和宴

營業中

休息中

呢間燒肉餐廳我來過好幾次，每次都無失望。前幾日同朋友又來左次，叫左佢地嘅燒肉套餐，份量剛好，而且食材都好新鮮。特製宮崎和牛他他配法包入口就感受到個份油香，肉質嫩滑，配埋脆脆嘅法包，層次感滿滿。韓式海鮮煎餅煎得好香脆，而且唔會太油膩，海鮮餡料都相當新鮮。迷你沙律口感好清新，夠爽口。來到主角嘅部份，宮崎和牛薄切牛板腱壽喜燒風配日本蛋，牛肉夠薄切，代呢埋生雞蛋，入口真係超滑，正呀！薄切牛舌芯配鹽蔥汁粉量適中，肉質好彈牙，鹽蔥汁提升左成個牛舌芯嘅滋味。宮崎和牛上牛排肉入口軟嫩，完全無肥膏嘅油膩感。至於澳洲和牛特上牛肩肉眼，肉味比較濃郁，適合鍾意食重口味牛肉嘅你～豬肉方面，我地揀左鹿兒島豚五花肉，燒完之後帶少許油脂香，口感幾好。仲有海老拼原隻帆立貝，帆立貝好鮮甜，蝦都燒得岩岩好，唔會過火。最後黑糖珍珠雪糕同迷你盛岡冷面，一個甜一個清，圓滿左呢一餐。仲飲左柚子蜜梳打同波子汽水，飲品放main算係清新解膩。呢度嘅燒肉真係值得一試，食材質素高，環境舒適。不論係同朋友gathering定慶祝生日都好推介比大家。

諗住搵啲高檔餐廳獎勵下老公咁辛苦為頭家，喺網上搵到呢間和宴，睇落幾有奢華feel，環境都幾優美，就book咗呢度晚餐。 我哋叫咗佢哋嘅Tasting menu，係以和牛同海鮮為主嘅燒烤盛宴。佢哋有三樣前菜，海鮮煎餅富有海鮮嘅鮮香仲有餅皮嘅酥脆，好脆爽，然後和牛他他配法國麵包 都係好有特色，和牛獨特嘅香氣配上脆脆嘅法國麵包，口味非常到位。佢哋嘅迷你沙律都係非常 開胃，入面有各種小菜，口味豐富，仲可以先清下口味。跟住就係一系列嘅和牛豚肉同海鮮。上牛排嘅肉厚度非常紮實，可以滿滿咁食到瘦肉嘅口感，油脂好足。牛肩肉眼嘅雪花就比較靚， 紋路非常細膩，食起嚟口感好嫩好綿。呢度嘅豚肉都唔輸和牛，五花肉嘅層次分明，肥瘦相間，一 口肉可以體驗多重口感。另外兩樣係老公特別鍾意嘅，薄切牛板腱，真係好薄，可以充分品嚐到和牛嘅香氣，油脂都好啱， 一口落去鮮香無比，配上佢哋特製嘅日本蛋，更係回味無窮。仲有就係鹽蔥汁嘅薄切牛舌芯，好 特別，食起嚟完全唔會太韌，咬起嚟好舒服，然後有和牛嘅香氣。 套餐入面仲配有我鍾意嘅海鮮，海老同帆立貝，食完和牛同豬，海鮮味就為我哋味蕾帶嚟全新嘅 體驗，兩種海鮮嘅味道都非常鮮，而且烤起嚟

聽朋友講呢間燒肉店好耐，今次終於有機會嚟和宴食啦～和宴Deluxe course點完菜已經即刻有開胃冷盤食，上菜速度值得一讚👍呢幾款宮崎和牛刺身拼盤質素唔錯，鮮甜美味，好大盤；日本產水果蕃茄好juicy，加埋甜甜酸酸嘅土佐酢啫喱，超級夾啊～涼拌雜菜併盤食落好惹味，涼拌汁好fresh好開胃🤤和牛盛宴一共有5款牛肉，分別來自宮崎縣、鹿兒島同澳洲，全部都好新鮮，日本和牛油脂分佈平均，我就最鍾意食雪花牛排肉同埋特上牛舌棒😆 ，牛肉味濃郁，仲有多款醬料可以自由配搭醬～今餐食得太多肉要食返啲飯幫助吸油，所以叫咗辣牛肋肉湯飯，湯飯濃郁而且足料，有好多牛肉🤩

之前食過覺得呢間燒肉唔錯，最近天氣凍返食燒肉就啱晒啦，呢度環境寬敞座位闊落，唔错！首先上咗佢哋嘅前菜，和牛他他搭配法包一齊食唔會膩，入口即溶完全係我嘅最愛呀。韓式煎餅表面酥脆，加少少鹹鹹辣辣嘅特製煎餅醬非常匹配。迷你沙律又新鮮又多，加埋沙律醬地好開胃！之後上嘅和牛拼盤有薄切牛板腱，牛肉好大塊，燒兩燒就食得，再蘸埋溫泉蛋嚟食，感覺有啲似食緊關西風壽喜燒，食落充滿油脂香，而且好嫩滑。然後係上牛排肉，和牛嘅油脂分佈好平均，咁高質嘅肉可以配芥末一齊食，中和油膩感之餘仲帶出肉味。终于澳洲和牛特上牛肩肉眼同薄切牛舌芯，肉大大條，燒嘅時候要注意，因為油份太多有機會搶火，配埋生菜一齊食就Perfect。佢哋嘅鹿兒島豚五花肉超 好 食！！！調味恰到好處，唔會死鹹！五花肉肉質好好，肥瘦適中，食完唔會好膩土海鮮係海老拼原隻帆立貝，正常發揮。主食嗌咗迷你雞肉烏冬，雞肉係普通嘅雞，但食落好惹味，湯底都幾好飲。最後仲送甜品，黑糖珍珠雪糕，整體食物水準好高而且餐廳係走高級日式燒肉路線，但定價都算合理，推介！

週末同女朋友一齊嚟呢度食午餐，呢間日式餐廳係經朋友介紹而得知，朋友話佢哋燒肉好好食，今日就嚟呢度試吓。餐廳入面好寬敞，位置坐得好舒服，食得好開心滿足😆我哋落咗單，佢哋嘅午餐套餐仲有提供其他嘅 Side Dishes，包括有沙律、海帶湯、漬物、咖啡或茶或雪糕和牛溫泉蛋丼定食和牛橫膈膜外觀呈現網狀結構，肉質較為柔軟，口感有彈性且容易嚼碎，牛肉味道濃郁。金黃色嘅海膽，入口軟滑即溶，帶有啖啖嘅海水鮮味，毫無腥味。三文魚子粒粒晶瑩剔透，一啖咬落去會流出充滿海味嘅卵汁，再配上香滑嘅溫泉蛋，整體口感好好和宴燒肉定食包含咗三種唔同嘅肉類。澳洲和牛橫膈膜外層帶有一層油脂，夾雜住豐厚嘅牛肉味，肉質有特別嘅咬勁。鹿兒島豚五花肉肉質緊緻多汁，口感柔軟有彈性，味道甘甜鮮美。鹿兒島走地雞雞腿肉肉質纖維結實有嚼勁，口感紮實，雞汁豐富，鹹香味十足。可以試到唔同特色嘅肉類，真係好滿足

今日媽媽生日，午餐我哋帶佢嚟咗呢間佢鍾意食嘅日本餐廳。我哋點咗套餐，入面包含咗各式各樣嘅菜色。第一道係和牛配法包，香脆嘅法包配上和牛，幾特別嘅。和牛煮得啱啱好，口感適中，非常好食。第二道係韓式煎餅，呢個煎餅係搭配咗海鮮嚟煎。海鮮增加咗煎餅嘅鮮味，令呢個煎餅變得好香，味道真係好極呀！呢個細細嘅迷你沙律好新鮮，菜都整理得好乾淨。仲有牛肉配日本蛋嘅。烤好嘅牛肉，散發出濃郁嘅味道，濃濃嘅牛肉味沾埋雞蛋一齊食，有獨特嘅味道，都係幾唔錯嘅。接住嚟嘅係牛舌，烤好之後沾佢哋嘅鹽蔥汁醬料，使牛舌變得更加好食！下一道係宮崎和牛同澳洲和牛，呢啲牛肉嘅厚度啱啱好，唔會太厚或者太薄，烤出嚟嘅口感啱啱好。同時，佢哋嘅豚肉都唔錯，香噴噴，鮮嫩多汁。最後就係海鮮，有海老同扇貝，都好新鮮。我尤其鍾意佢哋嘅扇貝，大大粒，食起嚟好滿足，蝦都係鮮甜又彈牙。後面嘅甜品係黑糖珍珠雪糕，好甜，入口即化，非常軟滑🙌🏻我哋仲為媽媽叫咗Sake【今代司辛口】，非常爽快。媽媽呢餐食得非常開心呀🥰

今晚嚟咗和宴食晚餐，餐廳環境優美，食物高水準，值得推介畀大家【冠軍和牛拼盤】由五種唔同嘅頂級牛肉組成嘅和牛拼盤，每種牛肉都有獨特嘅口感同味道。尤其係西冷牛排風味濃郁而獨特，肉質緊實，食嘅時候好有口感，再加上豐富嘅肉汁，每一啖都非常美味，而且唔會太膩【清酒燒日本真蠔】蠔身雖然細但蠔肉飽滿，海水味、蠔味、甜味配合平均，仲帶有濃郁嘅清酒味，鮮甜可口【炙燒宮崎和牛海膽壽司】宮崎和牛同海膽嘅夢幻組合，入口時會有濃郁嘅牛肉味，之後油脂同海膽鮮味喺口中散發開嚟，引發超香濃嘅味道【韓式石鍋拌飯】白飯焦香可口，配搭韓式泡菜同醬汁，由鍋底不斷向上翻拌，令配料、辣醬同鍋底嘅鍋巴同上面嘅白飯完全混合，味道非常豐富，真係色香味俱全

身為打工仔最愛嘅一間日式老字號餐廳～日式定食葷素搭配，營養均衡，美味又可以填飽肚嘅精緻午餐🤩 呢間老字號門口就非常日式，彷彿穿越咗去日本咁😂每份定食仲包埋：海帶湯➕沙律➕漬物➕飲品或雪糕A5宮崎和牛牛柳定食端上嚟嘅和牛超級誘人！雪花嘅紋路，脂肪分佈均勻🤤 宮崎和牛本身就有住好濃郁嘅牛肉味，輕輕燒過之後脂肪溶化，食落去牛油味充滿咗成個口腔🤩 原汁原味嘅牛肉香氣，點食都正～宮崎和牛特上雪花牛扒肉及澳洲和牛橫膈膜定食同事叫嘅係宮崎和牛嘅其他部位，都非常新鮮😋現烤控制喺五成熟係最嫩口嘅口感！點埋小醬料，更加香滑軟嫩🥹 肉香味同奶香味交織喺一齊嘅口感正到震！澳洲和牛橫膈膜亦都好鮮美，雖然比唔上宮崎和牛，但口感多汁軟嫩無比，帶住唔錯嘅牛肉風味！

朋友嘅生日餐請佢食餐勁嘅，一早就喺餐廳book咗位，就係為咗品嚐佢哋最近推出嘅套餐【宮崎和牛海鮮十三品盛宴】🤍 前菜特製宮崎和牛他他配法包：宮崎和牛本身就已經好高質，切成條狀後再配搭法包一齊入口，軟嫩嘅牛肉同煙韌嘅法包，口感十足！韓式煎餅：韓式海鮮煎餅食落去香香脆脆嘅，海鮮分量都好豐富！迷你沙律：新鮮嘅蔬菜澆上酸甜嘅醬汁，食落去超級開胃～🤍 燒肉和牛薄切牛板腱：呢個部位因為含有肉筋，所以口感十分Q彈有彈性～輕輕燒吓就已經可以食，5分熟嘅肉質係最完美嘅，即鮮嫩又彈牙！薄切牛舌芯：薄切牛舌食落去就好爽脆！油脂非常豐富，烤得焦焦嘅帶住焦香味一齊入口，味道更佳！上牛排肉：宮崎和牛嘅上牛排肉！望住嗰個花紋就十分誘人～燒過之後油花溶化，肉質變得更加軟嫩，飽滿嘅肉質喺口入面綻放！澳洲和牛特上牛肩肉眼：呢款都好鮮嫩，豐富嘅大理石紋路望住就好高質！燒熟後散發住濃烈嘅脂肪香味，食落去軟嫩多汁，好正！鹿兒島豚五花肉：五花肉都係名品～食落去一點腥味都冇，反而帶住淡淡嘅甜味！食落去非常爽口、嫩滑、唇齒留香～🤍 海鮮海老拼原隻帆立貝：海老食落去口感爽脆而且鮮香味十足；帆立貝嘅肉身厚實，口感Q彈，食得出係非常新鮮嘅

前幾日同屋企人去咗尖沙咀【和宴】食日式烤肉，雖然係午餐時間，但都食到好滿足。呢度嘅烤肉套餐真係好抵食，食材新鮮之餘，質素又高。先嚟嘅係特製宮崎和牛他他，配埋法包，入口即化，牛味濃郁。之後係韓式海鮮煎餅，外脆內軟，配迷你沙律，清新又開胃。講到燒肉，最深刻係宮崎和牛薄切牛板腱，壽喜燒風味，再配埋生蛋拌一拌，嫩滑得嚟帶少少甜味，好滿足！薄切牛舌芯配鹽蔥汁，鹹香同牛味交融，特別夠味。之後仲有宮崎和牛上牛排肉同澳洲和牛特上牛肩肉眼，口感豐富，有嚼勁但唔會太硬，肉味亦好深。仲有鹿兒島豚五花肉，脂香四溢，好好味。海鮮方面，海老拼原隻帆立貝亦係好靚，海鮮鮮甜，好夠鮮味。最後，黑糖珍珠雪糕甜而不膩，正正好好做咗個完美嘅結尾。呢餐燒肉真係食得好開心，唔係貴得過分，但質素非常高。

話說我自己好想食和宴嘅燒肉套餐，一直都搵唔到機會食，因為最少都要兩個set，所以今次興起約朋友一齊去食。和宴喺尖沙咀入面算係比較高級嘅餐廳，一直都好想試，所以就趁住有朋友陪就試吓呢個日式放題啦！一去到已經見到長長嘅人龍walk in，好彩我哋已經早幾日打電話預約好午餐時段去食。座位方面好闊落，坐得都幾舒服。一開始先上前菜：特製和牛他他配麵包，海鮮煎餅同埋小沙律大部份前菜都切得好厚好大件，絕不孤寒！值得一讚。而且配埋醬汁一齊食好開胃。唔講唔知佢哋嘅和牛真係好好味！顏色呈淡淡嘅粉紅色，而且油脂都好豐富，食落去好香牛味！👍👍👍跟住就係主角和牛燒肉啦！和牛薄切牛板腱，和牛上牛排肉，和牛牛肩肉眼，薄切牛舌芯牛味都唔錯，入口即溶嘅口感，好鮮嫩，油脂分佈平均，燒出嚟香氣四溢，肉質腍甜。點埋蛋汁勁滑，唔使點用力咬已經可以吞落肚。可以請店員幫手燒，因為火喉控制得好好，唔會太生或者太熟。豬肉：五花肉豬肉嘅肉質真係好鮮嫩，中間層油脂比較豐富，燒完有驚喜，有別於一般五花肉，肉質好軟腍，肥瘦分明一層一層嘅特別口感，燒嘅過程鎖住肉汁海鮮：海老+原隻帆立貝海鮮方面入口即溶好鮮味而口入面仲留有海鮮香味滋味無窮，全部都

作為香港日式燒肉的先驅，和宴 Wa-EN 的 宮崎和牛海鮮十三品盛宴，以相宜價錢享受「日本一」宮崎和牛料理，絕對是性價比之選。由前菜 宮崎和牛他他 開始已經教人驚艷，將頂級宮崎和牛切成細絲，與生雞蛋拌勻，保留肉質口感同時，更突顯宮崎牛的鮮甜味道。燒肉部分包括 特上肩肉眼、上牛排肉、薄切牛舌芯及鹿兒島豚五花肉，其中更提供稀有的 宮崎和牛牛板腱，每頭牛只有少量可取，特別珍貴。經店員席前代燒後，以壽喜燒式食法點進日本蛋和壽喜燒醬汁中，油脂分布均勻，入口香濃嫩滑。加上各種燒海鮮、主食 韓式海鮮煎餅、盛岡冷麵 及 甜品 黑糖珍珠雪糕，無論是和牛愛好者，還是追求高品質用餐體驗的食客，和宴 Wa-EN 都能滿足您的味蕾。Wa-EN presents a great value with their upgraded 13-course Tasting Menu. Starting withMiyazaki Wagyu Beef Tartare, finely shredded wagyu mixed with raw egg balances texture and flavor, enhancin

好正啊食日本野我哋自己比錢食和牛十分好吃，肉質好肥美，細滑入味我哋食左好多添肉質唔會好硬十分豐富呀！保持多肉汁，又十分，厚身呀！呢一間餐廳環境質素10分高，唔使等好耐已經有得食，仲要係服務質素好好佢哋好好人問啲咩佢哋都即刻答返你價錢適中又唔會話太貴嘅，但係環境真係好好呀我同屋企人食咗兩個鐘都覺得好物超所值，完全唔會催人手仲有啊我覺得食日本嘢特別係和牛牛嚟講呢間都真係幾唔錯，有機會好想再嚟食呀位於尖沙咀好近呀

店內嘅裝潢好靚，好適合同家人一齊食晚餐。我哋點咗幾道菜，食材非常新鮮，味道亦都好啱我哋嘅胃口。和牛盛盤：一次過體驗五款唔同嘅和牛部位，真係太爽啦！每一款牛肉嘅色澤都係粉紅色嘅，脂肪分布均勻，燒完之後仲可以食到油脂嘅香氣，滑滑軟軟，一個字，絕！清酒燒蠔：呢個係我見過最大嘅生蠔！蠔肉非常彈牙，咬落去好有嚼勁，仲可以食到鮮甜嘅肉汁，配埋清酒嘅香氣，簡直係人間美味！沙律：沙律嘅份量好大，食到特別滿足！蔬菜非常新鮮，咬落去好清爽，加埋醬料嘅調味，味道更加豐富！和牛海膽壽司：和牛非常肥美，加埋甘甜嘅海膽，使壽司嘅口味層次非常豐富，加上份量好足，真係爽到爆！和牛溫泉蛋丼：和牛配熱辣辣嘅溫泉蛋真係絕配！蛋香包裹住鮮嫩嘅牛肉，味道特別香濃，加埋其他配料嘅獨特味道，整體嘅口感同味道非常正！

前幾日同朋友去咗【和宴】食晚餐，呢間係日式燒肉店🎏氣氛好chill🪄一邊燒肉一邊傾偈🧸好輕鬆。我哋叫咗燒肉套餐🍽️啲嘢食好快就上枱唔使等好耐。首先食咗特製宮崎和牛他他配法包，牛肉好嫩🥩配法包一齊食落去好有層次。之後有韓式煎餅，係海鮮餅🦐🦀🐙🦑外層煎得香脆，入面啲海鮮啱啱熟，唔會過火。🔥燒肉🔥宮崎和牛薄切牛板腱（壽喜燒風）係點日本蛋食🥚肉質好嫩滑，蛋液令到味道更加豐富。薄切牛舌芯配鹽蔥汁，食落去有嚼勁，唔會太硬。至於宮崎和牛上牛排肉同澳洲和牛特上牛肩肉眼，油脂分佈均勻，燒完無筋。鹿兒島豚五花肉嘅肥瘦比例啱啱好，燒到金黃脆脆嘅，好香口。仲有海老拼原隻帆立貝，蝦同帆立貝都好鮮甜。🍧甜品🍧食完燒肉我哋叫咗黑糖珍珠雪糕做甜品，唔會太甜，珍珠好彈牙。仲有迷你雞肉烏冬，細細地啱啱好填飽個肚。🍹飲品🍹飲咗熱生薑柚子茶，暖胃又解膩，朋友就飲咗波子汽水，懷舊feel十足🥤。成晚都好滿足，食材新鮮，推介畀大家嚟試吓！🔥