120
67
37
| 餐廳: | 咖啡園 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵金鐘站 F 出口
繼續閱讀
電話號碼
28228890
開飯介紹
咖啡園主打東南亞以及傳統歐陸的美食，而且餐廳更提供早餐、午膳、自助晚餐以至其他食品，當中以自助晚餐最受歡迎。
繼續閱讀
特色
慶祝紀念日
附加資料
Garden Café offers a wonderful selection of Southeast Asian and Western cuisine. Dinner buffet features alfresco barbecue station, fresh seafood, crafted desserts, ice cream and many more. Fruit juice, soft drinks and selected beer can be refilled at all times.
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | 咖啡園 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
人人食嘢都有喜她好，要迎合到每個人嘅口味，話難唔難，話易唔易，不過，如果食自助餐就幾肯定可以滿足到所有人。是夜到訪「港麗酒店」嘅「咖啡園」，一於盡興食餐好嘅。之前都錯曾經嚟過，呢度最大賣點就喺個環境，雖然餐廳晌地庫層，但跟大堂天花連成一體，所以，空間感超強大，裝修簡約得嚟好雅致，感覺非常舒服。而且，啲枱亦特別大張，擺滿成枱嘢都唔覺逼，招呼又熨貼。目測所見，有啲似喺酒店住客，落嚟唔食自助餐都可以揀食晚飯，夠寫意嘛！所有食物都集中喺入門口右手邊嘅區域，有另一個即烤燒肉區，就由另一條通道出去、近泳池嘅戶外區。今次自助餐以「Festa Italiana」為主題，顧名思義，就喺一趟意大利嚐味之旅。星期一至四晚計，成人收$798，星期五至日及公眾假期成人收$838，另收10%服務費，官方網上商店訂購有85折優惠。麵包籃、沙律、海鮮吧、刺身麵包喺自助餐慣常供應嘅食物之一，旁邊仲有幾款預設好以海鮮為主題嘅沙律，如海鮮意粉沙律、地中海海鮮沙律、吞拿魚薄片沙律、鯷魚沙律、八爪魚沙律。再來就喺最回本嘅冰鎮海鮮吧，加拿大鱈場蟹腳、大蜆、新鮮波士頓龍蝦、大海蝦源源不絕供應，佐以幾款醬汁，如雞尾汁、檸檬牛油醬、紅酒醋，都幾特別。再過啲就仲有多款刺身：三文魚、吞拿魚、油甘魚……等等。飲品區菠蘿汁、蘋果汁都喺無限暢飲，飲得盡興；而另外加$120更可以無限添飲指定紅白餐酒及氣泡酒添。此外，餐後仲包一杯啡茶、檸茶、檸水，到臨尾食甜品時，襯番杯咖啡就最好喇。 沙律吧、意式芝士、意式冷盤另一邊廂，有多款新鮮沙律菜，排列整齊，配以法式、千島、意大利沙律汁、油醋，供客人自由配搭；而意大利嘅芝士及前菜向來甚具特色，好此道者就有福喇，今次提供嘅芝士款式超多，包括水牛芝士球、布拉塔水牛芝士、普內沃內芝士、佩科里諾芝士、塔雷吉奧芝士、煙燻水牛芝士、蕃茄水牛芝士……等等；還有其他蔬菜沙律及配料，如紅菜頭沙律、薯仔沙律、酸青瓜、蕃茄乾、醃製朝鮮薊、意式醃菜、紫洋蔥、花椰菜……等等。一口氣介紹咗咁多嘢，喺時候開餐啦，將沙律菜，以及多款預製沙律、意式冷盤嘢堆砌出呢碟色彩繽紛、開胃嘅頭盤，樣樣都有啲，夠晒多元化，更喺越食越開胃。再落嚟回吓本，食番碟凍海鮮，無論邊一樣海鮮，都食得出嗰份鮮甜味，仲帶有少少海水嗰份鹹鮮氣味。雖然話回本，都喺點到即止試少少，始終都仲有好多嘢想試。意大利風乾火腿風乾火腿喺意大利經典食材之一，晌食物枱就僻咗一角，擺放24個月巴馬火腿、傳統醃製嘅莎樂美腸，仲有意大利凍肉腸、風乾豬頸肉、煙燻風乾火腿。未試勻上述嘅食材，侍應都會先為每枱客人送上巴馬火腿拼蜜瓜，以及雞肝醬。鹹香嘅火腰腿搭上清甜嘅蜜瓜，幾時都喺咁夾，而雞肝醬未試過，薄對比鵝肝醬、鴨肝醬，味道絕不失禮，口感細膩，配意大利香草包，同樣好食。熱盤、即切烤肉、意大利麵、薄餅再一口氣介紹呢一邊L形長枱有啲乜，先講講熱盤，包括意式焗蔬菜、墨魚配檸檬香草、意大利香草粟米餅、慢煮牛面頰、焗烤千層茄子、意式燴牛肚、意式燉小牛膝、意式炒海鮮；再隔離就有兩款即切烤肉：托斯卡納風味烤豬及燒牛肉；最後一角，就喺自家製羅馬手切薄餅及手工意粉，包括有春季薄餅、辣肉腸薄餅、四式芝士薄餅、蕃茄水牛芝士薄餅、拿坡里風味炸物拼盤、貝殼粉、意大利燴飯、意式肉醬千層麵、羅馬式薯仔糰子、長通粉、芝士菠菜粗管麵……等等。利佛諾燉海鮮先特別介紹多少少呢道菜，因為喺主廚推介特別菜，每位客人獲享用一客。據師傅介紹，將多種海鮮食材，再加入蕃茄、紅酒、橄欖油、香草、調味料同煮，所以，味道濃郁，香氣十足。除咗青口、鮑魚粒，仲有落單時先煮嘅波士頓龍蝦，唔單止更有睇頭，啲龍蝦肉真喺超爽口，蝦味清甜，沾上汁底，食味一流，此外，搵啲麵包沾上醬汁更喺盡興。熱葷及肉類就吃得精一啲，托斯卡納風味烤豬咁具特色，用上多種意式香料醃製，當然要試試啦，皮脆肉鮮，配試搽咗莎莎醬嘅長法包，又喺另一番味道，而燒牛肉師傅話用上澳洲穀飼100日牛肉眼，富營養，具肉香，又切少少試吓。仲有試埋個牛面頰同埋燉小牛膝，都好好食，滋味無窮。講到意大利菜，點少得意大利麵，平常不外乎意大利粉、通心粉、長通粉，今次難得可以一次過試多幾款、又少遇上嘅意大利麵，例如薯仔糰子、粗管麵，再試少少傳統而正宗嘅羅馬風格長方形手切薄餅。整碟全澱粉質，樣樣試啲就好夠飽喇。戶外燒烤食完上面啲嘢，其實都已經好飽，不過，都仲想試試晌外面嘅戶外燒烤，無特別深究有啲乜，印象中好似有鱸魚、虎蝦、羊架、豬扒、烤雞、香腸……等等，同埋同款烤野菜、菠蘿。師傅不斷燒烤，不時發出火光熊熊，而煙燻香氣更四溢飄揚。呢部分最想食就梗喺羊架啦，再加埋啲鱸魚、虎蝦、香腸、菠蘿，又一大碟。熱焫焫入口，寧舍香口有風味，而羊架實在正，鱸魚嫩滑鮮甜，菠蘿燒過之後就特別清甜。意大利芝士餅接近尾聲，喺甜品嘅時間喇，如果講到意大利甜品嘅經典，相信非意大利芝士餅「提拉米蘇」莫屬。由侍應將一整盤意大利芝士餅捧出嚟，親自為每枱客人滔上，呢啲服務只喺晌高級餐廳先體驗到。講番件芝士餅，中間芝士層口感細緻綿密，手指餅浸透咖啡酒，既有酒香，又有咖啡香，再灑滿唂咕粉，好食。甜品區此外，出面食物枱仲擺放咗數款甜品，包括意式吉士撻、意式松子蛋糕、開心果奶酪卷、意式冧酒蛋糕配鮮忌廉、朱古力忌廉泡芙、沙巴翁配意式脆餅、榛子朱古力奶凍。雖然唔喺話超多款式，但夠晒俾我砌出一小份甜品拼盤，小弟就揀咗當中最心水嗰4款，食得出都喺高水準嘅出品。甜品時間仲未完，因為仲有可以隨時向侍應攞嘅Movenpick雪糕杯，共有4款，但因為前前後後食咗咁多嘢，都真喺好飽吓，所以，試番杯咖啡口味就好滿足喇。上文都講過，會包一杯餐飲，平常就大多數嗌杯咖啡嚟襯甜品，但今回吃得盡興，肚子撐得滿滿，就要杯檸檬茶嚟消消滯。雖然自助餐去到9:30pm，但之後仍可以慢慢坐，侍應都唔會催你走。加上佢哋好有禮，又好好招呼，收碟、補充食物都好到位，讓客人都食得好寫意稱心。順帶一提，凡晌生日月份內預訂自助晚餐，餐廳都會奉送迷你生日糕點一件。
繼續閱讀
十二月聖誕自助餐第二擊就來到位於金鐘太古廣場香港港麗酒店的Garden Cafe咖啡園，老實說以前都和同事吃過好幾次buffet，對這裡早已不陌生。餐廳面積不算很大，但勝在樓底特高，提升空間感，環境開揚，落地大玻璃將日光引進室內，採光充沛。今次於Openrice訂座國際美食自助午餐亦可享有8折預付優惠，星期五至日成人每位連加一只需$448.2，自助午餐於下午12:00-14:30供應，可以不追不趕地食足2.5小時。如果你是追求大包圍甚麼款式都有的buffet，貴精不貴多的Garden Cafe應該未能投其所好，但吃得出製作認真和新鮮高質食材。冰鎮海鮮源源不絕地供應，refill 速度亦夠快，款式包括龍蝦鉗、鱈場蟹腳、青口和海蝦。即切肉類有兩款，包括即切燒牛肉和烤三文魚扒。以酒店buffet任食燒西冷來說，這裡的燒牛肉算是超水準，肉質鬆軟，牛味濃厚。熱盤包括香煎鱸魚、日式炸豬扒、印度咖喱雞、印度飯、芝士焗蔬菜千層麵、芝士焗薯、紅菜頭、意式燴牛肚、青口等等。中式熱葷有豉油雞、叉燒、燒鴨、蒸魚、魚香茄子、豉椒涼瓜炒牛肉、點心、上湯浸時蔬、燴伊麵、揚州炒飯，平時吃buffet總會略過燒味部，但這裡的叉燒竟有意外驚喜，色澤鮮亮，帶有焦香燶邊，肥瘦度適中。酒店自助餐中老是常出現的湯粉麵不見了，換成即煮手工意粉檔反而更能挑起我的興趣，備有多款手工意粉和三款醬汁自由選配。新鮮手工意粉與乾意粉最大的分別就是彈性中帶點煙韌的麵質，挺身富有Al dente咬口嚼勁，加上吸水力極強，因此極易掛汁。熱湯有中式排骨老火湯和南瓜忌廉湯，南瓜湯入口濃滑又滿有甘甜的南瓜味。魚生刺身有四款，即叫即切。壽司亦有六款。凍肉提供黑森林火腿、谷巴火腿、煙三文魚和刁草三文魚，三文魚脂肪條紋清楚利落，魚肉鮮嫩而有彈性。沙律吧有多款已經拌好的沙律：日式豆腐、茄子沙律、蝦沙律、藜麥沙律、薯仔沙律配脆煙肉、意粉沙律、南瓜沙律...加上新鮮沙律菜和醬汁，可隨個人喜好自行混搭。甜品大多是迷你size， 一口一件賣相精緻小巧，也可以盡情淺嚐多個款式。這天供應栗子撻、朱古力合桃布朗尼、芝士蛋糕、焙茶慕絲蛋糕、綠茶紅豆蛋糕、雜錦泡芙、焦糖燉蛋、提拉米蘇、椰香意式奶凍、意大利奶凍、烤肉桂梨脆餅和牛油麵包布甸。個人心水推介為焦糖燉蛋，燉蛋與熱糖衣呈現溫差的對比，用匙羹輕輕敲碎香脆金黃的外殼，裏面配上滑嫩的綿柔燉蛋，形成強烈對比。訂位時表明慶祝生日或週年紀念，就會送上蛋糕，是日款式為朱古力慕絲蛋糕，還會點上蠟燭，讓節日添上滿滿儀式感。吃到最後店員會送上Movenpick雪糕，總共有四款口味可選。飲品有橙汁和蘋果汁無限供應，可以隨時自斟自飲。除了果汁之外，每位附送一杯餐飲。
繼續閱讀
平日跟朋友聚餐，多會選風乾火腿、芝士、薄餅、意粉、Tiramisu等等意式美食，因為比較容易安排，口味亦被大眾接受。咖啡園最新推出的Festa Italiana自助晚餐，提供意大利各區分的地道美食，從意大利前菜、自家製羅馬手切薄餅、手工意粉，以至傳統意式冷熱葷及經典甜品，應有盡有， 還有果汁及汽水無限添飲，體驗正宗意式風味﹗最吸眼球的是傳統利佛諾燉海鮮， 把煎香過的波士頓龍蝦、青口及八爪魚放入大鍋中，再加入番茄、紅酒、橄欖油、鼠尾草、乾紅椒及蒜蓉同煮，煮成香氣撲鼻且濃郁美味的濃湯，配上半隻波士頓龍蝦及蒜蓉包同吃，滋味倍升。**每位客人享半隻波士頓龍蝦旁邊即切烤肉區， 有澳洲穀飼 100 日牛肉眼，富有濃郁牛肉香味，肉質細嫩，油脂豐富。 惹味無骨烤全豬 ，用迷迭香、黑胡椒、大蒜等香料調味， 然後烤製八至十小時， 烘烤得外皮酥脆香口，肉質鮮嫩多汁，並可搭配綠莎莎醬或法國長棍麵包食用。冰鎮海鮮有波士頓龍蝦、 加拿大鱈場蟹腳、 大蝦及青口。而刺身類，也經微微醃過後切薄片或粒狀呈上，配上羅勒葉、檸檬汁或意大利香醋提鮮，分別有三文魚他他、 吞拿魚薄片、 八爪魚沙律、 劍魚他他等，一嘗細膩鮮味。 意式頭盤不可缺的，當然有芝士及風乾火腿啦﹗由意大利直送的各款水牛芝士柔軟煙韌， 奶香特別味濃；另有多款意大利優質軟硬芝士及原個巴馬臣芝士輪，芝味無窮﹗ 油潤甘香的意大利風乾火腿及凍肉， 如 24 個月巴馬火腿、傳統醃製莎樂美腸、意大利凍肉腸、 風乾豬頸肉及煙燻風乾火腿；餐廳更特意為每位客人奉上托斯卡納 (Tuscany)風味的意式雜錦凍肉拼盤乙客， 主廚會根據季節更換食材， 這晚有鹹鮮突出、 齒頰留香的茴香莎樂美腸； 肉質柔軟、風味細膩的巴馬火腿； 以及味道甘醇的雞肝醬， 塗在香草包上同吃，鹹香滋味令人食指大動。每都都吃出滋味﹗ 熱盤方面，有軟腍入味的燉牛膝、 慢煮牛臉頰、 鹽漬鱈魚、 黑椒汁煮青口、意式炒海鮮、檸檬香草墨魚、烤焗千層茄子、辣味白腰豆、蛋餅等，展現意式經典風味 。 湯品是香甜綿滑的櫛瓜與花椰菜湯。 澱粉質類美食，有必食的手工意大利麵，包括芝士肉醬麵、松露蘑菇意粉、芝士菠菜粗管麵、羅馬式焗烤意大利薯仔糰子等，全都是主廚們每天人手新鮮製作，麵條口感一流，以簡單的食材造出驚喜的美味。 主廚還會即席烹調的意粉及燴飯，有充滿濃郁蝦香蕃茄貝殼粉及芝味十足的意大利香腸羽衣甘藍意大利飯。 自家製羅馬風格手切薄餅 ，麵糰亦是每天新鮮製作， 再配以不同口味的豐富配料巧製，經典口味如瑪格麗特、四重芝士、意式雅枝竹、辣肉腸等，香脆可口。別忘了還有戶外燒烤區的香烤美食，澳洲和牛牛頸脊、 紐西蘭羊架、 豬肋骨、 意式香腸、粟米、魚柳等，眼闊肚窄，幸好朋友與我一起分享。說到傳統意大利甜品，我第一時間就想到我至愛的Tiramisu，餐廳團隊會整盤端出，根據客人需要份量挖一勺至客人碟上，那口感細緻綿密，入口帶有陣陣咖啡酒香，入口即化， 令人想再encore。 其他特色甜品有沙巴翁配意式脆餅、 開心果奶酪卷、 朗姆酒蛋糕配鮮忌廉、 榛子朱古力奶凍、 意式吉士撻、 意大利松子蛋糕、 朱古力忌廉泡芙，每位客人可享Movenpick 雪糕杯乙客，有需要可向餐廳查詢。 飲品包括果汁及汽水無限暢飲， 亦可以每位港幣$148 起享用精選意大利美酒。
繼續閱讀
環境：地方不大，特別係擺放食飯嘅地方服務：一般好普通酒店服務，而且切燒牛肉、三文魚那一位外籍廚師服務令人感覺好差，佢切焗三文魚尾部薄薄的給我家人，接著外國人就切中間厚肉的部分，之後接著令一位家人又係切番尾部嘅部份，後來因為家人面露不快，佢主動叫部長過嚟了解，我哋都表明佢嘅服務好有問題 。食物：未試過一餐咁少食物選擇嘅自助餐，雖然係話買一送一啫，但都無理由連以前有嘅即煮手工意大利粉都無， 而甜品更加少得可憐，海蝦係完全見唔到，部長解釋係因為意大利主題，所以都唔會有刺身，連煙三文魚都無 。令人太失望，總結：試過一次就算，唔會再考慮呢一間 。
繼續閱讀
自助餐可以吃到「意」亂情迷都真係幾特別！如果嘴巴是貴精不貴多的支持者那便要繼續看這篇分享了。上星期去到Conrad Hong Kong的Garden Café咖啡園！品嚐由意籍主廚Riccardo Catarsi精心設計的 Festa Italiana自助晚餐。甫入餐廳便看見牆上這一幅很有意大利風情的壁畫，非常搶眼之餘更令人食慾大增。嗜酒的我第一眼便看見這180分鐘無限暢飲！價錢由$148~$398/位便可以享用到紅、白餐酒、氣泡酒、香檳、意大利開胃首及Digestif，可以無限享受醉人的微醺時刻。跟大家行一圈看看有什麼令我意亂情迷的美食先！意大利菜的頭盤對我來說非常吸引，而自助餐亦供應不少款式看得我心心眼喔。打頭陣有番茄水牛芝士、煙燻水牛芝士、佩科里諾芝士、普羅沃內芝士、塔雷吉奧芝士、布拉塔水牛芝士及水牛芝士球，芝士迷們必定可以吃得不亦樂乎。轉角位擺滿了各式各樣新鮮的沙律菜及調味醬汁！當中有我超愛吃的火箭菜正喔。驚喜還沒完這款沙律用上坊間少有的金菜頭，能在自助餐品嚐到簡直是莫大的驚喜。緊接著有薯仔沙律、雜菜沙律、醃製朝鮮薊、意式醃菜、香蒜醬花椰菜沙律、車厘茄及橄欖拼盤等開胃前菜。說到意大利菜頭盤當然少不了凍肉的那份兒吧！我們這夜可以品嚐到意式肉腸、谷巴火腿、巴馬火腿及巴馬臣芝士，光是頭盤區已經超豐富而且很合我口味呢。來到熱食區率先有精選薄餅！難得的是一次過可以試上多款口味，薄餅愛好者必定會大滿足。這夜的選擇分別有四色芝士薄餅、番茄水牛芝士薄餅、春季薄餅及辣肉腸薄餅，清香鮮辣味道共冶一爐總會有合心意的口味。意式粉麵則有意式肉醬千層麵、長通粉、Gnocchi及芝士菠菜意式寬麵，全部賣相也非常吸引要留肚喔。自助餐重頭戲是這個位上的利佛諾燉海鮮！是主廚Riccardo為大家送上家鄉正宗的味道，以波士頓龍蝦、青口及八爪魚加入番茄、紅酒及香料煮成濃湯，再配襯半隻新鮮的波士頓龍蝦，絕對是海鮮迷不可錯過的美食。另外還有充滿鮮蝦香氣的番茄貝殼麵，及芝味十足的意大利香腸羽衣甘藍意大利燴飯。牛魔王就要留意這個澳洲穀飼100日的肉眼喔！而不吃牛的我就盯上這惹味無骨烤全豬！這Tuscany傳統菜式選用了40公斤的豬來炮製，成品外皮酥脆肉質鮮嫩，可以配襯綠莎莎醬及法包一起品嚐。緊接著還有辣味白腰豆、意式焗蔬菜、意大利香腸粟米餅、烤焗千層茄子、酸種麵包、意式燉小牛膝、意式會牛肚、慢煮牛面頰、檸檬香草墨魚、意大利香腸粟米餅及蔬菜煎蛋餅等特色意大利菜式供選擇。餐湯這天供應的是榔瓜花椰菜湯，香甜醇和超美味記得留肚喝一碗喔。刺身區有三文魚他他、吞拿魚薄片、劍魚他他及燒吞拿魚，意大利式魚生帶來了非一般新鮮感。冰鎮海鮮區分別有大蝦、波士頓龍蝦、蜆及雪場蟹腳。還有多款現成沙律及各式各樣的意大利麵包。飲品會有蘋果汁及菠蘿汁無限任飲，大人細路也會非常暢快。來到甜品Corner用貴精不貴多來形容就最適合不過。當中包括有水果沙律、沙巴翁、榛子奶凍、朱古力泡芙、意式忌廉蛋糕、開心果奶酪卷、意式松子蛋糕及意式吉士撻等。另外亦有供應杯裝Movenpick雪糕！想吃時只要通知服務員就會送到你面前。以為完了嗎當然沒有那麼易吧！户外位置還設有池伴BBQ Corner，在泳池旁邊有專人為大家燒烤豐富美食。選擇分別有菠蘿、雞髀菇、粟米、羊扒、豬肋排、蝦及鱸魚等。介紹完當然第一時間要埋位開餐！打頭陣是每位客人也可得到Tuscany風味意式雜錦凍肉拼盤一份！內裏包括了茴香莎樂美腸、巴馬火腿及雞肝醬及Focaccia，將凍肉放在塗滿雞肝醬的麵包上，一啖放入口鹹香惹味樂在其中。自助餐第一碟吃沙律前菜是常識吧！爆汁的車厘茄鮮香好吃，另外爽口的金菜頭真的百吃不厭，加上香甜的雜菜沙律墊底罪疚減輕不少。意式魚生吃下帶上滿滿的鮮香滋味，吃悶了Wasabi豉油這個絕對能帶出新鮮的驚喜。冰鎮海鮮中爆羔的龍蝦不錯吃，但我更喜歡鮮爽大蝦和梳梳鮮甜的雪場蟹腳，另外幾款芝士也不用錯過奶香十足滋味無窮。意大利香腸羽衣甘藍意大利燴飯仍帶嚼勁口感不俗！芝士香氣配襯鹹香的腸粒非常匹配。無骨烤全豬外皮酥脆內裏肉質鮮嫩油香滿瀉，法包塗上綠莎莎醬來增添清香味道之餘更可膩真妙絕。此刻用號碼牌到利佛諾燉海鮮區取這夜的重頭戲！廚師收到Order後即煮約10分鐘便完成。先呷一口番茄海鮮濃湯鮮味極致鮮香，那半隻新鮮的波士頓龍蝦鮮爽嫩溜，這菜的味道仿如大海般鮮美很迷人。榔瓜花椰菜湯清純的湯色頗吸引！細滑的口感喝下很自然舒服，加上味道甜美很易俘虜了我的嘴巴。BBQ美食取來一大碟跟好友們分享！我喜歡爽口大蝦和豬肋排火燒香氣令味道提升不少，但說到最愛肯定是燒菠蘿，經火焰的親吻後更顯香甜果味大愛之。到享受薄餅自由時間！餅底香脆鬆軟兼備完美帶出意式口味，芝味濃的四色芝士薄餅鹹香可口、春季薄餅清新味美最後是我大愛的惹味辣肉腸薄餅，吃了那麼多澱粉質真的非常滿足啊。來到甜品時間服務員率先送上Pass Around的傳統意大利芝士蛋糕！只要說出自己喜愛的份量服務員便會送到碟上。芝士蛋糕口感非常綿密細膩酒跟咖啡的香氣並存，入口即化甜而不膩是高質的味道。繼續品嚐意味十足的甜點！當中開心果奶酪卷香脆可口，而外型精緻的朱古力泡芙外皮蓬鬆酥脆帶香濃朱古力味勁好吃。最後當然少不了Movenpick雪糕！跟好友分享就最甜蜜不過了。Festa Italiana自助晚餐收費由$798/位起，於酒店網上商店預訂自助午餐或晚餐可享85折優惠，生日之星於生日月份內經網上商店或致電預訂自助晚餐，將奉送迷你生日糕點乙件記得最少一日前預訂喔。
繼續閱讀