哈豆

營業中

休息中

加時放工也想到附近吃飯便回家休息，今日就近近地係觀塘區食街啦！ 經過成業街，留下見到有間《哈豆》，名字有趣原來是一間台灣店啊！ 環境很懷舊，裝修有台灣風味，而且檯如是。 用「點餐紙」落單，夠方便又清晰。豐盛台灣牛肉湯麵 套餐 HKD 70 (單點HKD66）果然豐盛啊，擠得滿滿的 — 有牛肉、豬肋骨、貢丸、及花枝丸，好入味又彈牙。轉竹米粉（只係加2蚊）把湯吸盡了！ 阿薩姆鮮奶茶 跟餐 加 HKD 8 (單點HKD 18）茶奶味適中，不會太甜，沒有被蓋了食物味道，不錯 ！

又來到工廠大廈，又是一個很好的驚喜。位於大廈的二樓，不管是走樓梯還是搭升降機都是很方便的。不過因為工廠大廈的一層實在很大，但只是耐心地找找就很容易找到的。雖然是在工廠大廈內，但這食店卻是小小的一間，不過給人很溫馨的感覺，很有台灣小店的風情。在這裡點菜很簡單，自行在落單紙上寫上號碼，然後交到點菜區就以了。食物準備好後便會由侍應奉上，很方便。既然是台式牛肉麵專間店，自然要吃一吃這味菜，更是要豐盛牛肉的那一款。除了牛展，還有牛丸、花枝丸及豬軟骨。牛展及牛丸的牛肉味很濃、很香，特別的滋味。麵質也很好，軟軟的，很易入口。最美好的就是有一杯台式飲味相佐，這一杯檸檬梅子汁的檸檬汁是鮮榨的，加上黑梅，酸酸甜甜的鮮味，很解渴。

已經開咗六年嘅哈豆，連分店都開埋嘅哈豆，終於等到晚市重開。我已經期待已久，喺呢度你會食到喺台灣嘅風味，仲有環境嘅佈置，都係精心設計過嘅，令人好似返咗去70年左右代咁，真係好懷舊啊。我相信餐廳嘅老闆係顧客至上嘅，難得餐廳裏面係有洗手間，啲侍應係好Nice嘅，好有禮貌同埋服務態度都好好。一入到去，就即刻拎起個餐牌，我同朋友就分別叫咗個豐盛牛肉鮮蕃茄湯麵，同埋台灣五寶拼盤肉操飯。首先講吓個湯麵先，裏面材料包括，牛肉、貢丸、豬肋骨、花枝丸。最特別就係個番茄湯，佢首先會俾個湯底你，然後匙羹上面有一大匙羹嘅番茄醬蓉，食法好簡單，你可以先試吓佢個湯底，然後再到晒啲番茄醬用落個湯度撈埋佢，你就會食得出佢嘅唔同風味啦。另外，你想有層次感嘅話，你可以先將啲番茄醬擺喺中間，俾佢自己慢慢擴散，咁你就食到個湯底啲番茄味道會越食越濃郁。另外，就要講下個肉操飯，食台灣野梗係試吓佢啲滷水啦，一到嗰隻雞翼真係醃得好好味道，入哂味，真係值得一試。依度有各適其適嘅台式飲品，今次我同朋友就叫咗珍珠奶茶同埋蜂蜜椰果。呢一度嘅蜂蜜椰果，真係令人一試難忘，係呢啲咁凍嘅天氣再加上咁乾燥嘅天氣，飲啖蜂蜜椰果，滋潤度十足爆曬燈，唔試就真

觀塘工廈好多開倉行完想食野唔一定淨係去apm其實工廠裡面都有好多餐廳，上網搵到依間食台灣野就黎試下，地方唔算好多，但勝在坐得舒服，牆身整左紅磚仲貼左好多舊式海報，好有風格係餐牌上面睇好食咩，再寫號碼係紙上面再拎出去落order鹹酥雞肉燥飯$54台灣菜必叫肉燥飯，再配埋超酥脆鹹酥雞豐盛牛肉鮮蕃茄湯麵（牛肉、豬肋骨、貢丸、花枝丸）$70牛展彈牙好入味，豬肋骨軟骨位夠哂有咬口，再加入新鮮蕃茄好健康五香滷蛋$8除左蛋香上面淋左滷水汁，仲加左芝麻蔥花更加滋味

忙碌工作後想食餐好既 今日就揀左觀塘呢間台灣野。觀塘工廈既餐廳普遍都好靚 又有特色！呢間都唔例外～ 同男朋友去到，我地兩個人先揀左一個豪華刀客牛肉麵同嘉義蔥酥雞肉飯再加一個蝦仁卷。食物既賣相唔錯 可惜份量偏細，佢地既服務好好！店員好有心機咁教我地食個雞肉飯要先撈均會更好食。牛肉麵味道唔錯，唔會太濃或者太淡，麵亦算彈牙。而雞肉飯撈均後有好香既蔥油香味，十分開胃。最出色既就係蝦仁卷，熱辣辣既既蝦卷有香噴噴既蝦味，淨係聞都流晒口水了可惜份量唔夠，食完之後同男友望住隔離枱既冰火鹽酥雞非常吸引，忍唔住叫多碟黎食。濃濃芝士味加熱辣辣既鹽酥雞原來係咁夾，食得我地好滿足，值得再試。如果食物分量再多啲會更加我！！

星期五食自己，記得好耐之前食過哈豆，幾好食。search下以為搬左，原來唔係，係成業有另一間，呢間未嚟過，但一上成業工廈二樓出lift轉左就見到，好易搵。食下五寶什錦乾撈麵 ，啱晒肚餓至極嘅我。材料好豐富，有豬肋骨、雞翅、豆腐、貢丸、花枝丸。豬肋骨其實係豬軟骨，啖啖肉。雞翼同豆腐滷水滷得好入味。貢丸好香豬肉味，花枝丸都唔錯。然後飲鮮榨檸檬多多，想少甜，但侍應姐姐建議「不宜少甜」😛為免酸到入心入肺，採納佢嘅意見，要原定份量嘅甜度同冰。飲落果然係好飲～

昨晚係公司OT完就經過附近知道有間食台灣牛肉麵都唔錯！呢間餐廳係工業大廈內，所以要搭lift 上去，一出lift 轉左就見到，非常方便！入到去搵個位坐低，呢度裝修都好有台式feel, 貼左好多舊式海報！呢度係用點餐紙落單，記得寫清楚檯號，之後就去點餐區付款，然後番埋位等美食！我就點左個豐盛台灣牛肉麵套餐加多$12 檸檬梅子QQ!即點即刻製作，等左15分鐘後野飲送到，檸檬梅子酸酸甜甜咁，再加埋佢用左2款黑白珍珠+椰果，特別有咬口！有QQ彈牙既口感！之後主食豐盛台灣牛肉湯麵🍜上場，有幾豐盛？有牛肉，豬肋骨，貢丸同花枝丸！陣容龐大，飲一啖湯都好濃郁既牛肉湯麵既風味，牛肉既筋充滿住骨膠原，又夠唸身，豬肋骨就相對地硬左d,豬軟骨部分都好爽脆！而2款丸類都不過不失，加埋個麵質都唔錯！所以食完都有種係台灣道地風味既感覺！😋🙆‍♀️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

咁啱嚟到觀塘上堂，係附近搵嘅特色嘢食，於是就上左哈豆食台灣嘢啦。哈豆有兩間分店，呢間係工廈2樓。一入去就見到牆上有好多台灣嘅相，餐廳掛住好多特色的牌同海報，好有古色古香的台灣風味。一整面紅磚場加上海報同精品，更有風味！個肚打晒彭，我地一行二人叫左兩個套餐加一個小食^_^ 點餐係用點餐紙寫的，上面有推薦的小食，我地見到就即點左一個鹹酥雞啦～鹹酥雞啖啖肉，皮薄，而且不會太重味，但口感外在酥脆，肉質夠實，重點推介！套餐叫左台灣牛肉湯麵，牛肉超厚身，啖啖肉，而且十分香牛味。麵彈牙不會太軟身，加埋菜甫的少少辣味，帶出左牛肉麵的香味。另一個套餐係椒鹽排骨肉燥麵，肉燥撈麵不會太鹹，份量適中，加上椒鹽排骨仍不會太重味，味道平衡得剛剛好。飲品方面，跟餐加點左蜂蜜仙草，仙草份量十分豐富。入口有香甜的蜂蜜味，並不會死甜。另一杯係跟餐的熱豆漿綠茶，入口順滑，不會有茶澀味亦不會有嚡口的感覺，十分適合依家冬天凍凍地時暖暖心胃。總結：特色工廈小店，適合三五好友相約吹水簡單食飯，意想不到的工廈出色台灣菜！ 

先生轉左工後多左機會可以一齊食lunch，之前送外賣時送過另一間哈豆分店，一間公司一次過訂左超過20個餐，印象深刻諗住應該幾好味，先生又想食台灣野所以就過黎試下，因為成業街近d所以黎左lee間分店。有2個單位，先寫低食物號碼飲品冷熱甜度要求再去收銀落單俾錢叫左高雄魚鬆肉燥飯，豐盛台灣牛肉湯麵(加香腸，蝦仁卷)，逢甲鹽酥雞魚鬆肉燥飯有飯有魚鬆有肉燥魯蛋仲有幾多菜，份量唔少，味道唔錯做到有肉有菜營養比較均衡，只係淋菜既汁多左d。追加既香腸香香甜甜加埋炸蒜幾好味，蝦仁卷有少少彈牙口感幾特別豐盛台灣牛肉湯麵真係幾豐盛，除左鹵牛展，仲有豬肋骨，貢丸，花枝丸，麵屬於粗粗有筋道煙煙韌韌，牛展軟林有少少膠質，貢丸，花枝丸都彈牙好味逢甲鹽酥雞即叫即炸熱辣辣，外脆好味飲品要左珍珠紅茶，茶底有微微甜味加黑白珍珠都幾好飲原本想食埋甘梅薯角但太飽就無試，下次再來試。店員都幾nice,有笑容。

早幾日收工之後去左觀塘既工廈揾食, 咁岩朋友介紹話食過<哈豆>的LUNCH唔錯, 提議我可以去試下.....見咁耐無食過台灣野..於是就上左去啦~~~點單係自己寫係紙上面既, 之後交比店員就可以店內環境係懷舊台灣風情, 好多海報, 環境都唔會迫, 夠大山賊燒雞翼雞翼差唔多人人都鍾意食, 燒得好好味, 唔乾身, 外皮又夠脆....鹹酥雞肉燥麵鹹酥雞做得幾地道,  烹調時間控制得啱啱好, 咬落去雞肉汁好多, 肉操汁配撈麵又幾夾....值得一試鹹酥雞肉燥飯鹹酥雞一樣都係咁出色, 雞肉唔會好'鞋' , 配飯都一樣咁好食因為我地都係簡左套餐, 所以都係會包一杯飲品分別點左珍珠鮮奶茶同埋青蛙撞奶青蛙撞奶自從幾年前係台灣飲過之後係香港就無再飲過, 今次難得又再見番, 點都要試下先啦奶味濃得黎又有黑糖味, 唔會好淡味/只有甜味, 都唔錯珍珠鮮奶茶鮮奶滑, 珍珠大粒煙韌 , 調味剛好唔會過甜

當日同同事工作關係經過觀塘,這間餐廳，門面設計簡潔鮮明，裡面環境闊落，冷氣充足，坐下來不會很擠迫。餐牌相對其他食店而言，簡單直接，做多種主打菜。帶有食店LOGO的餐碗及珍珠奶茶塑膠樽，甚至中英對照的點餐紙，從各種細微處可以看出店主的心思。店主亦十分好客熱情。這次點了五寶什锦拌麵。裏邊有:豬肋骨，雞翼。豆腐貢丸花枝丸。慢煮雞翼，生熟度剛好，入味又嫩滑，微微滷水味慢慢滲出，貢丸花枝丸惹味而不會過辣，吃不了辣的朋友也能一嚐麻辣滋味。外層粉漿十分輕薄，肉質鮮味彈牙，趁熱食最好。阿薩姆鮮奶茶更引出茶的清香，十分好味。總的來說中規中矩，絕對唔錯。

今日好想食台灣菜，係附近Search，見個Menu幾吸引，然後就入左去食。瑞士雞翼肉燥飯 幾好食，有3隻雞翼，雞翼幾入味，D肉燥都唔錯，仲有半隻滷蛋。仲送台式飲品，見到綠茶豆漿好似幾得意，呢個組合之前未見過，飲落又幾正👍🏽

每日差不多到中午時間就會煩惱究竟食乜嘢好呢？ 相信好多都市人都會同我有同一個諗法！ 當諗唔到嘅時候我就會上openrice找尋下有冇 想食嘅餐廳！ 今日最後決定到成業街附近的工廠大廈 ~ 哈豆，這是一間台式料理。這間工廠大廈好近我之前睇開的中醫師診所， 所以很快就找到了。 大概兩點半到入座， 店內還坐滿滿客人， 我點了哈豆的招牌菜 : 豐盛牛肉湯麵$70，台灣五寶拼肉燥飯$58，黑芝麻熱豆漿 ( 跟餐補差價$6 )，胚芽熱豆漿 ( 跟餐補差價$6 )。豐盛牛肉湯麵 ~ 有牛展，豬肋骨，花之丸，貢丸，半隻鹵水蛋。 牛展煮得夠林又入味， 豬肋骨稍為硬咗少少， 花之丸和貢丸普普通通，湯底有牛肉味配少少辣的感覺， 麵條有口感不會太淋。台灣五寶拼肉燥飯 ~ 又香又惹味的肉燥飯， 還有雞翼，花之丸，貢丸，好有台灣的風味！黑芝麻熱豆漿 & 胚芽熱豆漿 ~ 熱辣辣的豆漿， 飲到濃郁的豆香味， 配埋黑芝麻或胚芽， 感覺特別有益健康。第一次到哈豆吃台灣料理， 雖然是在工廈開的一間餐廳， 但裝修有懷舊風格。 如果響觀塘返工的朋友， 下午又想吃台灣菜， 哈豆亦是一個很好的選擇。

今日放假係屋企，食晏想試下啲新野，就搵到工廠區有呢間台灣菜。叫左「鹽酥雞撈面」，係好好食嘅台灣面底，肉澡味岩岩好，唔會過咸，唯一個鹽酥雞太鞋口，下次可以試其他餸。同埋叫左個「椒鹽豬扒肉澡飯」，豬扒好食，做到外脆內軟大大塊，口感好好，多肉汁，唯一我唔太中意係佢用左啲酒去調味，肉澡份量足夠 唔夠仲可以問佢加。飲品叫左「豆漿紅茶/綠茶」，呢兩杯跟餐免費，其他就要加返個差價，呢間啲台式飲品用豆漿來代替鮮奶，味道係同平時係街飲嘅珍珠奶茶味差唔多，再加多一陣豆漿味。大家可以試試，心水推介。

今日放工跟左朋友去一間係觀塘既工廈餐廳食野。這間係主打台式食物既餐廳, 而且仲有火鍋。 最後我地4個人叫左兩個火鍋, 牛肉湯麵 鹽酥雞, 肉燥菜,嘉義蔥酥雞肉飯同蜜糖椒盬雞翼。嘉義蔥酥雞肉飯真係要特別講一講, 平時去到台式鋪頭多數都係會諗起滷肉飯, 但原來呢個嘉義蔥酥雞肉飯係台灣都係出名既菜式, 而且味道不下於滷肉飯。 呢個飯係有D雞肉絲加埋炸蒜同醬料撈埋一齊食, 味道唔會太重, 雞肉份量都OK。火鍋就分別叫左南瓜同麻辣, 南瓜湯底甜甜地唔錯。雞翼個皮幾脆, 蜜糖同椒盬個味意外地夾, 呢個真係要試下, 係好味既。因為唔太食得辣, 所以麻辣就冇試, 大家可以去挑戰下。4個人$500食到飽。