影片
開飯介紹
港式茶餐廳的整潔裝潢,附設多種飯類套餐,感覺耳目一新。
繼續閱讀
營業時間
星期一至日
09:00 - 21:00
以上資料只供參考, 請與餐廳確認詳情
招牌菜
星期六囡囡要番學,太座要番工,廿四孝就攞假湊女放學,順便幫囡囡買冬季校服,由於天氣轉涼,買校服要排隊,不如食咗飯先!搬咗去西環第一次幫襯呢間餐廳,座位方面頗闊落,差唔多全部卡位,午市餐牌都頗多選擇,最後叫了薄牛扒腸仔火腿跟旦炒飯,因為本人鍾意食炒飯,牛扒尚算入味腸仔炸到不太燶,旦炒飯都不錯,招呼都幾好,因為同囡囡Share 問佢攞完碗他囡囡再要刀食牛扒都無黑面,不過人手不足,食完飯再同囡囡去買冬季校服!!!
繼續閱讀
食tea tuna 飛碟$(20) tuna d 味好奇怪鹹鹹地自己覺得好似變壞左ge 味道個飛碟塊包入面勁濕出晒水咁食到第二件時好想問個伙計係咁變壞左不過諗諗下都係算食左半件都唔會換過親戚食左d 粉話ok 幾好食可能淨係飛碟ge問題凍飲加$2 想食三文治類寧願去無幾遠加拿大食好過大份又平d又好食d不過都係一樣無咩服務可言
繼續閱讀
9.9 (SUN) brunch喺朋友屋企留宿一宵，幾經辛苦先等到朋友起身食"brunch" =.=auntie提議去和記，其實早餐度度都差唔多，上次食加拿大就麻麻，所以試下第二ｄ都好食得多三文治炒蛋都厭啦，所以食左個泰式魚餅米粉（送hot drink），都幾特別嘅，魚餅係炸，少少辣，但味都都尚可，不過朋友個沙嗲肉片炒蛋麵就冇乜味，雖則佢話ｄ肉幾嫩auntie食個tuna sandwich+杯野成廿皮就唔係好值喇呢度早餐有中、越、泰式，真係大包圍下次如果再喺呢頭食早餐會去panash*
繼續閱讀
因朋友返附近的教會，所以去了幫襯。叫了午餐，朋友食湯飯，本人則食牛河，味道普通得記不得了，但份量很充足，我倆都食不完自己那一份。那兒地方很寬敞，坐得算幾舒服。
繼續閱讀
11/4(二) 2pm同同事一行4人行過黎食lunch,此店位置七海商業中心側.2點鐘店子仍有8成滿.環境比一般茶餐廳大,大量卡位,乾淨企埋,值得一讚!此店除有一般茶餐廳食物,還會供應馬越泰食品.我地4個女仔要左海南雞飯餐$39(跟湯),冬蔭功海鮮湯河$30,無錫豬軟骨担担麵餐$38,粟米斑塊飯餐$38,油菜$5.海南雞飯---份量吾算多,但雞肉頗鮮且嫩滑!黃油飯亦頗香有口感!冬蔭功海鮮湯河---份量其多!海鮮有蚧柳,魷魚,青口,蜆,魚片,河粉吾算滑.冬蔭功愈食愈辣,頗惹味!無錫豬軟骨担担麵(如圖)---無錫豬軟骨用唐生菜墊底另上,份量也吾少,大大件豬軟骨做得挺入味且腍身,但感覺有點膩.担担麵沒甚特別,麵條口感欠奉!湯底欠缺花生香,兼旦味道帶酸.粟米斑塊飯---脆漿極之薄身,斑塊肉質嫩滑非常!超水準之作!服務尚算令人滿意,埋單$151,除開每人$38.recommended!!!
繼續閱讀