君旺燒臘茶餐廳 (已結業)

今日好熱好猛太陽呢，一到 lunch 就煩惱食咩好，行過見有位坐，是但啦。好采君旺冷氣夠強勁，舒舒服服嘆個燒味飯先。依家已經食到唔洗出聲師傅都知我非髀不愛喇 ﹗後生仔，今日食咩髀呀？依家連師父都認得我喇，次次唔係食雞髀就鵝髀呀。唔知點解今日燒肉雞飯係大熱呀，短短坐左三分鐘已聽到差不多廿個 order 喇，利害 ﹗非常專一地永遠切雞髀做膽，君旺油雞髀及燒雞髀供應架，但我始終覺得鹽焗切雞髀最好味 ﹗油雞太咸、燒雞太乾又太甜呢。我覺得君旺除切雞、叉燒外，燒肉、燻蹄、燒鵝都同樣好味 ﹗幫襯左幾年，仲未有機會試佢地既蒸餸飯，見到有蒸魚、肉餅、排骨、等等，早餐仲有粥同炒粉麵添。感冒照食雞，我都唔信街坊師拉話傷風唔食得雞，食係最緊要 ﹗而且我係鬼佬黎麻。何解君旺突然轉晒做發泡膠碟 ？感覺好差，硬係怪怪的，不太喜歡，cheap 鬼晒，好大陸 feel ﹗例湯，真係古惑的湯呢 ﹗加 HKD5 蚊都幾好飲，不過君旺任何一款例湯味道都無分別架，西洋菜、木瓜、青紅蘿蔔、黃瓜，都係差不多，好搞笑 ﹗粟米粉葛湯、佛掌瓜瘦肉湯、冬瓜眉豆湯、眉豆雞腳湯、西洋菜豬骨湯、節瓜瘦肉湯、眉豆瘦肉湯、排骨紅蘿蔔湯、西洋菜豬肺湯

紅磡廣場至庇利街，只有這一檔燒味飯，义鴨飯，走色，义燒，燒鴨，白飯 三樣都份量相當，义燒唔肥，九成半瘦，半成肥，所以太鞋口，加上肉質太乾，燒鴨，唔算太肥，但皮燒得唔脆，色淡淡兼啞色，肉質尚算彈口，白飯質感中等，唔會一舊舊，但唔夠熱，唯奶茶比想像中好，夠濃夠香

例湯，真係好搞笑，次次湯既顏色同味道都係一樣，但湯料係唔同架喎，真係估唔到佢係咩湯，不過最緊要夠火喉又無味精，好。切雞髀燒肉飯，雞肉依舊肥味魚甜，口感又嫰滑，肉汁豐富，實在太美味。燒肉咸香非常，軟硬適中，今次略肥，不過還可接受，但係啲皮唔夠脆喎，失手。白飯依然比較馬虎，著到一舊舊，太腍唔乾爽，飯香不足。

今日各同事都超忙，咁唯有各自搵食，好耐無黎食燒味喇 ~青紅蘿蔔雞腳湯，新湯水，但依間飯店無輪保咩例湯，佢啲顏色同味道都係一樣架喎，都幾搞笑。今次個湯依舊好味、又無味精。依家天氣凍冰冰，如果湯水溫度高反啲，熱騰騰又出晒煙就更好啦。燒肉切雞髀飯，嘩 ﹗超水準 ﹗化皮燒肉層皮真係脆都隔都聽到，卜卜脆。肉味香，肥瘦層次極平均，有脆有嫰有滑有趙口，正到痺。雞髀肉香味濃、質感滑溜， 又唔會太肥，好味道。白飯今日特別地比平時乾爽，唔會濕淋淋，唔知係咪因為天氣又凍又乾燥呢？

木瓜湯，估唔到今日例湯會係木瓜喎。當水果食我都會，但我最憎就係用木瓜煲湯，唔喜歡個味道。但依個例湯無嗰隻味喎，味道似普通瓜湯，反而好好飲，我好喜歡。可能係用生木瓜同甜到漏既熟木瓜煲湯既分別，生木瓜返而較適合。油雞髀乳豬飯，都係切雞髀好食啲。鼓油雞味道較為咸，甜味就唔多覺，而且肉質無切雞咁滑，不過雞味依舊夠香濃、口感都還可以。乳豬脆卜卜，不太肥，肉味濃，好味，點埋乳豬醬撈飯食，正。小插曲，見六個操國語食客，男女老幼同侍應阿姐雞同鴨講，原來好多香港人係唔識聽國語架喎，見無一個員工幫到忙，最後唯有手指指菜牌，再落錯埋 order，先搞清楚佢地食咩。本身我想幫吓口，見佢地搞到如火如荼，我都費事插咀，只送他們一個友善又無奈既微笑囉。原來係依個年頭仲有好多人係唔識聽普通話呢。

琴晚睇完無線蘇玉華同梁箏勁介紹啲燒味，搞到今日好想食，點知唔係淨係我咁諗，好多人同我一樣燒味癮起。去到飯店坐滿食客爆晒棚，仲有人等位添，真係無咩幾可，而且仲有好多人等緊外賣，痴左線，所以電視既宣傳非同小可。佛掌瓜雞腳花生湯，絕對一滴味精都無，原汁原味既例湯，味度不錯不錯。雖然佢地不論是日提供咩例湯，但係顏色都會係一樣架，諗落都幾搞笑。燒肉切雞髀飯，化皮燒肉脆卜卜，豬肉味濃、咸香宜人、口感鬆軟，勁好味。超滑嫰切雞脾好勁既肉汁，皮薄肉香又滑溜溜，甜豉油配啖啖肉雞髀，頂級享受。飯依舊偏軟，又唔可以話係濕既，只係個人比較喜歡食啲較乾爽又一粒粒既飯啫，依度都可接受啦。

在我黎講，主要食糧為牛同埋雞 ~ 差唔多日日都要叫雞先安樂，雞蛋、雞翼、雞胸、雞什、雞腳都愛，我仲係個髀痴黎架呢 ~叉油雞髀飯跟例湯，都係粉葛湯，無味精屋企湯，算係咁啦，都好夠味。豉油雞味道咸左啲，送飯都可以既。肉質感覺比切雞為乾，無切雞咁滑，不過同樣雞味濃，正啊。照牌叉燒，口感鬆軟又唔乾，有肉汁唔會鞋烚烚，味香且甜，就算我唔多好叉燒既，都覺得好食。

日日 lunch 諗食咩都諗爆頭，逛吓逛吓見君旺有位唔洗等，就再添食啦，依個星期已食左好幾次 ~切雞髀燒肉飯，好肥味既雞髀，又嫰又滑，雞味又濃。我一向都唔多喜歡點蔥油，討厭食到成口油，但點都要試一試，好香喎，落鹽既份量剛好，提升蔥油既味道，幾好喎。燒肉皮脆卜卜，只係唔多鍾意有啲偏肥，我較愛食肥瘦比例平均，口感軟棉、略帶咸香就最正。切雞髀叉燒飯，雞髀非常嫰滑，雞味又濃，保持高水準。叉燒半肥瘦，好味，入口軟棉，豬肉味濃又燒得香口。切雞髀乳豬飯，因柴米油鹽咪都脹價，今日開始加 HKD2，依碟飯要 HKD45，不過物有所值，真係幾好味，總比太興燒味平好多、又唔會好似海港咁番煎乳豬皮扮脆搵笨。雞髀肉質嫰滑鮮甜雞味濃且皮薄肉香。乳豬皮脆卜卜，新鮮無呃秤，肥瘦比例適中，咸香撲鼻。但始終終都係飯質較差，太濕、唔乾爽，太腍又黐笠笠。

放 lunch，落到街逛左十幾廿十分鐘都未知食咩好，行去君旺睇吓多唔多人啦，有位就坐低嘆個堂食燒味飯啦 ~ 好采大部份人都係外賣，可以坐低慢慢食，今次令我發現好多野喎 ~剛發現原來有八成既客人都食叉燒喎，仲有五成以上都食肥叉喎，原來係依度最出名，我都覺得啲叉燒真係唔錯 ﹗粉葛赤小豆瘦肉湯，是日例湯，無味精，非常好，但味道較清啖，可能今次落得太多水。但見坐我對面位叔叔叫左兩碗飲喎，見佢一身地盤打扮，可能工作忙或仍單身，所以少湯水飲掛。切雞髀叉燒飯，美味 ﹗剛發現叉燒係膽黎架，如果無左啲叉澆汁，食飯真係會好寡。又發現好多人都會走汁，唔通同我一樣發現左好多味精，食完好鬼頸渴？叉燒口感軟棉棉，甜甜地又肉香多汁，好味 ﹗切雞髀肉質又鮮又嫰，皮薄滑溜、身材適中、運動健康，必食之選 ﹗

君旺款款燒味大部份都做得好好味，特別係雞、鵝、叉燒同燒肉。係紅磡區黎講算中級，只係燒味豉油較多味精，有時食完會好勁喝，但係佢啲例湯又無點落味精喎 ~切雞髀燒肉飯，化皮燒肉，皮勁香勁脆，肉味白濃，咸香適宜，係略厭今次比較多肥膏，本人不太嗜肥呢。雞髀香滑，雞味濃、肉鮮、唔會過肥，有前有後身材 fit，好味。燒味豉油香甜，有陣時味精多左啲，搞到勁頸渴。白飯幾好，軟硬適中，唔會過濕或一舊舊，而且都有啲飯香。

行過這裡, 諗住食碗粥做早餐, 入到去, 原來選擇不多, 侍應亞姐介紹我食柴魚花生粥, 另外我要了一碟炒米粉。柴魚花生粥無乜柴魚, 反而有很多豬肉, 令我費解, 花生得幾粒, 我覺得這碗應該叫豬肉粥囉, 加上唔夠熱, 一d 都唔正囉!!炒米粉好硬, 都係唔熱, 對我這個喜歡吃熱騰騰食物的人來說, 全部都唔掂呀!!!!!

早上十一時許, 路經紅磡馬頭圍道, 未吃早餐的我, 有點肚餓感覺, 見到君旺燒臘茶餐廳有位, 就自自然然行入去醫肚!原來這裡除了燒味飯外, 仲有粥供應, 諗緊叫什麼之際, 侍應亞姐介紹柴魚花生粥, 雖然我不大喜歡吃柴魚, 但介紹得應該唔錯o卦, 所以就要了一碗柴魚花生粥和一碟炒麵。好快, 食物到, 粥底好綿, 亦好多柴魚和花生, 味道不像有味精的, 有點住家風味, 柴魚和花生都很焾, 但美中不足是不夠熱, 我比較喜歡熱騰騰的食物!炒麵方面, 非常大碟, 麵中有少許椰菜, 味道確實ok。埋單時才知原來$12 元就可以食到粥和炒麵兩種食物, 嘩! 真係好便宜, 又抵食。大家行過都可以試試喎~~

The 走地鹽焗雞is really great !! Not fat, young and 入味! Must try!!!