吱吱朕 (已結業)

說實的，我是因為餐廳的裝潢和餐牌而被吸引。沒有令我失望，餐廳的食物十分高質素。我和朋友二人一起進食，點了炸雞軟骨及窩蛋牛肉飯。另外也怕份量不夠而點了黑松露wasabi薯條。雞軟骨及薯條的份量大得驚人，但味道不錯。唯一美中不足的， 是薯條的Wasabi味不太突出。窩蛋牛肉飯實在值得推介。牛的份量十足，配以生蛋黃一同進食，簡直絕配。飲品方面，這次點了荔枝mocktail。味道十分清新， 夏天消暑一流！整體而言，在Soho區云云的餐廳來說，這間餐廳實在值得推介！

終於有時間去試👉🏻吱吱朕 👈🏻一間中式復古酒吧..首先佢哋個餐牌係聖旨造型, 餐廳設計走中式路線, 但餐廳竟然係賣日本菜😂 有日式串燒🍡🍢魚生🐟等等.....當然叫左呃like必食嘅夜光杯, 鋪滿海膽同北海道魚子再加紫菜同飯, 無論視覺同味覺都一流💯.仲有無論味道同賣相都好好嘅cocktail 👏🏻👏🏻 值得推介🍾🍾

久聞中環有間玩樂主題的特色酒吧餐廳，中國古代風裝修，但主打日本菜，今次決定前來試試。店鋪地方不大，但環境格調有濃烈的中國色彩，裏面裝修和擺設都用心設計過，連餐具都有中國特色。牆上掛着格格、皇帝等清朝服裝，可以試穿，玩味十足。雖然餐廳中國風裝修，但主打日本菜，服務員是外國人，播放的歌曲也是外國流行曲，感覺新奇有趣。豬八戒(咖喱豬扒丼) $88豬扒炸粉不會塗得過厚，外層炸得金黃香脆，內裡鬆化。咖喱汁是粘糊狀質感，味道偏甜，咖哩汁裏的薯仔和紅蘿蔔份量多，配飯一流。東海龍王(三文魚子三文魚丼)$128在網上看到圖片，以為是迷你丼，原來份量充足的，三文魚子份量多，夾着珍珠米飯吃，口感豐富，三文魚是厚切的，份量亦不少，有6，7片。牛魔王(窩蛋安格斯肥牛丼)$88雖說是安格斯肥牛，但牛肉不是太肥，亦沒有甚麼特別，牛肉淋上了甜醬汁，但味道普通。跟餐可加$38有小食 - 日式炸雞吱吱朕在環境、服務和食物方面都不錯; 價錢方面，以中環區的主題餐廳來計，價錢合理。

見過有人係吱吱朕打卡 lunch time就黎左試 餐廳入面Decoration 都古代咁 天花板掛住曬古代嘅紙傘 牆上又掛住左d格格皇帝服裝 應該可以比客人影相 而我地lunch 就無理啦 一入去就睇Menu 每個餐都有心意咁改左名 配合番餐廳古代嘅主題而食物偏向日式嘅我最終揀左包青天(原條鰻魚飯) 沙律同麵豉湯正常啦 一上餐我幾期待呀 好大條鰻魚 外表絕對無得輸 但見到鰻魚淋左好多嘅燒汁 就知一係好正一係就... 咁我就即刻試下啦 個汁超級濃味又甜又鹹 完全太多汁 一定要同飯一齊食 本身唔好食嘅我都差唔食曬d飯 唔係因為好好食 係因為要為左食曬條鰻魚呀 鰻魚大條肉質okay淋同無軟骨但唔夠厚身 而且唔係燒住上汁個種 真心麻麻地 $168再加一嘅價錢唔太抵食呀 但佢lunch time要都唔算多人 環境可以

我平時唔會寫評價, 呢間餐廳實在太差...第一次去嘅時候佢哋同個食客嗌交我都冇理會到，嗌到好大聲好影響其他人，估唔到今次發生係自己身上。今日第二次去服務員非常沒有禮貌，佢哋寫4:00開門，我哋4:00入到去，問開門未佢話未開門，我哋問可唔可以係入邊坐一陣因為出邊好熱，個經理用很不友善的眼神同我地講：唔可以！我都唔知點解我哋用嘅餘地都是非常有禮貌，我哋之後喺外邊企喺度等左好耐，都已經過咗4:15，天氣非常之熱又焗，我地入返去，經理用一個非常凶狠的眼神和態度叫我地坐低，非常沒有禮貌不專業，很不愉快的經歷！如果請朋友去食飯，想有愉快的經歷或者生日派對千萬不要去這一間！專程帶朋友去這一間打卡，真的非常尷尬！

推薦指數：🤩🤩🤩中環呢邊一向多型格餐廳，今日就同朋友黎一試吱吱朕。👯‍♀️見到個名都已經覺得幾有趣得意，見到有個「朕」字，當然唔少得同古代皇帝有關啦店舖位置其他好細，有中西ＦＵＳＩＯＮ的味道！牆上更有「皇帝詔曰、奉天承運」的字句，相當EYE CATCHING，仲可以提供古裝服飾比人著，絕對係大家的一流打卡位📸極上夜光杯 (拖羅蓉三文魚子海膽杯)　HK$108細細杯一人一杯岩岩好 海膽份量都幾多 仲有三文魚子同拖羅蓉，而底層就係醋飯。成個夜光杯上，幾有特色。味道方面都好鮮甜，除左食得仲睇得！🤤💕鰲拜鱷梨 (櫻花蝦蟹鉗肉蟹籽沙律) HK$128原個煲仔飯瓦煲上，但裡面其實係沙律黎嫁！幾得意，本身瓦煲就係一件好地道香港特色的事，但用黎裝住西式沙律估你唔到呀😁呢杯COCKTAIL層次感幾強。綠茶清酒混合，有層奶蓋係面，感覺係幾得意。🍸店裡面的裝潢都幾有中國特色元素，玩味感重，食飯之餘仲可以好好影相，玩一餐！🤙🏻🤙🏻🤙🏻

聖旨到📜!!!呢間餐廳🍴主要食Fushion菜(Japanese x Western cuisine) 佢的餐廳設計用紅色做主調，裡面可以俾人著住d格格同皇帝衫🎎去d打卡位影相📸1️⃣包青天(大大條饅魚壽司飯)$198 饅魚好大塊，值得一提的是佢冇骨👍🏻！醬汁就有d膩同多，可以改善下🤧飯量好多，不過就偏實，只可以話好飽肚😹2️⃣表哥薯條🍟$88 淋咗d日本沙拉醬，八爪魚丸汁，日本飯素(芝麻，紫菜，蔥花，少許肉鬆)令都整體更有咬口!酸酸甜甜幾開胃嘅!份量都幾足，不過就略嫌淋身🤧3️⃣牛魔王(窩蛋安格斯肥牛飯)$118 飯量都足夠，不過有d似食緊吉野家牛牛飯🐮加生蛋🥚洋蔥就幾香，又唔會太生，又唔會太淋身4️⃣東海龍王(三文魚子三文魚飯)$158 三文魚唔算好新鮮，爭鮮質素😣不過叫做大大塊，三文魚子都有爆醬的滋味🤡都係一般啦💡整體來講，打卡好去處，性價比唔高🤭🙆🏻‍♀️美味指數:5.25/10 🍽環境:7.34/10🙋🏻‍♀️回頭指數:3/10

是夜本身約左男朋友放工happy friday食好西，打算食另一間鋸扒，但係無book位要等成個幾中就決定唔等。見到對面依間之前都想試（gimmick野）入去問下唔使等。環境都幾得意既，不過真係太嘈同埋好逼下，由其d人係咁係我後面行黎行去。侍應就一般啦，對住d外國人呀或者熟客就好friendly咁。咁初頭睇menu, 男友仲話應該唔飽（大多都係小食類），咁我就話叫兩個飯啦（窩蛋安格斯牛同咖哩吉列豬），再叫小食（雞泡魚干、炸雞皮、表哥薯條）。先黎居然係兩個飯，份量都ok既唔會太細，咖哩果個係日式同另上，汁就少左dd不過配料都幾多下，味道唔錯同埋吉列豬炸得幾好。個牛望落無汁咁仲驚佢唔夠味，但又幾好食喎！其實似食緊高級版吉x家，都幾多執牛鋪滿。個雞泡魚干好食！似係居酒屋/日式餐廳水準。表哥薯條都驚喜，初頭諗緊咩叫表哥，佢用章魚燒既醬汁用係薯條度，估唔到咁夾，對於中意食炸野薯條既我真係好滿足。反而最失色係個雞皮，佢炸到燶左所以有d苦。食左咁多野飽到想死（仲枉我男友驚唔夠飽），價錢都算合理，食物水準唔錯，只係唔係好岩食飯（d鬼妹同abc太嘈）

店子名字叫「吱吱朕」很特別，令人牢牢記住了。店面裝潢用了些淸朝擺設，環境不錯，枱與枱之間不會太近，適合三五知己和二人世界。音樂不會大得傾談不了。這裡有供應一些輕食和伴洒小吃，亦主打雞尾酒，每款雞尾洒也精心設計了其賣相。因為在別的地方吃過晚餐了（留意餐廳在11:00左右已經停止供應晚餐），於是我們只是點了2 杯雞尾酒, 其中The Chinese whisper挺特別，話梅加伏特加洒，配上波子汽水，酸酸甜甜，很醒胃。另一杯忘了名字，但味道卻有點像兒童咳嗽藥水。下次時間早些，一定要再來品嚐美食和美洒。

朋友係中環，我就提議試吓呢間餐廳，無諗過係一間小酒吧，音樂較嘈，建議幾個朋友嚟chill下會好啲，唔適合要寧靜嘅朋友。其實個裝修有啲詭異，有啲halloween既feel，果幾套清朝嘅衫好恐怖啊😱menu有d招式好搞笑。叫左杯mocktail ，有荔枝同埋檸檬，感覺幾fresh。三文魚牛油果沙律好大份，d肉切到正方形好厚實，牛油果同沙律菜嘅比例都好多，個汁好好味。串燒一般，無特別之處，asparagus 燒得唔夠耐，雞皮好硬好乾。雞軟骨還可以吧。重點一定係鰻魚飯，份量好多，鰻魚個面燒得好脆好好味，入面啲肉都唔會好梅，係爽嘅，同我喺福岡食嘅傳統鰻魚飯不相伯仲，推薦呢個飯。冰鎮秋葵加咗乾冰，適合影相，配埋沙律醬，係一個唔錯嘅小食。最尾嗌左一個signature 既薯條，略嫌太多醬料，成盤野好似一pat嘢咁，情願醬汁另上。好滿意呢一餐晚餐，唯一缺點係嘈咗少少，好難同朋友傾過計，但嘢食係好好味嘅。

Fushion food，餐廳擺設同食物既用具都幾有心機。但外藉待應（自稱manager )既態度好有問題我地order 左薯條問佢攞tomato source 佢走黎問我地點解要，又話佢覺d有本身d source 就夠，擺出一副你地好non sense 既樣我地係app book 左二人枱50% off 。但臨時有朋友加入，入餐廳之前有問清楚外藉待應多一個人仲有無discount 佢話有，我地先入。點知埋單佢無比到discount 我地仲話我地fail to meet the commitment ，係我地既錯，比番10%off你地已經好好。 其間我地表明佢係入餐廳前自己同意可以照用個50% discount ，但佢完全unwilling 去聽客人講野，最後不歡而散。表示以後都唔想visit 呢間,除非待應態度變好

自好友移居布拉格後，今次相隔半年再聚，當然有好多嘢要傾。吱吱朕真係啱哂個theme. 因為大家之後有dinner plan. 所以淨係order紅酒，cocktail一杯，薯條同2個夜光杯。Cocktail 好lady, 同埋隻杯好正。夜光杯正合pre-dinner happy hour. 海膽新鮮。薯條唔太油，炸得啱啱好。呢度一定係instagrammable 嘅地方，餐廳佈置花了心思，宣揚中國古代特色得黎又fusion日式料理。

今次黎到中環搵食 一諗就諗起人氣打卡熱點 - 吱吱朕啦~!我成日都覺得一間好既餐廳, 食物要好味當然重要, 但餐廳環境都好影響食慾架~黎到吱吱朕, 就好似入左古裝劇甘, 好有古代既感覺!而且食物既改名都好有心思, 岩哂喜歡特別既我地啊!今次我地叫左好多人推薦既包青天, 者係原條鰻魚飯啊鰻魚真係要用肥大肉厚黎形容! 加上甜甜既醬汁, 食完想加多碗飯XD另外仲點左個刺身拼盤, 海膽非常新鮮而且我地3個人去食, 佢每款都係岩岩好3件, 唔洗打交

間餐廳好細.但星期五去有好relax 既感覺.餐廳係fusion 菜.有日本海膽杯,又有truffel feies order.不過我地都係黎飲番杯.傾下計.最特別係可以借佢地既中國服飾去著黎影相,

吱吱朕 Chi Chi Cham 好似去左彊屍片場景咁哈哈 因為呢到d裝修勁古老中國風牆上有清朝古裝龍袍 (其實我唔識分實際咩朝代 我又唔熟歷史)廁所門口上面有大頭佛 (其實有D驚嚇)盛餐器具都係D懷舊野 有公雞碗同青花瓷器(好似)成件事好似大雜繪 不過都算亂中有序 大SELL中國風🇨🇳野食方面我見張張台都叫夜光杯我都嗌返個試下 原來係海膽 正呀 uni是我的最愛!仲有d飯素同魚籽 夾埋下面d壽司飯都幾好食😋Cocktail 嗌左杯萬壽菊 唔記得咗實際個名了杯入面有個菊花 但其實無乜特別唔值咁貴 打卡就靚個薯條就麻麻 因為太多沙律醬再加茄醬 有D三不像🤔而且薯條本人唔夠咸 整體都幾貴咖呢間野較為係食裝修多D 哈哈😅😅😅