味道樂居酒屋 (元州街) (已結業)

有次同屋企人一齊食哩間居酒屋，我地一行6人，叫左原條鰻魚飯，芝麻雞翅，燒牛舌，火焰左口魚壽司，三文魚壽司，牛肉烏冬，雜錦天婦羅等等。原條鰻魚飯一級好味，大大厚厚條鰻魚，又多汁，鰻魚有少少骨。芝麻雞翅正常甘咯，燒牛舌好好味，熟度啱啱好，唔硬爽口。三文魚壽司三文魚好香。最好食系個左口魚壽司，超好味，大大快左口魚，入口即溶。烏冬都好味。值得再去。下次如果無小朋友就可以點埋清酒就就好啦。價錢就有少少貴咯，5大1細食左$900幾。

今日約咗舊同事食晚飯，係佢哋公司附近搵到這家居酒屋，聚下舊。店內裝修以日系設計木製為主，雖然整晚下著大雨，從玻璃看到街外情景，又有種寫意。店員很親切有禮，有時小店就會有這種親切感。今晚揀選的食物整體味道不錯。還有於Facebook讚好有"黑松露糖心蛋"送，都好好味喎！"七味魚翅" 好脆有點魚香，點沙律醬好夾，相信配上清酒談心就更一流。"迷你三文魚籽甜蝦蓉丼" 個樣好靚，超多三文魚籽，滿到跌下來，味帶少許鹹，甜蝦蓉口感淋淋地，兩者配飯味道剛剛好。"新西蘭海之藍鮑" 鮑魚肉質煙韌有口感，大大粒好鮮味。"黑蒜黑豚肉卷 "黑蒜蓉加上黑豚肉，肉質嫩，口感軟，配黑蒜又幾香喎！"汁燒大白鱔" 燒得好香，厚肉，肉質好滑，配埋個汁更惹味。"靜崗一夜干燒的鯛" 燒得好香口，魚味亦很重唔會醒，肉質好滑。"巨峰提子乳酸梳打" 純粹個人喜愛巨峰，加上乳酸同梳打，超好味。

餐廳細細，座位舒服，氣氛好好。餐牌有個"味道樂特盛九品料理"，是二人份。先食七味魚翅，味道甜甜地，硬身好有咬口。香炸簿脆魚片和岩鹽趣炸三文魚麟，都又脆又香。跟住小食有醬油淮山漬，鹹的爽口。八爪魚彈牙，配芥辣青瓜，辣辣地又清爽。而金箔魷魚，味道好特別，濕濕滑滑，鹹鹹地。最後三款迷你丼，飯是暖暖的。鰻魚丼，汁不太多，甜甜地味道剛剛好。火炙左口魚邊丼，肉質不會太淋而且滑。三文魚籽甜蝦蓉丼，魚籽新鮮又鮮甜。

去果日係下午兩點鐘左右 都仲係有好多人等緊位一入到去 裝修都花左d心思營造到日式居酒屋既樣貌燈光擺設 環境 家具 都恍似置身日本一樣一長黎到當然要試下個招牌菜原條鰻魚飯啦 驟眼睇落都起碼有兩部電話咁長Set lunch黎講可以話應有盡有有麵豉湯 有蒸蛋 有沙律味道老實講就同平時既鰻魚飯差唔多 不過不失當日食 其實醬汁比較少 對於一碗珍珠米飯嚟講 就唔係好夠送飯啦如果以打卡黎講就相當吸精啦唯一美中不足係環境坐位比較少同迫最後結論係可以一試!

想食呢間餐廳好耐 但次次經過都超多人排隊 琴日特登夜d去食 8:30到唔洗排就有位 個鰻魚飯好正 大大條鰻魚 d汁有正得啱啱好 唔會太鹹or太甜 不過如果條鰻魚新鮮d就會彈牙d 咁就爆好食啦 另外再叫左個帶子蟹膏雜菇 呢個認真無得彈 我同屋企人爭住食 唯一唔好係佢唔係跟飯上 要另外叫 但用d蟹膏撈飯又係正 我最鍾意係個牛舌 燒得好 味道調得perfectly good 完全唔奀 （因為d野食太正都唔得閒影相）價錢係有d貴 不過野食質素一流 下次可能試下佢地lunch set 應該會平d 4.3/5

三個人食左大約 HKD 1600，唔係話貴，不過計返個食物質素就有少少overpriced。最有問題既地方係佢推銷既扇貝及聖子，果位waitress都形動得好浮誇下，話啲扇貝下面有啲香菇，好好味，咁食落真係菇有菇味既，但扇貝你就好難搵到，細粒過手指尾既指甲，之後隻聖子仲巴閉...sell我果時又話大隻又話淨，佢個廚都好叻...碎上，就算你唔碎上，果隻所謂(大隻)聖子應該只得平時街市普通貨色既三份一或四份一左右大少。我當時無同佢地理論，因為我個性係一爆就小馬拆蟹，同朋友食飯唔想掃興。三文魚籽甜蝦蓉丼 及 鰻魚飯 可試。另外都有直得讚既地方：預早留左位，到場無耐就幫我安排，唔駛等太耐 - 完。

味道樂聽就聽人食得多，今次終於到自己食，鋪面裝潢好有日本地道風味。睇見menu樣樣都想食，叫咗幾樣出名嘅。Facebook 俾like有嘢送，呢D so嘢即做黑松露溏心蛋，無諗過送嘅都咁足料，黑松露味濃。胡麻醬冰菜沙律，麻醬味必點，冰菜以前喺石垣島食過，呢度D冰菜好爽 好好味。燒鱈魚干，非常香口，送酒一流。泡菜黑豚肉卷，串燒水準一流。深海池魚王刺身，極爽口，魚生片切得好薄，入口口感一流。重中之重-原條燒鰻魚飯，真係長到你唔信，仲要個鰻魚汁撈飯，非常惹味。食到捧住走都係六舊水。總結：地道居酒屋風味，食材新鮮，無論晚餐定飲啤酒小食俱佳，唯店面略小，peak hours 要等位，但物有所值。門口可9泊，但後果自負。

這一次表面為多謝朋友嘅請客，實則是我想和朋友出來愉快聊天，順便充充電。經過一番「長細」討論，最終決定來這間居酒屋。首先⋯⋯同可愛嘅小貓咪筷子托打聲招呼先。先上桌的是梅酒和柚子酒。兩種酒都太甜了，入口沒有酒的感覺。柚子酒如同柚子汁；梅酒雖甜但有梅香。接著上桌嘅喺七味唐楊炸雞。剛炸好的炸雞超熱，而且皮薄肉多。點上沙律醬和七味粉，味道更佳。煙肉荔枝卷是一道特別的燒物。煙肉和荔枝也是濃味嘅食物，不過一樣鹹，一樣甜。但是經過燒制後，煙肉卷香甜多汁，十分惹味。最後選定這間餐廳就是因爲這個原條成田醬炭火燒鰻魚飯。鰻魚已經夠吸引了，超長就更吸引啦。這條鰻魚肉厚肥美，配上照燒醬，香濃可口。鰻魚燒得有少少燶，不過無傷大雅。最後還有這個脆炸軟殼蟹卷。直得一題嘅喺軟殼蟹多肉，不同平時只吃到軟殼。這才是啖啖都喺肉嘅軟殼蟹。有機會還會再去，不錯的居酒屋。不過一定要記得題前訂位。

見到燈光十足，門口裝修得好搶眼，同埋出面望到入去已經差不多爆滿，所以就同三個朋友去試吓。餐牌嘅食物圖片實在太吸引，而且食物種類繁多。由於實在太肚餓了，我哋一口氣就叫咗好多食物。好快我哋就叫咗啲小食，包括黑松露糖心蛋、芝麻雞翼同埋流心芝士魚餅。雞翼炸到好香脆可口。流心芝士魚餅好似年糕嘅口感，煙煙靭靭，入面仲有芝士醬流出來添。熟食當中有汁燒大白鱔，食落去好少骨，而且味道好滋味。另外，鹽燒厚切特上牛脷咬落去好爽口。刺身同埋壽司方面，我哋就叫咗薄切嘅深海池魚王刺身、火炙左口魚邊壽司同埋蟹膏壽司🍣。兩者都非常新鮮美味，特別係蟹膏壽司，簡直有入口即溶嘅口感。飯桶嘅我們不得不叫餐廳推介嘅迷你三文魚籽甜蝦蓉DON同埋特上原條成田鹽炭火燒鰻魚飯。條鰻魚真係非常有份量，好大好大條！而且好肥美，最重要係冇乜骨！最後四個人食嘅價錢都只係＄900有找，每人嘅平均消費＄200左右，位於長沙灣區嘅日本居酒屋，價錢非常合理！而且有質素！下次必定再encore。

這間隱世居酒屋 ，雖然有些隔涉 ，但靠google都好容易找到 因為它的鰻魚飯慕名而來， 聞名不如見面，果然名不虛傳 未見過咁大條的鰻魚飯， 一向不是好喜歡食鰻魚飯的我都一試難忘， 以這個價錢， 實在物超所值。 另外叫咗一個壽司餐 喜歡食壽司的人 一定會好滿意 不單止有唔同種類， 而且非常新鮮 ，我最喜歡它的海膽壽司， 非常甘甜 。總括來說 今次午餐， 朋友和我都非常滿意， 值得推介這間居酒。

🎏脆炸芝麻雞翼配溫泉蛋飯 ($78) 跟沙律，日式蒸蛋，麵豉湯
外皮香脆的芝麻雞翼入面仲好有肉汁😍仲有成3隻咁多🤤超滿足將隻溫泉蛋撈埋d飯黎食一流🎏🎏🎏🎏🎏🎏🎏🎏🎏🎏🎏味道樂居酒屋 (長沙灣)長沙灣元州街498號青華閣地下C舖
#味道楽居酒屋 #味道樂居酒屋 #長沙灣美食 #Ajidouraku #芝麻雞翼 #居酒屋飯

喺長沙灣返工，收工自然周圍覓食下，點知比我發現有一間位於大街大巷嘅居酒屋🏮，我哋就即刻入去醫肚。餐廳裝修環境好日式化，而且以木為主，入到去幾乎爆滿了，好彩時間剛剛好，唔使點等位。深海池魚王刺身薄切成多塊，份量都幾多，而且上面鋪滿蔥粒，點中間提供嘅醬料，味道酸酸地好開胃。壽司方面有我最鍾意嘅火炙左口魚邊壽司，兩件賣相非常吸引，而且好香嘅火炙味道，食落去簡直有入口即溶嘅口感，非常Creamy。除此之外，仲有蟹膏壽司🍣 。不得不讚嘅係迷你三文魚籽甜蝦蓉DON，賣相非常精緻，細細杯，但係刺身嘅份量比較多，每人食少少都已經好滿足，甜蝦蓉好少可以喺出面嘅餐廳食到，而且食得出好鮮甜嘅味道。小食同埋燒物方面，分別有芝麻雞翼、汁燒大白鱔、鹽燒厚切特上牛脷同埋流心芝士魚餅等等，每一款都好新鮮美味。餐廳嘅招牌菜就係特上原條成田鹽炭火燒鰻魚飯，都只係＄128一份，而且份量好多，鰻魚真係有我手板再大啲啊，勁有份量。食落去鰻魚無骨，魚肉好入味，而且肉質鮮嫩，果然係鎮店之寶。呢間居酒屋喺長沙灣區算是數一數二的日本料理，朋友們經過，我都必定要推介佢哋試吓先得。

本身就鐘意周圍尋味既我 今晚預約左長沙灣區大熱既居酒屋🏮打算一試其功架😂一坐低就見到兩排亭亭玉立既日本酒❣️可惜因爲近排戒酒 只可遠觀☹️見到menu都有不少選擇 但見呢張廚師推介特別用色吸引 因今晚已有心水之選🤭所以同呢班朋友們無緣😼 前菜係冰菜沙律 口感好特別 爽脆 上次食係用黎打邊爐 估唔到凍食都有驚喜😉😉之後叫左芝麻雞翼！係今晚至愛 酥脆外皮不油不膩 加埋芝麻非常香口😆火炙左口魚邊壽司朋友話佢第一次食 覺得有少少入口即溶感對於平時只食三文魚既朋友 可能係另一選擇😂😂黑松露溏心蛋 只要like佢個fb page就可以免費送！燒巨形帶子 最特別係個底墊左炒雜菇 啲牛油同菌味帶住帶子既鮮味一次入口！口感非常😋😋😋黑蒜黑豚肉卷黑蒜用料超足 愛蒜人士必點！深海池魚sashimi薄切! 半條份量對兩個人黎講綽綽有餘🤤🤤 兩個字： 鮮甜！薄切得黎仲可以有實實在在的texture😺😺呢間居酒屋名不虛傳呀！下次要再次個個都會叫既鰻魚飯😻😹

隱世地道日本風居酒屋木做的屏風門、木做的傢具、放滿日本酒的酒瓶、放滿日本懷舊的鐵牌、海報，像置身東京的地道小店，體驗一下日本風情話。味道樂特盛九品料理令我感覺像吃omakase的日本料理。迷你三文魚籽甜蝦蓉丼大大粒的三文魚爆珠魚籽，一咬開時非常鮮味，甜蝦蓉不會攪得太爛而一團團的，有口感又蝦味濃，新鮮！迷你金箔魷魚魷魚底味濃，滑滑溜溜般，口感特別。芥辣八爪魚芥辣不會過重，剛剛好夠哂惹味，八爪魚是切粒的，爽口彈牙。醬油淮山漬爽脆的淮山，浸了濃濃的醬汁，非常入味。迷你鰻魚飯鰻魚佈滿整個飯，配上濃濃滿滿的鰻魚汁，我至愛的一款。火炙左口魚邊飯左口魚邊一入口即溶化，魚脂魚油瞬間充滿了口腔，再配熱熱的飯一流！七味魚翅非常適合送酒的一樣小食，脆脆的，上面佈滿調味粉。炸魚片另一送酒小食，脆口像薯片般，當中又嘗出淡淡的魚味。炸魚鱗新穎的小食，非炸魚皮，而是在魚皮上薄薄的鱗片，過癮！芝麻雞翼薄薄的炸粉，炸得金黃香脆，雞翼非常夠底味，熱辣辣一咬開時還冒起煙。黑松露日式溏心蛋橙黃色的溏心，半啫哩般的蛋白，加上濃濃的黑松露，兩者配搭後既鮮味、口感又多變。池魚王壽司今日鮮味推介，池魚王夠鮮夠凍，魚味濃、魚脂夠。梅子

成日都想食味道樂 我近排先知原來呢間就係公司附近😓 叫左原條炭火燒鰻魚飯$98 x 海膽三文魚籽甜蝦蓉丼$98 配沙拉同茶碗蒸 茶碗蒸都蒸得幾滑 配料就食到有鮮蝦同蠔 無想像中多 竟然俾我食到有冰菜沙律 好脆口 而且外層一粒粒白點都幾特別 終於來到重頭戲 鰻魚真係超大條 賣相不錯 醬汁甜蜜味美 表面帶焦香 但略嫌肉質唔夠彈牙 唔夠鮮甜 不過以呢個價錢都尚算可以接受 而海膽三文魚籽甜蝦蓉丼較為出色 海膽唔會過腥 三文魚籽味道都清甜 一咬即破 甜蝦蓉份量都頗多 整體都可以一試👌🏻 重點係一定食得飽