜品，雪榚好快跟鮮果混合左味道。阿華田豆漿，將阿華田雪成冰棒，再加脆脆皮條，熔化在豆漿中好特別亞。

要happy friday，梗係要搵間特式小店去鬆一鬆喇~今次要試一間位於工廈既餐廳，都唔算難搵，不過始終係工廈，兩個女仔去都有少少怯，好彩無搵錯~豪華刀客牛肉湯麵~呢個麵條真係有真功夫，有咬口、粗身又有坑紋，果然食台灣嘢點牛肉麵係最穩陣!佢用牛展部份去做，而唔係用一啲較稔既位置，但口感都ok，另外有啲肉丸同菜，都好滿足！鹵水拼盤~有一件牛展、三件豆腐、一件雞翼、二件1/4隻蛋同一件豬軟骨，其實我覺得一個拼盤每款食物都應該有2件，如果唔係唔夠分又尷尷尬尬咁囉~um.....anyway我覺得呢個鹵水唔係好夠味，大家可以考慮一吓~哈豆鮮果茶~有隻細細既杯配住嚟飲，事後先知可以share，初初飲都好好飲，但飲飲吓就覺得甜，如果share就應該剛剛好~百香果糖檸雞飯~百香果醬非常香甜，配炸過既雞球感覺清新，雞球肉質算滑，味道特別﹗最後，我同朋友發覺佢大部份食品都會搭蛋，如果唔鍾意食蛋既朋友可以叫佢走蛋，唔好浪費食物呀~

相約朋友外出晚膳， 常常都是到一些連鎖式的餐廳， 即使再好吃的餐廳 ，去多了也會覺得又悶又膩。今天特意和朋友來到了觀塘工業區“搵食”。朋友真有心思，知道我喜歡台式食物，特意帶我一嚐這間由一群台灣年青人主理的餐廳。哈豆(Doctor Beans)位於觀塘工業區的成業工業大廈二樓。 從觀塘地鐵站B2出口只需 步行五至六分鐘。 位置非常方便。雖然是台灣人主理，但他們都聽得懂廣東話，點菜時不擔心雞同鴨講。走心牛肉蕃茄湯麵: 這個湯麵實在能滿足我這個多心的食客。餸的種類多，有生菜、芽菜、蕃茄、貢丸、魚丸、 滷蛋和鹵牛蹍。 厚切的牛展肉質非常軟腍， 有鹵水味又不會太鹹。 面底是由台灣入口的刀削麵，口感煙韌。 湯頭有濃郁的蕃茄香味。 推!古早味蝦捲飯:蝦捲外層卜卜脆， 內裏蝦滑很彈牙，有蝦味。配上魯肉飯， 魯肉肉多肥少，不覺油膩。冰火芝士佐鹽酥雞: 6塊一口雞件炸至卜卜脆，鋪上大量芝士醬。好味!鮮榨檸檬椰果多多: 很足料的台式飲料，椰果多，也有濃郁的益力多味。我們二人都非常滿意這一頓性價比非常高的晚餐。 一定會再幫襯，嚐一嚐其他菜式。