味苑 (已結業)

兩個人係灣仔做完野，太肚餓，行過見到格局唔錯，所以黎左呢間餐廳食飯。我們叫了蜜桃水晶咕嚕肉$108 酸甜味道整得唔錯，蜜桃好甜，豬肉好爽口，無肥肉，炸粉夠薄又夠脆，好好味。水煮牛肉$158入面有咸酸菜，牙菜，豆卜和好多牛肉，望落去好似好辣，辣味屬於少麻辣，不是太麻，所以愈食愈滋味，真係食到停唔到口。本來打算叫多一個菜，不過水煮牛肉很大一鍋，所以才沒多叫乳鴿。最後，酒樓仲送左兩碗糖水，雪耳南北杏木瓜糖水，好清甜，食飽飽好滿足。

團年飯叫砂鍋濃湯雞煲翅，甜入心暖入胃，砂鍋熱到隻手彈起，夠晒火候足料入味，非常十分鮮甜，大大條魚翅冇味精，叫一份兩個人share有三碗，特價$148黎到有食神喜出望外，絕對要食紫薯炸鮮奶，入面嘅鮮奶係凝固的，熱既時候暖琳琳, 凍左就好似紫薯椰汁糕咁㰖仁蘿蔔絲炒飯，蛋絲夾著蘿蔔絲，清甜帶爽不油膩。流沙小肥豬，夜晚都有點心，小肥豬就唔夠流沙喇，賣相可愛搭救。食好啲挑剔啲，價錢又合理，裝修雅致，牆上有壁畫，杯碟都有花紋。約莫八時左右滿座，訂定位就冇執輸。

今晚放工唔想煮飯，老公又鐘意食中菜，所以近近地就來到味苑食晚飯。雖然地方比較細，但裝修得闊落企理，又不同一般酒樓那麼嘈吵，侍應招呼周到。餐牌有好多選擇，由簡單小食到名貴的鮑參翅肚都有，還有多款套餐供應。不過今晚得2 個人選擇不多，就清清地要了一個鮮茄海皇菜絲泡飯，份量很大，2 個人足足每人分到4-5 碗，看似比較清淡寡口，但飲落有蕃茄的鮮甜味，芫茜的香味，還有冬菇粒，帶子粒，蝦粒，魚肉粒的咬口，很飽肚。另外，叫了海蜇作前菜，小小辣，好香麻油味，很惹味。男人要有肉到肚，聽講這裡的燒味很不錯，就更係要叫個燒腩仔啦，肥瘦適中，外皮燒得香脆，肉質鬆軟。

🍴脆炸牛坑腩 158 蚊🐮🔥好正既牛坑腩 切既厚度剛好 出面層皮炸得好香脆 🐮 牛側邊有適量既肥膏 🐂 牛肉煙靭 肉味香濃😍 點埋甜酸醬好味🍴蜜汁欖角牙簽骨🐷 128 蚊🍯好大件既豬仔骨 肉質彈牙 豬肉味香 而佢既㰖角味道香濃 加上 好入味既蜜糖汁 好啱送啤酒🍺#牛坑腩 #豬仔骨 Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#味苑灣仔駱克道 128 號地下~~~~~~~~~~~~

早前係FACEBOOK 見朋友去咗”味苑”食咗個叫”金沙明蝦球”非常吸引, 好想去試, 於是放工約埋朋友去開餐！位於灣仔嘅味苑, 鄰近港鐵出口交通方便。 樓高兩層,地下一層放有幾張中, 小形枱, 雖然地方不算太大, 但上層亦有獨立房間放有兩張大枱, 無論三五知己或是一班朋友聚餐都係唔錯既選擇。今日就只係得我同朋友兩個食飯, 所以我地都唔可以叫得太多, 最後我地叫咗兩款小菜, 除咗”金沙明蝦球”之外, 我地仲叫咗個”味苑小炒皇”。好快第一味餸”金沙明蝦球”已到, 好香咸蛋黃味, 白飯未到已忍唔住先咬咗一口, 明蝦大大粒, 咬落去非常彈牙, 包喺蝦外嘅蛋黃厚度適中, 唔太少又唔會太多。第二度菜”味苑小炒皇”以韮菜,蝦粒, 大蝦乾, 吊片, 菜脯同杏仁炒成, 外面大部份會以腰果炒, 但味苑以杏仁粒炒, 配搭好好,而且仲好有口感, 韮菜好新鮮, 蝦乾唔硬, 蝦粒,吊片同菜脯加埋, 非常香口, 送飯一流, 所以最後成碟食得乾乾淨淨。相反, 蝦球我地就食唔晒啦, 因為份量十足, 一碟有成10大粒,我地每人食3粒已經有D飽, 最後都係要打包再食。是日晚飯$356

咁啱喺附近做完嘢，行下行下就見到味苑，見呢間餐廳外貌都幾古色古鄉，應該都幾傳統，就入左去試下。一入去坐低，侍應服務好好，即刻問飲咩茶，好快就送到，叫咗鐵觀音，茶味好清香，另外餐具都好有特色！落單之後第一道菜好快送到。海皇一品豆腐煲 - 咋咋聲，香味十足。海鮮有蝦、帶子、花枝，好鮮味同爽口，連埋豆腐同配菜好夾另外叫左招牌菜 - 脆皮牛坑腩 - 黎到睇落有啲乾，但係食落外脆內軟，口感一流，而且牛味好濃郁，配埋甜辣醬，就清新番哂仲試左半隻西檸雞 - 雞炸得脆口，粉漿吾會太厚，最借得欣賞就係個西檸汁，用左新鮮檸檬，好fresh，夠哂醒胃食左咁多肉梗係要叫番個菜啦，蟲草花蝦滑浸翡翠 - 雖然普普通通，但個湯清清地，突顯出蝦嘅鮮味。最後仲有糖水送添！冰糖木瓜燉雪耳，好滋潤，天氣涷涷地就啱哂

好耐之前，已經喺呢度食過一次lunch，覺得幾好食㗎! 今日專登重臨，就係要食晚餐。晚餐兩個人都可以坐一張圓枱，又闊又大，好舒服。對於啲無飯夫婦黎講，黎得呢度梗係要試下一啲住家菜。脆皮燒腩仔 $138個皮脆卜卜， 唔會係硬的， 一層油一層肉，肉質都幾滑。鮮百合雲耳鮮淮山 $88淮山唔會呈黑色，質地雪白，而且咬落爽脆， 四季豆側邊的根位都有搣咗，呢個係用心位。生煎鹹魚茸肉餅  $128好有鹹魚的香味， 煎得好香口，唔會有太多油， 肉係人手剁，果然係必食推介!最後仲有一個木瓜雪耳糖水，味道清甜，好滋潤呀！

放工後搵地方醫肚，經過灣仔見到呢間食肆，都幾光猛，咁就求其入去食，坦白說是沒有期望，但是侍應都幾好禮貌，再望到餐牌，都幾醒神，有分類，有圖睇，有必食推介。咁就叫咗兩個必食推介，一個係咕嚕明蝦球，一個係脆炸牛坑腩，再叫多一個海皇一品豆腐煲。雖然冇期望，但食落就有喜出望外的感覺，完全冇中伏，首先個咕嚕明蝦球，酸酸甜甜開胃不特止，D炸蝦球炸到彈牙，即時要叫多個白飯食，第二道菜脆炸牛坑腩，都比較少見，呢個真係無得頂，外皮好脆，但牛坑腩整得剛剛好，牛肉味香又濃，食到口不停。最後個豆腐煲，好足料，豆腐好滑，隻蝦又入味又彈牙。最後個侍應仲送多個木瓜雪耳糖水，可以滋潤下，啲雪耳煮得又冧又滑，很有骨膠原的感覺。總括來說，正，可以encore。

相約幾個朋友到灣仔味苑吃中菜，菜式有很多，令人花多眼亂，不知如何去選好，眼見旁邊的燒味賣相挺吸引，決定一試。我們點了三個小食，燒腩仔外皮十分鬆脆，肉跟脂肪梅花間竹地分佈好，咬下去滿滿油香，十分美味。蜜汁叉燒蜜汁很濃，半肥瘦的剛剛好，吃完一口更加想吃多一塊。海蜇跟平常吃到的更爽脆，作為餐前小食令人食指大動呀。野生竹笙西施海皇羹一窩有四碗，足夠四人享用。材料十足，有豆腐、肉碎、蛋、竹笙、蔬菜粒，口感很豐富。特色瑤柱櫻花蝦炒飯，飯粒每粒分明，不太軟不太硬櫻花蝦加上蔬菜粒，令顏色很豐富，賣相味道都很吸引。整體來說，環境整潔，座位舒適，菜式也很美味，下次會來吃下午茶。

成班friend都係港島返工，所以我地幾個有時都會黎灣仔食飯，今晚就揀左呢間中菜餐廳聚一聚。門口睇落有種金碧輝皇ge感覺。餐廳都算闊落，唔會好迫。Menu有不少選擇，我地今晚叫左一個羹，幾個小食，一個煲，一碟飯。燒腩肉好正！真係一層肥一層肉，個皮脆卜卜，我地幾個都爭住食。义燒偏瘦，但食落口軟糯。炒飯有好多櫻花蝦，飯身炒得幾干身，香口。重頭戲，海皇羹，足料！有四碗岩岩好夠我地幾個分～最後係雜菜煲，好多厚冬菇片，菜煮得比較淋，但勝在款式多。

就下灣仔放工既同事，今晚去味苑叫餸食飯。裝修很古典中式。雖然是平日，但也幾乎滿座。我們點了金莎明蝦球，咸蛋黃很香，蝦肉新鮮彈牙，每隻都大大粒，是老師傅才炒得到的風味，像乒乓球一樣大。配上白飯吃，回味無窮。墊底的炸粉絲呈雀巢型，很搶眼。墊著油滲到底層，沒那麼油膩。蜜汁欖角牙簽骨。欖角很入味，牙簽骨肉質炆得很腍，蜜汁鋪面烤香，看上去其實很大份，肉很多，很飽肚。其實2個人吃中式晚餐，沖壺茶，慢慢傾計，的確很寫意

同事book左位泥呢到飲茶，之前都想泥試下，今日終於有機會泥試菜。鳳爪唔係非佛所以無試到，先食個頭盤海蜇，味道ok正常。「燒腩仔」皮幾脆口幾香肥瘦都算適中。「胡椒咸茶豬肚」咸菜唔會太咸，豬肚入味好食，「酥炸魷魚鬚」炸得幾脆粉漿唔厚唔硬，魷魚都ok唔係梅，「生菜魚肉豆腐」以為清清地普通野，但其實重果皮味幾香wo,有好多果皮絲。「金鈔米網蝦腸粉」好味外軟內脆！「流沙三小豬」流沙包就一般流沙，但賣相精緻無走樣。「南非鮑魚雞粒酥」我冇食因爲得一隻，聽同事講：un「欖仁蘿蔔絲炒飯」炒飯粒粒分明有鑊氣，有疆味，蘿蔔絲無味道但有咬口，睇樣普通但呢個好食「蝦餃」好食但無影相，蝦好大隻而且彈牙。整體泥講好味但價錢偏貴，唯一差既地方係服務，食到最後係咁收我同事夾緊個隻碟，拉扯大概十幾秒，係要收到為止，如果我平時自己食飯，我諗我一早鬧爆佢，仲有就係佢地話因該我地係book位所以無得叫餐食。真係第一次聽。

環境4分：中式酒樓格局，樓上有間房，比一般高層次，可以畀四分。衛生5分：餐枱舖左枱布，Ｄ公雞碗碟全部都仲好鮮色，又完全冇崩裂痕跡。好難得連洗手間入面都有個冷氣，衛生可以畀滿分。服務5分：樓面伙記經驗老到，仲好好人，落單上菜夠爽手，都係畀佢滿分。味道5分：1)     唔使專登揀半肥瘦嚟食，碟例牌蜜汁叉燒都已經正到呢，Ｄ肉夠淋夠軟熟又多汁，不知好食過幾多間名牌叉燒！2)     脆皮燒腩仔果然係夠脆皮，脆到卜卜聲，五花腩又鬆又軟又爽，一樣正到呢！3)     豉油皇龍鬚炒麵油水剛剛好，Ｄ麵好潤又夠爽，個味道又教得好。抵食5分：叉燒直頭有米芝蓮水準，但係價錢只係幾廿蚊，直頭超值！

前陣子突然想買保險，就揾左個做保險的朋友了解下，不過電話講又唔係太方便，就順便約出嚟食吓飯。今晚朋友帶左我去灣仔駱克道「味苑」食飯，好近港鐵站，交通方便。環境好有中國特色，牆上掛有中國畫，裝修古典華麗。今晚叫左遼參魚香茄子煲，調味剛剛好，唔會太濃味，熱辣辣上抬，D油仲彈左出嚟😆朋友話遼參好正！海皇一品豆腐煲，有好多海鮮，好大隻蝦，帶子爽甜，冬菇豆腐入味😋本來都想叫個飯，不過我哋都唔大食，見個煲咁大份量都夠晒啦👍甜品就叫左個乾清紅棗糕，係我嘅至愛，新鮮蒸起，好軟熟，好好味。

今日放工同友人約在灣仔食晚飯，他選了味苑，由於朋友在附近返工，都未試過呢間中菜餐廳，於是就一齊試吧。入面的裝潢優雅古典，印象都是木椅木槕，槕上的碗筷都印有公雞🐓，好有趣味同中國特色。看看菜牌，很多不錯的選擇，但可惜只有兩個人，不能叫太多，所以精選了幾味。本身看到個二人套餐幾好，但我又想食不同的食物，所以最後選擇散叫它們的招牌菜。第一吸引我的是砂鍋雞煲翅，正做優惠價，店員亦好好，見只有兩位，一煲都足夠，可先點一煲，果然真材實料兩人分都有一人一飯碗。叫咗佢哋例牌叉燒好好食肥瘦適宜，味道甘甜不膩。跟住叫咗一個好出色嘅咕嚕蝦球我好喜歡食蝦，去到邊度都都有蝦的菜式。本身炸嚟佢係外脆內彈牙，仲要一路都keep 住脆，好難做到，一般食到的都送上抬唔夠五分鐘可以已經林晒。當然食到尾都會林左少少。叫咗安格牛柳炒飯看似好普通入口又幾香口粒粒飯分明，又不油膩。總括，仲想回來嘗試他的其他招牌美食。😋服務態度好，仲有飯後糖水送。