味苑 (已結業)

人生起起伏伏，不同階段有不同的挑戰。要懂得處理生活壓力，從飲食開始，食得健康有質素是直接又重要的一關，不容忽視。這家中餐廳面積小小，五臟俱全，裝潢富麗堂皇，牆壁掛滿美麗的中式畫，很有風格。二人世界套餐兩口子點了這個溫馨二人餐，喜歡海鮮就最適合。螺頭燉雞湯先來個螺頭燉雞湯，火候十足，潤喉暖胃。螺頭夠腍身，淮山雞肉香甜。脆皮燒腩仔很出色的燒腩仔，點小芥末，很是香口味濃，肉質腍身多汁，皮脆野味。豉油皇南非四頭鮮鮑四頭鮑新鮮彈牙，肉質鮮甜，在家很難處理製造出如此優質的出品。蟲草花浸翡翠香港地食肉獸處處皆是，一道新鮮健康的蔬菜顯得非常重視，用上蟲草花浸煮，非常香甜脆口。XO 醬爆炒龍躉球海鮮好食關鍵在於海鮮本身，由於龍躉本身非常新鮮，味道沒法阻擋，配合甜豆紅黃椒，美味。色。香。味。俱全。冰糖杞子糖水愛甜品，這個清甜，可口。透明狀的名字已忘記，入口清新，楊枝甘露冇得輸的飯後甜品，讚。

想食不花巧但求質素的家常粵菜，我會選味苑。很多食客都會推介义繞及咕嚕肉，我都覺得好食但我更欣賞的是味苑的燉湯及蒸海鮮。今晚的燉湯是杏汁燉豬肺，足6人份量，杏汁味雖然不算很濃，但湯底就絕對是足料，有豬肺、瘦肉、雞腳、馬蹄、銀杏，我十分滿意，很有家的感覺。另外當晚的蒸魚也是被席間每人讚賞的一個菜式，這條星斑仔很新鮮，蒸得剛好，肉滑，豉油汁沒有奪走魚的鮮味，反過來幫助提鮮，汁調較得很好，一點油味也沒有，只食它也能配一碗飯。另一驚喜是脆皮牛腩，這個菜式之前在不同食肆試過幾次，每次都不欣賞，不是太油就是牛腩太乾。但今次令我喜歡了它。味苑的牛腩很香有肉汁，肉質有咬口得來不會咬不開，脆皮有一股不令人反感的油香，的確這個牛腩只能一件起兩件止，因食後會有點溜。但相信第二天會回味這件牛腩。就是普普通通的家常餸，令食客可以在繁忙的一天後好好食到回家食飯的感覺。

呢間位於酒店內既中菜館，裝潢一啲都唔差地理位置優越，好近地鐵站，超級容易搵餐具都好有中國氣息，有種懷舊中國風本身都好想叫燉湯，不過我地已經點左3樣餸，得2個大人1個小朋友，一定會食唔哂，所以今次唔飲住啦蜜桃咕嚕明蝦球每一隻蝦球都好大隻酸酸地好開胃，呢樣餸係我好鍾意食的特色瑤柱櫻花蝦炒飯呢個炒飯炒得好乾身，仲要係炒到粒粒飯添而且仲一啲都唔油膩，我都食左差唔多有3碗啦啫啫唐生菜呢個生菜既價錢相對地比較貴，不過都預左，因為係酒店內既餐廳不過啲菜比較翠綠，睇落真係比一般餐廳食既新鮮而且仲有蝦乾添，咁都算回值味道又唔會好咸有糖水附送：桂花桃膠糖水女生既恩物，可以補充骨膠原不過味道就偏甜左啲

遲來的父親節飯，為老豆㨂左佢最愛既中菜。呢度地點方便，灣仔地鐵站c 出口轉左行兩步就到。✨餐廳有兩層，上層只有幾張枱，感覺更加闊落同多d私人空間。✨蜜桃水晶咕嚕肉（$88): 老豆最like 食咕嚕肉😆呢個好好食，咕嚕肉炸粉超薄微微脆，食落啖啖肉，蜜桃大舊好香甜👍🏻。✨蜜汁欖角牙簽骨（$108): 見係推介菜式所以吸引我去試，我家姐先試第一啖個樣已經變左色話唔啱口味，我再試都變埋色😆果種梅味好似細過食過一種紙盒裝陳皮梅～～好奇怪既味我接受唔到～～基本上係全家都唔多like。但佢個骨係好食既，幾厚肉多汁，如果換過個醬會討好d✨香蔥安格斯肥牛炒飯（$108): 呢個飯味道比較清淡 , 飯炒得乾身，不過d 牛肉粒好細粒同埋較乾同瘦，普普通通無咩驚喜。✨脆炸牛坑腩（$138): 第一次食牛坑腩係用炸既方式， 開頭食落去覺得有d 乾，不過𡁻落又覺得牛味幾濃，炸漿夠薄夠脆幾香口，點埋甜酸醬我覺得好食d, 不過就蓋過左牛既味道，對我黎講未去到必食既程度。✨左中塘雞球炆伊麵（$88): 明明無辣椒icon, 但居然係辣既，唔食得辣既真係覺得辣到噴火🔥🔥🔥。小試左一啖，其實係幾惹味，好食過個炒飯，可

睇話劇前與朋友食飯醫肚，星期五晚上灣仔會唔會搵食艱難呢？經過味苑畀佢門口掛住嘅燒鵝吸引，好彩喺無訂檯之下都有４人檯，爽快順利！攤開菜牌，見到佢有北京片皮鴨，恨食嘅朋友立即雙眼發光，話要兩食！最後order咗：片皮鴨兩食手拍青瓜百合雲耳鮮淮山紅燒豆腐可能片皮鴨係兩食嘅關係，片出嚟唔算多，不過４個人都算OK夠食，喜歡佢啲鴨唔肥，薄餅亦好味，可惜食咗大半先醒起未影片皮鴨，所以唔好畀張相嚇親，佢未至於少到咁樣！叫埋單後送上糖水，係圓肉杞子桃膠，有驚喜呢！埋單每位$180，大家都話抵食又好味，可以encore!

Just got here from the US and was located across the street. The food was terrible and practically inedible. And the Service was just as bad. The server barely checked on us and didn’t seem to care very much if we were satisfied. We will never be coming back.

有朋自遠方來，不亦樂乎！朋友專程找我食lunch, 他喜歡上茶樓，於是上網找了很久，搵到呢間灣仔罕見雅緻茶樓！位置就在地鐵站出口旁，十分方便朋友！茶樓有兩層，地下佈置既傳統又雅緻，樓上整潔明亮摩登。這裡沒有點心paper, 只有一版大約十多款點心，選擇較少。而套餐也沒有二人份量，最少都要四人套餐，唯有散叫點心吧！小豬流沙飽： 流沙不夠「流」，飽也較細個。小豬造型不夠坊間得意。XO 醬炒腸粉，非常惹味停唔到口。瑤柱菜苗餃王：”play”薄餡靚，蝦又大大隻酥炸8爪魚：炸粉唔厚，份量也多，美味可口食物ok 既，但服務就。。食到差不多下午一點，waitress 話「你地知要一點交檯架何？」即刻o 左嘴，來酒樓食飯，就係諗住可以坐耐d 傾下計，早於兩日前訂座店方冇提過用餐時間，我們只係食左一個鐘都無，就要俾人趕走入座又從無提過，突然同我地講要交檯！差差差！

先前farewell同事黎食過點心覺得唔錯，今次同舊同事飯局我就提議再黎，但同預期有少少落差。我地一行四人本來就想食點心，於是叫左包4款點心、2款小菜、例湯、甜品同白飯既自選四位餐 ($568)。點心揀左味苑蝦餃皇、蟹籽燒賣皇、醬皇蒸鳳爪同新鮮叉燒腸，全部味道不過不失，同一般連鎖酒樓差不多，冇咩大驚喜。 味苑蝦餃皇同蟹籽燒賣皇足料彈牙，唔算特別大粒，亦唔會太濃味。 醬皇蒸鳳爪軟腍惹味，岩岩四舊夠四人分。 新鮮叉燒腸入面既叉燒偏瘦唔太靚，腸粉皮略厚。小菜薑蔥龍躉頭腩煲上得好快，龍躉頭腩雖然有骨但都幾多肉，先炸過然後同大量蔥段同炒，香口得黎又嫩滑。 不過份量較少，全煲薑蔥佔左七成，每人分到兩細舊，唔太夠餸飯。金沙明蝦球好有驚喜，首先午市黎講，下面有炸鳥巢墊住上台已經係意料之外，蝦球大大粒好彈牙，最正係金沙好幼滑唔會膩，濃郁既咸蛋黃醬同鮮味既蝦球好夾，我地連鳥巢上剩底既碎都食埋，最後仲用左黎撈飯，超正！鳥巢雖然吸引但就唔洗試喇，似係米網紙預先炸定，食個時已經唔脆亦冇味，但整體成味餸都好好味，有機會會encore。雖然兩款小菜每人都分到兩舊，味道亦唔錯，但份量感覺好少，惟有呆望住碗白飯輕嘆。 

有日無聊碌facebook見到有抽獎 抽片皮鴨🙈我立即參加左 估唔到我真係中到呀‼️‼️‼️所以帶左好姊妹去食飯聚一聚😝呢個係送嘅片皮鴨 質數不錯的有啲連肉 有啲淨皮 頗脆的👍🏻金沙明蝦球 咸蛋蓉沾滿整隻大蝦 蝦嘅鮮味加埋咸蛋嘅香 頂呱呱👍🏻叉燒皇 肥瘦適中 唔會太肥膩 叉燒燒得好香 脆炸牛坑腩 炸粉薄薄包住牛坑腩 脆口牛坑腩牛味濃 肉質淋 肥瘦分明黑松露砵酒焗蠔 有八隻架🙈 俾朋友搶先一步食左😝蠔夠唒大隻 加埋黑松露 好高貴喔環境方面 安排左入細房 得三枱 比較冷靜👍🏻 侍應服務良好 舒服開心嘅一餐 ☺️

話說我同阿仔喺人哋臨last order前衝咗入去食嘢，因為我見仲有幾檯客人未走，心諗我哋都係好快食完，所以都照殺入去。入到去啲員工都好熱情好有禮貌同阿仔玩，仲有好有耐性介紹嘢食俾我。佢哋個一人燉湯真係好飲到不得了。另外叫咗個湯米粉俾阿仔食，不過真係怕阻住人收工，所以食到咁上下就包走嘢食了。我覺得環境衛生都唔錯，下次會早啲去慢慢食。

2017年最後一天，跟媽媽外出飲茶看到食評，好像不錯，11:45分到人客不多，環境別緻；叫了雙拼燒味（叉燒+脆腩仔）叉燒厚切juicy(但少了焦香）脆腩仔一點都不脆媽媽抱怨米飯是涼的（其實未至於）但就是微温啦⋯⋯⋯⋯點心都幾好，味道ok，而且夠晒「熱」小炒就真的不行，蜜桃咕嚕肉，是我吃過最難吃的咕嚕肉；肉太肥（應該是豬頸肉）、粉漿過厚、沒一點咬口（全淋掉），汁也不夠酸甜⋯⋯我們只吃了伴菜，其實好想退款$98（不值）就算$8都不想要

冬大過年，做冬當然要食返d中式野，Lunch同同事們去左公司附近既味苑飲茶，一行6人比左張大圓台我地，環境都幾舒適，可以靜靜地傾計。全部碗筷都有公雞🐓樣 我地叫左一個4人餐同少少點心蜜桃咕嚕肉佢呢個咕嚕肉比較少汁，但都脆脆地，幾好食。薑蔥斑腩煲斑腩好食，多肉少骨，份量都幾多。正流沙三小豬🐷小豬入面係奶黃餡，好流沙，不過就覺得甜左少少。蝦餃燒賣，正常野。脆皮蝦腸呢個蝦腸好好食，好多蝦，d脆皮亦好鬆化，點少少豉油食，一流。奶黃煎堆仔一般，可以不試。蜜汁叉燒比較瘦，肥d會更好。

呢間已經唔係第一次同同事去飲茶，天氣開始凍，一路飲住熱茶一路食飯就係最好選擇，灣仔附近其實沿途都有幾間酒樓，雖然呢間比起其他食物方面係選擇較少，枱位置又唔太多，客人與客人之間的空間較少，但同事一提起飲茶必會選呢間。最出名必食係米網腸粉，就算放耐左依然好脆卜卜，魷魚酥更係必叫，因為外面炸粉厚過條魷魚，但呢間好薄身，好好味，燒味亦係不錯既選擇，差燒肥瘦適中，好淋而且一啲都唔乾或鞋口。唯每樣點心份量較少，如果可以大份少少就更好

午膳於灣仔味苑，享用了一碗叉燒切雞飯。叉燒選材偏瘦，製作厚身，賣相有一定吸引力。細意品味，其偏瘦的特質沒有過度影響其鬆軟感，肉香亦見紮實，只是欠缺燒焦部份搶香度始終差少少，哈哈！至於切雞，碰巧遇到雞脾部位，肉豐美滿，滑感不俗。 隨飯品免費送上例湯或餐飲一杯。因店員極力推薦粉葛赤小豆湯，當然要試試，最後中伏。湯品中完全找不到湯料，鹹度偏高，不合格。 多人同行，同時也點上兩款點心共享。蟹籽燒賣皇賣相一般，質感略為軟身鬆散。鮑汁鳳爪沒有鮑汁味道，欠缺神韻。因味苑的點心平均要三四十元起，如此質素實在交不到認有的水準。 最後結賬人均消費 $85，只吃了一碗相對像樣的燒味雙拼飯，不抵吃！

27/10/2017 6點半到灣仔味苑晚飯，待應小姐熱心推介菜式，此時對食店服務很是滿意，但未到7點半已不斷收我們未吃完的餐飲，跟住點甜品吃，已感到有職員不滿意我們不交枱，甜品到時，有位没穿制服的大肚女員工，好大力將甜品拋在枱上，態度惡劣，趕客！我們只是坐低一個鐘，就算有客在等位都不應該這這樣對待正在用餐食客！見她是大肚婆我們才沒有即時投訴！算！以後不會再幫襯！差劣差劣差劣差劣差劣差劣差劣差劣差劣差劣