咖啡灣 (粉嶺中心) (已結業)

附近冇乜鋪頭可以選擇於是就算多人排隊都揀咗要呢一間鋪頭唔算大，所以都等左15分鐘左右先有位但餐牌選擇都算多，價錢中上。朋友嗌左燴飯，味道份量都正常我嗌左呢個黃金芝士炸雞，夠曬邪惡，芝士味唔太重，反而重鹹蛋黃味。都幾正，份量偏多，可以share。服務好好，只係keep住好多人想入黎食，呢個鋪面真係唔夠做。

難得在平日放假，見好多個月冇去 Cafe swan 食，就一於自己去啦。不過，今次，真係好失望........ 我叫咗 lunch set, 焗流心蛋肉醬千層闊面，$78。餐湯係用咖啡杯上嘅磨菇忌廉湯，呢個湯好好味，非常足料，啖啖都有磨菇粒。俾我一個好好嘅開始。可惜，主食焗流心蛋肉醬千層闊面得個樣.... 外表焗到好靚，流心蛋都真係流心，不過，非。常。Salty。每啖都好似食鹽咁🙈 師傅今日好重手.... 最後，我食唔到一半。。錫蘭紅茶檸檬茶其實都唔錯，可惜，一杯唔夠解渴

今日一行兩人去左食個個Lunch set。一個係香蒜海鮮炒意粉，另一個係三文魚意粉。每個set 有餐湯，主食同野飲。餐湯個湯係忌廉海鮮磨菇湯，都幾香，還不錯意粉三文魚個個好食仲好Creamy 同d 意粉勁夾。但另外個個就唔太好同茶餐廳d 炒意粉咁既款

第一次食咖啡灣係食太和嗰間～覺得好好食～所以粉嶺開咗之後有幫襯過～不過覺得好一般～同太和冇得比～今日唔知食乜好諗住俾多次機會咖啡灣啦～點知係失望呀！嗌咗個海鮮焗飯勁快送到點知就出事喇～一望～咩事呀？😨一摸～個碗係唔熱㗎～完全冇焗過～😟完全唔可以稱為焗飯～你唔焗都算～但點解可以禁求其？完全覺得好似食緊canteen咁～一碗白飯上面加堆餸就算～🙄另外仲有個西西里豬意粉～（冇影相）味道正常但塊豬肉係薄切+乾爭爭～🤢唯一覺得好味嘅係餐湯～😞粉嶺哩間唔會再食～希望太和嗰間唔會令我失望～

黎到附近打算睇戲 正當打算搵野食之際就見到呢間開揚既cafe☕️空間唔大所以位置相對唔多而6點左右時間就唔多人朋友中意食沙律就叫左個煙三文魚沙律 有三大片左右 份量足但沙律醬略為唔夠另外分別叫左黑松露忌廉意大利麵同卡邦尼蛋汁意大利麵夠哂creamy我地見到夏威夷果汁醬燒豬助骨咁特別就即刻order 配有薯菜而甜酸既味道都不錯因為叫左豬肋骨咁就可以+$40 order半份玫瑰花草莓窩夫賣相夠哂吸晴 稍為略甜但每碟份量咁足 已經好滿足

曾經係其他分店食過呢間野，當時已經覺得幾好食又平性價比幾高，今次去到屋企附近呢間諗住再度番尋味🥳佢最近出左唔同既promote折扣，好似呢個主打既雞翼咁，加40蚊就有啦，入面包三樣唔同味既雞翼，分別係玫瑰，桂花，同埋土匪（黑椒）🤔味道又估唔到還原得咁清楚，玫瑰甜，桂花香，黑椒少少辣，食落味道又唔假，最估唔到係發現玫瑰同桂花放落雞翼到都可以夾到，實在係驚喜十足👍🏻第二樣就係農夫包既物體，呢個製作需時，都等左幾耐先上到菜🙊🙊但重要既野係最後先會出場🤪包中間配上濃厚既芝士醬，配上熱辣辣既雞塊，食落認真不得了😍😍食完雞仲可以食哂成個芝士包，非常之豐富，雖然睇落唔大個但兩個人食真係幾滯，order個陣真係要諗清楚另一個主食叫左個原隻軟殼蟹松露意粉，聞落食落都幾香松露味，軟殼蟹就中規中矩，兩者配合唔算好高，但鍾意食呢兩樣野既就可以滿足哂兩個願望啦😚甜品就加咗$40換半份石板街窩夫，窩夫熱辣辣配上雪糕嚟食認真不錯，不過最驚喜嘅係佢有好多配料係試面，或者叫裝飾？細細粒脆卜卜嘅糖係食嘅過程中增添左唔少樂趣，靚之餘仲升華左窩夫嘅口感，絕對值得一試同充滿驚喜👍🏻👍🏻最後就有杯不過不失既烏龍茶，跟餐仲可以減1

試了兩款粉意， 有一款係藉得推介， 就係香草忌廉蜆肉意大利粉, 粉意炒得爽口， 忌廉夠入味， 蜆肉都適中，可以藉得一試。另一款就係，重量級蟹肉南瓜意粉， 我個人覺得南瓜太黏口... 食唔出南瓜味， 如果配白汁會好D 不過咖啡灣， 有一項藉得推介，就係款品選擇種類多樣化。 可以照顧到不同口味的客人

中學朋友約埋係粉嶺聚餐朋友揾左間好精緻既西餐初時以為三點三時間有下午茶但原來星期六日無只限散叫但睇見餐牌，散叫價錢都吸引所以就照幫襯佢都有好多選擇可以簡我們叫左兩個意粉和小食併盤和一個甜品係我最愛的窩夫店員問要唔要甜品後上☺️好貼心蝦都算多，但藏曬係意粉底😆粒粒蝦都好大隻係意粉比較少男仔食可能唔太夠好夢幻既窩夫影相啱like 一流可以選半份但多人梗係要全份😆窩夫新鮮即制熱辣辣，再配埋冰凍雪糕超好味

我們光顧下午茶時段，價錢可以接受，在粉嶺區不過不失。食物：我們點了個溫泉蛋carbonara, all day breakfast X2 。意粉尚可不過不失，all day breakfast 炒滑蛋重手左，有點咸，煎雞塊過油有點咸。staff需再多加培訓，補補咖啡知識，服務態度。

係粉嶺接朋友放工，行左陣商場都唔知食咩好，經過見到有間cafe野食望落都唔錯就入去試下。望住個menu睇左好耐先決定到食咩，因為佢實在太多款式，有意粉飯漢堡甜品咩都有，全部都好想試糾結左十分鐘終於揀左兩款意粉，分別係軟殼蟹黑松露意粉同埋明太子醬意粉。軟殼蟹意粉黎左先，一上菜都聞到幾想黑松露味，蟹既size唔算好大亦都唔細，咬落去都幾香，不過如果再脆d會更好，但都幾特別好少係其他地方可以食到，意粉質地偏硬身唔錯。後上既明太子醬意粉味道亦都唔錯，醬汁好夠食落去唔會乾爭爭，甜甜地既醬好惹味，上面仲有好多木魚片好好食。呢度店員亦都好好服務，會不斷主動幫你斟水，不過可能同朋友坐得比較耐再加上店座位有限，想再坐耐d傾計都唔太得。兩個人食左差唔多一百蚊，西餐黎講價錢都差唔多，野食都唔錯，大家黎粉嶺都可以試下。

星期日的一個下午茶，原來星期日是不設下午茶餐，我們惟有散點。☕️講到明咖啡灣就當然要叫杯咖啡喇！$36我叫了杯泡沫口感咖啡，咖啡拉花的藝術我就認不出是什麼來，不過也好喝！🍔鐵板雞扒漢堡 $78外型吸引，雞扒入味經煎香過口感不錯。🍬黑魔王曲奇雪糕窩夫 （半份）$52窩夫是半份的香甜外脆內軟，配雪糕同食非常可口。🍹棉花糖朱古力 $39造型吸睛，充滿香濃朱古力味。餐牌3點3 食個餐，每人 $113 貴唔貴見仁見智喇！

今日休假去探望完親戚，走到商場內覓食，見這間「咖啡灣」裝潢好有樂園Free，食物又幾吸引，ㄧ於入去試試!睇吓餐牌先……好多野都想食喎！選擇困難症又出現了，揀咗好耐，最後我地决定點ㄧ客 set lunch 和另外ㄧ些單點。好讓我地喱班為食貓食得盡情。Set lunch 包括有餐湯+主食+飲品。餐湯係忌廉粟米湯，內有好多粟米，飲落都唔錯。主菜揀咗蟹茸忌廉明太子意粉，可能有蟹茸和明太子關係令到整碟意粉，食落好鮮味，跟ㄧ般忌廉意粉唔同，ㄧ點都唔膩，份量又幾大，正!! 飲品就叫了凍檸茶，有茶香檸檬香。㸃了ㄧ客 All Day Breakfast，食材好豐富，足足有八款(煙三文魚、煙肉、雞尾腸、薯餅、炒白菌、沙律、蒜蓉包和黑松露炒蛋)，款款都好好食，由其係黑松露炒蛋，D蛋炒得好滑加上陣陣的松露香，真係食到舐舐脷😋。再配上ㄧ杯香濃嘅鮮奶拉花咖啡，真係絕配!!在餐牌上見到黑松露海膽芝士蟹蓋飯時，便馬上决定要點，事關這碟飯集齊晒我喜愛的。當飯送到檯上，真係好吸晴，連旁邊位靚女睇到後都話好想食😍。我揭開個蟹蓋，見到ㄧ大堆蟹肉、海膽和黑松露覆蓋住藏有芝士的飯。 用匙羹潷起見到拉到長長嘅芝士，便快快放入口中嚐

粉嶺有好多商場一路在裝修，開展新店舖及餐廳。我成日路過都想試，今晚登特的去試下。黑白松露香濃蘑菇湯$35～一上枱已經聞到陣陣松露味，材料十夠，湯裡除了碎蘑菇粒粒外，仲有蘑菇條呀。每一啖都包含真料實料。黑松露海膽芝士蟹蓋飯$198~一上枱買相以非常吸引，大分量的黑松露及海膽,打開蟹蓋，有好多蟹肉,飯裡有龍蝦仔肉,蕃茄粒，蘑菇，旁邊的是龍蝦汁。我把黑松露，蟹肉，海膽撈勻一齊食，味道非常配合，原來中間仲芝士的。食到回味無窮。黑魔王窩夫半份$40~熱辣辣，外脆內軟的窩夫，配上凍冰冰曲奇雪糕，一熱一凍。裝飾有mini Oreo 曲奇，棉花糖，朱古力粉及糖漿。是一件十分誘人的邪惡甜品。藍蝶葡萄水果茶$48~好靚的藍蝶茶，加入葡萄粒的甜味，一壺兩個人分享。藍蝶花功效有能夠抗養化，養顏美容，修護眼睛黏膜，預防視力模糊。提高人體免疫力，幫助和促進皮膚的彈力及骨膠原，幫助溶解血凝塊，促進血液循環。佢地仲有好多款式花茶提供不同的效能，各位可以去試下的。

一家人難得出去食飯，因為我有coupon所以揀咗去呢間咖啡灣食，多人食嘅好處就係可以叫多啲唔同嘅款我哋六個人叫咗兩個意粉，一個係黑松露忌廉三文魚意粉，明太子蟹肉意粉，菠蘿雞翼，豬仔骨拼薯條，芝士炸雞包，仲有兩個跟餐嘅甜品窩夫，一個係香蕉朱古力石板街，另一個係草莓窩夫先講講兩個主菜意粉，兩個味道都好濃郁，有黑松露味同明太子味，不過份量唔算多，每人食兩啖，豬仔骨平薯條就熱辣辣，而且好入味，最令人驚喜係菠蘿雞翼，可能味道太濃，比想像中酸，比較難入口，食一舊已經好夠，而芝士炸雞包就好入味，個包到好軟身脆口甜品方面，兩個嘅味道都差唔多，而且因爲跟餐，得半份，所以份量啱啱好，我哋仲叫咗幾杯飲品都係果茶，都唔錯，係有少少甜，需要溝熱水黎飲最後我哋用coupon減左$20,之後佢又送返好多張俾我哋，好啦！咁下次再食過啦

女朋友住粉嶺, 最近發現粉嶺火車站附近有間咖啡灣。其實早已經聽過呢間餐廳好耐, 好多地方都有。所以冇乜猶豫就入左去會一會佢。餐廳環境簡單, 以實用為主, 不過位置寬敞, 坐得舒服。忘記了影MENU, 入面食物主要係西式為主, 有多款意粉, 有全日早餐, 有多款甜品和飲品。今次我地叫左幾樣野食, 如下:軟殼蟹黑松露忌廉意粉黑洞芝士麵包金雞石板街香蕉窩夫加兩杯熱飲瑞士朱古力和綠茶牛奶不得不說, 意粉非常好食, 整隻軟殼蟹, 黑松露亦非常入味。至於芝士雞, 芝士味十足, 不過我個人對這個就一般, 但女朋友非常喜歡甜品方面, 標準, 合格, 可以一試飲品方面, 睇下我既相, 絕對係餐廳既一大賣點非常可愛, 而且味道不俗的。整體而言, 這間餐廳我會再回來試試其他菜。有機會再分享俾大家。