77
17
7
港鐵粉嶺站 A1 出口, 步行約7分鐘 繼續閱讀
營業時間
*截單時間: 21:15
星期一至日
11:00 - 22:00
付款方式
AlipayHK 支付寶 現金 八達通
座位數目
48
其他資料
Wi-Fi
酒精飲品
自帶酒水
切餅費 詳細介紹
泊車 詳細介紹
電話訂座
外賣服務
加一服務費
食評 (130)
等級4 2021-07-16
7 瀏覽
我又黎到粉嶺啦。。聽講佢仲有幾日就要執但就我嗰日去其實人流都算高未必係頂唔住疫情 可能只係租約期滿去到侍應示意我地先落左單先因為要落單到食野話要等半個鐘仲推介左一款菜式 黃油咩咩蟹肉話只係呢間分店先有 好新鮮不過睇真啲其實個名冇黃油兩個字( ´▽`)咁到我地坐低大概有五至七分鐘左右落埋野飲都係一陣就有野食啦首先黎嘅係佢地推介嘅菜式。。。。雖然明佢放menu嘅相係執過但我地都好無奈點解實物咁唔靚。。撈均佢係好韓式嘅感覺 味道係ok嘅係真係有啲蟹味 應該額外調味唔多大概係唔熱嘅石鍋飯嗰種因為撈生蛋 所以食落都有啲痴立立三重蟹肉忌廉意粉有三條蟹柳 蟹子 蟹肉 應該就係三重嘅意思雖然係忌廉 但食落唔漏 偏淡料多 基本上都係啖啖肉Burger話冇哂竹炭包 所以係用waffle包咁其實賣相就好似冇乜特別了芝士唔熔 sosad 菠蘿都冇燒過 所以應該焦糖二字係第二度黎?形容味道嘅話 其實菠蘿都唔算好甜。。( ´▽`)但整體個burger個味都正常 唔算好出眾有兩包茄汁 自己決定落唔落但薯條唔脆唔熱 應該整定個名叫冇櫻桃嘅小丸子本身以為係朋友搞gag 原來係真名( ´▽`)8粒小丸子偏漿 口感唔太好上面有蟹子同松露 味道上係應該有嘅味都有沙律會比較好食 有淋少少黑醋 冇爛菜唔知係咪所有焦糖燉蛋咖啡都會放兩粒咖啡豆賣相都算係咁啦( ´▽`)跟主食嘅餐飲原價減18蚊洛神花茶 冇想像中嘅酸 都唔係好甜其實幾好飲最後附上單據三個人 雖然碟碟睇落都唔大碟但個份量其實算係咁我地最後都係食剩少少 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-15
821 瀏覽
咖啡灣 粉嶺呢間喺商場入面既餐廳,係半開放式既入口,可以一眼睇晒成間餐廳。望入去係可愛加埋色彩繽紛既裝修,令人有好開心既感覺,另外入面有卡位,又有二人位,空間算闊落,唔會覺得好迫咁。 服務員很貼心,安排我坐好再送上餐牌。我發現餐牌上有D特別食物係有自己既故事,好似黄金之翼同黑洞麵包黄金雞咁,故事就留返有興趣既朋友自己去睇啦。 今晚叫在兩個主食,一個小食,同埋兩個飲品。首先要講下個小食,叫做深海炸魚艦隊,我想表達既係呢個小食係要好大食先食得晒架,碟炸魚薯條好大碟,炸魚係真係有隊艦隊既規模,亦非常大塊,食落非常香脆,炸粉好薄,魚肉好嫩滑,好柔軟,冇雪藏魚柳既感覺,薯條份量好多,喜歡炸魚薯條一定要揀。 去到主食,先黎手作特級和牛漢堡,呢個漢堡黎到已經非常吸睛,賣相非吸引,麵包皮有焗脆,洋蔥脆甜,蕃茄片好汁又厚切,而主角係呢個漢堡扒,肉扒很厚,牛肉味濃郁,口感鬆化但不會散開,肉汁十分豐富,我懷疑有冇人可以一啖咬得晒成個漢堡,份量大又品質高,值得一讚。 然後到雞扒蕃茄意粉,雞扒嫩滑,肉質有彈性,雞皮也有煎脆,非常香口。而意粉方面,最出色係個蕃茄汁,酸甜味道適中,入面有蕃茄泥及其他配料,十分醒胃,雖然之前食上面兩個菜已經飽左八成,但因為呢個醬汁令我最後都能夠成功清碟。 食完主食梗係要食埋甜品先有完美既句號,我點左紅豆綠茶雪糕窩夫,賣相非常吸引人,擺盤好靚令人唔捨得食呀。窩夫仲熱,外脆內軟,加上甜甜既紅豆同埋凍冰冰既綠茶雪糕,一次過放晒入口既感覺非常幸福,食過就明白果種享受。最後同大家分享下兩杯飲品,一杯熱帶水果,有多種水果,茶味濃郁但唔澀,好開胃,冰凍得黎好好飲。另一杯係綠茶牛奶,我覺得好適合女仕選擇,呢個係一個熱飲,上面有靚拉花,又唔會太甜,係唔錯既選擇。 總括而言整間餐廳,由店內裝修到食物質素都有驚喜,值得推介。 繼續閱讀
(以上食評乃用戶個人意見 , 並不代表OpenRice之觀點。)
本想試一試下午茶 入到店鋪我要坐的位置嗰位著黑衫女仕話不能夠坐指另外一枱客人坐大家同樣2位及指定要我 去另一張地下濕濕笠笠嘅地方要我坐低你估我係乞衣……唔使畀錢咩仲要非常冇禮貌黃色衫侍應 非常好他們亦都 好無奈 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-10
14 瀏覽
⭐️咖啡灣⭐️👉🏻軟殼蟹黑松露忌廉意粉 💰108🌜本人至愛 每次入到咖啡灣必點!十級專一!佢黑松露味好重好香 將成碟意粉昇華咗 啲汁可以撈滿成個意粉 軟殼蟹好大隻啖啖肉 炸得好香口又唔會太油膩 絕對夠飽🤤!雖然佢價錢偏貴 小小心痛 不過👧🏻🍼呢啲守財奴竟然捨得食就知佢真係好好食😂👉🏻煙三文魚黑松露忌廉意粉 💰88👉🏻爆脆蜜糖芝士炸雞配薯條沙律 💰102🌜全日外賣自取八五折!抵好多🌟Cafe風既餐廳黎講,佢都算平架啦😂坐得舒服價錢又合理 不過粉嶺嗰間就細咗少少 同埋佢係開放式餐廳 人哋喺隔離行過望住你食嘢 呢樣最唔好🥺我會建議選擇外賣自取返屋企食!可以試吓佢啲甜品 好大份好飽肚!🌟雖然我覺得百幾蚊食個意粉偏貴,不過CP值幾高 間唔中食一兩次 我都覺得幾好🤤因為佢個軟殼蟹忌廉黑松露意粉真係好好食🥺如果你哋有機會去食呢間 一定要叫呢個🙌🏻信我 真心推介!! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-13
148 瀏覽
一星期幾逛聯和墟,食店都食到悶了。今日去遠一點,到粉火附近覓食,入到商場見到CAFE 🦢 沒有太多人,便二話不說坐下。上次來這裏已經是2、3年的事了,已經忘記了味道。今晚點了香🌶蒜蓉硯肉意粉,我不是港豬飯(吉豬飯)和一客小丸子。此道意粉份量比較少,意粉有咬口,沒有濃汁,毫無膩感,而蒜蓉令意粉十分香口,味道很清爽,但辣度略遜,如果辣少少會更好。接着是(我不是港豬)吉豬蛋飯🙈,此碟賣相靚仔,汁是很配雞蛋飯,但豬扒肉質粗硬,毫無肉汁,炸皮又淋,看看相片便知完全唔合格,絕對需要改善。小食我們點了一個小丸子 ,上枱熱辣辣,木魚和蟹籽配小丸子十分惹味👍👍。飲品~~叫了主食可以減18蚊鳳凰加配,選了士多啤梨藍蝶花茉莉茶和鳳梨藍蝶花茉莉茶,2杯顏色都很漂亮,味道清香,不會甜膩,適合夏天飲用。 繼續閱讀
(以上食評乃用戶個人意見 , 並不代表OpenRice之觀點。)