君滬鍋貼大王

營業中

休息中

原本打算中午到九龍城的樂園吃東西，誰不知又白走一趟，因為不單室內坐滿了人客，就連室外的門口位置也擠滿了等候座位的人士，就此情況看來，我和老公都心裡明白在短期內暫時都不用再到此店光顧，以免呆等‧ 我和老公由九龍城走到新蒲崗，發現君滬都幾多客人光顧，於是決定入內一試並點了以下食物： 雪菜肉絲麵：都幾大碗麵，雪菜肉絲都很多，幾好味及幾飽肚‧韮菜水餃麵：同樣地，都幾大碗麵，餸料要比雪菜肉絲多，較為抵食一D，而且味道一樣不俗‧鍋貼：肉味味道ok，都唔錯‧豬肉生煎飽：餡料幾有肉味，但是飽皮煎得不夠脆口，可能是放置了一段時間關係‧涷豆漿：有豆味，甜度適中，味道合格‧ 對於以上的食物質素來說，我和老公都很滿意‧

等上堂，要填肚，來到呢度，見有窩貼同湯面，即管試試叫左個擔擔面($13)+5隻窩貼($10,@$2)窩貼上檯已經凍左，係預早煎定，如果番熱少少先食，我唸會好味好多擔擔面只係似普通肉碎面，無花生香，亦都無香辣味，最好係夠大碗，用$13純粹填飽肚，都算平，但佢唔係一碗正式既擔擔面，唔好期望太高！見隔離檯既炸雞翼面($16)好似好好味，下午茶$11-12蚊又有豆花配包點，價錢又唔貴，下次有機會都可以再去試下其他食物

喜歡這店，不過每一間分店開的地店也是很偏，所以一兩年才會吃到一次，如果在工作地點附近開，會成為我的熱門食店之一。相隔一年，今次再到，與期望的一樣。不用想太多，先來十隻鍋貼。皮薄肉好吃，中間的肉不會太乾身，只煎底部，不夠香脆可口，兩元一隻，一定滿意吧。個人喜歡下那支辣醬，幾惹味的甜辣醬(不是水汪汪的鍋貼醬呀)，但不用下太多。也點了酸辣麵，麵條粗身帶點咬口，酸辣湯底有豬肚、豬皮、木耳等，下料很足，酸辣再多一點會更好。又來多一碗碗仔翅。這碗翅也是足料的，有冬菇肉絲等，如果粉絲不是念得與會好點，突然想到北角雞蛋仔旁的碗仔翅，有妨真翅的。環境一般，來這兒的人也很是hea 過，慢慢地電視送麵。下次來這兒，會點幔頭和生煎包，因為也好吃的。

好耐無食過這間店的酸辣湯麵,病完又想開胃下,一於食碗酸辣湯麵醒下胃先.除了酸辣湯麵外,今次加一個凍的豆腐花,要了糖水加黃糖.雖然豆花先來,我又無食了甜品的習慣先,最後還是先放在枱上.酸辣湯麵每次也是勁多料,多到每次我也吃剩,我覺得比少d料會好好多. 材料仍是一貫的木耳,蛋花,豬肉絲,豬肚等等>>>今次湯幾熱唔會好凍,幾好.麵份量一向唔算少,我每次吃完也覺得超飽豆腐花6.5,首先我貪心兩種糖都要晒,只是出奇地唔算好甜喎!豆腐花唔會整得好硬,只是又唔會好滑,豆味食極都無的.所以我覺得這個豆腐花麻麻地.

午餐只吃了一個奶油豬，雖然卡路量爆燈，不過終究不太夠飽；一路往銀行，又沒甚麼輕盈小食可選；正在心思思之際，督見君滬有豆腐花出售，而且$11就有兩大盒 (單買$6.5)，相當抵食，四個人就各要了一客。回到公司開餐；在沒太大的期望之下，豆腐花竟然相當滑溜，絕對是出乎意料之外；不過豆香則極弱，吃畢整碗，只有一兩口吃著了微弱的豆味；但如此滑溜而吃畢全無澀咀之感，以這$5.5之價來說，已算物超所值；路過買碗過過口癮，屬不錯之選。

君滬鍋貼大王呢個野d鍋貼非常好味,食過番尋味而家諗起都想食,佢既痴飯都非常好味~不過有個唔好處就係所有野食都好多油,會好肥,所以希望佢會落少d油.

一向愛吃酸辣麵的我,今次終於作用改變,換了款式牛腩麵.嘩,一黎到真係嚇一跳,點解咁多牛的呢??呷一口湯正呀!好濃的牛肉味吖.麵今次煮得唔淋,幾有彈性.最最正同埋驚喜就係那幾件牛啦!真係超濃牛肉味,並唔係無味架,成碗麵都勁好味.只是那件大大的蘿蔔不知為何會勁鹹,最後都沒有吃到啊!看來除了酸辣麵外還可以有多一個選擇了,這碗19元真是極度超值呢

今日中午去到新蒲崗,肚子又開始叫,想食簡單點,故此想起了君滬鍋貼大王 . 店內不是很擠人,坐得很舒服.立即叫了菲菜餃麵($16.00) : 味道不錯,菲菜餃有5隻,而且肉汁好多,麵是上海麵,雖然不是很特別,但價錢合理,又夠水準,所以很滿意這一個午餐,而這裡的鍋貼(2.00/隻 真是得架,有時員工貪快,會分開兩次給你,但味道是不變的,價錢比出面便宜,值得食.總括而然這個午餐本人是滿意及充實又便宜. 下次再來!!!!!

今朝肚仔餓,路過入去食野.望完餐牌最後選了A餐.包括兩件窩貼和我所選的豬肉包.首先來的豆漿幾凍,豆味也唔濃,只飲到勁甜的甜味.之後來的2隻窩貼煎得幾脆口,只是入面的肉是凍,又沒有汁,真是越食越沒有心機.好啦!輪到豬肉包.哎,又係凍冰冰的,肉就唔會死實,可惜沒有肉汁,只是凍冰冰都無乜心情食啦點解近2次食的早餐也是凍冰冰的,難道夏天早上應該吃凍嗎???

如果入到新蒲崗，又想食香口野，又或者想樣樣食 D 的話，呢間鍋貼大王就適合好多人的口味了。幾蚊就有一樣野試，隨時想食四五款野先係廿幾蚊，係一個好划算的選擇。如其他食客所說，餃子真係好有汁，牛肉飽的肉好野味。我個人會特別推介1. 豬扒麵 - 因為個塊豬扒夠大份，而且食落唔油，表面雖被湯底浸過，但不會覺得外層太濕而失去炸出黎的味道。2. 排骨飯 - 用獨立的膠盒遞出黎，好衛生。而且你會好享受佢豉汁的味道，排骨雖有點肥，但唔會食落係骨，啖啖肉。其他的食品，真係普通的。不過價廉物美的食物加上平凡的格局，更顯得這裡係適合不同人士進餐的好地方

間中有黎呢間食野，試過剛出爐既鍋貼，都OK，但又有次試過唔熱既鍋貼，好難食！其它野食好普通，最難食係有次食左個菜肉包，有一種油膉味，同埋勁多肥豬肉，係最差！

今日同阿ta去左試鍋貼大王嘩...o係鑽石山行過去要行好耐lor...o係新蒲江好入的地方....叫左好多野食...兩個人食左7隻鍋貼,一杯豆漿,一碗碗仔翅,一碗皮豆足,一個牛肉包 同一個痴飯....d野食唔係想像中咁好食...d 鍋貼又唔熱...有點失望...不過價錢真係好平...好抵食...如果地方近市區d都會再試....但咁入就唔會了... ^^

今次選了菜肉雲吞麵, 有5大隻雲吞, 雲吞皮好滑, 肉餡有湯汁, 好夠味, 真的好好食, 而且價錢又抵, 好!另叫了碗豆腐花, 好大碗, 面灑上黃糖, 真是很久沒有食了, 好味好飽好滿足.

來這兒首選鍋貼, 因以這個價錢這個質量好難係其他地方找到, 且細食的人最啱, 因為即使堂食齋叫一兩隻都得, 唔會好似其他地方規定要叫一碟幾多隻 鮮肉鍋貼 $2 @ --年幾無來, 食評同之前一樣, 皮薄餡靚, 豬肉新鮮, 肥瘦適中--但仍然不夠熱, 美中不足 牛肉飽 $4 @--第一次食, 方方正正的外表, 裏面竟然係一粒圓型的餡--牛肉餡味太濃, 混和左太多香料--唔似香港風味, 好似去左大陸食咁, 因大陸樣樣野都落重味

其實前年成日都去新浦崗食lunch,但一直都冇試過. 因為佢門口同裡面都吸引唔到我入去不過見咁多人都話好,卒之去食啦.一行兩人~,叫一個鎮江骨麵,豬排雞翼麵,4隻窩貼同2杯豆漿.豆漿一般冇咩特別窩貼人人都話好但我食個時真係覺得一般,可能係唔夠熱既關係豬排雞翼麵,d野係即炸, 味道夠唔太咸, 可以話係中上而鎮江骨麵....真係好呀!好似樓下個位朋友話齋,個樣唔係好得, 但食落去味濃,夠冧!!!如果以價錢同味道比較一齊,個人覺得係100分啦.所以.....呢間野下似可以encore....不過環境始終都係差d