君滬鍋貼大王

營業中

休息中

又是慕名而來, 中午時段好多人, 見它的menu都有好多選擇, 價錢亦不貴, 最好是它的鍋貼及包點可以每件計, 一次可以試好多款呢. 我叫了一碗鎮江掛骨面, 加一隻鍋貼, 加一個菜肉包, 加一杯豆漿 (其實食唔哂, 只是貪心想試多幾款), 鎮江排骨賣相普通, 顏色很淺, 不似一般的深啡色, 以為不夠味, 但完來很淋很入味, 真是估不到. 鍋貼夠熱夠脆, 菜肉包亦好大個, 整體都好好食, 埋單只是$28.5, 好抵.

聞說君滬大王眾多分店中，最好吃的是莦箕灣一間，是否屬實不得而知，因為未試過，但大埔嗰個就一定唔好食。大年初一那天，與家人吃過麵後，湊巧經過這間位於新蒲崗的君滬大王，媽媽提議買些鍋貼上外婆家拜年，於是便要了 18 隻鍋貼及一件蔥油餅。蔥油餅勁濃勁脆，蔥及芝麻香味十足；鍋貼皮雖然略厚身，卻煎得香脆，一口咬下，肉汁四濺，蘸豆瓣醬同吃，非常惹味。比起大埔那一間，水準實在贏足幾條街。

今日又好想食酸辣湯麵.藉著十一點幾人少少,可以慢慢食.首先要了1杯豆漿,2件窩貼.1個酸辣湯中麵.先來的豆漿呷一口充滿豆香,最重要唔會放太多糖不會過甜.再來的窩貼,正當本人漫不經心吃著又八卦地望住店內的學生優惠時,冷不防咬下窩貼的汁竟然噴射出來,幸好附近沒有甚麼人,唔係肯定捱罵.當然在枱上也留有汁啦!證明這隻窩貼好多汁呢酸辣湯有木耳,蛋,豬肚,筍和豬皮,材料很豐富,只是今天煲得太淡.既沒有酸味也不覺有辣味.那個中麵又種難以形容的怪味,幸好份量不多,不然一定會浪費呢吃了一個麵加窩貼連飲品也只需26元作為早午兩餐也不算捱貴吧這兒的阿姐好有性格,明明見到你都唔會理你,尤其買外賣,有時忍唔住真把鬼火走左它唔會算,幹嗎要受這般閒氣.

食過 鍋貼大王 好多次.始終都係呢間最正.d鍋貼又夠大隻, 因為荃灣那些好細, 細過日式餃子.同埋呢間好似冇咁貴tim.粗炒就一般, 乾左少少, 不過冇咁多油都幾好.鍋貼始終最正.唯一係有時多左d油. 睇你好唔好彩.

食左好多次都吾會覺得吾好食第1次去就食炸醬麵,自此就俾佢吸引左佢既小食真係吾錯,d包最平$3有個而佢既皮蛋粥比其他店多料~吾錯吾錯

***28-7-2008***叫得鍋貼大王~都應該幾好食吓..呢日放工後..同BF去呢度食野..未夠6點.仲有下午茶!一人叫左一個下午茶餐 $10 (*3隻鍋貼+一杯豆漿) 另叫左一碗 担担麵 $12 + $1 有杯豆漿 一個牛肉餅 $4等左一陣~ 先黎豆漿 - - 都好夠凍~雖然唔叫好香豆味,不過唔太甜~幾好!鍋貼 - - 都好大隻吓!!以10蚊下午茶餐黎講..真係抵食! 不過有1,2隻個底燶左少少!担担麵 - - 又係好大碗 , 麵唔太林!幾好!有D咬口!雖不是正宗担担麵.不過都幾好食!最後就係"摧左好多次先黎既 ~牛肉餅 - - 一大個,咬開入面, 就有個 " 山竹牛肉球0係入面~攪笑! 味道一般!但勝左夠大個!可能我地2個都唔太肚餓~ TOTAL $37 已經食到我地好飽!新蒲崗抵食之選!!!

食過堂食三次, 三次都係食酸辣湯麵, 唔係話唔食就好牽腸掛肚個種, 但水準不俗! 基本上而家d食肆只要唔難食就已經好好~另外不得不食的必定是$2激平一隻的鍋貼~大大隻, 而且肉汁豐富, 點紅醋食一流!

星期二晚, 上完攝影班, 當然要醫肚啦!我叫咗個好耐都冇食過既担担麵 ($14), 又唔錯喎~ 老公就叫咗個上海粗炒 ($22), 估唔到咁大碟, 早知唔叫個担担麵啦!嚟得呢度幫襯, 當然唔少得鍋貼啦! 仲有指定要叫既酸辣湯, 正!!今次又見到上次好冇禮貌既年青女侍應, 佢依然係黑口黑面架!老公見到佢想走埋嚟同我哋落單, 立即話睇睇先, 費事勞氣啦!但後來見佢哋成班職員係隔離檯食飯, 佢個面口又即刻唔同晒喎!搞錯呀! 即係佢對住啲客就特別黑口黑面啦!! 更詳細資料及圖片請看 : http://hk.myblog.yahoo.com/joycewai616/article?mid=7351

仍然係星期六晚, 未夠十點, 雖然唔肚餓, 但我同朋友都口痕痕想食少少宵夜,朋友話要食豆腐花, 又要食啲咸嘢, 諗咗好耐, 終於諗到嚟鍋貼大王。 嚟得呢度當然要整噃兩隻鍋貼食吓啦! 但仲食啲咩好呢?本來想食酸辣湯, 但怕食唔晒, 又本來想食腸粉, 但已賣晒...最後諗到叫咗好鍾意既奶皇包食, 點知嚟到後先發現原來勁大個呀!! 只係 $3 咋喎! 駛乜搞到好似大包咁呀............................... 裡面唔算話好多奶皇, 叫做適中啦! 雖然唔叫得特別好食, 但已經唔差啦! 不過今晚唔知做乜, 樓面有成六、七個亞姐喺度,但我哋想落 order 時, 竟然叫咗好多次都冇人應我哋,連大肚婆都忍唔住發脾氣大聲叫佢哋, 佢哋先喺遠處應一應,但行過嚟我哋呢邊時, 啱啱隔離檯又想落 order, 亞姐竟然先走埋去同人哋落咗 order 先,我唯有再搵過第二個亞姐啦~ 點知又係叫幾次都冇人應,終於到我忍唔住好大聲叫 「落單呀唔該!!」呢個時候, 走咗去隔離檯果個亞姐竟然黑面咁拎轉面,好惡咁同我哋講 : 「得啦! 等等啦!!」嘩! 有冇搞錯呀! 係佢哋唔應我哋在先架過, 搞

呢間野幾好食，d野食又平。但係環境就麻麻，去廁所個條路係「線」既。大家可以試下去食。

兩個多月前，主人與奴隸獸曾光顧此食店，今次再途經，發覺它們的食品價格竟然沒有調整（加價），決定再幫襯，我們點了：1. 炸菜水餃（4件，HK$12）：餃子炸得剛好，不肥膩，香口惹味。2. 豉油王炒麵（HK$7.0）：普普通通。3. 碗仔翅（HK$9.0）：太稠，感覺糊口，味道一般。4. 粢飯（HK$8.0）：飯軟熟，料份量及味道尚算OK。5. 豆漿（HK$5.0）現在物價高脹，此食店仍然維持原來價格，實在難得，值得繼續幫襯。

坐底無耐就諗到食咩啦~我要咗碗「水餃麵」($16), 不過只係食咗三隻餃同三分一麵,老公幫我食咗兩隻餃同少少麵, 因為今晚唔算好肚餓呢~老公就要咗個「炸雞翼麵」($16), 至於「酸辣湯」($14) 同「鍋貼」($2 / 隻) 當然唔少得啦! 正!不過今晚碗「酸辣湯」真係唔知想點! 啲豬腸成串咁, 點食呀!!Anyway, 呢度啲嘢真係好食, 又抵食, 食咗咁多嘢都係$52 !!更詳細資料及圖片請看: http://hk.myblog.yahoo.com/joycewai616/article?mid=6380

每次去食lunch既鍋貼大王都一定會食"炸醬麵", 因為佢既炸醬麵真係好好味, 味道好濃郁, 又唔會太咸, D料又足, 真係好食過金煌庭0個D~ 而且$19又唔係貴, 真係好好食~ 另外, 佢地既下午茶都好抵, $11就可以食飽飽, 碗仔翅+牛肉餡餅=$11, 碗仔翅足料, 雖然唔係好大碗, 但覺得咁既價錢好有誠意! 牛肉餡餅既肉多汁又大舊, 有牛味~ 十分好~~ 最後當然介紹係佢地既鍋貼, 2蚊一粒, 煎得剛剛好, 一隻大平底鍋煎, 睇到都有架勢, 而且D肉汁都係好多, 皮唔厚~ 2蚊隻抵食!! 又好食又唔貴, 厘間值得推薦!!

$2 一隻鍋貼, 非常低食味道都唔錯, 因為有時都開得幾夜,有時都會係度食夜消, d 麵都唔錯, 我唔like 就係碗仔翅, 我食過麵啦~飯啦~小食,佢既炸曼頭我都覺得幾好食!不過有時見到一個四眼女待應係咁係度"電"個阿伯,覺得好攪笑." 你要咩姐~~~" "今日d xx 好靚ga" 非常姣咁表達, 加上d 動作~ 好嘔心.

此連鎖店又是經常經過但總沒有想過入去。今天在新蒲崗，於是專程到訪。一般茶餐廳椅格局但以大圓桌為主。點了韭菜餃麵和紅燒牛肉麵(辣)還有生煎鍋貼。生煎鍋貼底皮好脆，裡面多肉又多汁，$2一隻的確超值。紅燒牛肉麵(辣)不覺得辣，反而湯底有點紅蘿蔔味，牛肉夠淋，麵是上海麵。韭菜餃味道則一般，麵湯亦比較清淡。在這裡吃的人都是很明顯求求其其又一餐食完快走的心態。總結來說以抵食的角度是可以再來的。