咖啡園

營業中

休息中

媽咪有兩張tea buffet cupons，約埋細妹同婆婆一齊去。五星級酒店環境舒服，地方桌椅都寬敞，服務也殷勤。相對之前食過的tea buffet，這裡的甜點是比較少，而其他的選擇則很多，虾多士、粥、三文治都是不錯的選擇。而價公方面，有兩張cupons當然抵啦，原價每位$198，加一。

24/4(二) 6:45pm六週年紀念的大吉日,非隆重其事不可,免遭天譴!早於上世紀買下的coupon,適逢此等大日子,理所當然將其善用善用!棋差一著忘了預留靠窗座,服務生為我倆預留近buffet桌的位置.餐廳內的桌椅排列密集,私隱度及空間感一一欠奉!燈光柔和及高樓底也許是其佳處罷!先巡視一周,發覺食物款色不算繁多.頭盤及沙律若有十來款,海鮮則有即開Fine de Claire,亞拉斯加蟹腳,波士頓龍蝦,煙三文魚;魚生壽司乃常見的三數款;眾多食材中以海鮮新鮮度最出眾!此外,熱葷相比之下則未見精彩,大路的燒味,蒸斑,咖哩,燴豬扒,煎三文魚,燒火腿,西冷,羊架,車仔麵等,全屬中等水準!焗酥皮三文魚可稱得上較有特色的一款.甜品方面似乎有點驚喜;總算甜在心頭!各款軟硬芝士糕,麵包布甸,豆腐花,慕絲,movenpick雪糕,梳乎厘,班戟...水準令人樂道!此外,此酒店的服務水平如大多五星級酒店般,都是笑容吝嗇,不夠專業,仍需加把勁好好受訓.以$360位的價格品其味看來並非超值,DBS Titanium卡持有人享八折優惠(最划算的優惠),持此卡的老饕一試也未嘗不可!

一行6人星期日來呢度食dinner buffet，但係覺得好似比之前少左D嘢食。但係食物質素依然高&新鮮。魚生肥美，切得厚。龍蝦仔亦好新鮮，加埋D海鮮醬更加好味。唯一唔係咁鍾意就係佢地D蝦。異常地爽，好似浸過D嘢咁。甜品亦好好，有多種唔同嘅蛋糕。但係有D實在係太甜，入唔到口。酥皮三文魚加埋gravy 都好好味，但係有D溜。因為條龍好長, 所以今次冇試佢地出面嘅BBQ Grill。而家諗噃都有D後悔。Overall樣樣都得。但係如果冇$300 cash coupon + HSBC 15% off,價錢就較貴lu。服務都好好，當你出完去攞嘢食返來，佢地一定已經收左你之前食完嗰隻碟。

Our big party came here to celebrate friend's birthday. Everything is up to 5 star standard. I particularly like the cold served shrimps which are succulent and fresh.

冷門的選擇，元旦晚上早去到，還以為自己包了場…座位比萬豪闊落舒適，氣氛比較寧靜，感覺高級，當然不用爭野食。這樣的價錢，食物在用料及種類也有交代（但萬豪的中式熱葷確是稍勝）冷盤：凍蝦，凍龍蝦，雜果海鮮沙律，沙律吧，魚生壽司，即開生蠔（澳洲Tasmania，小小的，很有蠔味）中式熱盤：薑蔥龍蝦，東星班，節瓜釀帶子，炒菠菜，西蘭花，燒味，麫檔，糯米飯，枝竹羊腩西式日式：咖哩鴨，燒牛肉，火雞，原條火腿，牛肋骨，菠菜三文魚卷，天婦羅，烤菜，法式豆，鱈魚，三文魚，羊架，牛膝，戶外燒烤（河蝦，羊，雞亦，漢堡包，香腸）甜品：雪糕，疏乎厘，Tiramisu，cakes，豆腐花，花生糊，生果比較喜歡它的露天燒烤，侍應廚師態度友善及勤快。

黎過呢度食下午茶自助餐. 食品款式不太多, 但係用料及烹調都幾好. 尤其係甜品方面, 做得精致又好味.亦去過晚餐自助餐,當日係平日,所以都不是太多人. 食品款式不多, 其本自助餐有的, 都有. 海鮮幾新鮮,尤其大蝦,很鮮甜.沙律也是不錯, 配料很多.甜品幾多款式, 美味.特別的是酒店會邀請你入會, 憑咭有八五節.不過以超過三百元的標準來說, 都係一般.

最近有機會試了幾間buffet。本來預期Conrad 會很好，可惜有些失望。食物有大酒店的質素，中規中矩，但沒什麼特色。最特別的算是一隻隻的龍蝦，大大的蠔。鮮甜的三文魚也算是buffet 中難得。室外的燒烤只是一般，我吃了一隻蝦，可惜燒焦了，有苦焦味。對愛吃燒烤的我實在很失望。值很一提的是服務員態度不錯。

Food was fine. We liked best the BBQ, cold lobster and deserts. But some of the cooked dishes were not of good quality, nor the sushi and sashimi freshy. The serving table setting was terrible and most patrons were very aggresive. I haven't encountered rude manner of patrons in 5 stars hotel buffet for years. May be, this was due to over-subscription.

之前去食夜晚buffet，我覺得佢的熟食種類算多，材料都幾特別(例如﹕吞拿魚扒)，但味道就一般。值得一讚係海鮮，有一隻隻的龍蝦、大大隻長腳蟹及好大隻的生蠔，還可以自製大蝦鮮果沙律...正，未試過食buffet有咁新鮮的海鮮食~ ~ 而南瓜湯有好香濃的忌廉味^^，那裏還有即做的班戟，除非有要求否則佢唔會落cream，太好la因為我好怕有cream ~ ~環境好正，未入夜前室內充滿自然光，服務都唔錯~ ~

28/Feb/2006住過東南亞酒店的人都知道酒店的早餐係最好食最豐富最多選擇的! 我同男友趁剛去完旅行仲jetlag, ie.仲識6點幾自動起身, 就去Conrad coffe shop 食早餐. 去到約7點﹐早到連omelet station 都未開! 食了個咁豐富的早餐, 到lunch都未餓呢!

星期日晚和老婆兒甥三個大人去食, 睇完食評不懷太大希望. 6點鬆d入到去得十枱八抬有人,我同老婆仲大把時間出去食物枱映吓相. 可能我早booking,又打電話去問呢問, 所以佢比個位我唔差,就係出露臺門口右面高幾級果忽. 冇乜人出入可以靜d. 果度真係幾窄,又多枱, 見到出面d人坐得咁逼真係有d櫈佢地辛苦. 講返食嘢, d嘢都唔係差. 龍蝦ok, 有dd龍蝦味.蟹腳ok, 唔似都會海逸咁得d鹽水味.魚生出得密又任攞,幾新鮮. 平時唔食蔬菜沙律嘅我都食咗一大碟. 蠔呢, 記憶中冇食過蠔比到我咁幸福嘅感覺.又大又肥, 一入口巳經講唔到嘢,真係會比成口蠔汁濁死. 熱盤不太多, 但又數唔出少咗d乜. 生蠔太好吃了,令我放棄了芝士焗蠔. 薑蔥炒蟹, 不太入味, 但勝在d蟹好大隻肉又多.肉眼扒ok. 甜品都唔係太多,但都夠食,味道ok. 芝士得三數款,但又咁啱其中兩款係老婆食過又喜愛的,佢就開心囉. 侍應生不多, 但勝在好禮貌,d碟收得快,d水添得快.10分. 讚完,梗有嘢彈. 最差係出面嘅BBQ燒蝦,冇蝦味得炭屎味又霉霉地咁,我咬落口即刻吐咗.但佢d燒羊扒又ok,真係吹脹.第二真係人太多,7點入

完全唔似一間五星酒店，仲要$350 一位。最恐怖係d 蠔，難食到想吐番出黎，又腥、又苦。熱盤亦無咩特別，一般都熟得滯，無咩味。比較好既係甜品，梳乎梩同法式"鄧" 旦都幾好味。

帶老爸老媽吃自助晚餐，HSBC 信用咭有折，埋單三個人才$1050，以環境服務食品而言，唔算貴。歐式餐包是行貨。芝士盤的種類比萬豪好些少。湯是西式忌廉湯和中式味精湯，好一般。魚生試了鮪魚、鮭魚、八爪魚、鯖魚、螺肉、海苔，都係一般行貨。海鮮冷盤，試了准灼龍蝦、生蠔、青口，略嫌雪味重。沙律款式廣泛，素材新鮮。試了烤南瓜、烤茄子、雜錦海鮮沙律，有相當新鮮的帶子、大蝦、魷魚、…等。亞洲熱盤類，試了紅燒龍蝦、關東煮、椒鹽田雞腿、乳豬、燒鴨、蒸東星班、紅燒伊麵、炒飯、印式咖哩雞、咖哩蔬菜、印式威化餅。味道中上，父母認為食得過。西式銀車燒烤，燒了西冷牛柳、酥皮菠菜鮭魚卷、原隻烤西洋火腿、羊扒、羊柳、雞翼、豬扒、魚柳、鮭魚柳、德國肉腸、薯仔。好BBQ 食品者，會樂透，比「巴西燒x」味道款式好几倍。中式甜品，試了芝麻糊、豆腐花。居然香滑好味！鮮果種類多鮮甜味美。西式甜品，試了麵包布丁、巧克力布丁、班戟、焗梳乎厘、焦糖布丁，質素中上。批餅蛋糕，如：栗子蛋糕、提拉米蘇、雲石芝士餅、青檸批、迷你巧克力撻可一試，酒店質素嘛！冰琪淋，是必試項目，據說是自家製。口味有chocolate chips、香草、草莓三款，

我又係用某信用卡CASH DOLLAR換的GIFT COUPON去食自助晚餐. 1.地方十分擠迫: 唔知係咪星期五, 未夠七點去到已好多人, 都冇所謂. 但餐廰本身設係樓梯底, 環境已好侷促, 佢擺左好多好多枱, 枱同枱之間冇乜空位, 常要左穿右插, 人地行過我係唔可以起身果種. 出去攞野食, 迫到咩咁, 每次唔係人地撞我就係我撞人, 因為地方淺窄, 食物放到好迫, 一個人企係度, 已經"雅"住幾盤食物既位, 攞野食超級麻煩,環境極不理想.2. 食物一般: 款式不多但大路, 無論生同熟都係見慣果D, 完全無心思, 無驚喜. 有個朱古力噴泉, 同場加映細路行過用口吹個噴泉, 吹左好多次, 於是我少左樣野食, 同埋見住好多人食個細路口水尾.3. 服務中下: 由於人多, 見到waiter做到踢腳, 廚師要捧住大盤食物等人讓路, 甜品counter個哥哥負責做pancake同疏乎厘, 有人要pancake, 有人只係要攞一個現成既疏乎厘, 但佢好專心咁每次只做一樣野, 做緊pancake時都唔會問下後面排隊既人要乜, 於是我只係想攞一個疏乎厘, 都要睇住佢做左好多塊pancake先攞到, 完全

和朋友一行六人走進Conrad的coffee shop食dinner buffet，發覺buffet時段由18:30-23:00，時間俾一般酒店長得多，但其食物水準就只屬普通，主要是整個outlet都較為狭窄，buffet枱的食物款式少，沒什麽板斧，日式魚生款式只有吞拿、三文和八爪魚，沙律枱就只得幾款蔬菜，連clodcut也欠奉，熱盆就只有炒菜、蒸魚和炒粉麵飯、燴羊扒和印式架喱雞，數量大約8-9款，十分單語調，甜品又係少少幾款，最差勁就係豆腐花，起魚眼兼不香滑，唯獨「疏乎梨」＋分清香又少甜，獲得正面評價。古怪的侍應小姐，好像憤世嫉俗似的，整晚板起咀面，忽然間二話不說走埋來把我們各人的頭盆刀叉收掉，朋友終於忍不住責問她為何要不作詢問就收起人家的頭盆餐具，又問她是否趕着收工，場面好不尷尬，最後由黑衫captain替我們重新放回刀叉並道歉，此時我那位總喜愛據理力爭的朋友才牽強作罷，正當各人因此事而掃興不快之際，忽然看見有「籣子」之稱的影視紅星陳淑籣，於是我又走去buffet枱前搭訕一番，各人又對他指指點點說笑一番，並把早前的不快事拋諸腦後。整體計算此店的食物質素並不差，唯獨款式少無新花款是此