咖啡弄 (已結業)

呢間「咖啡弄」出名多人排隊仍然有好多人黎，一直都想試，所以就決定係除夕夜黎試下啦。等位等左15分鐘到已經有位，不過就要搭檯，不過唔緊要啦，唔係有排等呀。兩個女仔唔食得好多野，決定叫一份三文治同一個甜品share食，最後點左總匯三文治同埋黃金拿破崙千層派。總匯三文治: 總匯三文治就係我地俗稱既club sandwich，賣相一流，麵包香脆鬆軟仲被烘過，塗左少少牛油，三文治裡面有煙肉，燻牛肉，火腿，生菜，蕃茄等等既材料，配搭得不錯，份量相當多。伴菜方面有我至愛既蛋沙律，青瓜，生菜同埋脆片。蛋沙律蛋味濃郁，蛋黃醬汁更令人食到停唔到口。黃金拿破崙千層派:  睇落有少少似檸檬夾心餅，派皮香脆鬆化，帶有少少檸檬既酸甜，中間仲夾住Cream，但係都唔係太漏，焗得都算酥脆。熱抹茶歐蕾: 係落完Order之後侍應同我地講，先知道原來呢到每人最低消費一杯飲品，餐點金額恕不併入計算，即係話不論你食物叫左幾多幾錢都好，都要每人叫一杯飲品，咁既限制我真係第一次聽。無辦法啦，唯有叫啦，最後叫左杯抹茶歐蕾。抹茶歐蕾賣相非常吸引，抹茶味好香濃，不過就係甜左少少，如果加返少D糖，可能會更加好味更加健康。

等了半個鐘左右，終於試到咖啡弄，這間cafe多人排隊仍有多人支持，我都要試試。我叫了紅豆抹茶班戟、北海道蝦多士及薯仔、手工咖啡、柑桔柚子。紅豆抹茶班戟：見好多人都必試班戟，以為有保證，但其實只有外表討好，看起來好吸引好想食，但實際味道一般，班戟太厚身，厚身都不緊要，但味道一般，蛋香味不夠，雖然有四件，但忌廉、雪榚及紅豆份量不班戟分配，單食件班戟好dry，而抹茶雪榚及紅豆味道都是一般，有點失望。北海道蝦多士及薯仔：外表都是好吸引，沙律菜配柚子汁都不錯，薯仔味道一般，蝦多士的蝦好多，成塊都有蝦，但其實好普通，自己返屋企都可以整到，一般般。手工咖啡：咖啡味道不夠香濃，有點失望，如果要傾下計，過一陣就好快凍，凍了味道仲衰，建議快快飲完仲好。柑桔柚子：柑桔味好濃，而且好甜，加幾杯水都仲唔淡，唔掂。

咖啡弄…一個經常聽同事提起既名！成日話要大排長龍…點好食點好食，實在已達不食不可既地步。唔想排咁耐隊，唯有特佢開門。早15mins 到已經係有短短既人龍。等左15mins，職員開始分批放人入場，上面都幾大，基本上你開門無耐先到都基本上無問題。枱…係有 d 細，不過唔緊要，最緊要好食。叫左我同老婆都鐘意食既Waffle，一份豬排三文治，一個千層派…職員要求每人要點一杯飲品！唉…討厭的一環，叫唔係問題，迫人叫係問題…扣分。先黎左一份三文治，份量十足，餡料足夠，醬料味道亦好，另我更期待Waffle 同千層派…黎左個Waffle，份量大得不得了，有四片。心諗，好食慢慢食，一定食得晒。點知一叉叉落去，已經知唔對路，切開更加無眼睇，又實又un，雖然唔期望佢好似大格Belgium Waffle一樣外脆內軟 Texture，但係都諗過咁差，Side Dish 亦無一可取，食左一片已倒胃。再黎一個千層派，又係份量十足，焗得還算酥脆，但組織太過鬆散，兼且無牛油香味…失敗，食左一半已係極限…不過老婆個花茶唔錯，份量用料足…睇黎榚點酥皮唔係呢度既強項，但係佢D 三文治幾吸引，相信還是要給多一個機會…

次次黎TST吾知食咩就一定黎咖啡弄佢SET死一定要每位客人ORDER一杯飲品今次我叫OERO沙冰 朋友叫左水果茶OERO 係好邪惡的食物 只要有OERO既野就一定叫完全無欺場 成杯野充滿住OERO碎 面頭再加左一塊完整既OERO的確好好味 但如果比較細食既朋友仔可能會飲完都FULL左半個胃至於個水果茶 之前我飲過 酸酸甜甜幾開胃但個味吾算穩定 試過有次都好酸下LOL正餐叫左咖哩牛腩飯同BBQ朱扒包咖哩辣得好爽XD 配飯完全一流 個dull咖哩可以撈2碟飯另外bbq朱扒係多士包 好脆入面有生菜蕃茄 好fresh 同個芥苿醬好配合配菜係蛋沙律  呢個不得了 對我黎講係多多都食得到xd不過食完好full 無再叫甜品今次 下次再食過

幾年前去東京旅遊，前往當地的''咖啡弄''，是一間很規模的咖啡店，除了特式飲品之外，更有不少獨特的甜品，招徠了不少海外的遊客，近年更在香港開設分店，當然要去一試 從遠處已經看到長長的'人龍'了，幸好等了大約半小時便能夠入座了，座位還沒有坐暖，友人已經急不及待地點餐了 首先點了兩杯特式飲品，分別是oreo碎片沙冰($56)和鮮草莓沙冰($56)，oreo一直深受大人與小朋友歡迎，配合著冰凍的沙冰別有一番風味，沙冰的份量也不算少，有不少的曲奇碎混合到沙冰中，淡淡沙冰也帶有oreo曲奇的味道，而且沙冰中有一粒粒的oreo碎，吸著沙冰時也好像吃著oreo一樣。 飲品評分:6.5/10鮮草莓沙冰，沙冰上放著數顆草莓作裝飾，外表美觀，店內的餐牌寫著，是採用法國果醬融合新鮮的草莓而調制而成的，配合著冰震的沙冰，味蕾進入了另一個境界。沙冰的味道除了有濃郁草莓的香甜味，並且帶有一絲絲的微酸。可見這不是用人造的草莓而調制，因為人造的草莓往往只是甜而無其他味道可言。 飲品評分:7/10其次當然不能夠少得鬆餅，面對眾多款式的鬆餅，真是令人難以選擇，最後和友人商量了一會兒，點了一個鮮果冰琪淋

每人最低消費一杯飲品，看似非常合理。昨晚朋友建議去咖啡弄吃晚飯，說之前在銅鑼灣吃過好吃，在去之前我在open rice只看過照片卻沒有詳細看食評。我們點好了主食，才發現這裏最低消費每人一杯飲品，但不包括主食、甜品及其他，霎時覺得很奇怪。即是說不能只點食物或甜品，由我對只對甜品有興趣，而飲品卻不太感興趣，即是說這餐廳不適合我了。原來不只我有這種感覺，鄰桌的情侶跟我們一樣，點個主食後才發現有此規條，同有此感覺。而食物質素尚可，以非常一般的食材來說價格高了點點，如一個雜果窩夫，雖有四片厚實窩夫，而雜果方面會有一片橙、一片蘋果、一堆火龍果和幾片菠蘿。賣相算是最好的一個部份。我們三人每人吃了＄145，包括三文治、沙律、一個似多士的Pizza和各人的飲品，看食包包食飽，飲品未能喝完有點浪費。

11:20am到達咖啡弄，時間還早，排一陣排隊，11:30am入坐。選擇了以下食物：BBQ豬扒三文治：美味，配大量蔬菜，醒胃黃金拿破崙千層鬆：好似檸檬夾心餅味道，味道一般葵瓜子芝麻冰淇淋鬆餅：窩夫厚實，難食抹茶歐蕾：唔太甜桂圓紅棗杞子茶：好香紅棗味，甜度適中

咖啡弄一早係台灣出晒名, 係香港既質素係點真係試過至知.下午茶時間, 我點左香蕉朱古力窩夫, 一上碟有幾件窩夫, 大大碟之餘, 窩夫既係整到金黃色一個個格仔, 咬落係好脆口, 差D介損口角果隻, 而且蛋味夠重好香. 加埋朱古力雪糕或者奶油上面就更一流啦.口乾就試左水果冰茶, 一大杯, 聞落已經有陣水果香味, 試落味道似橙汁但唔會好甜, 水果配料好足, 有好多水果粒, 食埋水果粒就零舍清爽啦.

慕名而去的咖啡弄，約下午2點半左右2人入座只等了5分鐘便有位，招待員很有禮貌，入座時雖然係撘枱，雖然用餐時間限定個半鐘。我們點了很多美味的食品及飲料，特別係窩夫，像雞蛋糕般一樣好味😋😋，而且d staffs 又特別Nice, 好快手👍👍 2人結賬時每人只付$150，有咁多野食同埋多左杯野可飲，抵！

咖啡弄在台灣試過，現在終有機會再在香港試。我點了起司可頌，其實即是芝士牛角包，配上蔬菜及火腿，效果不錯，牛角包夠脆口，加埋其他配料一啖咬，很有層次。另外還點了冰鮮果茶，茶中除了茶味還有香濃水果味，一路飲一路食埋生果粒，冰爽感覺直入腸胃，滿足了～

慕名而去的咖啡弄。避開了人潮 所以只是等了十五分鐘就有位。店裡面好多台灣員工 服務不錯。點了有名的士多啤梨窩夫 水果茶 牛角包。水果茶確實唔錯 好多生果 唔會太甜 幾清新。牛角包 焗得幾香脆 都OK窩夫 感覺似食雞蛋糕 唔係脆身個種 而且中間似乎有點焗唔熟 士多啤梨好酸.總結 名過其實 不過不失。如果要排長龍 我就覺得有點不值了。

同朋友12點前黎到,第一次唔使等位..諗食咩諗左好耐..最後又係例牌點左<玉米里肌起士可頌>..哈哈原本大家想點雪糕鬆餅的..但真係未食早餐..第一餐就食雪糕好似有d over..haha~今次我就第一次試佢地個<玫瑰歐蕾>上面有d細玫瑰花瓣聞落真係好香嘅新鮮玫瑰花香味!其實好奇左幾次歐蕾夠竟係咩....我見佢英文寫係Lait..咁我估係Latte啦..而飲落,果然係奶茶!不過玫瑰花香揮發哂之後,就只係杯好普通嘅奶茶..但鍾情玫瑰花香味嘅,都值得一試嘅~

閒日黎到尖沙咀見平時大排隊既咖啡弄唔洗排，即刻上去左低食返個下午茶！叫左菊花茶、水果茶同士多啤梨waffle，水果茶香甜味美，仲唔顏六色，十分吸引，不過都係凍飲會match d。菊花茶就清香舒緩，仲好貼心咁分開上杞子糖醬，可以自由加入，唔怕太甜。主菜waffle外別已經相當吸引，新鮮熱辣配上士多啤梨同雪糕簡直係幸福！不過如果可以多d雪糕會更好，因為有成4件waffle咁多，一定要配雪糕先好味。整體黎講唔洗排隊就好ok。當然唔好同台灣既比較啦。

在台灣的時候，試過一次咖啡弄，覺得都唔錯，無諗過黎到香港之後變成大排長龍的食店。冰美式摩卡咖啡，上層的Cream依然係我至愛，滿到就快倒瀉。摩卡味道都可以，不過咖啡味再濃少少會更好。熱抹茶，入口不會苦澀，比想像中幼滑。玉米里肌起司可頌，算是輕食，但個人感覺似主食，份量大到兩個女仔食都無問題。可頌配玉米、火腿、芝士，口感層次豐富，最讚是餐點上檯時熱辣辣，好味程度加分！

難得weekend，個fd 話想去睇下有咩cafe 正，可以去品味下人生。見到上網呢間店都幾多好評，所以黎試試。我地叫左coffee set，有糖有餅，唔會就咁飲咖啡咁齋。杯coffee 拉花都幾靚，飲起黎唔算太濃，啱番我呢d 唔太接受到太濃咖啡味既人。之後再叫左個焗芝士酥，有d 重口味。廚房d 醬重手左少少，我個fd 鐘意食濃味d，所以都ok，交比佢食算。overall 個環境都幾好，d staff 都好nice，好快手。想品味人生的話，咖啡弄都係個唔錯既選擇。