君滬鍋貼大王

營業中

休息中

由於是日在附近的味軒"四川麻辣米線"食完d"垃圾"，急急過黎為個肚仔"補飛"，外賣2隻鍋貼~~~食完後好滿足呢~~d鍋貼足料，新鮮熱辣，咬開一半係見倒裡面好多肉汁架~~~好juicy~~~食完2隻仲好味過頭先間米線，總知一早黎呢間食~~~

菜肉雲吞麪 $16 啲皮厚咗少少, 不過好多汁~又大碗, 食唔晒的....鍋貼$6 @3隻皮脆,料正, 汁多, 肉鮮!!上海粗炒$20 炒得好均勻, 夠煱氣, 不過少咗少少餸... 好似細細碟, 不過份量剛剛好~豆漿$3 跟麫價有豆味... 唔太甜, 又抵飲...good!!抵讚!服務合格, 不俗.環境不似傳統上海店, 好似啲食物連鎖店咁, 光線充足, 乾淨衞生.

我有時都同gf去依度食~price平, 食物ok好食~次次食到好飽都係4,50蚊左右~加上豆花好滑....炸饅頭好食!!唯一差d係地方...d位好逼, 加上次次都好多人去食!2個人去食差不多一定要搭枱~~

平時一個禮拜都會黎兩次,因為路過.呢度d野食真係好平~鍋貼$6(3件):本人冇乜研究~不過就覺得都幾惹味粢飯$8:好足料~~好好食豆腐花$6:好大碗好抵食,同埋都幾滑~~酸辣湯$13:普普通通咁la..仲有炸雞翼都唔錯~~~其它包類都食得過~~~總括黎講就係抵食夾大件~以咁既價錢,食物質素算係咁嫁喇~~

I tried their dumplings, quite juicy inside and crisp on the outside, same for the pan-fried beef buns. Soybean milk was ok too, not watery. Prices were reasonable, services were prompt. This fast food chain serves quite a variety of food besides dumplings, a good alternative to McDonLo.

都有定期去食。今次都係鍋貼、酸辣湯同牛展麵。鍋貼皮厚、濕兼食落有d散；酸辣湯得個辣字；d牛展薄o左又少o左。樓面伙計明顯減少o左所以顧唔掂又搞錯單。保持唔到水準就會面臨被淘汰，可惜呀。

鍋貼大王,名不虛傳成日見到大大個招牌上禮拜終於試左鍋貼: 一流,好香,好味,d肉好似係手剁,好鬆搞到隻鍋貼好full, 我聞到佢\煎緊發出果d 香味忍唔住叫多兩隻荵油餅: 好食, 炸到外表脆脆地生煎包: 一般可能唔夠新鮮,林左唔夠脆,但肉味好菜肉雲吞豬扒面: 一般,雲吞少餡,但佢\好似唔係用白菜,風味有別於一般上海菜,豬扒都係一般炸豬扒咁,個面林左d,無乜口感,行貨野但個湯阿媽話幾清,都算係咁咸豆漿: 差,唔夠香臨走見到人食痴飯, 裡面d 餡好似好full 咁好開心,下次要試下!我習慣裝下d 人叫d 咩食的!咁做就唔怕蝕底一search之下原來有十間分店, 失敬失敬

上次去長沙灣那間好差呀,但呢間截然不同,款式又多.食了牛肉包$3~正,牛肉好似手刴咁,又新鮮又多汁.生煎鍋貼$2~比較一般,但勝在皮夠薄.酸辣湯~較稠(即係好傑呀)

同bf 去食~牛月展麵~ 一般la~雲吞炸雞亦米~ 雲吞ok wor~鍋貼~ 好大隻~ 幾juicy~ 好味wor!豆漿~ ok~ 幾甜~2個人~ $50~真係抵~

今次再去無新開張那麼多人一家人叫了鍋貼, 牛肉包, 北菇菰雞飯, 雲吞麵, 雪菜肉絲麵.叫了太了肉類食物, 太飽了.北菇菰雞飯用膠盒盛戴, 味道也麻麻!其他都ok!

我今日行過就打算試下啦,,入面好多人,,所以就外賣我問個"不"野食果個人d野幾錢(上面牌有寫，個我眼鏡拿左去整，睇唔到)佢勁冇禮貌+不耐煩咁答我仲話‘唔好混吉啦,,唔識字架？’以後都唔去呀!!

將網主加埋荃灣分店....地址在新村街...今天下午行去街市買野...路經此店...叫左鍋貼$2/隻, 好熱...不過好油! 酸辣湯$12...好足料...油菜一碟$6...生菜(全走)...好大碟..抵食! 門口見有生煎牛肉包同豬肉包...買左俾屋企人食...佢地話好熱, 幾好食..! 上海野都係幾油...此店岩啲喜愛上海食物既朋友...食物新鮮....賣得快..平...!

仔仔今日早放學,見食評幾好,走去買啲試下.窩貼和牛肉包也普通啫,牛肉包啲餡唔係幾好味,都係貴記好味好多.

窩貼食完成晚都好想飲水...因人多, 煎時間唔夠所以唔脆皮唔厚但d 肉都ok 肥2蚊隻唔可以要求太多

端午節既下晝, 又唔想食糭, 見屋企附近新開了一間鍋貼大王既店舖, 我自己都幾鍾意食呢類野, 咁咪去試吓囉, 因為屋企人懶既關係, 所以就買外賣返屋企, 我屋企三個人, 就買咗以吓既食物一)菜肉雲吞上海麵(二)生煎豬、牛肉飽各兩個(三)鍋貼三隻(四)豬扒上海麵返到屋企, 首先食鍋貼, 超油又唔脆口, 生煎包就幾好味仲脆口肉又多汁,跟住開始食麵問題就來啦, 我地開咗菜肉雲吞先, 面層有五粒雲吞, 有小小雪菜係度, 下層係麵, 雲吞D皮又厚又整到穿晒, 一食D麵酸既, 咁我即刻話叫佢地唔好食啦, 點知阿婆話係唔係有D雪菜係度係雪菜D味來架, 老人家梗係話唔好浪費食物, 要食埋佢, 咁我無意見, 我都以為係我自己既味覺既問題, 我阿姨又照聽阿婆講照食佢既豬扒麵, 當晚五時開始, 各人開始出現嘔吐, 腹痛, 腹瀉既現象, 即刻睇醫生, 醫生話係細菌性食物中毒, 我覺得係上海麵出既問題, 總之本人以後都唔會再幫襯!!!