品香樓中西風味餐廳

營業中

休息中

品香樓一直都係city朋友嘅re u勝地 貪佢夠近又夠抵食 所以與朋友相約九龍塘也很自然的去了品香食諗唔倒食咩所以就照著人氣item來叫🔹南乳炸豬手豬手炸得外脆內軟 而且好易離骨 所以唔會食得好狼狽南乳醬分開上的 點少少又係另一種味道🔹蝦多士（好似唔係咁叫）蝦多士上面加左啲肉鬆 同平時嘅蝦多有少少唔同蝦肉可以多少少就更好🔹漁香茄子煲好大煲好抵食 就算啲叫飯可食得落 當然送飯就更好味啦🔹凍朱古力呢個真係次次都叫 其實味道同普通凍朱無乜分別 但係加左啲cream又真係幾霸氣嘅食左咁多野每人都唔駛100蚊 都抵嘅💁🏻

讀city 既人一定識得黎食野食有鑊氣又有風味又有水準今次係下午茶時間黎食左下面既野肉絲炒麵 好正要即食 麵脆又多肉絲最鍾意脆pop pop 既麵好香同有口感炸雞翼 薯條一食就知係即炸 雞翼無雪藏味 薯條 好食過麥記 香脆又唔會太燶豬扒炒公仔麵真係好有鑊氣 豬扒夠「林」唔會太鹹 又唔會炒得太濕/乾總結係 好好食佢地有大圓台 岩曬一大班friend (第一次食係度re-u , 之後成日食） 有外國朋友黎都帶佢地去試畢左業都成日番去再食正Ps. 食過夜晚 小菜都好正手撕雞更要預早訂定先有

之前食過一次，今日再帶個朋友去試下。上次等左半個鐘，今次好好彩唔洗排就有位。可能近大學，好多人黎食～上次食過砂礓豬手，好好正。不過今次打算試下其他野。回鍋豬頸肉，一流。睇相都好吸引啦～紅燒豆腐。我以為會係煲上，點知…瑤柱扒豆苗。正常～～～不過好多瑤柱

椒鹽豬扒菜飯 ($38)女人的浪漫，椒鹽豬扒飯💁🏻同朋友仔去品香樓食個lunch🍴之前都曾經係品香樓食過晚飯，覺得唔差😎想再食下，個豬扒🐷肉質好腍👄配埋炒香左既蒜粒、葱同辣椒幾惹味👅菜飯都ok，有少許油香，唔錯👍🏻 反而朋友仔叫左個南乳雞中翼就麻麻啦👎🏻冇乜南乳味，只係普通炸雞翼😪唔建議叫呢個~但係服務態度認真差，上菜時，兩個朋友個飯擺錯位，諗住掉轉返個飯，點知隻碟好油，朋友不小心滑手，個飯跌左係地下。已經同侍應講咗唔好意思好多次，侍應都仲係好黑面🌚仲講粗口，使唔使咁呀🙄

鹽焗手撕雞賣點是新鮮雞, 皮薄脆口,肉嫩, 五香粉味道不會搶喉, 咸味足夠,蝦多士蝦味豐富,麵包夠脆, 不會一口油炒白鱔球鱔球上左粉炸左先炒,攪到鱔球不夠彈形, 調味失敗, 浪費左D鱔, 一PAD杰醬, 味道豆豉五似豆豉蒜茸炒介蘭夠鑊氣, 但油略多, 份量略少涷朱古力朱古力味道夠濃, 面上一層厚cream, 睇落好吸睛

今日同朋友去完太子買衫, 因為諗唔到有咩下場, 所以就係太子同佢一齊行番去石硤尾啦~ 行左差唔多半個鍾, 都已經4點幾, 大家都有D肚餓,就直接去埋佢介紹既品香樓度去食下午茶了。 朋友叫左個咖哩牛腩飯,而我就叫左衣個芝士海鮮龍脷柳飯! 衣個芝士海鮮龍脷柳飯個賣相係幾好既~ 但係可能因為自己真係食慣比較濃味D既野, 所以我就覺得衣個芝士汁味道真係唔係幾夠, 特別係2條蟹柳, 就算加左D白汁都好淡味~不過40蚊黎講都算收貨既~大家如果去開石硤尾,想搵番D野食就可以黎試,下啦!

南乳炸豬手 $78推薦豬手炸到外層香脆，咬落啖啖都係彈牙既骨膠原，切開細細舊好容易食。我連影相既機會都沒有，圖中上方果碟就係豬手，一上枱就俾人夾緊啦～泰式肥牛脆豆腐 $80同我想像中既「泰式」有啲出入，佢係咕嚕肉既酸甜汁炒肥牛，再淋上炸好左既玉子豆腐度，味道一般般啦涼瓜炒肉片 $78家常小菜，賣相唔多吸引，味道都合格既蜜椒牛柳粒 $98一黎就點火先聲奪人～味道都唔錯，炒得有穫氣，牛肉軟腍南乳雞中翼 $78炸得好香口，雞肉夠juicy，南乳味都好香，好食！

一行四人平安夜去完迪迪尼就山長水遠入南山村食依間餐廳。玩咗成日又平安夜又慶祝又盛當然要食好啲。叫咗個黃金蝦。又有鹹蛋黃香又炸又脆卜卜嘅蝦勁惹味囉。無得輸。略嫌唔夠多隻。之後嚟嘅咕嚕肉都唔會食到成口粉。佢真係肉嚟㗎。啲汁個味啱啱好唔會酸到爆炸。不錯。跟住依個蜜汁火燒牛柳粒係賣飛佛。個汁甜甜哋又係好惹味。餸飯一流。牛柳粒完全唔韌。又夠多粒。正。到個風沙雞。以為會乾憎憎。點知皮脆啲肉仍然juicy。完全無點過嗰啲鹽同醬就啪晒成碟雞。香口嘢真係好難抗拒。不過為健康著想都叫個菜啦。什菜煲。正常什菜同菇同粉絲。refresh吓都不錯。最後緊係飲返個出名嘅朱古力啦。食完嗰啲煎炸香脆嘢飲啖凍冰冰朱古力簡直無得彈。總結樣樣都好味。所以咁鬼遠走入去食都抵。

上星期第一次食品香樓, 其實都係因為杯朱古力, 下定決心要試一次。不過食完一次之後, 反而係俾佢既小菜深深吸引住。叫左一個啫啫大腸煲同埋椒鹽九肚魚, 椒鹽九肚魚都炸得幾好食, 不過始終最深刻既都係個煲, 大腸份量又多, D料又多, 真係非常好味, 當然加埋杯朱古力, 一餐完美既晚餐!

一間成日都聽到餐廳名既餐廳。。一個成日都聽人講但從來無去過既村。。因為友人生日，小女子終於有機會黎到南山村既品香樓了！（某人成日講一品香）黎到（Sori.. I know I'm OT I'm late >_<），果然係人山人海，我地五個人食左好多野！有好脆既南乳炸雞翼，好耐無食過好味咕嚕肉，最後一隻好麻油既手撕雞，仲有由手撕雞變左識噴火既豆豉雞（有d咸），蝦lok，精髓在煉奶既炸饅頭，同埋話一定要似既朱古力（本人覺得淡左d..唔太重古古力味）。。總括而然，以呢個價錢去食呢個質素既餸係ok既，不過又未至於去到要 Wow.. 甘囉 ~_~食完我地去個陣，仲見到有$8格仔餅！綠色大排檔！仲有串燒，自制甜品，同埋好多人食既*傻*。。我好有興趣試wo ~ 下次再黎過 🤗

印象中既石硤尾無咩商場好行所以平日都唔會黎，亦唔知有咩好食，但自從幾年前同朋友試完呢間隱世餐廳後就對石硤尾改觀有一日同朋友去山頂行完山之後諗食咩，朋友話無食過就同佢黎重溫美食啦！好多人好推薦佢既凍忌廉朱古力，但個人就覺得雖然好飲但不見特色但小菜就真係全部都好好食！第一樣係南乳豬手，豬手肥瘦適中，南乳醬香味濃郁，豬皮少脆彈牙，咬落口感一流！第二樣係風沙雞，幾好味不過不失第三樣係黃金蝦，隻隻蝦都好大隻，聽朋友講好似有咸蛋黃炒過先咁香，唔知係咪真第四樣大力推薦既係炸大腸！雖然平日我聲稱唔食內臟，但呢間既炸大腸真係值得為佢破例，因為真係唔會有平日炸大腸既臭味，而且外脆內軟好易令人一落食停唔到口！建議大家下次去可一試！

呢間屋邨中菜廳唔知點解咁受歡迎，好多人慕名而來，就算book咗位都要等，而且有限時。不過好彩我哋呢一日嚟到唔洗點等，又冇催還枱［凍朱古力，$20］中式餐廳有得飲面頭有cream嘅凍朱古力好得意不過說穿了其實就係普通一杯朱古力［風沙雞（半隻），$115］本身想叫鹽焗手撕雞，原來要訂先有。咁就試吓呢個風沙雞啦，都係招牌菜皮脆肉嫩嘅燒雞，上面再撒滿炸蒜，十分香口［粉絲雜菜煲，$75］點個齋嘅煲，驚喜地有海鮮喺入面！（定係其實嚟錯咗？）湯頭清澈鮮味，所有餸都冇over cooked，不錯［火焰蜜味牛仔骨，$98］幾乎每枱都有叫呢個餸，牛仔骨腍身冇渣，又少少甜甜哋，洋蔥都好好味，餸飯一流

以前讀大學，辛苦完一輪都必定要食好西品香樓真係不二既選擇佢個餐牌上既食物都幾乎食過晒我自己就最鍾意黃金乜乜物物黃金蝦黃金豆腐黃金魷魚朋友就喜歡手撕雞風沙雞有次朋友介紹南乳豬手OMG超正！！！今次帶男朋友黎因為得兩個人所以就冇得好似以前咁嗌咁多野食佢點左呢個：火焰蜜椒牛柳哈哈侍應一搬上枱點火佢見到就好興奮要影低佢因為我見過好多次所以睇住佢影相都幾好笑呢杯真心推介谷咕記得成班人第一次黎食野佢地個個嗌谷咕我問係咩黎佢地話：唔好理啦！舉手落order啦！黎到先知你朱古力加cream係好濃郁添！當時有個侍應哥哥落親谷咕order都要講個有味笑話話時話，唔知個哥哥仲有冇做呢！？

我諗品香樓 係南山村 相當出名了吧 去個好多次 南山邨有很多隱世食店，不是當區住客，很少人會發現得到。其中一間叫「品香樓」的新派廣東菜，食店門外每日總有不少食客在排隊，這間屋邨中不起眼的茶餐廳便會擠滿了人客。南乳炸豬手是客人必點的菜式，外脆內軟的炸豬手，再配上惹味的南乳醬另外，招牌菜鹽焗手撕雞更要提早預訂。在宵夜時段的話，來一客乳鴿和炸豆腐，再配上一支啤酒，更是人生一大樂事。豉油雞 一般 可以入味d籠仔飯 粒粒分明 香口 加上蒜蓉蝦 一食再食超級平平無奇的一杯，喝下去竟然相當驚喜。除了朱古力味道香濃之外，最喜歡的是喝的時候竟然伴著些朱古力粉脆脆，又脆又濃很好喝。一定會再來的 人氣食店

見到好多好評。幾個朋友一起去帶子花枝西蘭花。。。無特別。所以只係入一間任意都食到茶餐廳的感覺。。。招牌豬手。。皮真係好香口好脆。肉好林。。仲有汁。不過有幾啖。d南乳都未溶哂。。勁咸。。。。失敗。。。ok la。。。但唔會話好食到會好想再食。。。。。不過呢個送已最好。。。椒鹽九肚魚。。唔好食。。好林。。唔脆又唔香口。。。唔好食明太子炒飯。。。。呢個最正。。估唔到。。。飯炒得好香。。加上蟹子。。蟹柳。。好味道。。。。正。。凍朱古力。。朋友話出名。。還好啦。。無乜特別。。就一杯朱古力加cream 係面。。。好多凍。。朱古力味一般星期五晚。。bk左台。。。但唔多人。。。食緊都仲有位。。。一般而已。。唔會特別再黎