品香樓中西風味餐廳

營業中

休息中

嚟到南山邨搵食，當然要試下人氣中菜館品香樓啦～叫咗3個小菜同2杯飲品。🥢火焰蜜椒牛柳粒 $118坐低點菜發現隔離枱叫嘅牛柳粒超吸睛，於是我哋都叫埋一份。上枱後職員會用火槍點火燒煲底嘅鹽，火焰🔥令牛柳粒更焦香，仲非常好打卡😂 牛柳粒幾嫩唔韌，仲有彩椒薯仔，全部沾滿蜜糖好好食！呢個小菜真係必叫！好睇又好食😋 不過要注意一下鹽粒有機會周圍彈，要小心啲～～🥢蜜桃沙拉骨 $98味道都唔錯，部分沙拉骨有啲乾，但配埋沙律醬同蜜桃食，令到肉無咁乾，更易入口更滋味。🥢金銀蛋蒜子浸白菜仔 $92味道正常啦，主要想營養均衡啲，叫個菜食下😂🍫凍朱古力呢度嘅凍朱超出名，因為有好大堆忌廉喺面，打卡必叫！當然味道都好ok的，怕肥就打完卡唔食忌廉🤣屋邨餐廳嚟講，呢度嘢食唔算話好平，但食物質素幾好，有啲菜式又有特色，幾啱朋友聚餐傾偈，一家大細嚟食都會好啱食！

雖然耐冇去，但環境依舊，入到去有好熱鬧既聲音，感覺好親切，睇完餐牌，就叫左以下既餸：- 火焰密椒牛柳粒- 螞蟻上樹- 清炒西蘭花- 粟米火腿羹火焰密椒牛柳粒係品香樓既招牌菜，姐姐1擺抵菜，就會表演點火，即刻成個餸高級左🥰食落去好甜，牛柳粒好嫩😋👍其實我1路都唔知螞蟻上樹係咩餸黎🤣今日終於見識到，粉絲加上肉碎，粉絲夠晒林，呢個用黎送飯1流🤤清炒西蘭花🥦之前講過因為冇乜點食菜，所以要食返啲菜，西蘭花係屋企好少會整🤣但呢到既樹樹有啲硬，但不過不失啦😎最後既粟米火腿羹，因為想飲下湯，所以叫左黎飲，非常大兜，4個人飲到翻曬肚都未飲完，味道唔錯，唔係金寶湯既味道👍不得不提既係呢度既另1個招牌 - 忌廉朱古力，細細個黎就知要飲佢，濃濃既朱古力加上大量既忌廉，真係肥死都值得🤤總結：呢到唔止食出好味，更係食出兒時回憶，雖然我唔係City U出身，但亦有讀書回憶，熱鬧既場面，大排檔既鑊氣，已經唔係度度有🥲朋友仔有時間可以去感受下🥰

之前讀書嘅時候有時都會過嚟呢邊lunch又平又好味😆今日就去回味下啲味道睇下係唔係都係一樣先🥰- 菠蘿咕嚕肉菜飯咕嚕肉個汁酸酸甜甜撈埋個飯食好開胃🥰- 薑茸豬扒撈公仔麵公仔麵硬度適中豬扒就不過不失😆仲有兩條菜🤣不過吸左薑蓉啲油 所以有少少油另外 叫咗一杯凍朱古力加cream嘩 好邪惡呀！唔鍾意cream嘅話 可以選擇唔加都得嘅😆耐唔耐邪惡下 就唔緊要啦😝一邊飲 一邊覺得好正呀😂😂超級多cream😍😍

同朋友專登揸車來開餐，記得好多年前經常一家人周末都係食呢間，而家大個咗就帶人嚟好多餸菜都有著回憶；最緊要手撕雞要預早同店訂，否則試過嚟到話沽清，無咗手撕雞就好似失去主菜一樣，其次必食有南乳豬手，唔知點解出面食唔翻呢個味道，太香口，朋友舉曬手指公大讚，仲有一定要飲凍朱古力，呢杯真係好邪惡好致肥但又必須要飲；好耐無嚟仍然坐滿人，周末一定要打嚟訂位，呢間店位置有啲迫，服務係無嘅，但價錢平喎，食物保持水準，不得不來

💭品香樓，唔知你讀U 個陣有無黎食過飯reu 呢😎食既唔係話有幾好味，而係同朋友相聚既回憶！依家慢慢大左，由以前十幾人既reu 到依家可能小貓三四隻既reu☺️黎品香樓食飯既味道都係一樣架😝🌸啫啫通菜煲🌟🌟🌟🌟jarrrrr jarrrrr 聲既通菜煲，好油，但好食！好有鍋氣的感覺！熱辣辣既通菜煲真係好正！🌸沙拉骨🌟🌟🌟沙拉骨就係要有好多沙律醬+ 罐頭蜜桃先好食！ 味道絕對係記憶中的沙拉骨的味道🤗但唔知點解上菜既時候碟沙拉骨已經凍凍地😰所以無熱辣辣入口時個種滿足🌸生炒糯米飯🌟🌟🌟生炒糯米飯雖然好un 胃，但每次有得叫我都會叫黎食😎涼涼地食糯米飯真係會特別暖😎🌸凍朱🌟🌟🌟🌟🌟黎得品香樓，相信每檯客都會有人點凍朱😎邪惡既cream 加上甜甜既朱古力，好肥！ 不過呢杯野絕對係讀大學時既回憶！

聽聞品香樓之名很久, 終於的起心肝去......去排隊試試佢叫左好多大排檔式小菜, 全部都不錯,有水準,唯獨一味 - 火焰蜜椒牛柳粒, 令我喜出望外呀~有外表 (熊熊烈火上菜), 有內涵 (肉質鮮, 牛味濃, 伴汁惹味)飯桶如我, 送飯一流.推介!!**又唔係佺缺點的, 就係份量太少, 我地一行6人又唔夠食,但叫多碟又吃不下, 其實其他小菜份量正常,唯獨火焰蜜椒牛柳粒真係一人一粒就無了, 唔夠喉

i hv to repeat this 100 times. must try salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice.ok enuf. must try. i wont give you reason. u tell me.#food #hkfood #hongkongfood #hongkong #hongkongdessert #hongkongcrusine #omicron #foodig #hkfoodpoet #閃電五連鞭

偶爾想放縱一下自己，就會想拉隊去品香樓食下啲煎炸甜嘢。今次我哋叫咗七味椒鹽豆腐（ $78 ）、蜜桃沙拉骨（ $92 ）、避風塘生蠔（ $108 ）。每碟餸都係熱辣辣上枱，色香味全。椒鹽豆腐外面炸得香脆，豆腐好軟熟而且有豆香。沙拉骨就非常惹味，食到舔舔脷。避風塘生蠔其實即係椒鹽炸蠔，口感同椒鹽豆腐有啲似，但肥美嘅蠔味道濃郁，令佢有自己特別嘅味道，即使一餐有兩道椒鹽菜式，都唔覺得悶。當然唔可以忘記凍朱加忌廉，朱古力又濃又滑，加上邪惡嘅忌廉，完美演繹這放肆又滿足的一餐。

最近成日係FB見到啲朋友去食呢間中菜，又話當飯堂咁食，又話好正！食個飯又玩鹽又玩火，好似好過癮咁🤣，所以山長水遠都要去試吓😝。去到門口，果然好多人等緊，全場爆滿，檯與檯之間非常接近，太多人關係，都幾嘈吵。檯附近有個鐘仔，撳佢鐘仔就有侍應嚟，叫咗個玩火系列😂火焰蜜椒牛柳粒、菠蘿咕嚕肉、粟米魚塊、泰式肥牛脆豆腐、黃金花枝。火焰蜜椒牛柳粒，最特別嘅係錫紙下面啲鹽會着火，係打咭之選，冇期望就冇失望😂，牛柳粒有好多黑椒，所以都有啲辣。菠蘿咕嚕肉嚟到唔係好脆，有啲硬，涼瓜肉片就正常，粟米魚塊又幾好食，仲脆添，送飯之選，啱晒大人同細路。要講吓泰式肥牛脆豆腐，就係好想食脆豆腐先叫，以為佢係炸豆腐，你真係估佢唔到，佢其實係一粒不折不扣嘅玉子豆腐🫥，個汁唔識形容，基本上我哋冇乜人幫襯，佢被打入冷宮🤫。而黃金花枝就唔係我想食嘅嘢，本來我想食嘅係椒鹽鮮魷，但係朋友話想食黃金花枝，所以叫咗，但原來黃金花枝係淋架。🫢火焰蜜椒牛柳粒價錢:$118CP值：⭐️⭐️菠蘿咕嚕肉價錢:$98CP值：⭐️粟米魚塊價錢:$98CP值：⭐️⭐️⭐️⭐️泰式肥牛脆豆腐價錢:$100CP值：⭐️黃金花枝價錢:$108CP值：⭐️涼瓜炒肉片價錢:$85

買外賣下午茶餐，足足等了25分鐘，追問收銀情況，她態度極差，只答下午茶係要等半個鐘啦～眼見在堂食其他食客落單10分內都已經到餐，但為何外賣要等半個鐘，而回答態度簡直不可一世，可能她認為是名店不在乎呀～外賣蠔仔粥回到家變蠔仔飯，一點粥水亦沒有，味道十分咸，極差，食物不掂，服務沒有，名過於實的食店。

Intro: 有一日工作黎到石硤尾附近，就決定要試南山邨出哂名嘅平民茶記，深受大中學生成日去幫襯架，而餐牌嘅餐單都好多，加埋都有10個快餐揀，仲包熱飲，今次就想試吓炒飯，都係40幾蚊～___________________🍽 XO醬豬頸肉炒飯💰 44（免費配熱飲）⭐️ 7.5/10✍🏻 炒飯真係好大碟，顏色都好靚✍🏻 豬頸肉嘅份量都算多，唔會太硬，有XO醬嘅味道✍🏻 炒飯炒得粒粒分明，偏硬身✍🏻 但茶記嘅炒飯都會油膩少少___________________🏠 品香樓📍 石硤尾南山村南山商場平台204-205及210-213號舖⭐️ 7.5/10___________________

品香樓絕對係大學既回憶，今日專登喺石硤尾行咗去南山邨，已經好多年冇去過了。以前大學生最鍾意一班人嚟食晚餐，仲要每人一杯凍朱古力加忌廉。今日我一個人嚟到，依然覺得呢度有好熟悉嘅感覺，我叫咗一個蜜桃沙拉骨配菜飯 $44然後加咗一杯凍朱古力$3，雖然嗌咗少甜但都係好甜，但真心幾好飲！沙拉骨炸得好香口，份量唔算超多，但係食食吓都幾飽，好滿足。骨嘅肥瘦適中，真心幾好味。呢度嘅午餐仲有唔同嘅菜飯，例如咕嚕肉南乳雞翼牛仔骨，仲有其他每日精選午餐

今晚放工同屋企人食飯，揀黎揀去唔知食咩好，就近近地去左附近食品香樓，好耐無食了，裡面裝修好似大排檔環境都幾舒服。一黎就叫左杯必點凍朱古力先,唔太甜加埋cream 入口香滑好飲，小菜叫左半隻風沙雞，啖啖肉同埋個皮炸到好脆，不過有小小咸，如果送飯係ok 嘅，之後叫左個啫啫通菜煲又係必叫的，個醬咸香好味，仲叫左薑蔥生豪煲，第一粒食覺得好味，之後愈食愈覺得咸，主食叫左個豪仔肉碎粥，勁大碗好多豪仔味道不錯，加埋胡椒粉更好味，最後仲叫左一個魚香茄子桂花魚，一次過滿足2個願望，有魚香茄子又有桂花魚食，正啊！掛住食唔記得影相！總括黎講味道係幾好的，每樣野份量都唔少，不過都係比較濃味啲。

平日同老公夜晚去完又一城行街，晚餐想食中菜，即刻諗起附近嘅品香樓。我地晚上8點幾到，等咗5分鐘就有位。餐廳位於石硤尾南山邨的大排檔，裝修懷舊。餐牌上很多選擇，好彩餐牌上有品香樓熱門排行榜，啱晒選擇困難症嘅我諗食咩好～👍🏻風沙雞（半隻）風沙雞比普通炸子雞更香口🤤～金黃色酥炸外皮鋪滿蒜粒，炸到皮薄香脆，唔覺油膩！雞肉軟嫩多汁，非常好食，兩個人輕鬆ko半隻風沙雞！🐔糖醋桂花魚桂花魚炸得非常鬆脆，先剔花後炸，再淋上酸酸甜甜糖醋汁，酸甜度岩岩好，非常開胃！😍 食嗰時小心魚骨，魚骨比較多。🐟

呢間餐廳係一個平民屋邨 日頭茶記 夜晚化身小茶館🤭 每晚6、7點時間 門口就堆滿人 晏小小去都要排下隊🫣 小菜選擇都唔算少，而且份量唔少，我哋4個人點左：🕊️脆皮乳鴿 $55 👉🏻唔算細隻 真係脆皮架👍🏻🧆七味椒鹽豆腐 $78 👉🏻豆腐滑 外皮香脆，係嫌大粒左啲🤭🦑椒鹽鮮魷$118 👉🏻香口 份量多🥫🐷🍍咕嚕肉$92 👉🏻最唔好食既一碟菜，上台時已經唔熱☹️肉表面已經lam左☹️☹️🍚🦐籠仔蒜蓉蝦蒸糯米飯 $108 👉🏻配埋蒜蓉豉油，🦐份量都唔算小 用上糯米飯幾特別 味道幾好 但略油🫣呢間餐廳間唔中都有食，但今次食感覺上水準差左☹️ 但4個人埋單都係$500有找🤣 而且好飽，係幾抵食既🤰🏻🤰🏻🤰🏻