95
13
4
港鐵長沙灣站 C2 出口, 步行約11分鐘 繼續閱讀
電話號碼
2989 1128
6121 5113
營業時間
星期一至六: 12:00-15:00; 18:00-23:00 星期日: 18:00-23:00
付款方式
Visa Master 現金 銀聯
食評 (118)
等級4 2017-04-12
302 瀏覽
早前看,介紹了好幾間饅魚飯出色的小店,就把味道樂放在Wishlist內,終於找了個星期六專程到來會一會它~ 由於怕等位的關係,我們於12:05pm 已到達餐廳,不用等位已可入座,實在太好了. 店內面積不大,不過以和風設計很有日本小店風情,個人幾喜歡. 除了招牌鰻魚飯外,也點了數款小食試試. 迷你三文魚籽甜蝦蓉丼 $88 賣相精緻的三文魚丼迷你小巧,三文魚籽以及甜蝦蓉都相當新鮮,三文魚籽有光澤,一咬即破,魚油甘香; 甜蝦蓉則相當甜美,配上芥末正好用來拌飯吃,很開胃的,不過索價偏貴呢! 芝麻雞翼 ($58) 喜歡吃煎炸食物,就來一客芝麻雞翼. 即炸的雞翼皮脆肉嫩,肉汁滿滿的,實在太歡吃香口炸物喇! 鹽燒厚切特上牛脷 ($68) 不時何時開始愛上吃牛脷,鹽燒厚切牛脷爽口有嚼勁,擠上檸汁更添滋味. 汁燒大白鱔 ($68) 白鱔串外皮香脆,魚肉嫩滑多油脂,相當好吃! 原條成田醬炭火燒鰻魚飯 ($128) 鰻魚都幾大條,2人分吃一客剛剛好. 鰻魚外皮香脆,經炭火燒後魚肉依然多汁鮮嫩,油脂豐盈,很美味. 甜甜的鰻魚汁正好用來拌飯吃,不過個人覺得飯有點過硬,不過加上鰻魚汁同吃就好多了. 終於滿足了我吃鰻魚飯的欲望,也吃了多款美味的串燒、燒物等,太幸福了~ 長沙灣元州街498號青華閣地下C舖 2989 1128 繼續閱讀
(以上食評乃用戶個人意見 , 並不代表OpenRice之觀點。)
2017-03-27 焦點食評
等級3 2017-04-08
391 瀏覽
今晚和媽媽到長沙灣買完海味在附近搵野食 行過青山道見到一間陌生餐廳未夠七點已經有人等位 見到入面布置別緻有居酒屋的味道 決定一試 好彩等左一陣就入得招財貓向我招手見好多檯都係兩個人 星期一晚上都坐到滿哂就知餐廳幾受歡迎啦我地叫左兩個小食鐵板芝士餃子($68)本身夠濃味 加埋溶緊既芝士直程係絕配<3我好好奇有咩料係入面芝麻雞翼($58)好似係必叫之選 檯檯都叫 果然唔錯 炸到金黃色 食落脆卜卜 仲有芝麻係面 唔洗點沙律醬已經好惹味 難怪甘多人叫媽媽想食串燒 汁燒白鱔($68)同鹽燒厚切牛舌($68)各有兩串 岩哂兩人組合先講牛舌 切得好特別 好似紅腸甘 厚身得黎又幾有嚼頭 加埋檸檬汁就更正本身對白鱔冇興趣覺得佢多骨又腥 不過配上燒汁就無哂腥味 值得一讚係塊鱔幾肥美 有魚油香 不過稍為咸左少少同燶左啲啲係美中不足 最後到個煙肉櫻花蝦煎廣島蠔 ($88) (註:我未影得切媽媽就已經食左兩隻哈) 第一次試呢個組合 一口蠔既size 咬落幾多汁 仲有好多炒得好香既櫻花蝦係面 差啲搵唔到埋左係底既蠔仔 $88得四件唔夠食 貪心既我心諗如果可以多幾件就好啦 總體黎講 食物出得好快 味味都好夠熱 部分配上鐵板更耐熱 不過自己要小心唔好燙到 我最欣賞係店中用上既杯杯碟碟都有公仔或花紋 配上美食更加分 鍾意日系餐具既我不停研究 想帶曬返屋企總結,媽媽食慣住家飯覺得整體咸少少 重口味如我就無問題 我觀察到好多檯都有食鍋物同招牌鳗魚飯 下次可以有藉口再訪 繼續閱讀
(以上食評乃用戶個人意見 , 並不代表OpenRice之觀點。)
美味 焦點食評
等級3 2017-03-29
756 瀏覽
朋友介紹在長沙灣有間居酒屋,有美味的鰻魚飯。今日就去試一試。地鐵站行過去唔算太近,不過為左好野行遠的都唔怕。店鋪細細但乾淨企理,餐具很有日本feel。富士蘋果蟹子沙律蘋果十分爽口清甜,裡面仲加左的日本蕃薯仔好得意,蟹子咬落卜卜聲很新鮮。日本美華雞頸肉串都幾刁鑽的食材,雞頸肉十分嫰滑配上燒汁十分忍味。香炸日本池魚仔炸到外脆內軟,粉漿好薄。咬落又唔會油淋淋。魚仔很鮮味,細細條連骨都可以一起食。送酒一流,可惜我的唔飲酒。黑蒜黑豚肉卷黑豚肉原本已經有很香的肉味,加上黑蒜少少甜味使豬肉的香味更突出。帶有少少肥肉經過燒油香味浸出來但咬落口一點都唔肥膩。芝麻雞翼雞翼炸到香口但裡面好多汁,加上芝麻的香味令口感多了一層。特大赤蝦刺身赤蝦睇落十分新鮮,蝦肉鮮甜彈牙。蝦頭裡面仲有好多蝦膏。迷你三文魚子甜蝦蓉丼賣相十分吸引人,粉紅色的甜蝦蓉,紅卜卜的三文魚子,上面仲有朵鮮花睇下都覺得好好食。三文魚子的味道十分好味,淡淡的咸味寸托出魚子的鮮味再配上甜蝦的鮮甜味,簡直是食唔停口。原條成田醬炭火燒鰻魚飯真是好大條鰻魚,見到都好開心。炭火燒令到鰻魚有陣焦香味,魚油滲入的魚肉裡面,魚肉好嫰滑。鰻魚汁少少甜用來撈飯真是美味。仲要更大條的鰻魚飯才$128都幾抵食。多謝朋友介紹這間美味的居酒屋。 繼續閱讀
(以上食評乃用戶個人意見 , 並不代表OpenRice之觀點。)
快樂味道 焦點食評
等級3 2017-03-28
488 瀏覽
朋友book左間居酒屋食晚飯,收工後搭地鐵,長沙灣出站差不多行十分鐘,位置麻麻地。鋪頭好細間,都幾逼,不過裝潢,用具好和風,感覺跟日本當地的差不多。鋪頭爆滿,朋友推介鰻魚飯。原條成田醬炭火燒鰻魚飯:真的好大條,厚身又肥美,應該有平時食的3倍都不止吧,一點腥味都沒有,肉質鮮美嫩滑,入口好似自己融化,惹味的醬汁配搭的天衣無縫,少少甜,鮮香味更濃郁, 128元,超值,必食。富士蘋果蟹子沙律:蘋果清甜爽口,新鮮的沙律菜,香甜的一口番薯,鮮味的蟹子,口感豐富,健康好味。特大赤蝦:蝦肉結實鮮甜,爽爽地卻又嫰口,大只飽滿,味道口感俱佳,38元一隻,值得一試。流心芝士魚餅:甜甜的魚餅又香又爽口,中間的流心芝士又熱又香,味道又幾夾,好食。香炸日本池魚仔:細細條外面炸的有點脆,裏面肉身卻依然保持稍稍濕潤,嫰口,味道鮮香。鹽燒厚切特上牛利:牛利相當惹味香口,厚切令口感明顯,佐酒必食。明太子雞翼:雞翼裏面是明太子,咸香味相當濃烈,加上炸至脆皮的雞翼,口感豐富。差唔多走時看到出面還有好多人等位,就是鋪頭位置差點又如何,最緊要點野好食,就一樣唔愁客。 繼續閱讀
(以上食評乃用戶個人意見 , 並不代表OpenRice之觀點。)
必食原條鰻魚飯 焦點食評
等級3 2017-03-23
656 瀏覽
朋友係要見既自從大家出黎工作後見面既次數每況愈下愈難齊人外出今次終於齊人一齊出外覓食想像不到這間位於長沙灣的小店平日晚上的人流如此強勁7時半左右到達店內已經滿座 我們一行四人等待了差不多20分鐘才可入座店內環境不錯 雖然空間小小的但看得出店內佈置花過心思充滿著日本古早風的物件而且餐廳用上了黃燈 令餐廳感覺特別溫暖於店外排隊時已經被店內客人的原條鰻魚飯深深吸引非常期待我們最後點了1.7味魚翅 $68與我之前於其他居酒屋內試的不同更有口感 肉質較厚實 魚味較重外加的調味不多 但沾上沙律醬 味道更佳我愛這個2.芝麻雞翼$58炸得香脆但不油雞翼上的芝麻令脆口的雞翼更添上了芝麻香味3.流心芝士燒年糕$48大愛這個流心芝士年糕小妹一咬年糕時 年糕內的芝士滿滿流出來這店的芝士年糕與平時店內能吃到的不同芝士非常順口 香而不膩小妹推測應該是用上了日本的芝士4.煙肉櫻花蝦煎廣島蠔$88第1次食廣島蠔細細隻 滑身 沒有腥味拌上櫻花蝦 添上了脆口但食唔出有煙肉的味道~5.鹽燒厚切特上牛脷$686.原條成田醬炭火燒鰻魚飯$128終於到我最期待的主角出場喇就係原~條~鰻~魚~飯~必食推介小妹第一次食到饅魚飯係食唔出有骨連小骨都無之前無論台灣或者名古屋食既鰻魚都係有骨今次真係幾驚喜~肉質尚算鮮嫩 肥美度一般但醬汁加上饅魚上 配上白飯本身就係完美配搭一邊食一邊同好友們聊天完美~ 繼續閱讀
(以上食評乃用戶個人意見 , 並不代表OpenRice之觀點。)