咖啡灣 (粉嶺中心) (已結業)

粉嶺中心有間幾高質Cafe 下午想食得清清地 去左食沙律海蝦蟹籽沙律 | $ 78醬汁選左黑醋 一上碟有冰雹出 (哇)!海蝦係椒鹽味香煎過 好香口而沙律頂上灑上芝士粉 蟹籽蟹籽份量都不少 味道好夾！店員好好態度 好主動refill水

#MJ粉嶺#MJcafe#MJ甜品🍰草莓芋圓雪糕窩夫（🤤7.5/10)呢個窩夫除左賣相靚之外 味道都相當唔錯。相信大家都知道近年香港人都好興食芋圓，呢個芋圓窩夫對文仔黎講就相當新穎既組合啦，但呢個台式同西式既混合體味道同口感都幾好，窩夫外面烤到微微酥脆 咬落去好脆 脆完之後緊接苦去就係裹面既鬆軟綿密同空氣感。芋圓帶微甜 咬感好煙韌 唔會好死實。同埋cream，微酸既草莓同幾種唔同口味開始溶化既雪糕，可以拼合出好多唔同組合既味道同口感，好食又好玩。📍咖啡灣📍粉嶺新運路33號粉嶺中心2樓219-221號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#粉嶺美食#食好西#咖啡灣

粉嶺區冇乜特別出名嘅餐廳最吸引我嘅就係咖啡灣首先係所有女孩子都心心眼嘅公仔飲品今次我嗌左三眼仔（綠茶牛奶）！味道啱啱好，唔會太甜！另外，仲有個好靚嘅菠蘿蝶豆花飲品！非常具有營養價值，飲落去都唔錯！另外仲有好特別嘅雞翼(玫桂山雞翼)一共有六隻，三款口味有桂花、土匪、玫瑰🌹分別係甜香辣味道！非常特別！值得推介另外仲有一個新推出嘅，名為黑洞芝士麵包金雞麵包係竹炭漢堡，出奇地好味，鬆軟！鹹蛋奶芝士汁也令人印象深刻，配合炸雞！最後梗係留肚食甜品啦！窩夫雪糕都好味！份量兩個人岩岩好！

呢排成日OT真係好攰，難得夾到中學同學食個飯，就即興去咖啡灣cafe食dinner。餐廳係商場內，係open area間一部分空間出黎做食肆，提供到十多張枱，不過冷氣係屬於商場既，就冇得調較。鋪頭乾淨企理，燈光通明，俾人一種舒服既感覺。手作特級和牛漢堡材料一目了然，有新鮮切片蕃茄、蘑菇、洋蔥、椰菜絲、芝士片同和牛漢堡扒。芝士片融係漢堡扒表面，再淋上滿滿既茄汁，酸酸甜甜。和牛打既漢堡扒肉嫩多汁，連埋蕃茄片椰菜絲等一齊咬，柔軟中帶d爽脆。伴碟既粗薯條口感內裡粉粉地，外表炸到脆脆地，唔會撒過多鹽而太咸。軟殼蟹黑松露忌廉義大利麵呢個見到menu張圖已經流哂口水，上枱更係冇令我失望! 軟殼蟹幾乎有我一隻手咁大，炸到金燦燦，但食落唔油膩，仲有少少汁。意粉更係出乎意料之外既好，因為黑松露忌廉醬十分creamy濃郁，令一條意粉都沾滿醬汁，黑松露味非常特出。黃金右翼呢個係季節限定菜色，見到咸蛋黃會雙眼發光既我當然唔會錯過啦！一份有6隻，每隻都閃閃發光。雞翼外表煎得香口，裹滿咸蛋黃醬，食落每啖都係蛋黃咸香味。不過新鮮出炸爐真係十級熱，食既要小心~黑魔王窩夫呢款甜品我地叫左後上，超級大份，而且擺得好靚，打卡

好耐無行粉中，原來好多舖頭已換新血，多左呢間咖啡灣，見佢靚靚地好適合打卡喎，試下先。店舖在商場中央，完全係open area，行過路過可以睇住你食，同途人好有互動，小朋友可以在商場中隨意走動，即使大呼小叫亦不怕騷擾食客。先來個小吃，燒雞翼我鍾意食，有三款口味㗎，雖然雞翼有點瘦小，但個賣相都幾靚，甜甜地幾好味。帶子意粉，蒜香，意粉條條分明，加上食材細細份容易食，啱哂懶人。仲食左漢堡，半瀜芝士正呀，薯條香脆。朋友要左杯熱朱古力，有可愛小熊拉花，小朋友見到最開心。

粉嶺新開的咖啡灣，星期六日夜晚肯定要等位，今日閒日見冇咁多人，即刻入去食！其實餐廳空間雖然唔大，但座位設計都好有心思，唔會覺得坐落好逼，我地係梳化位坐底，感覺寬敞舒適。前菜點左牛油香草煮蜆同蝦沙律配凱薩醬。牛油煮蜆好重牛油香，香草味滲入蜆中，又鮮又香，而蜆肉肥美又大隻，另外，蝦沙律好多大蝦，仲有大量蟹子鋪面，令到畫面色彩豐富，食指大動，加上沙律菜口感爽脆，清新開胃，配上我最鍾意既凱薩醬，好味之選！之後主菜就係北海道咖哩和牛漢堡扒飯同香煎雞扒蕃茄醬燴意粉。咖哩唔係辣，而係甜味較重，所以平時怕辣既可以一試，配飯真係無得彈，而和牛扒超級濃郁牛味，啖啖牛肉，油脂仲係肉內滲出，十分juicy ，到另一個主菜雞扒意粉，酸酸甜甜的意粉醬好醒胃，唔太濃味，最岩女孩子口味，雞扒嫩滑又大塊，食完兩個主菜飽曬。最後，不得不提呢間餐廳服務真係好好，好有禮貌，每個要求都迅速回應，下次肯定會再黎食過。

粉中裝修過後多了不少連鎖食店進駐，其中一家是愈開愈多分店的咖啡灣。住大埔的同事吃過說不俗，今天就跟朋友來試試粉嶺店。開放式餐廳位處商場的中央，有長長的人龍看著自己吃飯，感覺是滿奇怪的，而且商場似乎抽風未完善，餐廳彌漫著油煙味，希望商場可以盡快改善過來吧。餐牌選擇極之多，小食沙律、各式意粉、漢堡、甜品窩夫和飲品，有選擇困難症的朋友將會很痛苦吧（笑）軟殼蟹黑松露意粉是餐廳no. 1熱門之選，果然是必點之選！原隻軟殼蟹，而且還很大隻很多肉，非常香脆！咖啡灣主食主打意粉，果然是煮得不俗，彈牙而且醬汁不多也不少，就是剛剛好包著每條意粉，黑松露香濃，配上雜錦，非常美味。朋友的香辣蒜香帶子意粉，炒得夠乾身，灑上乾蒜夠香脆。共有三隻凡立貝，期待它辣的話可能會有點小失望，因為「辣」的意思是用了紅椒和綠椒，整體並不辣。另外點了玫桂山雞翼9隻，所謂玫桂山，是玫瑰花糖漿味，桂花糖漿味，和黑椒味雞翼。雞翼似乎是一早煮好，再在表面塗上醬汁，甜味的雞翼老實說我自己覺得不太對胃，而黑椒味雞翼則是三款中最入味。可惜上桌時並不夠熱，索價$82是有點overprice和小失望。蒜蓉牛油焗鮮雜菌，剛剛的BBQ沒吃到，就在咖啡

難得早收工，同同事一齊去粉嶺新開餐廳試下，一去到見到好少女心既裝潢。雖然舖頭唔係好大間，不過都有卡位坐，可以舒舒服服咁同朋友傾計。 午餐選擇除左意粉仲有飯，餐單都有好多種類選擇，眼花繚亂，不過可惜病左無得試埋佢地個甜品，窩夫勁吸引。 餐湯係南瓜湯，冷冰冰天氣下飲番啖暖湯好舒服， 忌廉混合埋一齊，好香滑。 芝士吞拿魚意粉，平時食吞拿魚意粉，吞拿魚都碎晒，溶晒，不過呢度食既吞拿魚意粉用料豐富，芝士味濃，拌在一起，好美味。味道好配。櫻花蝦明太子意粉忘記了明太子有點辛辣，雖然辣，不過佢既意粉整得好好，有日式西餐廳既感覺，掛汁。 以這些份量黎講，呢個價錢真係好抵食。軟殻蟹黑松露忌廉意粉，黑松露好香，每條意大利粉都拌有黑松露，餐廳製作相當認真。 仲有可愛既杏仁朱古力綠茶，綠茶好濃好香。 好想快點好番試下飲其他飲品，值得一提，店員服務態度好好，又細心，會留意客人有咩需要，即刻回應。

聽聞 “咖啡灣”嘅軟殼蟹黑松露意粉好出名，但次次經過大埔個間都好多人排隊。難得平日放假，粉嶺又開左分店，就一於試下先。平日食野唔使排隊，一去到就有得入了。今次同埋bb去，餐廳職員好體貼好有禮貌，一坐低已經拎左bb餐具同埋水俾我地。野食選擇都有好多，款式都好新穎。竟然有髒髒酥，好想試，不過都係驚食到好污糟，都係試其他野食先。今次叫左2杯飲品，紅豆綠茶泡沫 ($39) 同埋青蘋果香檸薄荷茉莉花茶 ($39) 正餐叫左軟殼蟹黑松露忌廉意粉($98)，意粉有驚喜，原隻軟殼蟹上，熱辣辣新鮮炸起，而且好多肉。仲叫左黑洞芝士麵包金雞($112)，雞塊係用鹹蛋炸的，但味道不會太咸，而且炸粉唔厚，雞好嫩好juicy。麵包加埋芝士一齊食真係好夾！最後叫埋甜品黑魔王曲奇雪糕窩夫 ($82)。 窩夫焗得好鬆軟，加埋棉花糖同脆脆一齊食，有不同口感，正！今餐真係好滿足！

粉嶺開新餐廳喎當然要支持一下喇！🥩🍔🥗☕️🍹其實咖啡灣係荃灣將軍澳都有分店，而最早個間是在太和，今次嚟到粉嶺一定要去喇！有卡位同自由位，顏色豐富設計走年輕風格，自己都感覺細幾年！🍴軟殼蟹沙律配黑醋汁 $88大大隻軟殻蟹香軟脆口，配以爽脆黑醋沙律菜有助解膩又健康。😋櫻花藍蝶 $39藍蝶豆花味道獨特清新，甜度適中。我最欣賞他們細心🧐，食物底層有一個碗蓋著一小許乾冰用作保持沙律菜溫度非常有心思🤓。🍴軟殼蟹黑松露忌廉意粉 $98意粉韌度軟熟剛恰好有彈牙感覺有點驚喜😋，配合黑松露香氣忌廉軟滑增加豐盈感🤞🏻鮮奶咖啡玫瑰 $36+$3香氣撲鼻的咖啡帶陣陣玫瑰幽香，配以鮮奶沖調口感順滑。玫瑰草莓窩夫（半份）$54甜品來一客玫瑰草莓窩夫有著公主般滿足感。每位$175 餐牌別具特色，黃金右翼下次帶小妹黎試下

我成日都認為cafe供應嘅沙律都係價錢貴又細細碟食唔飽人，呢間令我對cafe加分加分！海蝦蟹子沙律 配黑醋汁大大碟！新鮮沙律菜配上黑醋汁，散哂著獨特嘅西洋風味，碟上仲有燒得剛剛好仲熱嘅海蝦，好新鮮好好味！墨汁意粉墨汁意粉超好食！意粉味道似加咗墨汁嘅卡邦尼，好香好可口。意料不到嘅係意粉當中有滑滑嘅墨魚片，唔係淨意粉嚟㗎！配埋熱辣辣嘅帆立貝，有驚喜！！榛子朱古力偏甜嘅朱古力，試過就好了～有機會再嚟試下其他款～

去過太和咖啡灣幾次，每次都要排一個小時隊，今次來到粉嶺不用排隊、真心覺得很感動😂.先點了兩壺茶，一是蘋果薑茶，不太甜、少少酸少少薑味幾開胃，男朋友飲了一壺後要再加茶，今日又可以借故叫佢戒飲咖啡，改飲茶，改善下健康😂.另外一壺是玫瑰花茶，這是我飲過最甜的玫瑰茶呀，我不喜歡加糖的茶😭每次必點的，喜歡香香的黑松露配軟殼蟹，加埋忌廉creamy的口感呢個茄汁麵味道正道，但雞扒唔多似鐵板燒出來的味道，整碟餸都唔係用鐵板呈上的男朋友最期待的炸雞，原來係用蛋黃炸至金黃色，不點芝士醬味道也夠咸、點埋就更咸黑麵包沒有味道，整碟餸唔係熱的、只有芝士醬才是熱的.........所以呢，幾咸都好，係唔會唔點果個芝士醬的。跟著隨手影左幾頁餐牌：

有日入粉嶺做d野，本身驚無啖好食，但咁岩行到粉嶺中心見到呢間餐廳，雖然鋪位唔大，但佈置幾好，顏色繽紛燈光舒適，再加上睇menu覺得d set lunch好吸引，有意粉、飯，仲有好多甜品簡，價錢又唔貴，就入去試下啦。Set lunch既價錢由$50到$70都有，包沙律/餐湯同餐飲。我同朋友點左櫻花蝦明太子煙肉意粉($68)同香煎深海立魚柳配番茄汁($58)。櫻花蝦明太子煙肉意粉 +沙律 +熱檸茶- 沙律個菜好fresh，配埋芝麻醬同芝士碎勁好好食，係會令人想再食既味道- 櫻花蝦明太子煙肉意粉分量都幾多，感覺好足料，個明太子汁味道調得好好，同埋濃稠程度適中，我食晒仲覺得好好味呀- 野飲叫左熱檸茶，個份量比普通茶餐廳多D，檸檬又多，飲到係足料個set lunch感覺高質，可以encore!香煎深海立魚柳配番茄汁 + 餐湯 + 奶茶我無食到香煎海立魚柳飯，但朋友反映番話都幾好食。整體: 覺得好滿意, $60-70蚊係一個舒適既環境食到咁高質既野食，係好開心既一餐lunch XD

粉嶺中心裝修後加入幾間新食店，的確有驚喜！粉嶺區有間環境不錯、可以坐得舒舒服服嘆早餐既餐廳的確唔多！早餐差不多四十蚊，但可以慢慢坐下傾下計都可接受！但如果要排長龍或趕還枱的話，我就不會考慮了！咖啡灣會列入個人常到早餐店之一！

咖啡灣算係粉嶺近火車站嘅商場其中一間新晉廚嘅餐廳。 平日經過都見到大排長龍， 開咗一段時間人氣都幾高。 好多住附近嘅情侶或一家大細用餐。餐牌上面都幾多選擇，而且價錢一啲都唔高。 今日想食漢堡 , 呢度有三款豚肉，雞扒同埋和牛 。 當然和牛係最吸引啦~ 我哋叫咗個手作特級和牛漢堡。 同其他cafe一樣，都會有一啲好特色嘅飲品。 餐牌上係每個特色飲品下面都會介紹一啲功效， 睇到花多眼亂。 我哋最後叫咗一壺蘋果薑蜜水果茶， 有抗氧化銅抗衰老嘅功效。 和牛漢堡嘅價錢都只係$85~ 和牛漢堡賣相都唔錯， 和牛厚度都ok。 咬落都感覺到有充分嘅油脂係啲肉汁到。 漢堡嘅包外皮都有少少脆~ 薑蜜水果茶味道都唔錯，入面仲見到有真材實料嘅水果粒。 只係甜咗少少。