和氣食堂 (黃大仙中心南館)

營業中

休息中

不嬲都聽講呢度嘅和氣食堂好抵食仲有打卡一流嘅白咖喱烏冬就即刻排隊入坐啲位坐落幾闊落 先上左個雙重芝士鰻魚卷入面應該係有啲cream cheese酸酸甜甜好易入口再配埋鰻魚嘅味道 好夾抵讚嘅係連啲飯都煮得好冧好好味黎到我最期待嘅白咖喱烏冬因為我未試過係面食上面係會有類似cream咁嘅配搭 所以一開始都唔係好慣個口感啲cream撈埋落啲烏冬度反而係變左薯蓉咁嘅質地 幾有趣同埋本身辣辣地嘅咖喱烏冬係撈完啲白cream之後變得冇咁辣所以唔食得辣嘅朋友都可以一試

呢間日式餐廳價錢親民，而且好多款式...有刺身、壽司、串燒...非常多元化🦑唐揚魷魚軟骨吃起嚟口感有層次外層炸漿唔會太厚，口感香脆咬落有嚼勁🐟脆脆燒三文魚皮三文魚皮炸得超香脆，而且一點都唔油膩！推介鍾意食香口嘢嘅朋友仔必試喔！🍗千回火鳥即係串燒雞翼+雞尖雞皮金黃焦香，肉質嫩滑，加埋檸檬汁perfect! 🥗火焰左口魚邊牛油果沙律 沙律菜新鮮爽口面頭加了黑松露油提升了魚香，仲有牛油果作配菜，非常豐富呀！🦐櫻花蝦鯛魚湯泡飯之前都食過呢個泡飯，真心正！絕對值得再食😆上檯時，店員會先將魚湯加入熱辣辣嘅石鍋，魚湯沸騰，香味四溢呢！每啖泡飯都有濃郁魚湯味，超正！配料有櫻花蝦、大蝦、帶子，再可按個人喜好加入香蔥、脆米等配料...🍱海膽三色丼海膽份量比想像中多，非常滿足呢！另有帶子，甜蛋及甜蝦 ，夠哂豐富！帶子厚身；甜蝦鮮甜，CP值夠哂高！🥢廣島蠔寄世鍋海鮮配料非常豐富，有蠔、鮮蝦、蜆肉、蟹鉗、日式魚蛋... 蠔肉脹卜卜，夠哂大粒，CP值夠哂高！

今日有朋友約我黎到黃大仙呢邊食飯，話有一間日本餐廳幾好食。和氣食堂無論由餐廳名定係餐廳裝修佈置都好有新式日本餐廳嘅感覺, 好多日本figures.我同Fd兩個人叫咗差唔多6-7樣野，食到好飽。有一款菜式非常特別，叫白咖喱烏冬。咁我一開頭以為白咖喱咪姐係甜甜地嘅咖喱，點知原來誤會咗。面頭望落白色嘅野應該係由一種薯類嘅菜磨成粉，加入cream咁，我唔能夠肯定入面係乜，但真係好特別，同烏冬好夾。另外食日本野，咁一定要叫下刺身，咁我地就叫咗三點刺，三樣都係自己鍾意食嘅野，有三文魚、池魚同埋海蝦。另外有一款炸物都好特別，叫做電擊雞翼，佢係一款凍嘅炸物，最最最神奇嘅係凍咗會唔油膩，同埋完全接受到呢種炸物。最後就叫咗個抹茶芭菲。呢餐真係有齊日式野最應該有嘅元素，而且價錢實惠。

今日試吓呢間和氣食堂，每次經過都見到入面人頭湧湧，今次亦都唔例外，大約排左15分鐘先有位。叫咗個魚生丼，刺身好新鮮而且份量都好大份，另外亦都叫咗啲創意壽司，呢個牛油果芒果三文魚pancake意想不到咁夾，食落去比起食壽司更加冇咁飽濟！另外佢個鴨胸沙律都非常好食，配埋個黑醋感覺好新鮮！煮食方面我哋亦都有叫到一個魚湯泡飯同埋冷烏冬，冷烏冬質素非常高，拍得住日本嗰啲，因為佢好彈牙而且個汁搞得啱啱好，唔會太咸！成餐最出色嘅一定係個魚湯泡飯，魚湯奶白色非常濃，即使飲完成碗都唔會覺得口渴！最後佢個燒雞翼都係非常唔錯，皮脆肉嫩！最後佢個紫薯特飲應該係用咗3.6牛乳，因為奶味好濃！佢個烏龍茶味雪糕都好正，特別啱晒啲唔係太鍾意食甜味嘅男仔！整體來講食物質素好高，而且價錢相宜，唔怪得知日日都排晒長龍啦！

今日夜晚四個人近近地去咗黃大仙嘅和氣食堂到食晚餐，呢度嘅嘢食選擇好多，而且價錢又親民，絕對係晚餐嘅一個好選擇！首先嚟到嘅有黃金海膽炒飯，佢嘅海膽同炒飯本身係分開嘅，知道海膽唔係個個都鍾意食，所以咁樣就啱晒啲唔食海膽嘅朋友！除此之外，個飯都吵得好有鑊氣，而且飯粒粒分明，份量仲好足夠，好彩我哋有四個人先至食得落跟住就到刺身盛，三款刺身都係十分新鮮，絕對唔會輸蝕比啲貴價嘅日本餐廳 脆脆燒三文魚皮咬落好香脆可口，啱晒鍾意食香口野嘅我，點埋沙律醬食就仲正之後仲有香芒燻鴨胸沙律，本身都冇諗過會有咁多份鴨胸，而且冇諗過芒果同鴨胸呢個組合原來都幾得意，加埋少少黑醋嘅點綴真係覺得呢個沙律幾出色金蒜燒日本米茄子燒到入口即溶，而且酸味亦都好突出趙燒魷魚筒嘅醬汁一樣係好入味，我哋幾個都好鍾意另外仲叫咗五款軍艦，雖然唔係款款都食到，不過我諗應該揀任何一款都會好新鮮好好味最後我哋仲叫咗兩個雪糕做總結，叫起之後雪糕就好快送到，效率一流，而雪糕嘅賣相亦都唔錯，我哋都食得好開心另外我哋仲叫咗三杯嘢飲，佢哋嘅鮮奶味都好香濃，而且唔算太甜，值得推介

今日去左黃大仙食野，因為個人又想食壽司又想食下炸雞翼，於是就試試非常出名既和氣食堂。其實佢沙田河畔都有一間，兩間既質素都差唔多，都係咁好。我覺得佢每種菜色都好平均，但我會比較鍾意佢既小食多D。電擊雞亦、炸薯條電擊雞亦係凍食，一咬落去聽到卡卡聲，表面鋪上左脆脆既糖漿、芝麻。食落甜甜地，非常開胃，有少少似焦糖蕃薯。黑松露凍蕃茄沙律一開始覺得沙律加蕃薯好九唔搭八咁，但食落又幾夾，佢既沙律加左柚子醋，酸酸甜甜加埋黑松露既香，所以好讚賞佢既沙律！培茶芭菲原本以為會好細份，但一黎真係嚇親，2個人食真係飽到嘔咁濟。小丸子本身冇咩味，但好煙銀，可能怕夾埋食會太膩，而專登整淡d,但加埋甜甜既雪糕同紅豆味道岩岩好。培茶冇抺茶咁苦，所以我會鍾意培茶多d。刺身同壽司都同平時咁新鮮，非常鮮甜就唔多講了。

今日出黃大仙求籤，openrice見到呢間幾出名就決定黎食。個menu幾吸引Lunch埋單$88又唔使加一幾抵食關東煮🍢：鏗魚湯底入面有白蘿蔔、雞蛋、魚蛋、魚漿豆皮袋。呢個好特別出面都少見，用竹荀束住個豆腐皮，豆腐皮入面包住好似魚腐既朋友，鬆鬆軟軟，幾好味。三文魚海膽丼：三文魚油脂豐富，咬落有魚香。入面既海膽唔腥有甜味，唯一個白飯醋酸味濃咗少少,性價比高。最令人驚喜既炸雞塊：雞塊個皮炸得薄，出面夠脆入面鎖住雞肉汁，香噴噴好味道本來想試個抹茶芭非，但姐姐話晚上先有，下次會再黎呢間平民飯堂開餐，平得黎有質素，雖然有少少遠。

諗唔到食咩既時候，我首選一定係尼間平民既日本餐廳😍選擇多，又好食！溫泉玉子凱撒牛油果沙律大大的一碟😮超多牛油果，而且d菜都係新鮮既！兩個人食到好飽飽～海膽刺身盛A有三文魚3件、甜蝦3件、帶了3粒、海膽一板，幾豐富！而質素都唔差，厚切加新鮮😍千回火鳥皮燒得外脆內嫩，加埋少少辣，惹味又香口日本清酒石鍋煮蜆熱辣辣咖！超多蜆肉，仲鮮甜爽口😋同埋食得有淡淡的清洒味，最後飲哂d湯！糯米糍紅豆特濃牛奶雪糕每次去尼到食飯都會叫雪糕食，超出色咖！牛奶雪糕都好濃味👍

呢個魚生飯雖然份量唔算大份但勝在魚生夠多夠鮮！尤其是啲蝦，大大隻又啖啖肉，甜到不得了，個蝦頭仲有好多蝦膏，撈飯一流😍鱈魚係等野食時當snacks就啱晒！唔會好飽又可以有啲野咬下！冇諗過佢同沙律醬係咁夾味架！每件壽司上面都有鵝肝醬，我個人最鍾意帶子，好清甜！鵝肝最正😍好厚好肥好大塊，配埋上面啲黑松路一流！雞翼好大隻，啖啖肉，啲肉汁咇晒出黎，正！鵝肝飯係我最愛呀😍😍😍98蚊就食到，而且鵝肝仲要有兩塊，又肥又厚又大塊，可以大大啖咬，唔係慳住慳住食！清酒煮蜆好正，我覺得酒味唔算濃但朋友就話有酒味，但我地都一致認為啲湯攞黎撈飯係好好食！而且啲蜆份量好多，起碼10幾20隻，好抵食🤣

和氣食堂雖然以日本嘢食為主，但係佢做嘅fusion 菜式又幾特別，除咗以前見過嘅牛油果配搭，今次竟然食到鵝肝口味😯<火灸鵝肝三點>第一件fusion和食就係凡立貝壽司、鰻魚壽司+三文魚壽司，每件頂頭都有鵝肝👍🏻唔好以為鹹一鮮會奇怪，最好食嘅卻係三文魚配鵝肝，一方面有魚鮮，後勁卻有鵝肝嘅油脂味。<火灸黑松三點>同為三點，不過鵝肝變咗其中一種壽司，比起前者嗰個，我個人更中意黑松路鵝肝壽司，因為夠新潮又不失色，而且兩樣嘢都好重味，對味蕾好大衝擊😆<黑松路鵝肝什菌石窩飯>眾多鵝肝菜式，佢係最抵又最好食！初頭以為鵝肝只有半嚿，點知撈撈下原來係一嚿😯😯真係好足料冇花冇假。鵝肝嘅汁加埋什菌香令到我好想再叫多一份😆😆除咗鵝肝之外，海膽亦係一個特別fusion元素😯<海膽冷素麵>落望唔算出眾，不過海膽嘅味道喺素麵之中十分突破，而四周嘅醬料為素麵上色。份量對女生而言啱啱好👍🏻<軍艦五點>呢一味係傳統嘅軍艦壽司，睇圖都見份份料加到足，唔會覺得蝕😎食落更加大滿足除咗以上兩樣都仲有好多種食物！

有位長頭髮紮馬尾、染淺色頭髮的女待應，拎杯飲品埋嚟嘅時候倒瀉左，成枱都係重倒係我部電話上面，佢不但沒有即時道歉，而我只係埋怨她一句，她即時用很差嘅語氣說"而家咪抹緊囉"

今日和媽咪来到黃大仙行商場，行到六點幾，見到和氣吃堂，入去吃返個晚餐。人流好旺，環境舒適優雅。來到和氣一定要吃刺身，好新鮮又抵食。海膽新鮮到還有海水味，三文魚腩肥美鮮甜，牡丹蝦肉質嫩滑爽甜，劍魚鮮味十足👍🥰再來個火焰左口魚邊牛油果沙律，好特別和新穎，秘制沙律醬和左口魚邊味道非常夾混合着羅馬生菜、羽衣甘藍，清爽醒胃👍千回火鳥烤至外脆肉嫩，咸度適中。厚燒芝士甜蛋亦做得相當出色，軟滑香甜，囗感層次分明。而媽咪就最鐘意就是黃金海膽炒飯份量大大蝶，海膽足料鮮甜，混合著炒到干爽飯粒一起吃，滋味無窮！👍最後還有甜品，我個紅豆培茶牛奶雪糕，紅豆夠曬軟淋，配著雪糕一起吃最滋味，看著媽咪吃曬那個蠍餅綠茶培茶雪糕就知有幾好味啦，😍今晚好開心，吃得又滿足，我地會再次光臨的。🥰🥰

難得就到和老公一起收早，一於請他陪我這個港女吃吃日本料理，呵呵！久久未吃，總會掛念。剛好這家和氣食堂就在黃大仙中心，甚為方便呢。雙重芝士鰻魚卷鰻魚肉質鮮美，配上濃濃的芝士，咬下時，鰻魚和芝士融合在一起，簡直是雙重享受，作為鰻魚迷，這個必點。電擊雞翼配炸薯條雞翼表面是甜甜的炸醬，就像韓國的炸雞一樣，而且是凍盤，配上熱呼呼的薯條，雞翼薯條絕對是百搭呢！櫻花蝦鯛魚湯泡飯這個湯泡飯很特別呢，用石鍋上菜，而且鯛魚湯鮮甜，飯粒滲透湯水後，可請侍應加湯，令湯泡飯暖暖的。培茶芭菲培茶味香濃，加上有不同的配料、有粟米片、丸子、紅豆及綠茶粒粒，口感豐富，女生大愛！

變成黄大仙街坊覓食第一擊，鄰近地鐵站的黄大仙廣場南館，來到間人氣非常高的日本餐廳，和和氣氣食和食，餐廳內大部分是闊落梳化位，地方空間感大，坐得舒適進餐，平日七點左右已全場坐滿食客。藍柑白桃梳打$42冰凍清甜的必選特飲，Jgasco Lemonade 檸檬味汽水，混合藍柑白桃味劑配合得非常好，開胃解渴，CP 值高而且非常抵飲。大阪豬扒丼$82一上檯會不自覺嘩左一聲，面層的椰菜絲疊hit如火山一樣高，誇張又搶眼的外觀是招牌菜之一，加了木魚一齊食既新鮮又美味。內層的滑肉炸豬排伴上滑多蔥，沙律醬及芥末，珍珠飯份量多，是高質性價比之王，強烈建議二人分享一個，因為以男士食量來講都可能食唔哂。千迴火烏三隻$38即燒椒鹽雞翼，皮薄香脆，5隻$62，8隻$98，值得一試。上枱熱辣辣咬落脆卜卜，金黃色雞皮咬落鬆脆香口，第一口竟然已經覺得比名古屋雞翼好食。嫩肉多汁又juicy，加上檸檬汁令人開胃。牛油果芒果三文$48 兩件創新推薦的甜點，薄薄的班戟皮包了滿滿的餡料，清新清甜 ，三文魚新鮮感無雪味，厚切三文魚，芒果，牛油果同蟹柳，最後上面有蛋黃醬及量多的蟹籽，是一個日西式配搭的和風甜品。十分回味，價錢中等，必

聽日同屋企人去黃大仙有嘢做， 做完之後去黃大仙中心到搵食， 記得數個月前食過一間日本餐廳， 記得過用餐經驗唔錯 ，所以我哋今次再去多次火焰左口魚邊牛油果沙律左口魚邊應該喺上菜前用火槍烘過， 唔會令到魚肉好熟， 食落口仲好滑， 沙律有 沙律雜菜，車厘茄，青瓜，牛油果等， 配咗日式沙律汁和黑松露醬， 有啲fusion嘅感覺， 既清新。三點刺身盛三點刺身盛 三文魚，立魚和蝦， 三文魚切得幾厚， 咬落充滿魚油， 立魚幾新鮮， 蝦食落夠鮮甜。安格斯牛肉炒飯份量都幾大碟 ，炒飯粒粒分明， 用咗牛肉粒，紅蘿蔔粒，洋蔥粒和蔥花等一起炒， 用咗日式調味料來調味。照燒魷魚筒魷魚筒燒得夠香， 魷魚和魷魚鬚唔會燒到太過火， 食落幾彈牙。千迴火鳥5隻雞翼有炭燒嘅香味， 燒到外皮有少少脆口， 裏面保持肉汁。