品香樓中西風味餐廳

營業中

休息中

去完又一城，好有閑情逸致行去石硤尾，尋找以前返part time放飯嘅回憶~去到餐廳，風味依然~來自五湖四海嘅朋友，仍舊喺到打躉~餐廳嘅鑊氣仍然飄逸~🔹明太子炒飯🔹 超香，好有鑊氣，黃金色炒飯粒粒分明！雖然材料只有蟹柳，蛋，葱同明太子粒，但食落都好滿足，食功架都夠~好味~👍🏻🔹炸脾薯條🔹份量都大，雞脾好夠味，保留到入面肉汁，波浪薯條炸得乾身，唔會太油膩~🔹凍朱古力🔹點解無cream嘅？！不過朱古力味超濃，但又唔會苦~不過會好飽肚~

.#foodie #hk #hkfoodie #HTB美食推介【石硤尾人氣大排檔｜南山邨必食回憶地標🚩】🐨火焰蜜椒牛柳粒 $118推薦度：⭐️⭐️⭐餐廳招牌菜打卡必叫，先係錫紙兜裝上枱喺你面前點火興熱個餸🔥先滿足你嘅視覺享受～黑椒牛柳粒醃得好濃味，不過小編就覺得韌咗少少🙈反而個薯仔外面包咗層蜜糖，外脆內粉好好食😚.️🐨風沙雞 半隻$148推薦度：⭐️⭐️⭐⭐隻雞煮到好嫩滑，外面雞皮炸脆，加埋脆蒜食就好惹味....🐨炸饅頭 $58推薦度：⭐️⭐⭐⭐️唔好以為炸饅頭好易整要好食，其實好難😥佢做到外脆內軟唔會死硬，亦無吸晒啲油，好似小編咁鍾意食炸饅頭嘅，就一定要試吓🤪.🐨凍忌廉朱古力 $28推薦度：⭐️⭐⭐飲得出係開朱古力粉沖嘅，但佢加咗忌廉，令到本身偏淡嘅朱古力輕輕提高返個甜味，而且入口更加滑溜順口，唔係特別話必試但的確比一般茶餐廳高質🍫-----☼-----☼-----☼-----☼-----☼-----品香樓中西風味餐廳📍地址：石硤尾南山邨南山商場平台204-205及210-213 號舖🐨推薦度：😋😋😋😋/5💰人均價格：$100-150🪸環境：👾👾👾🗣️服務：👍🏻📸食物打卡度：💡💡💡💡🛠️分類：#HTB石

好耐無嚟過啦😆😆😆咁岩經過就同朋友坐低食少少野👍🏻味道唔錯，價錢又抵，唔錯唔錯👍🏻👍🏻👍🏻呢家都仲見到唔少人嚟食👍🏻👍🏻👍🏻👍🏻

天氣咁熱，正正常常隨便食個下午茶，加杯凍飲已經冇要求。食物質素唔係今次食評重點，免費加料同火氣十足的服務態度，相信係呢間店既特色之一。食到咁上下先發現，原來加送鮮炸蟑螂即刻叫個收銀呀姐黎睇。呀姐應該見慣大場面，佢一望，搵隻手碎左2下就掉左落地。佢好冷淡加高傲咁問隻野邊到黎，你地想點，一句唔好意思都冇。佢仲非常好心地話換過啲薯條俾你，但錢就照收，真係好窩心。隻野岩岩先係啲油炸死，你再炸幾多都唔食啦，個呀姐再話咁唔收你食物錢，但凍飲錢跟正價照收(24大元)，真係好窩心x2。 朋友堅持唔會比油炸蟑螂個餐錢，呀姐立即盡責地將所有食物同飲品一下收走哂，並附送黑面一塊。夏日炎炎，餐廳似乎想加旺客人火的感覺。我就唔會有下次，但想挑戰自己個胃既人不仿一試，祝各位好運!

呢度咁旺，但平日宵夜都有做優惠嫁打開餐牌即刻見到蠔仔肉碎泡飯，即點，諗住五十幾蚊，份量應該唔多，點知一黎到係一大湯碗，再加上有好多蠔仔😵，湯底味道剛剛好，加上胡椒粉，真係食清晒(要兩個人)古早味魷魚魚係阿爸點既，佢話食番以前既味道，面豉醬既味道調得適中，配上凍既水魷魚，完全唔會滯沙拉骨同黑椒牛柳都係招牌菜，都做得幾好配料款式又多，試到唔同配搭雖然係坐滿客，但上菜速度都快，又熱，真係難得，呢度應該會變我既飯堂😃

行到好肚餓，忍唔住走左入去網評出名的南山邨品香樓醫肚。這店在娘家附近，以前成日幫襯系好食既😎。這𥚃位於南山邨街市樓上，系附近學生飯堂。這𥚃地方大，卡位多。有格板圍👍🏻。叫左個茶餐‘干燒伊面’加熱奶茶，正常size,正常味道，杯奶茶普通有澀味！要叫先有水供應。總括來講只系一個好普通醫肚地方無乜特別。

唔知大家有冇聽過品香樓呢❓係南山村好出名啊 好早已經排晒隊啦🚶🏻🚶🏻‍♀️🚶‍♂️🚶🏻🚶🏻‍♀️🚶‍♂️裝修有啲似傳統大排檔 但係味道好好‼️有時經過九龍塘諗唔到食咩 都可以試下啊💁🏻‍♂️💁🏻‍♀️🍚🍚🍚🍚一品香辣雞煲(半隻)🌶🥵 ($133)🙋🏻‍♂️🙋🏻‍♀️兩個人叫左半隻雞試吓🙋🏻‍♀️唔太食得辣 所以就叫左小辣辣度適中🌶️ 好好食😋如果食得辣嘅朋友 可以揀中辣🌶️🌶️ 或者大辣🌶️🌶️🌶️雞嘅分量足夠🫃🤰🏻 而且都多肉🍗 唔會淨係得啲骨🦴🙅🏻‍♂️🙅🏻‍♀️但比較偏鹹🧂沙嗲金菇肥牛煲🐮🥘 ($113)除咗有沙嗲 仲有XO醬可以揀🙋🏻‍♂️🙋🏻‍♀️都鐘意沙嗲 所以今次就試吓沙唑先一上碟就見到個煲🍲 出哂煙💨大家記得要撈匀 如果唔係啲粉絲就會痴底㗎啦不如都要小心熱啊🥵⚠️肥牛份量多🐄 而且好大塊 大大塊一啖食好正啊😋😋而且粉絲好入味🍜 索哂啲沙嗲味

相信大家講起石硤尾嘅餐廳，一定不得不提南山邨品香樓。今日就約咗屋企人嚟到南山邨品香樓試試嗰啲鑊氣小炒！ 椒鹽九肚魚 椒鹽九肚魚炸到非常香口，而且份量都好多，就算唔洗點任何醬汁，都夠曬味呀！菠蘿咕嚕肉 菠蘿咕嚕肉酸酸甜甜非常好送飯，而且炸到脆卜卜，入邊亦都保留到肉汁，都係一個推介之選。 風沙雞 風沙雞果日食就不過不失喇。金黃色嘅外表配上粒粒蒜粒，炸到皮薄香脆。啖啖肉，而且味道唔差，唯一一樣要改善就係上菜嘅時候已經凍咗啦。 啫啫通菜煲 啫啫通菜煲食落極有鑊氣！咸香嘅味道相當濃郁，不過淡口味嘅朋友注意啦，呢一個就未必啱你哋啦。 凍朱古力 呢度嘅凍朱古力出曬名呀，一場嚟到冇理由唔試呀。賣相就非常吸引啦，一大堆忌廉喺上邊，飲落亦都非常濃郁，十分推介嘅！

應該十年前來過這𥚃吃飯, 當時的味道已經全忘記了, 剛巧到訪南山邨就再來回味一下。 餐廳實際是高級版大排檔, 有不少小炒餸菜, 由於我跟朋友只有兩個人, 已經正值下午茶時間, 所以都只點了些炒粉麵。魚香茄子炆米 $44即叫即煮, 上碟時熱騰騰的, 魚香茄子一般都很油膩, 這碟炆米完全沒有這個問題。而且米粉有非常濃郁的咸香味, 豬肉粒很多, 吃完米粉還剩一大堆豬肉粒, 非常足料! 唯一缺點是會越吃越咸 😅乾炒牛河 $44同樣是熱騰騰的, 比炆米油膩, 味道不錯, 比一般茶餐廳多了份鑊氣, 只是部份牛肉比較韌。餐廳內好像分開三邊, 所以座位與座位之間都有少許距離, 雖說是高級大排檔, 也不會有什麼豪華裝潢, 但整體可以接受, 尤其食物, 下次可以再回味它的小炒😊

數石硤尾南山邨最為人熟悉的美味，「品香樓」絕對是數一數二的存在。這一天，我就在這南山邨最有名的港式街坊餐廳吃了一頓久違了的美味午餐。除了從星期一到星期日每天都會換款的「午市特價快餐」外，這餐廳固定不變的五款「特色菜飯餐」（$46）是我在這裡吃午餐的心水選擇，喜歡它的菜飯，即使菜飯較油，味道卻好。而這一天，我就在「菠蘿咕嚕肉」、「南乳雞中翼」、「蜜桃沙拉骨」、「京蔥牛仔骨」和「椒鹽豬扒」五款配菜中揀了最後一款，以「椒鹽豬扒菜飯」做我的午餐。這天我來得早，大部分來此吃午餐的客人都還未到，我的菜飯很快便已送上，這菜飯除了五小件十分惹味但稍有點鹹的椒鹽豬扒外，還有數條爽嫩的小棠菜作為陪襯，加上有點油但極多菜的菜飯，已是既飽肚又好味的碟頭飯。在這餐廳吃東西不點它的招牌飲品「凍朱古力」（餐凍飲+$3）喝實在說不過去。沒有下白滑忌廉的「凍朱古力」雖然已是少甜版，味道仍然十分不錯，香濃甜美，解渴好味。這午餐雖然簡單，卻甚是滋味。

永遠都大排長龍嘅食肆，不過似乎唔太適合兩個人去食「雖然同枱都有幾pair 人」兩個人食唔到幾多，叫到嘅餸實在好有限，三個又太多兩個又唔夠。有啲佢想食我又唔想食（炸豬手），有啲我食得佢又唔食得（西蘭花🥦/豆腐⋯⋯）選擇就更加缺乏終於我哋揀咗火焰牛柳粒同埋糖醋桂花魚。其實分量都幾多，不過夾來夾去都係呢兩樣餸囉！如果可以同隔籬枱share一齊食就好啦 （佢哋有叫到豬手，我朋友不知幾羨慕 ）火焰牛柳粒上枱先幫我哋點火，見到人哋叫啫啫通菜都係上枱先將碟菜放落個砂煲度，好有視覺同聽覺嘅享受。牛柳粒煮得好琳，有蜜糖嘅甜，亦都有黑椒既辣，好惹味，淨係食餸就會比較鹹，係食到最尾碟底嗰啲油有啲恐怖😱糖醋桂花魚，因為印象中平時都係一圍枱人一齊食一條魚，仲要係食上海菜嘅時候點嘅一樣餸，有埋松子，而家兩條友食一條魚好似有啲誇張，酸酸甜甜好送飯，不過都係意思意思食少少飯。

石硤尾_品香樓9:30後 宵夜價！係9:30 都勁多人的餐廳，星期五晚圓枱吾洗等位，我地等卡位，第二張就到我地。叫餐後好快就上菜。小食，free，上次係魚皮花生，吾知係咪每日不一樣呢。明太子抄飯，炒到粒粒分明，入面都係d 平價蟹柳條，但有穫氣，宵夜份量都同晚餐份量一樣。勁有穫氣黑椒牛柳抄烏冬，有煙咁出餐，份量不少。蜜椒牛柳粒，望落下細細碟以為好少，但都有15 16粒，好林好好味。係會再encall 的餐廳，抵食平民聚會好去處。

屹立不倒多年，必然有佢過人之處。對上一次食嘅時候，已經係三四年前第一次同一大班朋友來，記憶中都覺得味道唔錯嘅～今次同屋企人突然間想食一啲小炒中菜，有一啲老字號已經慢慢變咗唔好食，甘岩突然腦海中諗返起依一間，所以決定專程揸車過嚟食，喺南山邨有時租停車場$19/小時（不過就冇free parking）椒鹽九肚魚 魚香茄子煲（有驚喜，食得到真正嘅魚香既味道）菠蘿咕嚕肉火焰蜜椒牛柳粒明太子炒飯凍朱古力雖然order嘅都係一啲招牌菜，但係味道真係唔錯，價錢雖然唔算好平，但係對得起呢個價錢～P.S 此店收現金（要知道喺現今淨係收現金嘅舖頭，即係代表唔憂做😂）的確當日平日星期二到7:30時已經係九成滿座了，就知道佢咩料啦😌唯一要彈嘅就係我當日張枱沒有清潔好 枱面有好大疊污跡，叫咗侍應嚟，佢求其抹一抹左一邊就走左😐

今次去品香樓叫左每次都必食嘅蒜蓉開邊蝦蝦蒸糯米飯、南乳雞翼同薑蔥蠔煲😋😋😋，真係好有風味，而且份量都算足夠🙌🏻🙌🏻！蒜蓉開邊蝦蒸糯米飯嘅糯米飯好油潤，亦好有蒜蓉咪，啲蝦嘅份量都好足夠👍🏻👍🏻！兩個人食仲可以打包。另外，南乳雞翼係炸到脆卜卜雞翼都係滑身嘅，唔好炸到乾晒所以都好啱feel 㗎！最後講過薑蔥蠔煲，隻隻蠔都煮到啱啱好，唔會太乾身變咗蠔豉！咬落去仲有啲汁咇出嚟tim,我最怕啲豪煲會落生粉，咁呢間又冇喎食落去都特別Fresh㗎!唯一美中不足，就係啲嘢飲冇以前咁好飲囉，我叫咗杯阿華田紅豆冰，就比較淡同埋多水啦，以前我記得佢沖嘅朱古力係冇得輸㗎，好溶同埋好重朱古力味，希望佢哋會改進下啦，其他嘢都抵推啊

外出石硤尾工作，不知附近有咩好食，同事帶了我去他們常去的茶餐廳，他們說價錢實惠，而且好食😋餐牌上有較少見到的菜式，我叫了個蜜桃沙拉骨菜飯，貌相一流，味道不錯，值得推介👍🏻而且服務員有禮，也很快手，good👍🏻