品潮軒菜館 (已搬遷) 新店位置

經友人介紹九龍城有家潮州菜不錯，一於去試下！一入到餐館環境不錯，服務不錯，最特別是全部職員是以潮語溝通，好似去左潮州咁好好😄！鹵水鵝片及鵝腸肥瘦適中，可惜鹵水汁吾夠入味😓，梅羔醬燒鱔球十分出色，肉質彈牙爽口，梅醬味十分入味，金栗煮大芥菜還可以金栗凊甜但芥菜有D苦，個人吾太喜歡

訂了晚上6點45分的台，跟友人來試試九龍城這間潮洲食館。一向幫襯環境較差的潮洲食館，跟這品潮軒相比，這裡簡直像皇宮。潮洲食物給我感覺是較直率，不收篇幅，比較適合到大排檔或街邊後巷品嚐，故此一進門我便感到一陣不自然。一坐下待應便端上功夫茶，清清喉嚨解暑也不錯。餐牌上選擇挺多，也有不少是傳統菜色，我們一行6人最後共點了8個菜。鹵水鵝片個人認為完美的鵝片脂肪對肉的比例是3比7。此店鹵水鵝片脂肪比例較少只有1比9，脂肪亦不夠油香。鵝肉肉質較乾，入口即覺鞋口。對比太子”陵發” 的鵝片，我認為此處略欠一班。鹵水掌翼掌翼不太入味，鵝肉太乾身，沒有油香。反而顫底的鹵水豆腐質感稔滑，鹵水香味四溢，沾上潮式辣椒油後味道不錯。梅羔醬燒鱔球新鮮鱔球沾粉漿炸起混合梅羔醬炒香，肉質爽口彈牙，肥美油香。外層脆口，梅羔醬酸甜配合得宜，聞起更有陣陣梅香，不喜歡吃酸的我也食不停口，可試。菊花石榴雞潮式傳統手功菜，雞肉及配菜炒丁入饌，釀入蛋白皮蒸上。欣賞師傅巧手，但味道較清淡，重口味的我不太喜愛。金不換炒簿殼潮洲人稱簿殼，寧波人稱海瓜子。體型小，簿殼，卻有鮮味。簿殼產於鹹淡水交界的水邊，每年夏天オ收成。不時不吃，當然要試試

睇見好多人話品潮軒唔掂，的確係好事！因為唔使無位食飯！團年飯前一日，我叫朋友幫我訂了一隻豆醬雞，據講要用四小時慢火煮，令到啲豆醬入味，雞肉嫩滑。當晚我好多朋友都係第一次去，佢哋全部人都話隻雞好食，而排骨配料亦好入味。其實當晚係食蠔仔卷前菜，外面皮脆，裏面充滿肉汁，味道絕對不咸，有蠔肉既腥鮮味，正！鹵水鵝腸，掌翼同鵝肝，鵝腸肥美，掌翼好入味同淋，鵝肝非常嫩滑，老實講鵝肝好唔好，真係要同老闆溝通，佢話好唔通俾啲垃圾你食咩？！我哋之後再番飛「鹵水鵝肝，一樣咁掂！灌槳，我哋叫咗蘿蔔同芋頭，好清楚食到蘿蔔絲同肉，芋頭夠粉同香。蠔仔烙用汕頭既蠔。整體果晚大家都食得好開心，八個人都係每人二百幾。其實間鋪真係一啲都唔好食，大家千祈唔好幫襯！

The English name for this is actually BAN CHU HIN RESTAURANT as printed in the visa chit I signed. We just shifted into the Prince Ritz along the Lung Kong Road and after the shifting, my wife and I decided to try this restaurant for lunch. Being from Bangkok and Singapore with lots of Chiu Chow or rather Teochew food, we really craved for the same food here in Hong Kong. We ordered the following ig stomach soup - HKD$88We had been craving for this authentic Teochew/Fukien dish for a long time.

我們是此店舊常客，但最近兩三年，店舖的生意好咗，品質保持尚好，價錢頗合理。:三人叫了碟鹵水掌翼，好味道，尤其是豆腐，好滑 豉油皇煎䱽魚片~正雙面黃~有水 明爐烏頭~ok黑椒咸菜豬肚湯~直得推薦反沙糊~直得一試潮州炒河~可口

平日少去kln city, 又話好多好野食, 真係買六合彩都猜咁中... 啲野好咸都算 菜又出得慢 除左個白飯即刻黎之外 連潮州(老)水都耐過人 叫左一個方魚芥蘭<--中間有一隻冬菇, 唔知點解其他野熱, 佢係凍既, 都唔知係咪唔小心跌左落去炒麵線, 有d麵仲係硬既>.<蠔仔粥d蠔都幾肥美不過就咸左d...可能係咁啦,有冬菜蛋白炒飯就好d, 有蛋白同埋貝柱絲最後有2碟餸冇出現過, 我已經嘈埋單唔要,真係等到瞌眼瞓另外仲要2個女人係到唔知做咩既, 好似係同果到個女部長識既, 因我吹左好幾次都冇黎d餸,都見個女部長係到同佢地吹水, 咁我唔要埋單就係到ee鵝鵝, 個電腦出唔到單呀, 都唔係好耐.....xxxxx, 由於太長, 唔知佢地講了咩... 食左幾百蚊,真係好唔抵, 仲要比茶芥架嘛....

同男友黎九龍城食個quick lunch, 揀左呢間品潮軒, 因為突然好想食滷水鵝 因為兩個人叫唔到太多野食, 所以只叫左滷水鵝片同魚香茄子.坐低後伙計放低幾杯功夫茶。好香，唔錯既茶！！過左陣，野食都到lu....滷水鵝片, 可以再夠味少少, 但其實都好好味, 可惜既係唔夠鵝片, 因為豆腐放低都阻左好多位, 所以我同男友仔都只係每人幾塊...唔夠喉... 魚香茄子, 少少辣, 好惹味! 足以令我地食兩碗飯呢!!食到好飽, 伙計好識做地攞糖水俾我地, 估唔到午餐都有糖水送, 仲要係腐竹薏米糖水, 唔太甜, 味道岩岩好!! 食到好飽, 伙計好細心咁拎左幾杯功夫茶俾我地消下滯...好滿足既一個午餐!!!

So tired after getting off the plane...Dad really want Chiu chow, so here we are trying this place out we ordered: Lo Shu tofu + goose wings/feet* the lo shu tofu is ok* the goose wing is tender and juicy, very good* the goose feet is a bit harder than other restaurantAssorted Platter* deep fried prawn - its' good taste* deep fried crab - this is a bit rough, but crunchy* jellyfish - normal, it taste*Scallop + celery - salty and very greasyCold fish* this dish is the most ridiculous one!!!* it

昨日是星期天(20 July 2008)。一家人如常外享受每星期一次的聚餐活動。我們因為是潮州人，所以很多時候都喜歡吃潮州菜。今次是第一次到品潮軒。我們吃了鵝片, 鵝腸, 水瓜酪, 狗棍魚酪, 大地魚炒芥蘭, 炒麵, 炸蝦棗, 炒三絲, 豬肚煲。埋單連Tips差不多九百元。潮州菜來講不貴也不平。問題是食物品質真是不如理想：評價：鵝片和鵝腸: OK水瓜酪:真系冇味道！狗棍魚酪K 大地魚炒芥蘭: 太多油和太鹹太鹹，大地魚全無香味又被過度多的油浸軟了！炒麵:不夠熱。軟到冇口感！炸蝦棗：最差，不新鮮，有壞味！炒三絲: 真系冇味道，一味多水！豬肚煲: 雖然很有口感但真系冇味架！當向經理反映蝦棗不新鮮和有壞味的時候，經理黑口黑面又二話不說把乘餘的蝦棗拿走。嘩，我們認為不需要這種態度因為我們只是反映事實，我們又沒有大吵大鬧洗吾洗咁面黑呀！經理一分鐘後拿回原來的炸蝦棗放回我們的餐桌上。他的面比之前更難看。他說，我們的廚師說冇問題。我對經理說蝦棗真的壞味呀！他竟然很大聲回應說，我地話d蝦棗冇事恤冇事。d蝦棗系雪蝦做，一定系咁味架啦。說完之後便一面怒汽地走過別的桌子。我們一家人靜了五秒，因為真的不可相信

是日為大衛慶祝，大家在大雨下紛紛趕到。鹵水鵝肉併蛋-鹵水濃度剛好，鵝肉好腍好入味，份量不太多，因為好多豆腐墊底，而豆腐又夠嫩滑；雖然是併鹵水蛋，加埋唔到一隻，好淡又實。椒鹽白飯魚、九肚魚-兩款十分好食，又熱又脆。娜姐話白飯魚好有魚味；九肚魚好實淨，入口唔會一pat pat，大家都讚呢碟最好食。生炒骨-上枱時已陣陣甜酸味，算是脆口。梅羔骨-先炸後再做梅子等醬兜勻，每件排骨脆口，亦有沾了酸酸甜甜的醒胃。韮菜芯炒肉片-其實忘記了是否是韮菜芯，很爽嫩夠味。川椒雞-最差是呢碟，食唔出川椒雞應有的味道，雞肉勁鞋，又有雪味。炒麵線-炒得唔油膩，幾爽口，不過是潮州人的娜姐認為麵線不太正宗。沙爹牛肉菜芯炒河-沙爹夠香、牛肉的梳打粉味不算重。蠔仔粥-10人分一小窩，可能分得不夠平均，飯就很多，方魚肉碎及蠔仔不夠多料。甜品是水晶飽、反芋泥及芋泥。水晶飽不是蒸籠上，我食的豆沙甜度適中但外皮勁韌；反芋泥及芋泥兩款好溜的甜品，我無食，而各人對充滿椰香的反芋泥，讚不絕口呢。

一年一度嘅師生球賽，除咗可以俾個機會我扮吓傑斯仔之外，亦係跟一眾舊友食飯聚頭嘅好日子。今年重奪冠軍，自然要食餐飯賀賀佢...選擇嚟呢度，主要係於龍城云云潮菜館之中，就偏偏未試過呢度。記憶所及，呢間係唯一响龍城嘅潮菜店係有分店嘅(好似老四都有)，似乎有一定實力wor...例牌動作又係蠔烙及沙茶牛肉炒河。蠔烙係慢火煎成嘅，對辦，蠔仔size一般，尚算肥美(當然唔及順記及陵發嘅好)；沙茶醬不太夠香，亦係疏打牛，但勝在醬跟河粉係兜勻，粉條條上晒色，絕唔係嗰D求其打個沙茶獻放响河粉上貨色，呢點值得一讚...方魚炒芥蘭用嘅係芥蘭苗，夠嫩，不過如果方魚碎多D就更惹味...來個潮式梅羔骨。剛炸起嘅排骨表皮仍微脆；醬因有梅子所以有少少苦味，甜甜苦苦嘅味道確係幾特別...好可惜，作為一間好嘅潮菜舖，鹵水必然係靈魂所在。呢度嘅就完全不合格，全冇鹵水香，似豉油多過鹵水。就算料靚都冇用(何況D料都唔係特別好)...講水準，當然不及老大哥創發。只可算普普通通...

聖誕節當晚同男友渣車入咗九龍城食飯。左揀右揀，終於入咗品潮軒試一試。點咗兩個餸一個蠔仔粥，味道都唔錯，滷水拼盆有鵝肉、豆腐、墨魚、紅腸等，粉絲雜菜煲清清哋，少味精，夠健康。蠔仔粥有好多蠔仔，正合我心意。環境乾淨企理，有電視睇，侍應service都唔錯，係九龍城區食潮菜既好選擇。

又0黎dinner =P 一行6 人, 叫了同上次差不多0既0野, 亦有新0野. 重複0左0既唔講, 講0下新試0既0野啦:- 潮州凍蟹(圖左上): 好好彩, 我0地無預訂都食到! 好大隻(阿爸直程話個蟹箝應該叫"蟹脾", 哈哈!), 肉質實淨, 鮮味. 好好食!- 魚湯浸蕃薯苗(圖左下): 第一次食蕃薯苗... 賣相好似莧菜, 味道就green d, 口感亦0鞋口d, 都幾得意. 魚湯落了蒜子同瑤柱, 好香甜, 不過飲落唔似魚湯, 似普通上湯多d.- 鵝片併盤的腩肉: 第一次食... 腩肉算係薄切的, 食落唔漏, 感覺亦無咁肥, 兩位老人家都忍唔住食多兩件XD 不過今日d 鹵水汁比上兩次差, 唔係好夠味.右邊0個兩張相就係糖醋麵(下) 同蠔仔烙(上), 不過上兩個comment 講過, 唔再重複喇. 唯一唔好係個糖醋麵今日等0左好耐好耐!今日又有糖水送, 係花生麥米粥... 麥米好有咬口, 整體味道唔會好甜, 不過唔係好夠熱.呢間0野已經成為我屋企0既"潮州飯堂"!

有親戚由美國返香港, 睇完openrice食評後, 昨晚決定一行14人去品潮軒食飯. 各食評家果然無介紹錯, 整體食物同服務都好好, 絕對可以再次幫襯!推介食物:-脆鱔球–新鮮, 外脆內嫩, 一致讚好-鹵水掌翼–需預訂, 訂左3對, 入味, 送酒一流-鵝片–有水準-普寧炸豆腐–外脆內嫩, 豆味濃郁-蠔餅–煎得香口, 起碼有用薯粉, 蠔仔肥美-方魚炒芥蘭苗–夠火候, 菜好嫩, 脆口-豆醬蒸黃花–魚蒸得岩岩好, 夠嫩滑, 個汁夠特色-沙爹牛肉–沙爹醬夠香-川椒雞–醬汁夠惹味, 雞肉算嫩滑失準之作–油泡蝦球蝦細隻, 唔爽口, 炸得太老服務態度幾好, 不過上菜位亞姐唔太專業, 一上菜就倒瀉左杯白酒, 淋左嚮個親戚身上. 而且, 佢竟然收碟時將個大碟嚮個客頭頂上繞過, 好得人驚!

尋日同同事0黎完, 今日dinner 阿爸阿媽竟然提出又0黎XD 一行6 人, 食得認真開心:- 鹵水拼盤(圖上: 有鵝片, 豬大腸, 蛋, 紅腸): 鹵水汁好好味; 鵝片/豆腐同尋日食過差不多, 鵝片一樣唔韌, 豆腐就好軟滑; 豬大腸好腍, 洗得好乾淨, 滷得入味, 又有少少羶味(個人覺得點都要有少少羶味先好食), 非常好食; 紅腸薄切, 味道尚可, 相比起超掂豬大腸當然失色唔少.- 胡椒豬肚湯: 呢個我一向唔鍾意, 今次呢d 唔會太辣又唔會太酸, 都叫接受得到.- 川椒雞(圖中): 賣相唔錯... 整體唔算好油, 川椒葉香脆, 雞肉嫩滑, 亦入味. 個人覺得呢度的比樂口福0個d 好食!- 百花釀帶子(圖下): 呢個無乜驚喜, 不過幾好食... 帶子幾鮮味, 蝦膠亦彈牙.- 蠔仔烙: 足料, 條邊煎得香脆, 中間就好滑... 加埋魚露惹味好多. 不過油0左d.- 蒜蓉炒莧菜: 呢個好驚喜, 一個簡單0既餸, 竟然整得咁好食!仲有送的紫米露糖水, 同尋日食的一樣咁得.因為太好生意, 環境超迫... service 幾好, 落單waiter 見我0地檯有老人家, 專登問0下我0地d