君滬鍋貼大王

營業中

休息中

剛去新蒲崗,夜晚唔知食咩好....行下行下,見到呢間就走左入去.星期日晚上真的好多人,差不多有8成滿....叫了一個豬扒NOODLE同埋鍋貼,我朋友就叫了一個擔擔NOODLE加豆漿一杯.雖然等左15分鐘先來,但看到件豬扒真的有驚喜,大大舊,又脆口,讚..不過鍋貼就似煎左一段時間,唔夠熱..以咁平的價錢有咁GE質素食物算是不錯,不過唯一改善就是一直有小飛虫飛來飛去..衛生情況要注視一下了

今日去左食午餐,食左個酸辣湯麵, 鍋貼, 紅油抄手...個酸辣湯麵, 鍋貼真係唔錯!!以呢個價錢食到呢個質素真係唔差!!不過個紅油抄手味道有少少怪怪地...好似唔係食開種味道, 一味多辣油,多到浸晒D餃子...臨走前食多個豆腐花都幾好味,好滿足咁走人...!!整體來講都幾OK!!圍返每人都係$30!!

晚餐廿幾蚊幾乎無乜可能，唔想食老麥飲汽水，自從發現呢間之後放工一個人都會去呢度食。熱豆漿真係超熱，甜味唔太過火，個杯熱到十幾分鐘之後飲仲係飲到我滿頭大汗……麵就普通，但係$18有5粒雲吞真係抵食架喇……淨食只係多一粒都要$16，要埋麵抵D……最欣賞就係有少少菜同埋雪菜伴住食，唔似得其他店剩係得主角同麵就係咁多！湯底因為有雪菜同雲吞，唔洗落味精齋滾都有味。點解搭多程車都去食？就係因為放工搭40去到譽港灣，食完再搭29M，八達通轉乘只係比多一毫，都仲平過搭一程地鐵，夠晒屈機！彩虹彩雲一帶晚餐真係無一間平得嚟有冷氣又廿零蚊有飲品！下次再試飯類和上海粗炒。

女朋友話上次同朋友去食完覺得好正...於是就帶左我去啦....見到鋪位，都心諗應該中規中矩的貨色，於是乎都入左去試下。一坐底就叫左：酸辣湯，10隻鍋貼，擔擔麵同炸雞翼菜飯+豆槳首先係黎就湯同鍋貼。鍋貼ok 啦，有肉汁，又幾大隻，仲要$11有5隻，算係幾抵食，不過就得個暖字...熱d會好食d酸辣湯就麻麻啦，食落好似稀左嘅碗仔翅咁....同埋味道一般。一般貨色，但幾大碗。雞翼就炸得幾好食，呢個真係唔錯，但係個菜飯就乾憎憎.....2樣乾嘅擺埋一齊食個感覺就變到好一般仲有杯豆槳嘅...但都係一般貨色, 跟餐叫$4一杯，算抵飲呢間野依肚飯就幾好啦，都算抵食，今餐都係用左$81，好飽的，但味道可以再做好d 嘅。

今日去左自修室溫書,食晏既時候離遠已經見到君滬個招牌，同時又上過openrice的評語唔差於是就去試吓。一坐低見到同枱都食水餃麵，於是叫左個韮菜水餃麵，野食好快送到，啲水餃夠唒大隻啲餡都好夠，至於個麵就咩咁特別。食完後略為覺得有啲唔夠，就叫多左個生煎豬肉包，唔算太油,係個包底硬左少少。整體上算唔錯，有機會都會食多次。水餃麵$18 豬肉包$4

昨天返學前來了這裏食晚飯,之前係葵涌分店都有食過,覺得都幾抵食及好味,這裏都幾大,沒有果種煎嘢既味道,都幾多選擇喎,有晒圖片,價錢都好抵食,我叫左酸辣雪吞,朋友叫左淨韮菜雲吞加生菜,另一個朋友叫左雪菜肉絲雲吞麵,另外又叫左一份鍋貼.酸辣雲吞都好大碗,有五粒雲吞,酸辣湯好好味,好多料,有雲耳,千皮,牛肚,笋絲,肉絲等等,酸辣度適中,食完成碗都好飽,雲吞則一般,d皮有點硬,不過入面的肉好味. 鍋貼味道都好好,煎到金黃色,熱辣辣入面好多肉汁,11元5隻好抵食,都幾大隻架,朋友的上海麵則麻麻地,佢話唔似上海麵,似烏冬多一點,佢話鍾意食幼麵多一點,如果下次再食就會要求幼麵.另一個朋友的韮菜雲吞都有好幾隻的,味道都ok,油菜份量都幾多的,我見顏色都算青綠.整體味道係好又平,但係衛生則一般啦,因為好多隻昆蟲飛嚟飛去,仲要冷氣機在滴水. 冷氣都夠涼,不過小昆蟲的問題真的有待改善!!

數月前, 食過此大王的"美食", 已經嚇得我目定口呆.生煎包沒有汁, 裡面的肉像牛丸; 鍋貼皮厚得要命.煎了後像pizza底.豬扒麵的豬扒成塊面咁大, 但超乾!今次, 想看看有沒有改善, 所以晚上和母親去此餐廳, 實在太出乎我意料.當時餐廳已有90%的顧客, 但只看見有近一半的客人還未落單. 只是坐著.當我坐下的時候, 有個客人已大叫 "叫了3-4次都唔理你, 見到都裝著看不到, 離譜!" 沒有人招呼, 然後就走了.我也走了, 因不知要等多久.

今日去個度有公事..即興做功課下..試左呢間..試左 炸豬扒雞翼麵...22$+2$ 豆漿...再試多鍋貼兩隻 $5麵就唔講..普通la..豬扒就以往(年幾前試其他分店)好似好食d...炸得好咬口d..唔知係咪錯覺...雞翼都係la..又或者係通脹帶動下..抵食到20左右有交易就會開心d..笑得出口???豆漿就一般...鍋店就好似有d腥腥地...但咬落又同上面野食..有種錯覺出現...anyway..係抵食以致笑容既..服務就麻麻..個阿姐黎度坐低巳見佢係豆漿機度每斟一次就掉一次d唔用住既吉杯落d碟度(一隻一隻吸實..所以要蚊出黎..)其次係有食客趕去廁所..爭d撞到佢..佢就恕啤個客好幾秒..(因為前面掉杯事件..所以呢個神情原本會無野都變有野)....顯出佢返工返到個人燥...周不時仲係度哼歌...

一直愛吃君滬的鍋貼，今次轉轉口味吃粢飯。食物到手時仍是熱騰騰，但比相像中細件很多。粢飯煮得太腍，過分軟糯黏身。可能放久了的關係，油條已不再香脆。菜脯、肉鬆味道相配，份量亦很足。再有機會到君滬的話，還是吃鍋貼好。

鍋貼當然係呢間最出名la..!!真係好好味.....碎卜卜...正ya.!d 汁可以係隻鍋貼入面留存..好好味啊..!!食左一個牛肉包...$4 ...個包就唔錯ge...不過入面ge 牛肉就mama 地la...唔係話真係好好食..!!粥呢...都mama 地...唔算太好味..至於炒面...同一般ge粥點炒面就冇咩分別..痴飯就幾好味ga....好多(送)..不過最正都係佢ge 鍋貼同豆漿...好滑..幾值得試ga.!@

路過見到，又想食野…所以就買外賣嚕鍋貼水平一樣咁正~蔥油餅，雖然夜晚先買黎食，但都ok脆同香。但入面人流少左……係咪夜0的會多人0的呢??

中秋出街玩完,搞到今日訓晏左一起身屋企又無人唯有自己一個人去食野啦慢條斯理咁搞三搞四後,終於等到下午茶時間我記得下午茶呢度好抵食,所以就拿拿聲出門口黎食一入門口就咁岩有位,真係好彩,因為當時都好多人食緊坐低之後就熟練地叫:酸辣麵,凍豆漿,加多兩隻鍋貼呀,唔該叫完望一望張單,點解好似比平時貴左??之後就發現,紅日無茶餐,所以豆漿係加$3,唔係加$1再望望餐牌,原來鍋貼由$2一隻,加到$2.5一隻真係太耐無黎食了...等左一陣凍豆漿,鍋貼都黎啦凍豆漿夠凍,唔太甜,不錯不錯鍋貼應該整好一陣了,唔夠熱,不過味道都keep到就係食緊鍋貼的同時,碗麵都到了酸辣麵其實即係酸辣湯加麵,麵係上海麵,有d似烏冬,不過比烏冬硬,酸辣湯好多料,酸味多過辣味,都ok,不過想辣返少少食完之後好滿足咁走,因為都真係樣樣都大大碗大大碟,又唔貴,抵食!

出發新蒲崗前,做左功課,「君滬」係排很前食評。黎到見到門口貼了日本人雜誌的去信,稱讚此「君滬」的食物。所以已食半飽的我,不得不買左三隻鍋貼試試。好普通!這鍋貼是上海式,不計較皮厚,但皮煎唔夠,仍是米白色；肉餡也不覺特別。好多地方都食到咁既質素啦!雖然唔係難食,但完全無驚喜。日本人o係自己地方少食到好食既中菜,黎到香港,唔怪得佢係咁讚既..... -__-

見openrice咁多好評, 今日專登去新蒲崗試下君滬, 去到阿姐話冇下午茶都算, 睇下個menu先, 唔夠3 mins 第二個男人頭阿姐走埋黎問: (點呀, 你仲叫唔叫架?) 通常waiter只會問你叫咩食,唔會咁衰咁問. 好似我連食野既$都冇. 我當時已經火火地, 我連個menu都未睇清楚, 我就叫左.....1. 豬肉生煎飽 (2個)涷既... 好大舊, d豬肉又冇味2. 豬扒麵個麵真係好唔掂, d湯好似有d趺打酒味. 我食左少少已經想嘔.3. 豆漿比較正常等我係老遠專登去試, 結果十分失望. 我好唔明白點會有咁多好評........ 我就算餓死我都唔會再去.

近年多了很多連鎖式的窩貼店，「君滬窩貼大王」這一間可以算是最早出現，一直也想一試，可惜直到現在才有機會一試。中午時候來到，店內不算滿，坐下後看了餐牌，有不少選擇，最後揀了最簡單的菜肉雲吞麵($15.00)，再加兩隻煎窩貼($4.00)。先來麵食，麵的份量不少，有咬口，菜肉雲吞同樣是厚皮的，內裡的菜肉餡料味道不錯，再加上淡淡的湯底，以此價錢論已算超值。煎窩貼的底部煎得夠香脆，只是加一點醋來吃已十分野味，內裡的肉汁亦豐富，絕對是不可不點的食物。兩款食物加起來也不過二十元，雖然不奉送飲品，但其實已算是抵食夾大件。